రోహిత్‌ వేముల.. విలాస్‌ గోఘ్రే..ప్రభాకర్‌ మచ్చ...పాలకుల హత్యలు -వరవరరావు


రోహిత్‌ వేముల.. విలాస్‌ గోఘ్రే..ప్రభాకర్‌ మచ్చ...పాలకుల హత్యలు -వరవరరావు

రోహిత్‌

రోహిత్‌ వేముల ఆత్మహత్య స్మృతిబద్ధ హత్య. ఆయన నీలాకాశంపై అరుణకాంతిని కలగన్నాడు. అవాజ్‌ నాట్యమంచ్‌ కళాకారుడు విలాస్‌ గోఘ్రేది రాజ్య ప్రేరేపిత ఆత్మహత్య. ప్రభాకర్‌ మచ్చది టెరరిస్టు రాజ్య ప్రేరేపిత హత్య. వ్యక్తులుగా, వైయక్తిక కారణాలు కూడా తక్షణ ప్రేరణలుగా ఉరి కొయ్యలకు వేలాడిన వారుగానే వీరు కనిపించవచ్చు. కానీ ఆ ఉరి తీయబడిన శిరస్సు చెప్తున్న బహిరంగ రహస్యం ఏమిటి?

భీమాకోరేగాఁవ్‌ అమరుల ద్విశత సంవత్సర సంస్మరణ సందర్భంగా వేలాది మంది ప్రదర్శకులపై సంఘ్‌పరివార్‌ మూకలు రాళ్లతోనూ, సాయుధంగానూచేసిన దాడిలో రాహుల్‌, బతంగ్‌లే అనే ఇద్దరు దళిత యువకులు అమరులయ్యారు. పోలీసులు అరెస్టు చేసిన వివిధ ప్రజాసంఘాల ప్రదర్శకుల్లో ఎనిమిది మందికి మావోయిస్టు పార్టీతో సంబంధాలున్నాయని యుఎపీఎ కింద కేసు పెట్టారు. వాళ్లంతా తెలంగాణకు చెందిన దళిత, బడుగు వర్గాల కార్మికులు. రిలయెన్స్‌ ఎలక్ట్రికల్స్‌లో కాంట్రాక్టు వర్కర్స్‌గా పని చేస్తున్నారు. జనవరి 13న అరెస్టు చేసి చిత్రహింసలు పెట్టి 15న కోర్టులో హాజరుపరచి మళ్లీ రెండు వారాలు పోలీసు కస్టడీకి తీసుకొని మావోయిస్టు పార్టీతో సంబంధాలున్నాయని ఆరోపిస్తూ కోర్టుకు అప్పగించి జైలుకు పంపారు. వారిలో దాసరి అజయ్‌ (కృష్ణ, మహేశ్‌) ఘోశాఖ లింగయ్య (వేణుగోపాల్‌, వేణు వెల్గోట) మావోయిస్టులని వారిలో మిగతా ఆరుగురు కుట్రలో భాగస్థులని ఆరోపణ.

పోలీసుల కథనం ప్రకారమే మిగతా ఆరుగురు ముద్దాయిలలో కోర్టులో హాజరుపరచని, ప్రభాకర్‌ నారాయణ మచ్చ కూడా ఉన్నాడు. ఆయనే మన అందరికీ తెలిసిన రచయిత మచ్చ ప్రభాకర్‌. ఆయన గురించే జనవరి 23న ఆత్మహత్య చేసుకున్నాడని భావించడం, ప్రచారం చేయడం జరిగింది. మాయేకర్‌ అనే పోలీసు ఆధికారి తాను, తన బృందం ప్రభాకర్‌ను కస్టడీలోకి తీసుకున్నట్లు ఎఫ్‌ఐఆర్‌లో పేర్కొన్నాడు. విచారణాధికారి అసిస్టెంట్‌ పోలీసు కమిషనర్‌ ప్రభాకర్‌ నారాయణ మచ్చాను కస్టడీలోకి తీసుకున్నాం గానీ, ఆ రోజే విడుదల చేసామని పేర్కొన్నాడు. కేసు డైరీలో కూడ ఈ అంశం ఉంది. అయితే మనందరికీ తెలిసిన సుప్రసిద్ధ తెలుగు రచయిత, తెలుగు మరాఠి సమాజ సాహిత్య నాలుగు దశాబ్దాల వారధి, ముఖ్యంగా దళిత, బడుగు వర్గాల, మార్గదర్శి, ప్రజాస్వామిక, విప్లవశక్తుల పరిణత మిత్రుడు ఎప్పుడు అరెస్టయినట్లు? ఏదైనా పోలీసు స్టేషన్‌కు తీసుకపోయారా? ఇంటికే వచ్చి యాంటీ టెరరిస్టు స్క్వాడ్‌ (ఎటీఎస్‌) పోలీసు బృందం ప్రశ్నించిందా? జనవరి 23 ఉదయం ఆయన ఫ్లాట్‌లో ఉరి వేసుకున్నట్లు కొడుకు చెప్పిన ప్రభాకర్‌ మానసిక స్థితి ఏమిటి? పోలీసుల ప్రశ్నలు, వేధింపులు, యుఎపీఎ కేసులో మావోయిస్టు సంబంధాలు చూపినందుకు ఒత్తిడికి గురయ్యాడా?

మానసికంగానే కాకుండా శారీరకంగా కూడా హింసించారా? తెలియదు. మరీ ముఖ్యంగా నాలుగు దశాబ్దాలు ముంబైలో బట్టల మిల్లు కార్మికుడిగా, ఉపాధ్యాయుడిగా, రచయితగా, సామాజిక కార్యకర్తగా వేలాది మందికి పరిచయమున్న ప్రభాకర్‌ మృతదేహాన్ని పోలీసుల ఒత్తిడితోనే తన స్వస్థలమైన పోత్గుల్‌ (సిరిసిల్ల)కు తీసుకువచ్చి అంత్యక్రియలు చేసారా- అని అనుమానాలు కూడా వస్తున్నాయి. మిగతా ఏడుగురిని పోలీసు కస్టడీకి తీసుకొని ప్రశ్నించినప్పుడు ఒక యువకునితో ఎటీఎస్‌ అధికారి ʹఇంకొక కార్మిక నాయకుడు కూడా ఉన్నాడురా, వాని భార్య చనిపోయి పది రోజులే అయింది కనుక వాణ్ని తీసుకరాలేదుʹ -అని అన్నాడట. ఈ కార్మికులకెవ్వరికీ అప్పుడది తామందరూ టీచర్‌గా భావించే అరవై ఐదేళ్ల మచ్చ ప్రభాకర్‌ సార్‌ అని తట్టలేదు. జనవరి 2న మచ్చ ప్రభాకర్‌ సహచరి అనారోగ్యంతో మరిణించింది. ఆ వియోగం, ఒంటరితనం ప్రభాకర్‌ను ఆత్మహత్యకు పురికొల్పి ఉంటాయని అందరూ భావించారు. భీమాకోరేగాఁవ్‌ సంఘటనల నేపథ్యంలో, ప్రదర్శనల్లో స్వయంగా పాల్గొనక పోయినా ప్రధాన నిందితుల్లో ఒకరిగా యాంటీ టెరరిస్టు స్క్వాడ్‌ ఆరోపించిన మచ్చ ప్రభాకర్‌ మరణాన్ని ఆయన సామాజిక, సాహిత్య, సాంస్కృతిక రాజకీయ చైతన్య నేపథ్యంలో కేవలం ఆత్మహత్యగానే భావించవచ్చా? భార్యా వియోగమన్న తక్షణ వ్యక్తిగత వేదనకు సమకాలీనంగానే భీమాకోరేగాఁవ్‌ ఘటనలు జరిగాయి. అందులో ఇద్దరు దళిత యువకులు అమరులయ్యారు.

సరిగ్గా ఇరవయ్యేళ్ల క్రితం రమాబాయ్‌నగర్‌లో అంబేద్కర్‌ విగ్రహానికి ఎవరో దుండగులు చెప్పుల దండ వేసినప్పుడు చెలరేగిన ఆగ్రహ ప్రదర్శనలపై సీఆర్‌పీఎఫ్‌ కాల్పులు జరిపితే పదకొండు మంది దళితులు మరణించారు. వారి శవాలను పశు కళేబరాల వలె మునిసిపల్‌ ట్రక్కులో వేసుకొని పోయిన దృశ్యాలను చూసి చలించిన విలాస్‌ గోఘ్రే ఉరి పెట్టుకొని చనిపోయాడు.

అవును, అప్పుడు విలాస్‌ గోఘ్రే ఉరిశిక్షకు కూడా ఒక తక్షణ వ్యక్తిగత సమస్య కారణమైంది. బొంబాయి ఘట్కోపర్‌ మురికివాడలో అరవై గజాల తమ ఇరుకు ఇంటికి చేతికెదిగిన కొడుకు నవ వధువును తోడ్కొని వస్తున్నాడు. ఆ యువ జంట ప్రైవసీకి తన ఇంట్లో తావు ఏది? లాల్‌ భీమ్‌లు ఏకం కావాలనే మరణ వాగ్మూలంతో ఆయన ఉరికంబమెక్కాడు. అది వ్యక్తిగతమా?

రోహిత్‌ వేముల ఆత్మహత్య స్మృతిబద్ధ హత్య. ఆయన నీలాకాశంపై అరుణకాంతిని కలగన్నాడు. అవాజ్‌ నాట్యమంచ్‌ కళాకారుడు విలాస్‌ గోఘ్రేది వ్యవస్థ, రాజ్య ప్రేరేపిత ఆత్మహత్య. ప్రభాకర్‌ మచ్చది టెరరిస్టు రాజ్య ప్రేరేపిత హత్య. వ్యక్తులుగా, వైయక్తిక కారణాలు కూడా తక్షణ ప్రేరణలుగా ఉరి కొయ్యలకు వేలాడిన వారుగానే వీరు కనిపించవచ్చు. కానీ ఆ ఉరి తీయబడిన శిరస్సు చెప్తున్న బహిరంగ రహస్యం ఏమిటి?

సిరిసిల్ల యువకుడు మచ్చ ప్రభాకర్‌ను, మహారాష్ట్ర కళాకారుడు విలాస్‌ గోఘ్రేను కలిపింది బొంబాయి బట్టల మిల్లు చరిత్రాత్మక సమ్మె (1981). అది ఒక సంవత్సరంపైగా నడి చింది. అప్పటికి ప్రభాకర్‌ 18 సంవత్సరాల యువకుడుగా సిరిసిల్ల నుంచి నిర్బంధాన్ని తట్టుకోలేక పొట్ట చేతబట్టుకొని బొంబాయి వెళ్లి బట్టల మిల్లులో కార్మికుడుగా చేరాడు. ఒక గుజరాతీ స్కూల్లో అటెండర్‌గా విలాస్‌ గోఘ్రే మిల్లు షిప్టు సమయాల్లో సమ్మె ప్రదర్శనలను ఉత్సాహపరచడానికి ʹనది పుట్టిన గొంతుకʹ అయ్యాడు. ఆ నది ఉరవడి తగ్గి మైదానంలో నిదాన ప్రవాహమైనట్లు టీచర్‌గా, రచయితగా, బుద్ధిజీవిగా పరిణతి చెందినవాడు ప్రభాకర్‌. కాని ఆయనలో ఆ సిరిసిల్ల చేనేత కార్మికుల జీవితమూ- పోరాటమూ కలనేత వలె కలిసి ఉన్నాయి. ఈ బట్టల మిల్లు కార్మికుల సమ్మెకు సంఘీభావం కోసం జగిత్యాల కొచ్చి తెలంగాణ కార్మికులకు కదిలించాలని ఆశించి ఎన్‌కౌంటర్‌లో అమరులైన అంకం నారాయణ, వాసం గజేందర్‌ ఆదర్శం ఉన్నది. ఆయన సిరిసిల్ల ఆంధ్ర మహాసభ మొదలు ముంబైలో ప్రత్యేక తెలంగాణ సంఘీభావ ఉద్యమం వరకు చరిత్రను ఒక గత వర్తమానాల సంభాషణగా చదువు కున్నవాడు, ఆచరించినవాడు. ఆయనకు బుద్ధుని కాలం (తెలంగాణ, ఆంధ్రల మీదుగా హ్యూన్‌త్సాంగ్‌ నూట ముప్పై దేశాలలో చేసిన సాహస యాత్ర గురించి ప్రభాకర్‌ రాసిన పుస్తకం, బహుశ ఆయన ఆఖరి రచన, ఇంకా వెలుగు చూడవలసే ఉన్నది) నుంచీ కరీంనగర్‌ తెలంగాణ చరిత్ర ఎంత తెలుసునో, పూలే అంబేడ్కర్‌ల కాలమే కాదు సంత్‌ల కాలం నుంచి శివాజీ కాలం నుంచి మహారాష్ట్ర చరిత్ర కూడ అంత తెలుసును.

బొంబాయి మహా నగర నిర్మాణానికి తెలుగు వాళ్లు చేసిన దోహదం, సేనల గురించి ఆయన ప్రామాణికమైన గ్రంథం రచించాడు. సిరిసిల్ల, జగిత్యాల పోరాట బాటలో బొంబాయి ప్రవాసానికి వెళ్లిన మచ్చ ప్రభాకర్‌ ఏకకాలంలో బొంబాయి మనిషిగాను, సిరిసిల్ల మనిషిగాను సజీవంగా జీవించాడు. కాని మరణాంతరం వచ్చి మాత్రం తన ఊరి మట్టిలో మమేకమయ్యాడు. ʹఈ ఊరు మనదిరా, ఈ వాడ మనదిరా దొర ఏందిరా, దొర పెత్తనమేందిరాʹ అన్న దగ్గరే కాకుండా నయీ పేష్వాయీని, దానికి అండగా ఉన్న కార్పొరేట్‌ శక్తులను ప్రశ్నించే శక్తులకు ఈ వ్యవస్థ, ఈ రాజ్యం చూపుతున్న చోటు అది. బుద్ధిజీవులారా ఇది (ఇవి) ఆత్మహత్య(లే) అంటారా.
ఏది హత్య? ఏది ఆత్మహత్య? ఓ మహాత్మా! ఓ ప్రేతాత్మా!
-వరవరరావు

Keywords : telangana, rohit vemula, macha prabhakar, mumbai, police
(2019-01-21 11:59:02)



No. of visitors : 533

Suggested Posts


మహాశ్వేతా దేవి - మన తెలంగాణ సాగర హారంః వరవర రావు

మన మహా సాగరహారం ʹచలో హైదరాబాద్ అంటూ తెలంగాణ మార్చ్ చేసిన సెప్టెంబర్ 30, 2012 మహత్తర మధ్యాహ్నం మహాశ్వేతాదేవి కూడా మన ఊర్లో ఉన్నారు. ఆ రోజు ఆమెను మన మధ్యకు తెచ్చుకొని ఉంటే....

సెప్టెంబర్ 17 - ఇండియన్ యూనియన్ సైనిక దురాక్రమణ దినం - వరవరరావు

1947 ఆగస్ట్ 15న విలీనానికి అంగీకరించకుండా షరతులు విధిస్తూ వచ్చిన నిజాంను నెహ్రూ - పటేల్ ప్రభుత్వం సగౌరవంగా, సాదరంగా చర్చలకు ఆహ్వానించింది. అప్పటికే నిజాంను వ్యతిరేకిస్తూ వీరోచిత పోరాటం నడుపుతున్న కమ్యూనిస్టులను మాత్రమే కాదు, కనీసం కాంగ్రెస్ ను కూడా ఈ చర్చల్లో భాగం చేయలేదు....

ʹఅరుణోదయʹ పై పోలీసుల దాడిని ఖండించిన విరసం

తెలంగాణ ఉద్యమంలో ఆట పాటతో ఆరుణోదయ కళాకారులు గ్రామ గ్రామాన తిరిగి ప్రజల్లో ప్రత్యేక తెలంగాణ ఉద్యమ స్ఫూర్తిని రగిలించారు. తెలంగాణ రాష్ట్ర ఏర్పాటుకు తమ వంతు కృషి చేశారు. ఆ సంస్థ కార్యాలయాన్ని దౌర్జన్యంగా మూసేయడం అత్యంత నిరంకుశమైన......

ఎస్సీ రిజర్వేషన్ వర్గీకరణ పోరాటానికి విరసం మద్దతు

అట్టడుగున ఉన్న మనిషికి ఫలితాలు అందినప్పుడే సామాజిక న్యాయం జరిగినట్టు లెక్క. మాదిగ, డక్కలి, చిందు, మాష్టి, బుడగజంగం, దాసరి, బేగరి కులాలకు ఈ నాటికీ ఎస్సీ రిజర్వేషన్ ఫలాలు అందడం లేదు....

ఆ నిండైన సాహిత్య సామాజిక జీవితం రచయితలందరికీ ఆదర్శం - విరసం

ʹరచయితలందరూ తమ తరానికి జవాబుదారులు; తమకు తాము జవాబు చెప్పుకోవాల్సిన వాళ్ళు... అంతస్సాక్షి ఉన్న రచయిత పీడిత ప్రజల పక్షాన దృఢంగా నిలవాలి. అలా కాకపోతే ఆ రచయితల్ని నిర్దోషులుగా నిర్ణయించే ప్రశ్నే లేదు.ʹ....

ʹఆయన జైల్లోనే చనిపోతారేమోʹ

90 శాతం అంగవైకల్యం కలిగిన సాయిబాబాను అన్యాయంగా జైల్లో పెట్టారని.. ఆయనేమైనా యుద్ద ఖైదీనా..? ప్రభుత్వ అనాలోచిత చర్యతో యుద్ధఖైదీ మాదిరి ఆయన జైల్లోనే తుది శ్వాస విడిచే పరిస్ధితి వచ్చిందని ...

ఆదివాసి.. లంబాడా వివాదం ‍- ఎం.రత్నమాల

మహారాష్ట్ర ప్రభుత్వం లంబాడాలను ఆదివాసి తెగగా గుర్తించడం లేదు కనుక ఆంధ్రప్రదేశ్‌ ప్రభుత్వం లంబాడాలను ఆదివాసి షెడ్యూల్డు తెగగా ప్రకటించడంతో దీన్ని అవకాశంగా తీసుకుని మహారాష్ట్ర నుంచి ఆదిలాబాద్‌ (పాత) జిల్లాకు లంబాడాల వలసలు పెద్ద ఎత్తున వెల్లువలా సాగాయి.....

అమరుడు బొజ్జా తారకం — ʹనది పుట్టిన గొంతుకʹ - వరవరరావు

గోదావరి తెలంగాణలో ప్రవేశించిన నిజామాబాద్ కు 1968లో వచ్చిన తారకం గారు ఇక్కడి మట్టిలోని ఎరుపులోనూ, ఇక్కడి నీళ్లలోని ప్రవాహ గుణంలోనూ కలగలిసిపోయారు. 1968 నుంచి 78 దాకా ఒక దశాబ్దం పాటు విప్లవోద్యమాలకు, విప్లవ సాహిత్యానికి నిజామాబాద్ చిరునామా బొజ్ఞాతారకం....

చలసాని స్మృతిలో... - కే.కుమార్ వర్మ

బొడ్డపాడు నడిబొడ్డులో అమరవీరులను స్మరిస్తూ ఎర్ర జెండా చేతబట్టి తామాడ గణపతి ఇంటిముందునుండి దండుగా కదులుతున్నట్లుంది...

ప్రజల కోసం సముద్రం వలె గర్జించిన తారకం - విరసం

తండ్రి దళిత ఉద్యమ వారసత్వాన్ని చిన్న వయసు నుండే స్వీకరించిన తారకం గారు సాంస్కృతిక కార్యకర్తగా, విద్యార్థి ఉద్యమకారుడిగా తన సొంతవూరిలో దళిత యువకుల్ని సంఘటితం చేశారు. వర్గపోరాట రాజకీయాలతో ప్రభావితమై విరసం వ్యవస్థాపక సభ్యుల్లో ఒకరైనారు....

Search Engine

నల్గొండ‌లో... ఫిబ్రవరి 9,10 తేదీల్లో విరసం సాహిత్య పాఠశాల
COSTISA demands quashing of fabricated FIR against Prof. Anand Teltumbde!
దేశద్రోహం కేసు : JNU విద్యార్థి నేతలపై చార్జ్ షీట్ తిరస్కరించిన కోర్టు
Dragging Anand Teltumbde into ʹterroristʹ allegations and raiding his house is an attack on freedom of expression : Swami Agnivesh
మీ మద్దతు నాకిప్పుడు కావాలి - ఆనంద్‌ తెల్తుంబ్డే
Immediate and Complete Withdrawal of all Charges against Dr. Anand Teltumbde
ʹపాకిస్తాన్ జిందాబాద్ʹ అని అరిచింది ఏబీవీపీ విద్యార్థులే.. సంచలన వాస్తవాలు బయటపెట్టిన మాజీ నాయకులు
మనను ఆక్రమిస్తున్న ఈ వ్యాధిని ప్రతిఘటిద్దాం- అరుంధతీ రాయ్
A Statement by Umar Khalid and Anirban Bhattacharya in the context of the Chargesheet
ఎస్సీ, ఎస్టీల రిజర్వేషన్ ను తొలిగించడమే ఆరెస్సెస్‌-బీజేపీ అసలు లక్ష్యం...జిగ్నేష్ మెవాని
కన్నయ్య, ఉమర్‌, అనీర్బన్‌ లపై మూడేళ్ళ తర్వాత ఛార్జ్ షీట్ దాఖలు చేసిన పోలీసులు
కాగితం మీద అక్షరానికి కట్టుబడ్డ కవి
అగ్రవర్ణ పేదలకు రిజర్వేషన్లు ఇవ్వడం రాజ్యాంగ స్పూర్తికి వ్యతిరేకం
మానవత్వం మరచి ఆంబులెన్సును అడ్డుకున్న పోలీసులు.. క్షతగాత్రులపై దాడి
కలాల్లో ఇంకిపోని సిరా, టకటకలు మానని కీబోర్డులు...
కలాల్లో ఇంకిపోని సిరా.. అరుంధతీ రాయ్‌కి జైలు జీవితం అనుభవించిన సామాజిక కార్యకర్త రాసిన ఉత్తరం
A ten year Sahas from US written a reply to Professor Saibabaʹs letter.
Varavara Rao written a letter about Nomula Satyanarayana from Pune jail
అగ్రకులాలకు రిజర్వేషన్లు సామాజిక న్యాయభావనకు వ్యతిరేకం, రాజ్యంగ విరుద్ధం
దళిత నటి విషాద గాథ‌ !
కశ్మీర్‌లో కేంద్ర ప్రభుత్వం చేస్తున్న మారణహోమాన్ని చూడలేక రాజీనామా చేసిన ఐఏఎస్
ప్ర‌మాదంలో ప్రైవ‌సీ
తొలగించబడిన చట్టం కింద‌ 22 మంది అరెస్టు...సుప్రీం సీరియస్
నాలుగున్నర దశాబ్దాల నిత్య నిర్బధం - ఎన్.వేణుగోపాల్
శ్రీకాకుళం జిల్లా జైలు - వెట్టిచాకిరీకి నిలయం
more..


రోహిత్‌