నీదీ నాదీ ఒకే కథ‌


నీదీ నాదీ ఒకే కథ‌

నీదీ


అందరిలాగే నేనూ ఈ సినిమా నిన్ననే చూసాను పిల్లలతో కలిసి .ఈ సినిమా ఎమోషనల్ గా మనల్ని ఎంత మైమర్పింస్తుందంటే ప్రతి ఒక్కళ్లకి అది తమ కథేమో అన్పించేంత . ఈ కధ లో లూస్ ఎండ్స్ ఉన్నాయి అయినా ఫర్లేదులే అనుకుందామని కూడా అన్పిస్తుంది . అయినా కథలోచాలా అంశాల్ని లింక్ లేకుండా కలిపినట్లుగా అన్పించింది .

1. మొదటిది సైకిల్ ప్రేమ గా నేర్పిన తండ్రి , లెక్చరర్ గా కూడా ఉన్న తండ్రి కొడుకుకి మాథ్స్ లో సున్నా మార్కులు ఎందుకు వచ్చాయో తెలుసుకోకుండా నిరసించి వెళ్లిపోతాడంటే నమ్మశక్యంగా లేదు .

2. ఆ అబ్బాయికి చిన్నప్పుడు కానీ పెద్దయ్యాక కానీ చదువుమీద అయిష్టమా లేదా చదువురాలేదా అనేది మనకు అర్ధం కాదు . తండ్రి ఎలాటి సహాయాలు చేసాడో , చేయలేదో మనకి చూపించలేదు . కొన్ని రకాలయిన లెర్నింగ్ ప్రోబ్లేమ్స్ ఉన్న పిల్లలకి మిగతా రోజువారీ ఆటలు , పాటలు సరదాలు మామూలుగానే నడిచినా పొట్టకోస్తే అక్షరం ముక్క రాదన్నట్లు చదువు రాదంటే చదువురాదు అలాటిది ఉన్నదా అంటే అదీ అర్ధం కాదు .

3. తండ్రి exams లో తప్పుతున్నందుకు తిడుతుంటే exams బాగా రాస్తే తండ్రికి నచ్చే కొడుకుగా మారొచ్చు అనేది మందబుద్ధి లేని ఏ కొడుకుకైనా అర్ధమయ్యే విషయం . ఆ హీరోయిన్ కూడా కథలో హీరో ఏ ఒక్కసారిExams పాస్ అవటానికి సహాయం చెయ్యదు , తనకి తెలిసింది చెప్పటానికి ప్రయత్నం చెయ్యదు . Personolity development క్లాస్ కి తీసుకువెళుతుంది . ఇద్దరూ కలిసి personolity development క్లాస్ కి వెళ్ళటం అనేది మందబుద్దికి సంబంధించిన వ్యవహారం .

4. ఇందులో చూపించిన పెర్సొనోలిటీ డెవలప్మెంట్ క్లాస్లకి సంబంధించిన వ్యవహారం అంతా కరక్టే అయినా మళ్ళీ తెలుగు నవలా , కథా రచయితల్లాగే , ఒక సమస్య ని ఒక కథ కి అంటుకట్టి రాసినట్లుగా ఈ సినిమా కథకి దాన్ని కృత్రిమంగా అతికించినట్లుగా అన్పించింది .

5 . ఇక హీరో , హీరోయిన్ల ప్రేమ వ్యవహారం అంత్యంత సీరియస్ గా నడుస్తున్న కథలో యద్దనపూడి మార్క్ ఎస్కేపిసం . ఆనందంగా వుండి , పదివేలతో బతికేవాడి జీవితాన్ని పంచుకునేందుకు తెలివిగల , చదువుకున్న ఏ అమ్మాయి రాదనేది వాస్తవం . ఇందులో ప్రేమ ఈ సినిమాని కాసేపు నడిపేందుకు పనికొచ్చే ఫిక్షన్ .

6. సమాజంలో లెక్చరర్ అంటే సామాజికంగా హయ్యర్ మిడల్ క్లాస్ .కానీ ఆ తండ్రీ కొడుకుల సామాజిక జీవితం లోయర్ మిడిల్ క్లాస్ గా చూపించారు . కనీసం ఆ తండ్రిని ఏ మెకానిక్ గానో చూపించినా కానీ కథ రక్తి కట్టేది .

7. ఈ కధ అర్బనో , రూరలో కూడా అర్ధం కాదు . మీ నాన్న ఊరందరికీ చదువు గురించి చెబుతాడు అంటే రూరల్ లోనే అది సాధ్యం . కానీ అవకతవక అర్బన్ వాతావరణంలో కథ నడుస్తుంది .

8. అయినా ఈ సినిమా అందరికీ నచ్చుతుంది . క్లాసులో బాగా చదివి మంచిమార్కులు తెచ్చుకునే 13 ఏళ్ల మా అమ్మాయి కూడా మనల్ని మనం చూసుకున్నట్లుగా వుంది కదు మమ్మీ ఈ సినిమాలో అన్నది . చదువుపేరుతో మనం పోగొట్టుకున్న ఆనందాల్ని శక్తివంతంగా చూపించటంలో, దాన్ని మనం ఫీల్ అయ్యేట్లు చేయటంలో ఈ సినిమా సక్సెస్ అయ్యింది .

9. ఆనందం అనేది డబ్బు తో ముడిపడకపోయినా మినిమం guarantee ఆనందాలకి మినిమం guarantee ఆదాయాలు అనేది చాలా అవసరం . చదువుకోకపోయినా , చదువురాకపోయినా ఇష్టమయిన పని చేసుకుని అవి సాధించటం ఎట్లా అనేది చాలా విస్తృతంగా చర్చించాల్సిన విషయం.

10 . అంత పెద్ద సమస్యని తండ్రి అహంకారానికి అంతకట్టి , easy పరిష్కారాలని వెతక చూడటం అనేది మళ్ళీ తెలుగు సినిమాల పైత్యంలాటిదే . పాపం ఆ తండ్రి దర్శకుడి కోసం విలన్ అయ్యాడు .
(పద్మావతి బోడపాటి ఫేస్బుక్ టైమ్ లైన్ నుండి)

Keywords : needi naadi oke katha, film, review
(2021-04-16 08:47:56)



No. of visitors : 1646

Suggested Posts


0 results

Search Engine

వ్యాక్సిన్ రెండో డోస్ వేసుకున్నాక కూడా... కరోనాతో చత్తీస్ గడ్ హెల్త్‌ జాయింట్‌ డైరెక్టర్ మృతి
వైరల్ అయిన మెడికోల డాన్స్ వీడియో: మతం రంగు పూసేందుకు ఉన్మాదుల ప్రయత్నం - తిప్పికొట్టిన‌ నెటిజనులు
దారుణం... చెత్త లారీల్లో కోవిడ్ పేషెంట్ల మృతదేహాలు తరలింపు...
ఉమర్ ఖలీద్ కు బెయిల్ మంజూరు
కుంభమేళాలో కరోనా తాండవం
కరోనా మరణాలపై మంత్రి వివాదాస్పద వ్యాఖ్యలు
ఏప్రిల్‌‌ 26 భారత్ బంద్ ను జ‌య‌ప్ర‌దం చేయండి - మావోయిస్టు పార్టీ పిలుపు
ఇంద్రవెల్లి పోరాట స్ఫూర్తి సభలను సమరొత్సాహంతో జరుపుకుందాం ‍- మావోయిస్టు పార్టీ పిలుపు
తమ వద్ద బందీగా ఉన్న జవాను ఫోటోను విడుదల చేసిన మావోయిస్టులు
Chattisghar Encounter: Maoist Party released a Letter
చత్తీస్ గడ్ ఎన్ కౌంటర్ పై మావోయిస్టు పార్టీ ప్రకటన
సాయిబాబాను ఉద్యోగం నుంచి తొలగించడం మానవ హక్కుల ఉల్లంఘనే ‍- కే.కేశవరావు
అమ్మను కూడా కలవనివ్వరా ? - షోమాసేన్ కూతురు లేఖ
లొంగి పోయిన ʹమావోయిస్టుʹలకు మావోయిస్టు పార్టీ విజ్ఞప్తి
సాహిత్య అకాడమీ అవార్డును తిరస్కరించిన ప్రముఖ రచయిత‌
ఆదివాసీ హక్కుల కార్యకర్త అక్రమ అరెస్ట్ - విడుదల చేయాలని జర్నలిస్టులు, ప్రజా సంఘాల డిమాండ్
Fact-finding team alleges CRPF brutality in Jharkhand villages
శ్రామిక మహిళా దినోత్సవ కార్యక్రమంపై ఏబీవీపీ దాడి - చూస్తూ నిల్చున్న పోలీసులు
జార్ఖండ్ లో ఆదివాసులపై సి ఆర్ పి ఎఫ్ దుర్మార్గాలు -నిజనిర్దారణ రిపోర్ట్
విశాఖ ఉక్కు ఉద్యమానికి మద్దతుగా నిలుద్దాం - మావోయిస్టు నేత జగన్ ప్రకటన‌
విప్లవ స్వాప్నికుడు ఉప్పు కృష్ణ అమర్ రహే !
టైమ్ మాగజైన్ కవర్ స్టోరీ: రైతాంగంపోరాటం - మహిళల నాయకత్వం
సుప్రీం కోర్టు ఛీఫ్ జస్టిస్ బాబ్డే రాజీనామా చేయాలని 4వేల మంది ప్రముఖుల డిమాండ్
రైతు ఉద్యమానికి మద్దతుపలికిన బాలీవుడ్ ప్రముఖులపై ఐటీ దాడులు
Supreme Court Chief Justice Bobde should resign immediately - Letter from 4,000 women and rights activists
more..


నీదీ