include 'men';
?>
సినిమాల్లో ʹస్త్రీʹ పాత్ర మారుతోంది..!
సమాజంలో స్త్రీ అంటేనే ఎంతో వివక్ష. ఇక సినిమాల్లో స్త్రీ పాత్రను మలిచే తీరు చూస్తే కోపం రాక మానదు. కేవలం స్కిన్ షో కోసమే కోట్లు వెచ్చించి ఎక్కడి నుంచో తారలను తీసుకొని వస్తారు. వాళ్లకంటూ ఒక అభిప్రాయం ఉండని పాత్రల్లో అలా వచ్చి నాలుగు పాట్లో నర్తించి వెళ్తుంటారు. అయితే ఈ మధ్య కొన్ని సినిమాల్లో స్త్రీ పాత్రలను మలిచే తీరు చూస్తే కాస్త మార్పు కనిపిస్తోంది. అందులోనూ ఇటీవల చర్చనీయాంశంగా మారిన ʹకాలాʹ సినిమాలో స్త్రీ పాత్రల గురించి మాట్లాడుకోవాల్సిన అవసరం ఎంతైనా ఉంది. ఈ విషయం గురించి ʹరమా సుందరిʹ తన ఫేస్బుక్ అకౌంట్లో ఒక పోస్టు పెట్టారు. అది యధాతథంగా..
--------------------------------------------------
తమిళ సినిమాలలో ఈ మధ్య వస్తున్న విప్లవాత్మక మార్పుల గురించి మిత్రుల ద్వారా విన్నాను. ʹకాలాʹ సినిమా గురించి జరుగుతున్న చర్చలు చదివాను. చల్లపల్లి స్వరూపరాణి నుండి వచ్చిన అభిప్రాయం చదివాక సినిమా చూడాలని అనిపించింది. ʹఎక్కువ రోజులు ఉండదు. వెంటనే వెళ్లండి.ʹ సన్నిహితుల సలహా మేరకు సినిమాకు టికెట్ బుక్ చేసుకొన్నాను. 6:25కు షో అయితే 6 వరకు నాకు పని తెమలలేదు. కాలేజ్ నుండే డైరెక్ట్ గా సినిమా హాలుకు వెళ్లాను. గుంటూరు జె ఎల్ ఈ లో ఏ స్క్రీన్ లో ఉందో ఎవరు సరిగ్గా చెప్పలేదు. కొద్ది సేపటి తరువాత ఒక అబ్బాయి వచ్చి ఏ సినిమాకు అని అడిగి, ఒక స్క్రీన్ వైపు పంపాడు. థియేటర్ లోకి వెళితే నేను ఒక్క దాన్నే ఉన్నాను. సినిమాలో మునిగి పోయిన అరగంట తరువాత చూస్తే ఇంకో ఆరుగురు కనబడ్డారు. సినిమా అయిపోయాక చివరిలో వచ్చే సాంగ్ లో చూపిస్తున్న మురికివాడ ఉద్యమాలను పరవశించి చూస్తుంటే ఎవరో ʹమేడమ్ʹ అని పిలుస్తున్నారు. తిరిగి చూస్తే ప్రేక్షకులు అందరూ అప్పటికే ఖాళీ చేశారు. హాలు శుభ్రం చేసేవాళ్లలో ఒకామె నన్ను బయటకు వెళ్లమని అడుగుతున్నది. ఆమె వైపు చూసి చిరునవ్వు నవ్వాను. నా పరవసత్వానికి ఆమె ముచ్చట పడినట్లు ఉంది, ఆమె కూడా నవ్వింది. ఇంతకూ ఆమె ఆ సినిమా చూసిందో లేదో. అలాంటి ఆమెలే ఆ సినిమా నిండా పాత్రలు.
ʹకాలా సినిమాను ఎందుకు ప్రజలు చూడటం లేదు?ʹ అని ఒక ఫ్రెండ్ అడిగింది. హిందుత్వ మనువాదులకు, అగ్రవర్ణ - వర్గ మనస్తత్వం ఉన్నవాళ్లకు ఆ సినిమా నచ్చదు. చూడరు. మరి డైరక్టర్ ఎవరి భుజాల మీద చేతులు వేసి ఈ సినిమా తీశాడో వాళ్లెందుకు ఈ సినిమా చూడటం లేదు? ʹఉద్యమాలను పరిష్కారంగా చూపించటం వారికి అర్థం కాలేదేమో?ʹ అన్నాను. ʹఆ నలుగురుʹ సినిమా ప్రతిపాదించిన సమాజ సేవను అంగీకరించి ఆ సినిమాను ఆదరించిన ప్రజలు, ఉద్యమ పరిష్కారాలను చెప్పిన ఈ సినిమాకు యిచ్చిన నిరాదరణ బాదించింది. ఉమ్మడి ఉద్యమ పరిష్కారాలు అంతగా అలవాటు పడని వారికి ఈ సినిమా గొప్పగా అనిపించదేమో అని గొణుక్కొగలిగాను, కాని అది పూర్తి కారణం కాదని తెలుసు. మన వర్గాల ప్రజలు పూర్తిగా కమర్షియల్ సినిమాలకు అలవాటు పడ్డారు. ఎన్నికలలో ప్రజా వ్యతిరేక పార్టీలను గెలిపిస్తున్నట్లే, ప్రజా హానికర సినిమాలను కూడా గెలిపిస్తున్నారు.
ʹసినిమాలో రజనీ కాంత్ ను అక్కడక్కడ హీరోయిక్ గా చూపించారు, ఆయనకు పెద్ద ఇల్లు ఉన్నట్లు చూపించారు.ʹ ఇలాంటి విమర్శలు (కొన్ని నిజాలు కూడా) అన్నీ ఈ సినిమా ముందు దూదిపింజలలాగా తేలిపోయాయి. సినిమా మొత్తం కంటెంట్ తో పోలిస్తే ఈ లోపాలు పెద్దగా అనిపించవు. శ్రామిక దళిత, బహుజనుల సినిమా ఇది. ఆ కులాలలో, ఆ సమూహాలలో ఉండే సహజ కుటుంబ, సామాజిక సంబంధాలను ఎత్తిపట్టారు. ఒక కంపేరిటివ్ స్టేట్మెంట్ వేసి చూపించినట్లుగా ధనిక అగ్రకుల - పేద దిగువ మధ్య తరగతుల మధ్య ఉండే తేడాలను బహిర్గతం చేశారు. ఒక వైపు తెల్లటి సోఫాలు, ధవళ వస్త్రాలు, తెల్లటి చర్మాలు ... తెల్లటి తెలుపు, శుభ్రమయమైన ప్రపంచం. అన్ని సినిమాల్లో కనిపించే ఇలాంటి అరమందం మేకప్పుల సౌందర్యాలను చూపిస్తూనే... పక్కనే మురికి, యిరుకువాడల్లో ఉండే సమిష్టితత్వం కలిగిన కాయకష్టం చేసుకొనే వారి వెలుగు చిరునవ్వుల అందంతో పోల్చి వాటి కృత్రిమత్వాన్ని ఎద్దేవా చేశాడు డైరెక్టర్. ఒక పక్క సంతాప సభలు- ఇంకో పక్క పూజలు, భజనలు. ఆడవాళ్ల పరదాల మాటు ఒక వైపు, కుటుంబ చర్చల్లో ఆడవాళ్ల ప్రాముఖ్యత ఇంకో వైపు.
నగరాలను శుభ్రత పేరుతో స్లమ్ ల నిర్మూలన కార్యక్రమం ఎంత కుట్రపూరితంగా జరుగుతుందో ఈ సినిమా దృశ్య రూపంలో వేసిన ముద్ర ప్రజలందరికి అర్థం అయితే ఎంత బాగుంటుంది! ఎన్ జీవోల హ్రస్వ స్వార్ధ దృష్టిని కడిగి పారేసిన సినిమా ఇది. స్లమ్స్ లో ఆడే ఆటలు క్రికెట్, కబడీలు అయితే, గోల్ఫ్ కోర్టుల కడతామనే పేరుతో ఎకరాలు కబ్జాను ప్రశ్నించిన యువరక్తం మనల్ని ఉర్రూతలాడిస్తుంది.
ఈ సినిమాలో ప్రతి పాత్ర తమ అస్తిత్వం నుండే మాట్లాడతాయి, ప్రవర్తిస్తాయి, ప్రతిస్పందిస్తాయి. అభివృద్ధి పేరుతో హరికి మద్దతునిచ్చిన ముస్లిం మహిళ జరినా; తన కాళ్లను మొక్కమన్నట్లుగా హరి అడిగినపుడు అతని పక్కనే ఉన్నరాముడి విగ్రహాన్ని చూసి బయటకు వచ్చేస్తుంది. జరినాను గతంలో ఎంతో ప్రేమించి కాలా ʹనేను ప్రేమించింది అప్పటి జరినానుʹ అనే స్పష్టతతో ఉంటాడు. ఆమె రెండో రాకడతో ఎంతో ఎక్సైట్ అయినా ఆమె ఎన్ జీ వో మనస్తత్వం పట్ల క్రిటికల్ గానే ఉంటాడు. భూమిలో పాదాలు నిక్కబొడిచి ప్రతి పాత్రా ప్రవర్తిస్తాయి.
తమిళ సినిమాలలో స్త్రీల పాత్రలు మెరుగవుతున్నాయి. గొప్ప స్త్రీ పాత్రలను డైరక్టర్ ఈ సినిమాలో సృష్టించాడు.
Keywords : kaala, pa ranjith, women characterisation , rajnikanth, కాలా, పా రంజిత్, స్త్రీ పాత్రలు, రజనీకాంత్
(2024-04-15 16:21:00)
No. of visitors : 917
Suggested Posts
0 results
| కేసీఆర్ కుటుంబానికి చెందిన అక్రమ ఆస్తులపై విచారణ జరపాలి...మావోయిస్టు పార్టీ డిమాండ్ |
| రైతుబంధు పేద, మధ్యతరగతి, కౌలు రైతులకుమాత్రమే ఇవ్వాలి -మావోయిస్టు పార్టీ డిమాండ్ |
| నిజాలు బైటపెట్టినందుకు జర్నలిస్టుపై సీపీఎం నాయకుల దాడి, జర్నలిస్టునే అరెస్టు చేసిన పోలీసులు |
| 24 వసంతాల నెత్తిటి ఙాపకం... కామ్రేడ్స్ ఆదిరెడ్డి, సంతోష్, నరేష్ అమర్ రహే ! |
| డిసెంబర్ 2 నుండి 8 వరకు PLGA 23వ వార్షికోత్సవాలను విజయవంతం చేయండి....మావోయిస్టు పార్టీ పిలుపు |
| ఐదురాష్ట్రాల్లో జరుగుతున్న ఎన్నికల నేపథ్యంలో మావోయిస్టు నేత జగన్ ఇంటర్వ్యూ |
| హుస్నాబాద్ స్తూపం స్థలాన్ని అమ్మినా, కొన్నా శిక్ష తప్పదని మావోయిస్టు పార్టీ హెచ్చరిక
|
| కంటి ఆపరేషన్ కోసం విప్లవ కవి వరవరరావుకు హైదరాబాద్ రావడానికి అనుమతి ఇచ్చిన బోంబే హైకోర్టు |
| 5 రాష్ట్రాల్లో జరగనున్న అసెంబ్లీ ఎన్నికలపై మావోయిస్టు పార్టీ ప్రకటన |
| ప్రమాదం లో న్యాయవాదవృత్తి: కేసులు చేయడం నేరమా? |
| తెలంగాణ, ఏపీల్లో 62 మంది ప్రజా సంఘాల నేతల ఇళ్ళపై ఎన్ ఐ ఏ దాడులు... మండిపడ్డ వివిధ సంఘాలు
|
| అజ్ఞాత రచయిత్రుల కథలు:ʹవియ్యుక్కʹ ఆవిష్కరణ సభ
|
| పార్టీ 19వ వార్షికోత్సవాలను విప్లవోత్సాహంతో నిర్వహిద్దాం -మావోయిస్టు పార్టీ ప్రకటన |
| వర్గపోరాట చరిత్రలో గద్దర్ ఆలాపన - అల్లం రాజయ్య (part 2) |
| వర్గపోరాట చరిత్రలో గద్దర్ ఆలాపన - అల్లం రాజయ్య (part1) |
| విమోచన అంటే చరిత్ర నవ్వదా - ఎన్. వేణుగోపాల్ |
| హైదరాబాద్ లో మావోయిస్టు పార్టీ కేంద్ర కమిటీ సభ్యుడు అరెస్ట్ |
| అనారోగ్యంతో ఉన్న మావోయిస్టు అగ్రనేత అశోక్ రెడ్డి, అతని సహచరి ఉఫయ్ కుమారిని ఆస్పత్రిలో అరెస్ట్ చేసిన పోలీసులు |
| మల్లా రాజిరెడ్డి, కట్టా రామచంద్రా రెడ్డిలు క్షేమం -మావోయిస్టు పార్టీ ప్రకటన |
| మావోయిస్టు పార్టీ కేంద్ర కమిటీ సభ్యుడు అరెస్ట్ ! |
| సియాసత్ ఎడిటర్ జహీరుద్దీన్ అలీఖాన్ మృతికి కేసీఆరే బాధ్యత వహించాలి - మావోయిస్ట్ పార్టీ |
| తెలంగాణ, చత్తీస్ గడ్ బార్డర్ లో మావోయిస్టుల భారీ బహిరంగసభ, కటకం సుదర్శన్ స్తూపావిష్కరణ |
| గద్దర్ మరణం తీవ్ర భాదకు గురి చేసింది -మావోయిస్టు పార్టీ |
| గద్దర్ అంటే రాబోయే తరాలకు కూడా సాయుధ విప్లవమే గుర్తుకు వస్తుంది -విరసం |
more..