బంధాలను నాశనం చేసిన నేటి వ్యవస్థ.. ఆర్థిక బంధాలకే ప్రాధాన్యం..!


బంధాలను నాశనం చేసిన నేటి వ్యవస్థ.. ఆర్థిక బంధాలకే ప్రాధాన్యం..!

బంధాలను

ఈ రోజుల్లో మానవ సంబంధాలంటే కేవలం ఆర్థిక సంబంధాలే అన్నట్లుగా మారిపోయాయి రోజులు. కన్న తల్లిదండ్రులను కూడా మనీ మెషీన్లుగా చూస్తున్నారు. ప్రపంచమంతా ఫాదర్స్ డేను జరుపుకుంటూ తండ్రి ఔన్నత్యాన్ని గొప్పగా చెప్పుకున్న రోజు ఆస్తి కోసం వృద్దులైన తల్లిదండ్రులను ఇంటి నుంచి గెంటి వేసిన సంఘటన చోటు చేసుకోవడం విచారకరం. రాత్రనకా పగలనకా కాయాకష్టం చేసి పిల్లలను పెంచి పెద్ద చేసిన ఆ కుటుంబ పెద్ద చివరికి సొంత గూడు లేకుండా రోడ్లపాలయ్యాడు. కూతురు పెండ్లి చేసి కుమారులకు ఇండ్ల కట్టించి.. పొలాలు సంసాదించి పెట్టిన ఆ తండ్రి చివరికి రోడ్లపై కూర్చోవలసిన దుస్థితి ఎదురైంది.

పూర్తి వివరాల్లోకి వెళితే వరంగల్ రూరల్ జిల్లా సంగెం మండలం లోహిత గ్రామానికి చెందిన వీరమల్లు, కళమ్మ దంపతులకు ముగ్గురు కుమార్తెలు, ఇద్దరు కుమారులు. వీరమల్లు కల్లుగీత వృత్తిపై, భార్య కూలినాలి చేసి కష్టపడి ఏడు ఎకరాల భూమి సంపాదించారు. ఆ భూమిలో రెండున్నర ఎకరాలు కళమ్మ పేరుతో, రెండు ఎకరాల పొలం చిన్న కొడుకు శ్రీనివాస్‌ పేరుతో, మరో రెండున్నర ఎకరాలు పెద్దకొడుకు వెంకటేశ్వర్లు పేరుతో పహాణీలో ఉంది. తల్లిదండ్రులు పిల్లలకు వివాహం చేశారు. ఈ క్రమంలో చిన్న కూతురుకు కట్నంతోపాటు పసుపు కుంకుమల కింద ఎకరం పొలం రాసిచ్చారు. మరో ఎకరం తమ కోసం ఉంచుకొని మిగిలిన ఐదు ఎకరాలను చెరి సగం రాసిచ్చారు.

అయితే చిన్న కొడుకు శ్రీనివాస్ తన పేరిట ఉన్న రెండు ఎకరాల పొలాన్ని ఇటీవల సాదాబైనామా ద్వారా పట్టా చేయించుకున్నాడు. దీంతో ఈ వయసులో మేమెలా బతకాలి, మీ చెల్లెలి పరిస్థితేంటని ప్రశ్నించారు. అయితే అమ్మ పేరుతో ఉన్నది మీరే దున్నుకోమని చెప్పారు. కాని ఇటీవల ఆ చెల్కను ఇద్దరు కొడుకులు కలసి దున్నుకుంటుండగా తల్లి దండ్రులు ప్రశ్నించారు. చెల్క కూడా మీరే తీసుకుంటే మేం ఎట్లా బతకాలని వారిద్దరినీ అడ్డుకున్న తండ్రిపై కొడుకులు ఇద్దరూ దాడి చేశారు. ఇంకో సారి పొలం పేరెత్తితే చంపుతామని బెదిరించారు.

దీంతో వీరమల్లు పోలీస్ స్టేషన్‌లో పిర్యాదు చేశారు. దీంతో కొడుకులిద్దరినీ తీసుకొని రమ్మని ఎస్సై దీపక్ కానిస్టేబుల్‌ను గ్రామానికి పంపారు. అయితే కానిస్టేబుల్ ముందే ఇద్దరు కోడళ్లు అత్తమామలను దుర్భాషలాడుతూ ఇంట్లోంచి గెంటేసి తాళం వేసుకున్నారు. అప్పటికే రాత్రి కావడంతో గ్రామంలోని తెలిసిన వారి ఇంట్లో తలదాచుకుని ఆదివారం సర్పంచ్, ఎంపీటీసీలకు ఫిర్యాదు చేశారు. అయినా ఇంటి తాళం తీయకపోగా చంపుతామని కొడుకులు బెదిరించడంతో ఆ వృద్ధ దంపతులు పోలీసులను ఆశ్రయించారు. ఈ సందర్భంగా వీరమల్లు, కళమ్మ మాట్లాడుతూ ʹకనీ పెంచి పెద్ద చేసినం.. పెళ్లిళ్లు చేసి చెరో ఇళ్లు కట్టించడంతో పాటు ఉన్న భూమి పంచి ఇచ్చినం.. మేమూ ఇల్లు కట్టుకుని వాళ్లమీద ఆధారపడకుండా బతుకుతున్నం. ఉన్న భూమి తీసుకొని చంపుతామని బెదిరిస్తున్నరు.. కొడుకుల నుంచి రక్షణ కల్పించి మా భూమి మాకు ఇప్పించాలిʹ అని వేడుకున్నారు.

కాయాకష్టం చేసి పిల్లలను పెంచి.. పెద్ద చేసి.. వారికి పెండ్లిళ్లు కూడా చేసిన తల్లిదండ్రులు చివరకు రోడ్డు పాలవడం ఆ గ్రామంలోని ప్రతీ ఒక్కరినీ కలచి వేసింది. కేవలం ఆస్తి కోసం మానవత్వాన్ని మరచి తల్లదండ్రులను రోడ్డు పాలు చేయడం ఏంటని అందరూ ప్రశ్నిస్తున్నారు. మరి పోలీసులైనా వీరికి న్యాయం చేస్తారా..? లేదా కొడుకులకే వత్తాసు పలుకుతారా అనేది చూడాలి.

Keywords : human values, financial relations, warangal, sangem, property, మానవ సంబంధాలు, ఆర్థిక బంధాలు, వరంగల్, సంగెం
(2019-06-17 13:04:21)



No. of visitors : 451

Suggested Posts


0 results

Search Engine

This TV reporter is winning praise for relentlessly questioning an errant BJP leader
ఇవ్వాళ్ళే సభ..అందరికి ఆహ్వానం
తమ‌ను జంతువుల్లా చూశారన్న ఆదివాసులు.. తెలంగాణ ప్రభుత్వంపై హైకోర్టు ఆగ్రహం
ఆ 67 మంది ఆదివాసులను మా ముందు హాజరుపర్చండి...హైకోర్టు ఆదేశం
ʹవ్యక్తిత్వమే కవిత్వం..వరవరరావు కవిత్వ విశ్లేషణʹ ...17 న సభ‌
83 ఏండ్ల స్టాన్ స్వామి ఇంటిపై పోలీసుల దాడి.. విరసం ఖండన
ʹచోళ రాజుల కాలం దళితులకు చీకటి యుగంʹ అన్నందుకు డైరక్టర్ పా రంజిత్ పై కేసు !
అనారోగ్యంతో నడవ‌లేకపోతున్నా వైద్య సహాయం ఇవ్వడం లేదు....జైలు నుండి అనూష లేఖ‌ !
యోగీ ʹరామరాజ్యంʹలో... జర్నలిస్టు నోట్లో మూత్రం పోసి కొట్టిన పోలీసులు..!
పోలీసుల అదుపులో ఉన్న మావోయిస్టు నాయకులు కిరణ్, నర్మదలను వెంటనే కోర్టులో హాజరుపరచాలి
యోగీ ఆదిత్యనాథ్‌పై సుప్రీం ఆగ్రహం.. ఆ జర్నలిస్ట్‌ను వెంటనే విడుదల చేయాలని ఆదేశం
పచ్చని కొండల్లో మైనింగ్ చిచ్చు.. తమ జీవనం దెబ్బతీయొద్దంటూ ఆదివాసీల నిరవధిక దీక్ష
నా భర్తను అక్రమంగా అరెస్ట్ చేశారు..సుప్రీంను ఆశ్రయించిన జర్నలిస్టు భార్య‌
భావ ప్రకటనా స్వేచ్చపై కత్తి...యోగి పాలనలో జర్నలిస్టుల అరెస్టులు
One Year of Bhima Koregoan Arrests: Protest Held in Delhi
మానవత్వం యూ టర్న్ తీసుకుంది..!
Condemn the criminal intimidation and threats made on activist Dr. Ram Puniyani
iʹm not sure that I would survive in this Solitary cell during this gruelling summer:prof. Saibaba
ఈ ఎండాకాలం...ఈ అండాసెల్ లో...బతకగలుగుతాననే నమ్మకం లేదు...ప్రొ.సాయిబాబా
రైతు విత్తన హక్కుపై విదేశీ కార్పోరేట్ల దాడి !
నీ వల్లే గెలిచి... నీ వల్లే ఓడి...
పుణె కోర్టులో తాజాగా – అమానుష తాత్సారం
తెలంగాణ ఎటు పోతోంది.. 32.5 శాతం నిరుద్యోగంతో దేశంలో 5వ స్థానం
క్రీడా మైదానంలో10 మంది చిన్నారుల నెత్తురు ఏరులై పారించిన పోలీసులు...జర్నలిస్టు సీ.వనజ గ్రౌండ్ రిపోర్ట్
మరొకసారి విద్వేష ప్రభుత్వం...కర్తవ్యం ఏమిటి ?
more..


బంధాలను