ఇజ్రాయేల్ కౄరత్వానికి.. శాంతి ప్రేమికురాలి బలి


ఇజ్రాయేల్ కౄరత్వానికి.. శాంతి ప్రేమికురాలి బలి

ఇజ్రాయేల్

కౄరత్వం, కర్కశత్వం అనే వాటికి సమానర్థం అంటే ఇజ్రాయేల్ సైన్యమే. పాలస్తీనాపై దురాక్రమణ చేసి ఇజ్రాయిల్ అనే ఒక దుర్మార్గమైన దేశాన్ని సృష్టించింది అమెరికా. ఆ అమెరికా మద్దతుతో ఇజ్రాయేల్ చేస్తున్న అకృత్యాలకు అంతూ పొంతూ లేదు. పాలస్తీనా భూభాగంపై ప్రతిరోజూ ఇజ్రాయిల్ చేస్తున్న దుర్మార్గమైన దాడుల్లో ఎంతో మంది అమాయకులు బలైపోతున్నారు. ఇజ్రాయేల్ లాంటి ఉగ్రదేశానికి అమెరికా వంటి అగ్రదేశం తోడవటంతో వీరి అకృత్యాలకు అంతే లేకుండా పోతోంది. తాజాగా వీరి దాడిలో ఒక నర్సు చనిపోవడం యావత్ ప్రపంచాన్ని కుదిపేసింది.

గాజా ప్రాంతంలో 21 ఏండ్ల రజన్ అల్ నజ్జర్ అనే యువతి నర్సుగా సేవలందిస్తోంది. ఇజ్రాయేల్ దేశం నిత్యం జరిపే దాడుల్లో గాయపడి, నెత్తురోడుతున్న ఎంతో మంది ప్రాణాలు కాపాడింది నజ్జర్. తాను స్వయంగా నిరసనలు జరిగే ప్రదేశాలకు వెళ్ళి ప్రదర్శనల్లో గాయపడ్డవారికి చికిత్స చేసేది నజ్జర్. ఒక వైపు ఇజ్రాయిల్ తూటాలు వచ్చి పడుతున్నా లెక్క చేయక తన ప్రాణాలను ఫణంగా పెట్టి వేలాది మందిని రక్షించింది నజ్జర్. పాలస్తీనా పట్ల, ప్రజల పట్ల నజ్జర్ ప్రేమ.. శాంతి పట్ల ఆమె ఆకాంక్ష పాలస్తీనాలోనే కాదు ప్రపంచ వ్యాప్తంగా అమెకు అభిమానులను సంపాదించి పెట్టింది.

బాధితుల పట్ల, అణగారిన ప్రజలపట్ల ఆమె ప్రేమకు ప్రపంచమే ఫిదా అయ్యింది. అట్లాంటి ఓ శాంతి ప్రేమికురాలిని ఇజ్రాయిల్ హత్య చేసింది. ఆమె గాయాలపాలైన వారికి చికిత్స చేయడమనే తనకిష్టమైన పని చేస్తూనే చివరి ఊపిరి వదిలింది. గత శుక్రవారం నిరసనలు జరుగుతున్న సమయంలో గాయపడిని ఒక వ్యక్తికి చికిత్స చేస్తోంది. అప్పటికే కాల్పులు మొదలు పెట్టిన సైన్యం.. నిరసనకారులను ఆ ప్రదేశం ఖాళీ చేయాలని హెచ్చరించారు. అప్పటికే కొంత మంది వెనుదిరిగారు. కాని గాయపడిన వ్యక్తికి చికిత్స చేస్తున్న రజన్‌కు గురి చూసి ఇజ్రాయిల్ సైన్యం కాల్పులు జరిపింది. ఆ కర్కశ, దురాక్రమణ సైన్యాలు కాల్చిన బుల్లెట్ ఆమె గుండెల్లోంచి దూసుక పోయింది.

గతంలో ఇజ్రాయేల్ సైన్యం దాడి చేసినప్పుడు ఆమె ఎంతో మందికి చికిత్స చేసింది. అలా ఆమె సహాయక చర్యల్లో పాల్గొన్నప్పుడు ఎంతో మంది ఫొటోలు కూడా తీశారు. చివరికి అలా సేవలందిస్తూనే ఇజ్రాయేల్ సైన్యం చేతిలో బలైపోవడం యావత్ ప్రపంచాన్ని శోకసంద్రంలో ముంచింది. రజన్ అంతిమ యాత్ర గాజా స్ట్రిప్‌లోని వీధుల మధ్యగా సాగినపుడు వేలాది మంది పాలస్తీనీయులు వెంట వచ్చారు. వారంతా తమ కుమార్తెను కోల్పోయామన్న వేదనతో రోధించారు.

మరోవైపు పిల్లలు, మహిళలు అనే తేడా లేకుండా ఇజ్రాయేల్ సైన్యం దారుణాలకు పాల్పడుతోంది. గత కొన్నేండ్లుగా పాలస్తీనీయులు తమ భూభాగం కోసం గొడవ పడుతున్నారు. ఇరు దేశాల మధ్య ఘర్షణలు చోటు చేసుకుంటున్నాయి. పాలస్తీనా లోని గాజా ప్రాంతంలో ఈ ఘర్షణలు మరింత తీవ్రంగా మారాయి. ఇటీవల అమెరికా ప్రధాని ట్రంప్ తమ దేశ రాయబార కార్యాలయాన్ని జెరుసలేంకు మార్చడంపై పాలస్తీనాలో తీవ్ర నిరసన వ్యక్తం అవుతోంది. అసలు ఆ నగరం తమదేనని పాలస్తీనీయులు వాదిస్తున్నారు. కాని పాలస్తీనా ప్రజల ఆవేదనను ఐక్యరాజ్య సమితితో సహా ఏ దేశం కూడా వినట్లేదు.

అమెరికాను ఎదిరించి ఇజ్రాయేల్‌కు వ్యతిరేకంగా మాట్లాడేవాళ్లే కరువవడంతో ఆ దేశ సైన్యం మరింతగా రెచ్చిపోతోంది. మరోవైపు రజన్ మృతిపై విచారణ చేపడతామని ఇజ్రాయేలీ సైన్యం ప్రకటించడం హాస్యాస్పదం. వీరి అరాచకాలకు ఇంకెంతమంది రజన్ లాంటి వాళ్లు మరణించాలో..!

Keywords : రజన్ నజ్జర్, పాలస్తీనా, నర్స్, వలంటీర్, ఇజ్రాయేల్, సైన్యం, అమెరికా, rajan al najjar, palastine, gaja strip, nurse, volenteer, israyel, army, america
(2019-01-20 19:26:59)



No. of visitors : 543

Suggested Posts


0 results

Search Engine

నల్గొండ‌లో... ఫిబ్రవరి 9,10 తేదీల్లో విరసం సాహిత్య పాఠశాల
COSTISA demands quashing of fabricated FIR against Prof. Anand Teltumbde!
దేశద్రోహం కేసు : JNU విద్యార్థి నేతలపై చార్జ్ షీట్ తిరస్కరించిన కోర్టు
Dragging Anand Teltumbde into ʹterroristʹ allegations and raiding his house is an attack on freedom of expression : Swami Agnivesh
మీ మద్దతు నాకిప్పుడు కావాలి - ఆనంద్‌ తెల్తుంబ్డే
Immediate and Complete Withdrawal of all Charges against Dr. Anand Teltumbde
ʹపాకిస్తాన్ జిందాబాద్ʹ అని అరిచింది ఏబీవీపీ విద్యార్థులే.. సంచలన వాస్తవాలు బయటపెట్టిన మాజీ నాయకులు
మనను ఆక్రమిస్తున్న ఈ వ్యాధిని ప్రతిఘటిద్దాం- అరుంధతీ రాయ్
A Statement by Umar Khalid and Anirban Bhattacharya in the context of the Chargesheet
ఎస్సీ, ఎస్టీల రిజర్వేషన్ ను తొలిగించడమే ఆరెస్సెస్‌-బీజేపీ అసలు లక్ష్యం...జిగ్నేష్ మెవాని
కన్నయ్య, ఉమర్‌, అనీర్బన్‌ లపై మూడేళ్ళ తర్వాత ఛార్జ్ షీట్ దాఖలు చేసిన పోలీసులు
కాగితం మీద అక్షరానికి కట్టుబడ్డ కవి
అగ్రవర్ణ పేదలకు రిజర్వేషన్లు ఇవ్వడం రాజ్యాంగ స్పూర్తికి వ్యతిరేకం
మానవత్వం మరచి ఆంబులెన్సును అడ్డుకున్న పోలీసులు.. క్షతగాత్రులపై దాడి
కలాల్లో ఇంకిపోని సిరా, టకటకలు మానని కీబోర్డులు...
కలాల్లో ఇంకిపోని సిరా.. అరుంధతీ రాయ్‌కి జైలు జీవితం అనుభవించిన సామాజిక కార్యకర్త రాసిన ఉత్తరం
A ten year Sahas from US written a reply to Professor Saibabaʹs letter.
Varavara Rao written a letter about Nomula Satyanarayana from Pune jail
అగ్రకులాలకు రిజర్వేషన్లు సామాజిక న్యాయభావనకు వ్యతిరేకం, రాజ్యంగ విరుద్ధం
దళిత నటి విషాద గాథ‌ !
కశ్మీర్‌లో కేంద్ర ప్రభుత్వం చేస్తున్న మారణహోమాన్ని చూడలేక రాజీనామా చేసిన ఐఏఎస్
ప్ర‌మాదంలో ప్రైవ‌సీ
తొలగించబడిన చట్టం కింద‌ 22 మంది అరెస్టు...సుప్రీం సీరియస్
నాలుగున్నర దశాబ్దాల నిత్య నిర్బధం - ఎన్.వేణుగోపాల్
శ్రీకాకుళం జిల్లా జైలు - వెట్టిచాకిరీకి నిలయం
more..


ఇజ్రాయేల్