భారత సమాజంపై నక్సల్బరీ ప్రభావాలు: విజయాలు-సవాళ్లు- హైదరాబాద్ లో అఖిల భారత సదస్సు


భారత సమాజంపై నక్సల్బరీ ప్రభావాలు: విజయాలు-సవాళ్లు- హైదరాబాద్ లో అఖిల భారత సదస్సు

భారత

భారత సమాజంపై నక్సల్బరీ ప్రభావాలు: విజయాలు-సవాళ్లు

అఖిల భారత సదస్సు
9, 10 సెప్టెంబర్‌ 2017
సుందరయ్య విజ్ఞాన కేంద్రం, బాగ్‌లింగంపల్లి, హైదరాబాదు

విప్లవం వసంతంలా మొదలైంది. సాయుధ పోరాటం మేఘ గర్జన వలె ఆరంభమైంది. యాభై ఏళ్ల తర్వాత ఇప్పుడు ఈ తరం తలుచుకుంటే ఆశ్చర్యమే. ఎంత కవితాత్మకంగా ప్రజల చరిత్రలోకి వసంతం వలె నక్సల్బరీ ప్రవేశించింది? భారత విప్లవాకాశంలో వసంత మేఘగర్జనగా నక్సల్బరీని ఆనాటి చైనా కమ్యూనిస్టుపార్టీ వర్ణించింది. దేశంలో ఎక్కడో మారుమూల కొసకారు కొండల్లో ఆదివాసులు తిరగబడితే, ఆయుధమెత్తితే వసంతం పూసినట్లు జనమంతా అనుకున్నారు. తీవ్ర సాయుధంగానేగాక, నేలపై మట్టి పొరల నుంచి కరకు ఆచరణగానేకాక, అత్యంత కాల్పనిక శక్తి వలె నక్సల్బరీ నడిచి వచ్చింది. అందుకే ఆ వసంతం అడవులకే కాదు, మనుషుల ఊహలకు, ఉద్రేకాలకు, మేధో, సృజనాత్మకతలకు కూడా. విప్లవం ఒక గొప్ప భావన, ఒక గొప్ప నమ్మకం. శిరస్సు తెగిపడుతున్నా కనులలో వాడిపోని స్వప్నం. అందుకే నక్సల్బరీతో ఇక అన్నీ కొత్త ఆలోచనలే. కొత్త నిర్ణయాలే. కొత్త వైఖరులే. చరిత్ర ఎలా నిర్మాణం కావాలో ప్రజలు చూపిన కొత్త దారులే. భవిష్యత్తును కలగనే కవి అన్నట్లు అక్షరాలా దారి పొడవునా గుండె నెత్తురులే. ప్రజలు తీసుకున్న రాజకీయ నిర్ణయంతో వసంతంలా ఆరంభమైన విప్లవం వేలాది మంది నెత్తుటి మడుగుల్లోంచి భౌతికశక్తిగా వెల్లివిరిసింది. ఇప్పుడు దండకారణ్యమంతా, దేశంలోని ఆదివాసీ ప్రాంతాలంతా ఆ వసంత పరిమళాలే.

కవిని ఎంత ఉత్తేజపరిచే, దు:ఖపరిచే వాస్తవమిది! భవిష్యత్‌ శిఖరాలపైన ప్రజలు తమ శిరస్సునే ఎర్రని జెండాగా ఎగరేస్తానే ఆశ్వాసన కదా ఇది. లోలోపలి నుంచి ఎగసి వచ్చే చారిత్రక ప్రకటన కదా ఇది. యాభై ఏళ్లు.. ఈ కాలమే చరిత్రలో ఎన్ని పరీక్షలను ఎదుర్కొన్నది? లోపలా, బైటా సంక్షోభాలే. కన్నీటి వరదలే. నక్సల్బరీ తట్టుకొని లేచి నిలబడింది. ప్రతిసారీ అంతా అయిపోయిందనీ, ఇక ఏమీ ఉండదని, విప్లవాచరణే చాదస్తమనీ, కొడిగట్టిన వెలుగుల మరకలనీ అన్నారు. ఇలాంటి అంచనాలను, వ్యాఖ్యలను చారిత్రక శక్తిగా నక్సల్బరీ తల్లకిందుల చేసింది. తన యాభై ఏళ్ల ప్రయాణంలో నిగ్గుదేల్చింది. దీర్ఘకాలంగా బహుముఖ యుద్ధాన్ని ఎదుర్కొంటున్నది. నిజానికి తను కూడగట్టుకుంటున్న బలంతో పొల్చితే తలపడుతున్న శతృవు అత్యంత శక్తిసంపన్నం. అయినా సరే గెలిచే పక్షం ఇప్పటికి నక్సల్బరీయే అని రుజువైంది. అది దాని ఆచరణబలం, ప్రజాబలం, ఈ రెంటికీ దారి చూపే సిద్ధాంత బలం.

దేశంలోని అన్ని పార్లమెంటరీ పార్టీలు, ఓట్ల గోదాలో గెలవాలని ఉబలాటపడుతున్న శక్తులు, సాంఘిక విముక్తికి బ్యాలెట్‌ సమీకరణాల తయారీలో తలమునకలైన వ్యక్తులు.. ఒకరేమిటి..అందరూ రాజకీయంగా ఒక పక్షం. నక్సల్బరీ మాత్రమే ఏకైక ప్రత్యామ్నాయంగా మరో పక్షం. అతి సున్నితమైన మానవ సంబంధాల దగ్గరి నుంచి వ్యవస్థలు నడవడానికి కావాల్సిన భౌతిక నియమాల దాకా అన్నిటికీ ఒక్క మావోయిస్టు దృక్పథంలోనే ప్రత్యామ్నాయ ఆలోచనలు ఉన్నాయి. వీలైన చోటల్లా ఇప్పటికే ఆచరణ రూపాలూ ఉన్నాయి.

యాభై ఏళ్లలో నక్సల్బరీ సాధించింది ఏమిటి? అనే నిష్కర్ష చేసేవాళ్లున్నారు. ఇది తప్పక చేయవలసిన పని. నిజంగానే రాగద్వేషాలకు అతీతంగా ప్రజా దృక్పథంతో ఆ పని చేయాలి. ఒక చిన్న తిరుగుబాటుగా మొదలైన నక్సల్బరీ ఇవాళ అన్ని రంగాలకు తానే ప్రత్యామ్నాయమైంది. ఇదీ నక్సల్బరీ విజయం.

అందవల్ల ఇది తప్పక వేడుక చేసుకోవాల్సిన తరుణం. అంత మాత్రమేనా? నక్సల్బరీ ప్రభావాలూ, విజయాలే కాదు. దానికి సవాళ్లు కూడా ఉన్నాయి. తాను మార్చాలనుకుంటున్న వ్యవస్థలు ఎంత జటిలమైనవో, బలమైనవో, వందల వేల సాంఘిక సాంస్కృక మూలాలపై నిర్మాణమైనవో నక్సల్బరీకి తెలుసు. అంటే నక్సల్బరీకి తన శతృవు గురించి బాగా తెలుసు. ఇవాళ తెలుసుకోనివి రేపైనా తెలుసుకోక తప్పదనే ఎరుక ఉన్నది. ఆ రాజకీయ సుగుణం నక్సల్బరీ సొంతం.

ఆ సంగతి విప్లవ రచయితల సంఘానికీ తెలుసు. నక్సల్బరీ ఆనుపానులు, వికాస సంక్షోభాలు, సవాళ్లు, వాద ప్రతివాదాల సారాంశాలు విరసంకు తెలుసు. ఆ అవగాహనతోనే సాహిత్య, మేధో రంగాల్లో విప్లవోద్యమ విస్తృతిని చిత్రిస్తున్నది. అట్టడుగు ప్రజల సాంఘిక సాంస్కృతిక జీవితాన్ని చిత్రిస్తున్నది. వాళ్ల విముక్తి పోరాటాలతోపాటు నడుస్తున్నది. వర్గ దోపిడీ, కుల పీడన, పితృస్వామ్య అణచివేత, బ్రాహ్మణీయ హిందూ ఫాసిజం, తెగలు, జాతుల విముక్తి ఆకాంక్షలను అక్షరబద్ధం చేస్తున్నది. ఈ క్రమంలో నక్సల్బరీ ఈ నేలమీద ఒక విప్లవశక్తిగా ఎదుగుతున్నదో ఈ యాభై ఏళ్లుగా వ్యాఖ్యానిస్తున్నది. సూత్రీకరిస్తున్నది. దాని ప్రేరణతో తన సృజన శక్తిని విస్తరింపజేసుకుంటున్నది. నక్సల్బరీని కళాత్మకంగా పునర్నిర్మించే పని శాయశక్తులా చేస్తున్నది. నిజానికి స్వతహాగా నక్సల్బరీనే కళాత్మకమైనది. నక్సల్బరీ పక్షాన నిలబడటమే ఒక గొప్ప కళానుభవం. అందుకే విప్లవ రచనల్లో ఆ ఉద్వేగమూ, అత్యంత సునిశితమైన అంతర్‌దృష్టీ. ఈ యాభై ఏళ్ల చారిత్రక సందర్భంలో ఆ రెంటినీ నక్సల్బరీ పట్ల విరసం ఎలా ప్రదర్శించకుండా ఉంటుంది? అందులో భాగమే ఈ సదస్సు. నక్సల్బరీ ప్రభావాలు, విజయాలు వివరించుకోడానికి, సవాళ్లను సాహసికంగా చర్చించడానికి ఏర్పాటు చేస్తున్నాం.

కార్యక్రమం

9 సెప్టెంబర్‌ ఉదయం 10 గంటలకు పతాకావిష్కరణ

10.30కి మొదటి సెషన్‌ ప్రారంభం

అధ్యక్షత: సిఎస్‌ఆర్‌ ప్రసాద్‌

భారత సమాజంపై నక్సల్బరీ ప్రభావాలు: విజయాలు-సవాళ్లు

కీ నోట్‌ పేపర్‌ - వరలక్ష్మి, విరసం కార్యదర్శి

నక్సల్బరీ- భారత పీడిత ప్రజల విముక్తి మార్గం: సలీం

ఉమ్మడి ఆంధ్రప్రదేశ్‌ విప్లవోద్యమ చరిత్ర - గుణపాఠాలు: రాఘవులు

ఆంధ్రప్రదేశ్‌లో విప్లవోద్యమ ప్రభావాలు-విజయాలు-సవాళ్లు: జి. కళ్యాణరావు

1.30కి భోజన విరామం

2.30కి రెండో సెషన్‌ ప్రారంభం

అధ్యక్షత: ఉజ్వల్‌

హర్యాణా సమాజంపై నక్సల్బరీ ప్రభావం: అజయ్‌

పంజాబ్‌లో విప్లవోద్యమం-వ్యవసాయక విప్లవ అనుభవాలు: సుఖ్విందర్‌

తెలంగాణలో నక్సల్బరీ విజయాలు: జి. ఐలన్న

మహారాష్ట్రలో వర్గపోరాటాలు: సుధీర్‌ ధావ్‌లే

ఉత్తరప్రదేశ్‌లో విప్లవోద్యమ అనుభవాలు: సీమా అజాద్‌

యాభై ఏళ్ల నక్సల్బరీ-ప్రత్యామ్నాయ అభివృద్ధి పంథా: పూర్ణేందు శేఖర్‌ ముఖర్జీ

6.00 గంటలకు మూడో సెషన్‌

అధ్యక్షత: రత్నమాల

కేరళలో విప్లవోద్యమం: రావుణ్ని

బీహార్‌ జార్ఖండ్‌లో నక్సల్బరీ ప్రభావాలు, విజయాలు, సవాళ్లు-నతాష్‌

ఉత్పత్తి సంబంధాల చర్చ - భారత అర్ధ వలస, అర్ధ భూస్వామ్యం: ఎన్‌ వేణుగోపాల్‌

ప్రజా సంఘాలు-ప్రజాపంథా: ఎన్‌. రవి

నక్సల్బరీ నుంచి లాల్‌ఘడ్‌ దాకా: ప్రొ. అమిత్‌ భట్టాచార్య

పౌరహక్కులు-న్యాయ వ్యవస్థ: ప్రొ. శేషయ్య

10 సెప్టెంబర్‌ ఉదయం 10 గంటలకు మొదటి సెషన్‌ ప్రారంభం

అధ్యక్షత: ఎం.ఎ. బాసిత్‌

ఒకే ప్రత్యామ్నాయం నక్సల్బరీ: మడ్కం విజయ్‌

పంజాబ్‌లో నక్సల్బరీ విప్లవోద్యమం: బారూ సత్వర్గ్‌

స్త్రీ విముక్తి-వర్గపోరాటాలు- నక్సల్బరీ పంథా: బి. అనూరాధ

తెలంగాణలో ఆదివాసులు, దళితులపై విప్లవోద్యమ ప్రభావం:ఎన్‌. రజిత

దళిత పోరాటాలు-నక్సల్బరీ: ఆనంద్‌ తెల్తుంబ్లే

1.30కి భోజన విరామం

2.30కి రెండో సెషన్‌ ప్రారంభం

అధ్యక్షత: నల్లూరి రుక్మిణి

సామాజిక ఉద్యమాలపై నక్సల్బరీ ప్రభావం: వెర్నన్‌ గొన్‌సాల్వెస్‌

భారత రాజ్య వ్యవస్థ స్వభావం-దాని పని విధానంలో మార్పులు: ప్రొ హరగోపాల్‌

బెంగాలీ కళా సాహిత్యాలపై నక్సల్బరీ: కంచన్‌కుమార్‌

తెలుగు సాహిత్య కళా సాంస్కృతికోద్యమంపై నక్సల్బరీ ప్రభావం: అల్లం రాజయ్య

ఒడియా సాంస్కృతికోద్యమంపై నక్సల్బరీ ప్రభావం: లెనిన్‌

సాయంత్రం 5.30కి బహిరంగ సభ

అధ్యక్షత: వరలక్ష్మి

వక్తలు: వీరాసాధి(నాగపూర్‌), వరవరరావు

వివిధ రాష్ట్రాల కళా సంస్థల సాంస్కృతిక కార్యక్రమాలు, పుస్తకావిష్కరణలు ఉంటాయి.

పంజాబ్‌: సుఖ్విందర్‌, బారూ సత్వర్గ్‌

హర్యాణ: అజయ్‌

ఉత్తరప్రదేశ్‌ : సీమా అజాద్‌

మహారాష్ట్ర : సుధీర్‌ ధావ్‌లే

పశ్చిమ బెంగాల్‌: పూర్ణేందు ముఖర్జీ

కేరళ : ఎం ఎన్‌ రావుణ్ణి

ఉమ్మడి ఆంధ్రప్రదేశ్‌

తెలంగాణ, దండకారణ్యం, ఏవోబీ, బీహార్‌, జార్ఖండ్‌ తదితర ప్రాంతాల్లో విప్లవోద్యమ అనుభవాలు, విజయాలు, సవాళ్ల గురించిన పత్రాలు..

...

తెలుగు సాహిత్య కళారంగాలపై నక్సల్బరీ ప్రభావం: అల్లం రాజయ్య

బెంగాలీ సాహిత్య కళారంగాలపై నక్సల్బరీ ప్రభావం: కంచన్‌కుమార్‌

సాంఘిక ఉద్యమాలపై నక్సల్బరీ ప్రభావం: వెర్నన్‌, ఆనంద్‌ తేల్తుంబ్లే

స్త్రీ విముక్తి-వర్గపోరాటాలు- నక్సల్బరీ పంథా: బి. అనూరాధ

వ్యవసాయ రంగంలో మార్పులు- భారత అర్ధ వలస అర్ధ భూస్వామ్యం: ఎన్‌ వేణుగోపాల్‌

ప్రజా సంఘాలు-ప్రజాపంథా: ఎన్‌ రవి

పౌరహక్కులు-భారత న్యాయ వ్యవస్థ: ప్రొ. శేషయ్య

భారత రాజ్య వ్యవస్థ స్వభావం-దాని పని విధానంలో మార్పులు: ప్రొ హరగోపాల్‌

ప్రత్యామ్నాయ అభివృద్ధి నమూనాలు-దండకారణ్యం: డా. ముదునూరి భారతి

తెలంగాణలో విప్లవోద్యమం: ప్రభావాలు-విజయాలు-సవాళ్లు: సి. కాసీం

ఆంధ్రప్రదేశ్‌లో విప్లవోద్యమం: ప్రభావాలు-విజయాలు-సవాళ్లు : జి. కళ్యాణరావు

నక్సల్బరీ నుంచి లాల్‌ఘడ్‌ దాకా..: ప్రొ. అమిత్‌ భట్టాచార్య

ఒడియా సాహిత్య కళా రంగాలపై నక్సల్బరీ: లెనిన్‌

ఇంకా మరి కొందరు నక్సల్బరీ ప్రభావం, విజయాలు, సవాళ్ల గురించిన పత్రాలు ఇస్తారు.

10వ తేదీ సాయంకాలం బహిరంగ సభ ఉంటుంది.

ఈ రెండు రోజులు పుస్తకావిష్కరణలు, చేతనా నాట్యమంచ్‌, మహారాష్ట్ర సాంస్కృతిక బృందం, ప్రజా కళామండలి, విరసం సాంస్కృతిక బృందం, డప్పు రమేష్‌ బృందం సాంస్కృతిక కార్యక్రమాలు, ఉంటాయి. అందరినీ ఇదే ఆహ్వానం.

- విప్లవ రచయితల సంఘం

Keywords : 50 years naxalbari, virasam, hyderabad, maoists
(2018-01-17 10:12:20)



No. of visitors : 526

Suggested Posts


మహాశ్వేతా దేవి - మన తెలంగాణ సాగర హారంః వరవర రావు

మన మహా సాగరహారం ʹచలో హైదరాబాద్ అంటూ తెలంగాణ మార్చ్ చేసిన సెప్టెంబర్ 30, 2012 మహత్తర మధ్యాహ్నం మహాశ్వేతాదేవి కూడా మన ఊర్లో ఉన్నారు. ఆ రోజు ఆమెను మన మధ్యకు తెచ్చుకొని ఉంటే....

సెప్టెంబర్ 17 - ఇండియన్ యూనియన్ సైనిక దురాక్రమణ దినం - వరవరరావు

1947 ఆగస్ట్ 15న విలీనానికి అంగీకరించకుండా షరతులు విధిస్తూ వచ్చిన నిజాంను నెహ్రూ - పటేల్ ప్రభుత్వం సగౌరవంగా, సాదరంగా చర్చలకు ఆహ్వానించింది. అప్పటికే నిజాంను వ్యతిరేకిస్తూ వీరోచిత పోరాటం నడుపుతున్న కమ్యూనిస్టులను మాత్రమే కాదు, కనీసం కాంగ్రెస్ ను కూడా ఈ చర్చల్లో భాగం చేయలేదు....

ʹఅరుణోదయʹ పై పోలీసుల దాడిని ఖండించిన విరసం

తెలంగాణ ఉద్యమంలో ఆట పాటతో ఆరుణోదయ కళాకారులు గ్రామ గ్రామాన తిరిగి ప్రజల్లో ప్రత్యేక తెలంగాణ ఉద్యమ స్ఫూర్తిని రగిలించారు. తెలంగాణ రాష్ట్ర ఏర్పాటుకు తమ వంతు కృషి చేశారు. ఆ సంస్థ కార్యాలయాన్ని దౌర్జన్యంగా మూసేయడం అత్యంత నిరంకుశమైన......

ఎస్సీ రిజర్వేషన్ వర్గీకరణ పోరాటానికి విరసం మద్దతు

అట్టడుగున ఉన్న మనిషికి ఫలితాలు అందినప్పుడే సామాజిక న్యాయం జరిగినట్టు లెక్క. మాదిగ, డక్కలి, చిందు, మాష్టి, బుడగజంగం, దాసరి, బేగరి కులాలకు ఈ నాటికీ ఎస్సీ రిజర్వేషన్ ఫలాలు అందడం లేదు....

ఆ నిండైన సాహిత్య సామాజిక జీవితం రచయితలందరికీ ఆదర్శం - విరసం

ʹరచయితలందరూ తమ తరానికి జవాబుదారులు; తమకు తాము జవాబు చెప్పుకోవాల్సిన వాళ్ళు... అంతస్సాక్షి ఉన్న రచయిత పీడిత ప్రజల పక్షాన దృఢంగా నిలవాలి. అలా కాకపోతే ఆ రచయితల్ని నిర్దోషులుగా నిర్ణయించే ప్రశ్నే లేదు.ʹ....

ʹఆయన జైల్లోనే చనిపోతారేమోʹ

90 శాతం అంగవైకల్యం కలిగిన సాయిబాబాను అన్యాయంగా జైల్లో పెట్టారని.. ఆయనేమైనా యుద్ద ఖైదీనా..? ప్రభుత్వ అనాలోచిత చర్యతో యుద్ధఖైదీ మాదిరి ఆయన జైల్లోనే తుది శ్వాస విడిచే పరిస్ధితి వచ్చిందని ...

చలసాని స్మృతిలో... - కే.కుమార్ వర్మ

బొడ్డపాడు నడిబొడ్డులో అమరవీరులను స్మరిస్తూ ఎర్ర జెండా చేతబట్టి తామాడ గణపతి ఇంటిముందునుండి దండుగా కదులుతున్నట్లుంది...

అమరుడు బొజ్జా తారకం — ʹనది పుట్టిన గొంతుకʹ - వరవరరావు

గోదావరి తెలంగాణలో ప్రవేశించిన నిజామాబాద్ కు 1968లో వచ్చిన తారకం గారు ఇక్కడి మట్టిలోని ఎరుపులోనూ, ఇక్కడి నీళ్లలోని ప్రవాహ గుణంలోనూ కలగలిసిపోయారు. 1968 నుంచి 78 దాకా ఒక దశాబ్దం పాటు విప్లవోద్యమాలకు, విప్లవ సాహిత్యానికి నిజామాబాద్ చిరునామా బొజ్ఞాతారకం....

ప్రజల కోసం సముద్రం వలె గర్జించిన తారకం - విరసం

తండ్రి దళిత ఉద్యమ వారసత్వాన్ని చిన్న వయసు నుండే స్వీకరించిన తారకం గారు సాంస్కృతిక కార్యకర్తగా, విద్యార్థి ఉద్యమకారుడిగా తన సొంతవూరిలో దళిత యువకుల్ని సంఘటితం చేశారు. వర్గపోరాట రాజకీయాలతో ప్రభావితమై విరసం వ్యవస్థాపక సభ్యుల్లో ఒకరైనారు....

తెలంగాణలో దొరల పాలన నడుస్తోంది

తెలంగాణ రాష్ట్రం ఏర్పడిన తర్వాత కూడా దొరల పాలన నడుస్తోందని విరసం నేత వరవరరావు ధ్వజ మెత్తారు. నల్లగొండలో జరుగుతున్న డీటీఎఫ్‌ విద్యా వైజ్ఞానిక నాలుగో రాష్ట్ర సభలు సోమవారం ముగిశాయి. చివరిరోజు ముఖ్యఅతి«థిగా హాజరయ్యారు. ఈ సందర్భంగా ఆయన మాట్లాడుతూ రాష్ట్రంలో కేసీఆర్‌సహా ఆ నాలుగు కుటుంబాలు మాత్రమే ప్రయోజనం పొందాయన్నారు.....

Search Engine

చేగువేరా కూతురు డాక్టర్ అలీదా గువేరా తో ఇంటర్వ్యూ
హైదరాబాద్ మెట్రో రైలు ప్రాజెక్టు.... అసలు కథ‌ !
Full text of letter: Four senior judges say situation in SC ʹnot in orderʹ
ʹఐలవ్ ముస్లిమ్స్ʹ అన్నందుకు ఓ అమ్మాయిని వేధించి, వేధించి చంపేసిన మ‌తోన్మాదులు...బీజేపీ నేత అరెస్టు
On BheemaKoregaon, Media Is Criminalising Dalits: 4 Things That Are Wrong With The Coverage
Maoists raise its head again, form people’s committees in Kerala
తెలంగాణలో పెచ్చుమీరుతున్న ఇసుక మాఫియా ఆగడాలు.. ట్రాక్టర్ తో గుద్ది వీఆరేఏ హత్య‌ !
న్యూఇయర్ వేడుకలు జరుపుకున్నందుకు దళితులపై అగ్రకుల ఉగ్రమూక దాడులు ... ఇండ్లు కూల్చి వేత‌
కోరేగావ్ అప్డేట్స్ : దళితులపై దాడులు చేసినవారిని వదిలేసి జిగ్నేష్, ఉమర్ లపై కేసులు !
హిందుత్వశక్తుల అరాచకాలపై గళమెత్తిన దళిత శక్తి... మహారాష్ట్ర బంద్ సక్సెస్
భీమాకోరేగావ్ స్పూర్తి... హిదుత్వ దాడులపై గర్జించిన దళితలోకం.. ముంబై బంద్ విజయవంతం
ఉన్మాదుల ఇష్టారాజ్యానికి సమాజాన్ని వదిలేస్తారా?
OPPOSE THE BAN IMPOSED BY JHARKHAND GOVERNMENT ON MAZDOOR SANGATHAN SAMITI
A Close Encounter With A Modi-Bhakt
Down with the shameful betrayal and surrender of Jinugu Narasinha Reddy - Maoist Party
ABVP కి తెలంగాణ విద్యార్థి వేదిక సవాల్ !
జంపన్న పార్టీకి ద్రోహం చేశాడు..ఏడాది క్రితమే ఆయనను సస్పెండ్ చేశాం..మావోయిస్టు పార్టీ
ఆదివాసులు, లంబాడాల సమస్య పరిష్కారానికి....సూచనలు... విఙప్తి
దాస్యాన్నే ఆత్మగౌరవంగా ప్రకటించుకున్న తెలుగు మహాసభలు - వరవరరావు
విప్లవ రచయితల సంఘం 26వ మహా సభలను విజయవంతం చేద్దాం
మావోయిస్టు మున్నా స్తూపాన్ని కూల్చేయాల‌ట‌ !
Letter of Inquilab family rejecting Sahitya Akademi award !
పోలీసు సంస్కృతి చెల్ల‌దు : టీవీవీ మ‌హాస‌భ‌ల్లో ప‌్రొఫెస‌ర్ హ‌ర‌గోపాల్‌
నిర్బంధాలు గ‌డ్డిపోచ‌తో స‌మానం : టీవీవీ రాష్ట్ర కార్య‌ద‌ర్శి మ‌ద్దిలేటి
జైల్లోనైనా స‌భ‌లు జ‌రుపుతాం : TVV అధ్య‌క్షుడు మ‌హేష్‌
more..


భారత