ʹదుర్గాప్రసాద్‌ను మధ్యాహ్నంలోగా కోర్టులో హాజరుపరచాలిʹ


ʹదుర్గాప్రసాద్‌ను మధ్యాహ్నంలోగా కోర్టులో హాజరుపరచాలిʹ

ʹదుర్గాప్రసాద్‌ను

తెలంగాణ ప్రజాస్వామ్య వేదిక కో-కన్వినర్ దుర్గా ప్రసాద్ అరెస్టుపై నిన్నటి నుంచి ప్రజా, హక్కుల సంఘాలు తీవ్ర నిరసన వ్యక్తం చేస్తున్నాయి. పోలీసులు గత వారం అక్రమంగా అరెస్టు చేసిన విద్యార్థుల చేత బలవంతంగా దుర్గాప్రసాద్ పేరు చెప్పించి.. అతడిని అరెస్టు చేసినట్లు పౌర హక్కుల సంఘాలు ఆరోపణ చేస్తున్నాయి. అయితే దుర్గాప్రసాద్‌ను అరెస్టు చేసిన పోలీసులు ఇంత వరకు కోర్టులో హాజరుపర్చక పోవడం పలు అనుమానాలకు తావిస్తోందని భావించి పలు ప్రజా సంఘాల నాయకులు సోమవారం తెలంగాణ హోం మంత్రి నాయిని నర్సింహారెడ్డిని కలిశారు. విప్లవ రచయితల సంఘం నేత వరవరరావు, తెలంగాణ ప్రజాస్వామ్య వేదిక నాయకులు, ఇతర ప్రజా సంఘాల నాయకులు కలసి దుర్గా ప్రసాద్‌ను వెంటనే కోర్టులో హాజరుపరచాలని కోరారు. ఈ రోజు మధ్యాహ్నంలోపు ఆయనను కోర్టులో హాజరుపరిచేలా చర్యలు తీసుకుంటానని హోం మంత్రి హామీ ఇచ్చారు. హోం మంత్రిని కలసిన వారిలో చిక్కుడు ప్రభాకర్, నలమాస కృష్ణ, నారాయణరావు, సదానందం, సందీప్ తదితరులు ఉన్నారు.

అసలేం జరిగింది..
ఈ నెల 6న డెమోక్రటిక్ స్టుడెంట్స్ యూనియన్ తెలంగాణ అధ్యక్షుడు కంచర్ల బద్రి, కార్యనిర్వాహక సభ్యుడు సుధీర్, ఉస్మానియా యూనివర్సిటీ కమిటీ సభ్యుడు రంజిత్‌ను సివిల్ డ్రెస్‌లో వచ్చిన కొంత మంది కిడ్నాప్ చేశారు. అయితే వాళ్లను పోలీసులే కిడ్నాప్ చేశారని, ఎక్కడ ఉన్నారో తెలియజేయాలంటూ డీఎస్‌యూతో సహా పలు సంఘాలు డిమాండ్ చేశాయి. కాని వారి ఆచూకీ మాత్రం తెలియరాలేదు. డిప్యుటీ సీఎం శ్రీహరి, హోం మంత్రి నాయిని నర్సింహారెడ్డికి డీఎస్‌యూ కార్యకర్తలు ఫోన్ కాల్స్ చేసినా స్పందించలేదు. ఈ నేపథ్యంలోనే ఆ ముగ్గురి ఆచూకీ కోరుతూ హెబియస్ కార్పస్ పిటీషన్ వేశారు. తెలంగాణ ప్రభుత్వం వీరిని అక్రమంగా అరెస్టు చేసిందని ఆరోపిస్తూ పలు సంఘాలు నిరసనలు కూడా వ్యక్తం చేశాయి. ఈ నేపథ్యంలో రెండు రోజుల క్రితం ఈ ముగ్గురిపై పలు కేసులు నమోదు చేస్తూ.. జయశంకర్ భూపాలపల్లి జిల్లాలోని వెంకటాపురం పోలీస్ స్టేషన్ పరిధిలో అరెస్టు చేసినట్లు పోలీసులు తెలిపారు. అయితే వరంగల్‌లో మిస్ అయిన వీళ్లు అక్కడకు ఎలా వెళ్తారంటూ విమర్శలు వెల్లువెత్తాయి. పోలీసులే కిడ్నాప్ చేసి వెంకటాపురం పోలీస్ స్టేషన్‌లో చిత్ర హింసలకు గురిచేసి వారి చేత బలవంతంగా పలువురి పేర్లు చెప్పించారనే ఆరోపణలు వస్తున్నాయి.

ఆ ముగ్గురు విద్యార్థి నాయకులు చెప్పారంటూ తెలంగాణ డెమోక్రటిక్ ఫోరం కో-కన్వినర్ దుర్గాప్రసాద్‌ను పోలీసులు అరెస్టు చేశారు. అయితే ఇంత వరకు అతడిని కోర్టులో హాజరుపరచలేదు. అసలు ఏ జిల్లా పోలీసులు అరెస్టు చేశారో కూడా తెలియని పరిస్థితి. దుర్గాప్రసాద్‌కు హాని తలపెట్టాలనే లక్ష్యంతోనే ఈ అరెస్టుల జరుగుతున్నాయని పలువురు ప్రజా సంఘ నాయకులు అనుమానం వ్యక్తం చేస్తున్నారు.

Keywords : telangana democratic forum, durga prasad, arrest, varavararao, nayini narsimha reddy, తెలంగాణ ప్రజాస్వామ్య వేదిక, నాయిని నర్సింహారెడ్డి, హోం మంత్రి, దుర్గా ప్రసాద్, అక్రమ అరెస్టు, కోర్టు, వరవరరావు, ప్రజా సంఘాలు
(2019-07-15 17:47:14)



No. of visitors : 1309

Suggested Posts


0 results

Search Engine

TISS క్యాంపస్ మూసివేత పై మండి పడుతున్న విద్యార్థులు...రేపు పౌరహక్కుల సంఘం మీడియా సమావేశం
తనకు నచ్చ‌ని పెండ్లి చేసుకుందని... కన్న బిడ్డను నరికి చంపిన దుర్మార్గపు తండ్రి
ఆ జంటకు సపోర్ట్ చేస్తే దేశవ్యతిరేకమే....యూపీ బీజేపీ నేత కూతురు పెండ్లి వ్యవహారంపై మరో నేత‌ కామెంట్ !
The "SINE-DIE" Suspension of academic activities in TISS HYD is oppressive and tyrannical.
అనుకున్నంతయ్యింది...బీజేపీ నేత కూతురును పెళ్ళి చేసుకున్న దళిత యువకుడిపై దాడి జరిగింది
ఆ త్యాగానికి ఐదు దశాబ్దాలు...జూలై18న సభ‌
ఏపీ సీఎం జగన్‌కు ʹఅర్బన్ నక్సలైట్లʹ లేఖ..!
దొరసాని.. ఓ స్వాప్నికుడి దృశ్య కావ్యం
ʹదొరసానిʹ ఏం చెప్తోంది.. తెలంగాణ జీవనం వెండితెరపై ఆవిష్కరించిందా..?
ʹనక్సలైట్ల పేరిట అక్రమంగా నిర్బంధించిన వారిని వెంటనే విడుదల చేయాలిʹ
యోగీ రాజ్యం.. ʹఏపీ, యూపీ పోలీసులు అర్దరాత్రి మా ఇంటిపై దాడి చేసి అక్రమంగా అరెస్ట్ చేశారుʹ
మారుతీరావునే మించిండు..కూతురు దళితుడిని పెండ్లి చేసుకుందని అల్లుడిని పోలీసుల ముందే చంపిండు..!
వేయిరూపాయల అప్పు తీసుకున్న పాపానికి పదేళ్ళుగా భానిస జీవితం..వృద్దుడి హృదయవిదారక గాథ‌
అమ్మ‌ కోసం అల్లాడుతున్న చిన్నారులు... జైలు ముందే పడిగాపులు
రండి... ఏ గుర్తింపూ లేని జీవితాల్లోకి చూపుసారిద్దాం
దళిత యువకుడిని పెళ్ళి చేసుకున్న బీజెపి ఎమ్మెల్యే కూతురు.. ʹనాన్నా ప్లీజ్ మమ్మల్ని చంపకండిʹ అంటూ వేడుకోలు
మావోయిజం నేరంకాదు, మావోయిస్టు భావజాలాన్ని విశ్వసించేవాళ్ళు నేరస్తులు కాదు..కేరళ హైకోర్టు
Kerala High Court says Maoism not a crime, upholds Rs 1 lakh fine on police
నిత్య పోరాట యోధుడు, ప్రజాస్వామిక తెలంగాణ స్వాప్నికుడు రాఘవులు సార్ కు జోహార్లు !
ʹʹఅంబేద్కర్, వరవర రావు గాక మాకోసం నిలబడినోళ్లు ఎవురున్నారు సార్ʹʹ
రాయలసీమకు జరిగిన అన్యాయాలను జగన్‌ సరిదిద్దుతాడా ?
చెర‌సాలలో చెలికాడికి పుట్టిన రోజు శుభాకాంక్ష‌లు
వరవరరావు పై మరో కేసు - పూణే జైలు నుండి కర్ణాటకకు తీసుకెళ్ళిన పోలీసులు
పోడు భూముల సమస్య శాంతి భద్రతల సమస్యగా మార్చొద్దు...టీడీఎఫ్
ముస్లిం మహిళలను గ్యాంగ్ రేప్‌ చేయండి.. బీజేపీ మహిళా మోర్చా చీఫ్ సునీత
more..


ʹదుర్గాప్రసాద్‌ను