మ‌తం మీద విమ‌ర్శ రాజ‌కీయాల మీద విమ‌ర్శే - మార్క్స్‌


మ‌తం మీద విమ‌ర్శ రాజ‌కీయాల మీద విమ‌ర్శే - మార్క్స్‌

మ‌తం

మనిషే మతాన్ని తయారుచేస్తాడు. మతం మనిషిని తయారుచేయదు. తాను గుర్తించలేని మనిషికి, తనను తాను మళ్లీ పోగొట్టుకున్న మనిషికి మతం స్వీయ చైతన్యం, స్వీయ గౌరవం. కాని మనిషి ప్రపంచానికి బైట ఉన్న అనిర్దిష్ట జీవి కాదు. మనిషే మానవ ప్రపంచం. రాజ్యం. సమాజం. ఈ రాజ్యం, ఈ సమాజం తాము తలకిందుల ప్రపంచం కావడం వల్ల ఒక తలకిందుల ప్రాపంచిక చైతన్యాన్ని, మతాన్ని తయారుచేస్తాయి. ఆ ప్రపంచపు సాధారణ సిద్ధాంతం, దాని ఆధ్యాత్మిక గౌరవ కారణం దాని ఆసక్తి, దాని నైతిక అనుమతి, దాని నిబ్బరమైన కానుక, ఓదార్పుకూ, సంజాయిషీకి అది ఇచ్చే సార్వజనికమూలం మతమే. మానవసారం వాస్తవికతలో లేనందుచేత, మతమే మానవసారపు అద్భుత గుర్తింపు అందువల్ల మత వ్యతిరేక పోరాటం పరోక్షంగా-మతం ఏ సమాజపు ఆధ్యాత్మిక శోభగా ఉన్నదో ఆ సమాజానికి వ్యతిరేక పోరాటమే.

మత వేదన వాస్తవ వేదనకు వ్యక్తికరణే. అదే సమయంలో అది వాస్తవ వేదన పట్ల నిరసన కూడా. మతం అణచబడ్డ జీవి నిట్టూర్పు, హృదయం లేని ప్రపంచపు హృదయం, ఉత్సాహం లేని పరిస్థితుల ఉత్సాహం. అది ప్రజలకు మత్తుమందు.

ప్రజల భ్రమాజనిత ఆనందంగా ఉన్న మతాన్ని రద్దు చేయడమంటే ప్రజల వాస్తవమైన ఆనందాన్ని ఆకాంక్షించడమే. ప్రస్తుత స్థితి పట్ల భ్రమల్ని వదిలేయమని కోరడమంటే, భ్రమలు అవసరమయ్యే పరిస్థితుల్ని వదిలెయ్యమని కోరడమే. అందుకే మతం మీద విమర్శ, ఏ కన్నీటి ప్రవాహాల వెలుగు మతమో, ఆ కన్నీటి ప్రవాహాల మీద విమర్శకు బీజరూపమే.

విమర్శించడమంటే హారం నుంచి ఊహాజనిత పుష్పాల్ని రాల్చివేయడమనే. కాని మనిషి అలంకారం లేని, ఆనందం లేని హారం ధరించాలని కాదు. అతను హారాన్ని దులిపి, వాస్తవ పుష్పాన్ని స్వీకరించే వీలు కలిపించేదే విమర్శ. మత విమర్శ మనిషి భ్రమల నుంచి మేల్కొలిపి, భ్రమలు పోయిన మనిషి హేతుబద్ధంగా ఆలోచించినట్టుగా ఆలోచించేట్టు, తన వాస్తవికతను రూపొందించేట్టు చేస్తుంది. అలా అతను తన చుట్టూ తాను, అంటే తన సూర్యుని చుట్టూ తాను తిరుగుతాడు. మనిషి తన చుట్టూ తాను తిరగనంత వరకూ మతం మనిషి చుట్టూ తిరిగే ఒక ఊహాజనిత సూర్యుడు.

అందువల్ల వాస్తవాన్ని మించిన ప్రపంచం అదృశ్యం కాగానే చరిత్ర కర్తవ్యం ఈ ప్రపంచపు వాస్తవాన్ని నిర్ధారించడం అవుతుంది. మానవ స్వీయ పరాయీకరణ పవిత్రరూపం బట్టబయలు కాగానే తత్వశాస్త్రపు తక్షణ కర్తవ్యం. పరాయీకరణను దాని అపవిత్ర రూపాల్లో బట్టబయలు చేయడం అవుతుంది. ఆ రకంగా స్వర్గంపై విమర్శ భూమి మీద విమర్శగా మారుతుంది. మతం మీద విమర్శ చట్టం మీద విమర్శగా, మతవాదం మీద విమర్శ రాజకీయాల మీద విమర్శగా మారుతుంది.

(ఇంట్రడక్షన్‌ టు ది క్రిటిక్‌ ఆఫ్‌ హెగెల్స్‌ ఫిలాసఫీ ఆఫ్‌ లా నుంచి)
(న‌డుస్తున్న తెలంగాణ మే 2018 సంచిక‌లో ప్ర‌చురితం)

Keywords : marx, religion, marxism, introduction to the critique of hegel philosophy of law
(2019-02-16 20:15:12)



No. of visitors : 552

Suggested Posts


0 results

Search Engine

బ్రెహ్ట్ అంబేద్కర్ లాగా మాట్లాడితే... గోపాల కృష్ణ గాంధీ
రాజ్యహింసను ప్రశ్నిస్తే రాజద్రోహమేనా..?
బీమా కోరేగావ్ కేసు దురుద్దేశాలతో, సాహసిక పరిశోధన లాగ జరుగుతోంది : వీవీ
కవి రూపొందిన ఒంటరి జైలు గది || పాణి ||
కలత నిద్దురలోనూ దండకారణ్యమే
బీమా కోరేగావ్ కేసు.. అంతర్జాతీయ మేధావుల బహిరంగ లేఖ
ఉత్తేజకరంగా సాగిన విరసం సాహిత్యపాఠశాల‌
చావుబతుకుల మధ్య సాయిబాబా..ఆయనకు మెడికల్‌ బెయిల్‌ ఇవ్వాలి
వీవీ, గాడ్లింగ్ ల‌పై మరో తప్పుడు కేసు - ఖండించిన విరసం
వరవరరావు, గడ్లింగ్ ల మీద మరొక అబద్ధపు కేసు
stand against the threat of imminent arrest of Prof. Anand Teltumbde - Students, Faculty and Alumni of IIT Kharagpur
Health of imprisoned DU Professor G.N. Saibaba is seriously deteriorating
Drop the false charges against Prof. Anand Teltumbde Immediately: Trade Unions
ఆపరేషన్ సమాదాన్ కు నిరసనగా భారీ ర్యాలీ, బహిరంగ సభ నిర్వహించిన మావోయిస్టులు...31న బంద్ కు పిలుపు
రిపబ్లిక్ డే ఉత్సవాలను బహిష్కరించిన ఈశాన్య రాష్ట్రాలు
పుణె కోర్టులో నాలుగోసారి కలలూ కన్నీళ్లూ
నల్గొండ‌లో... ఫిబ్రవరి 9,10 తేదీల్లో విరసం సాహిత్య పాఠశాల
COSTISA demands quashing of fabricated FIR against Prof. Anand Teltumbde!
దేశద్రోహం కేసు : JNU విద్యార్థి నేతలపై చార్జ్ షీట్ తిరస్కరించిన కోర్టు
Dragging Anand Teltumbde into ʹterroristʹ allegations and raiding his house is an attack on freedom of expression : Swami Agnivesh
మీ మద్దతు నాకిప్పుడు కావాలి - ఆనంద్‌ తెల్తుంబ్డే
Immediate and Complete Withdrawal of all Charges against Dr. Anand Teltumbde
ʹపాకిస్తాన్ జిందాబాద్ʹ అని అరిచింది ఏబీవీపీ విద్యార్థులే.. సంచలన వాస్తవాలు బయటపెట్టిన మాజీ నాయకులు
మనను ఆక్రమిస్తున్న ఈ వ్యాధిని ప్రతిఘటిద్దాం- అరుంధతీ రాయ్
A Statement by Umar Khalid and Anirban Bhattacharya in the context of the Chargesheet
more..


మ‌తం