ఆడపిల్లను అనాథను చేయాలనకుంటున్న మతోన్మాదం..!


ఆడపిల్లను అనాథను చేయాలనకుంటున్న మతోన్మాదం..!

ఆడపిల్లను

మతోన్మాదానికి మానవత్వం ఉండదు. మతోన్మాదానికి పేగు బంధం అవసరం లేదు. ఆడవారిని గౌరవించే దేశమంటూ సూక్తులు పలుకుతూ మరోవైపు ఆడపిల్లను అనాథగా మార్చడానికి కూడా వెనకాడని మనుషులున్న దేశం ఇది. ఆ మతోన్మాదం హిందుత్వం అయితేనేమి.. ముస్లిం మతం అయితే ఏంటి..? అల్లారు ముద్దుగా పెరుగుతున్న ఒక ఆడపిల్ల బతుకును రోడ్డున పడేయడమే వారి లక్ష్యమా..? పూర్తి వివరాల్లోకి వెళితే..

పాపాలాల్, జయశ్రీ అనే దంపతులు హైదరాబాద్‌లో నివసించే వారు. పాపాలాల్ పెయింటర్‌గా పని చేస్తూ కుటుంబాన్ని పోషిస్తున్నాడు. పెండ్లయి ఎన్నేండ్లు గడిచినా ఈ దంపతులకు సంతానం లేదు. ఇదిలా ఉండగా ఎప్పటిలాగే పాపాలాల్ తన పెయింటింగ్ పనికి వెళ్లాడు. ఆరోజు 25 అగస్టు 2007. కోఠిలోని నరసింహస్వామి దేవాలయానికి పెయింటింగ్ వేస్తున్నాడు. అదే సమయంలో సమీపంలోని గోకుల్ ఛాట్‌లో భారీ శబ్ధం వినిపించింది. వెంటనే అక్కడకు పరుగు పరుగున వెళ్లాడు. అటూ ఇటూ పరుగులు తీస్తున్న జనం మధ్యలో ఏడుస్తున్న మూడేళ్ల పాపను చూశాడు. చిన్నారిని ఎత్తుకొని బాలిక తల్లిదండ్రుల కోసం వెతికాడు. ఎవరూ కనిపించకపోవడంతో ఇంటికి తీసుకెళ్లాడు. తల్లిండ్రులెవరని బాలికను అడిగితే.. తల్లి పేరు ఫాతిమాబేగం అని, తండ్రి పేరు బషీర్‌ అని వచ్చీరాని మాటలతో చెప్పింది. పాపారావు బాలికను స్థానిక పోలీస్‌ స్టేషన్‌కు వెళ్లి విషయం చెప్పాడు. వారేమో అనాథాశ్రమం నిర్వాహకులకు కబురు పెట్టారు. వారు వచ్చి తీసుకెళ్లేందుకు ప్రయత్నించగా.. పాపాలాల్‌ను చేతిని ఆ చిన్నారి ఎంతకీ వదలిపెట్టలేదు. దీంతో కరిగి కన్నీరైన పాపాలాల్‌.. బాలికను తానే పెంచుకోవాలని నిర్ణయించుకున్నాడు. చిన్నారిని తనతో పాటు ఇంటికి తీసుకెళ్లాడు. అప్పటికి పెళ్లయి ఆరేళ్లయినా పిల్లలు పుట్టకపోవడంతో భార్య జయశ్రీ కూడా పాపాలాల్‌ ఆలోచనకు మద్దతు పలికింది. తమ ఇంటికి చిన్నారి రావడంతో ఆ దంపతులు ఎంతో సంతోషించారు. ఆ పాపకు అంజలి అని పేరు పెట్టుకొని అల్లారు ముద్దుగా పెంచారు.

అసలు కథ ఇక్కడే మొదలైంది...
ఆ పాప దొరికినప్పుడు చెప్పిన వివరాల ప్రకారం ఆమె తల్లి దండ్రులు ముస్లింలు. అయినా సరే వీళ్లు అంజలి అని పేరు పెట్టి పిలుచుకున్నారు. అంజలి వచ్చాక ఆ దంపతులకు మరో ఆడపిల్ల జన్మించడంతో వీరి ఆనందం మరింత రెట్టింపైంది. అంజలిని స్థానిక పాఠశాలలో చేర్పించారు. అయితే అంజలికి బొట్టుపెట్టడం.. హిందూ పద్దతిలో పెంచడం స్థానిక ముస్లింలకు నచ్చలేదు. అంజలి బొట్టుపెట్టుకున్న ఫొటోలు స్థానికి మత పెద్దలకు చేరడంతో పాపాలాల్‌ను హెచ్చరించారు. ముస్లిం బాలికను హిందూ పద్దతిలో ఎందుకు పెంచుతావని తీవ్రంగా హెచ్చరించారు. అదే సమయంలో ముస్లిం బాలికను హిందూ కుటుంబంలో ఎందుకు పెంచుతున్నావంటూ హిందూ వర్గీయుల నుంచి కూడా బెదిరింపులు ప్రారంభం అయ్యాయి. దీంతో పాపాలాల్ హెచ్ఆర్సీని మొరపెట్టుకున్నాడు. మానవత్వంతో ఒక ఆడపిల్లను సాకడమే తాను చేసిన తప్పా అని ప్రశ్నించాడు. పాపాలాల్ మానవత్వాన్ని, ఆదర్శాన్ని మెచ్చుకుంటూనే.. ఆ పాపకు ʹ
సోనియాʹ అని పేరు పెట్టింది హెచ్ఆర్సీ. ఇప్పుడు ఆ పాప 9వ తరగతి చదువుతోంది.

పాపాలాప్‌పై హత్యాయత్నం..
ఇటీవల పాపాలాల్‌పై హత్యాయత్నం జరిగింది. దీనిపై మీడియా పాపాలాల్‌ను ప్రశ్నించగా ఇలా చెప్పాడు. ʹʹపాపను పెంచుకుంటున్నందుకు 11ఏళ్ల నుంచి మాకు వేధింపులు తప్పడం లేదు. మా బస్తీలో నివసించే బాలు, భజరంగ్‌, యోగేశ్‌, చోటు, జీతు, రాహుల్‌, షంకీ జైశ్వాల్‌, మనోజ్‌జైశ్వాల్‌, సంజయ్‌ తదితరులు మా కూతురు చదువుకుంటున్న పాఠశాలకు వెళ్లి ఆమెను ప్రేమ పేరుతో వేధిస్తున్నారు. ప్రేమను అంగీకరించకుంటే చంపుతామని బెదిరిస్తున్నారు. విషయం తెలిసిన పాఠశాల యాజమాన్యం మా కూతురుకు టీసీ ఇచ్చి పంపించి వేసింది. తప్పనిసరి పరిస్థితుల్లో మరో పాఠశాలలో చేర్పించాం. కుమార్తెను వేధిస్తున్న యువకులను నిలదీసినందుకు నాపై కక్ష పెంచుకొని దాడి చేశారు. దేవుడి దయవల్లే బతికాను. నిందితులపై కఠిన చర్యలు తీసుకుని మానవత్వాన్ని బతికించాలిʹʹ అంటున్నాడు పాపలాల్.

మతం ఇదే చెబుతోందా..
మానవత్వం గురించి ప్రతీ రోజు ఎన్నో సూక్తులు, బోధనలు చేసే మత ప్రచారకులు, మత గురువులు ఈ విషయంపై ఎందుకు స్పందించట్లేదని పలువురు ప్రశ్నిస్తున్నారు. ఒక అనాథను మతాలకు అతీతంగా అనాథను కాకుండా పెంచినందుకు ఆ దంపతులు గత 11 ఏండ్లుగా అష్టకష్టాలు పడుతున్నారు. చివరకు చావు వరకు వెళ్లి వచ్చిన పాపాలాల్‌కు ఇరు వర్గాల నుంచి బెదిరింపులే తప్ప భుజం తట్టి ఆదరించినవాడే లేకపోవడం శోచనీయం.

Keywords : papalal, sonia, anjali, gokul chat, bomb blasts, hrc, hindu, muslims, పాపాలాల్, అంజలి, సోనియా, గోకుల్ ఛాట్, బాంబు పేలుళ్లు, హెచ్ఆర్సీ, హిందూ, ముస్లిం
(2018-11-15 13:55:24)



No. of visitors : 285

Suggested Posts


0 results

Search Engine

తెలంగాణ వ‌స్తే ఏమొచ్చింది? - చింత‌కింది కాశీం
తిత్లీ బాధితులకు బియ్యం పంచుతుంటే అరెస్టు చేసిన ప్రజాసంఘాల నాయకులను వెంటనే విడుదల చేయాలి : విరసం
పదమూడేండ్లుగా ఓటెయ్యని గ్రామం.. ఈ సారి కూడా ఓటెయ్యొద్దని తీర్మానించుకున్నారు..!
ఆర్టికల్497, శబరిమల తీర్పులు.. ప్రగతిశీలమైనవేనా ?
అరుణ్ ఫెరీరాను కస్టడీలో విచారణ పేరుతో చిత్రహింసలు పెడుతున్న పూణే పోలీసులు
కిడారి, సోమ హత్యలపై మావోయిస్టు పార్టీ 14 పేజీల లేఖ విడుదల
ʹమేదావులు, హక్కుల కార్యకర్తలను వెంటనే విడుదల చేయాలిʹ
కొమురం భీం వర్ధంతి ఎన్నడు ? అసత్యాలు ఎందుకు ప్రచారం చేస్తున్నారు ?
Maoists call for boycott of Telangana polls
అనారోగ్యంతో ఉన్న మీనాను పట్టుకొని కాల్చి చంపారు - స్పష్టం చేస్తున్న ఆదివాసులు
గ్రేహౌండ్స్ బలగాలను చుట్టుముట్టిన వేలాది ఆదివాసులు - మావోయిస్టు ప్రమీల‌ మృతదేహం కోసం పోరాటం
హిందుత్వ హింసను, రాజ్య హింసను సమర్థిస్తారా - ‍ స్వామి అగ్నివేశ్, సందీప్ పాండే
అక్రమాల యుద్ధ విమానాల రెక్కల చప్పుడు - ఎన్. వేణుగోపాల్
CBI carried out ʹbiasedʹ investigation, says JNU student Najeeb Ahmedʹs mother; claims probeʹs purpose was to shield assaulters
CPI Maoist Announces ʹOperation Ghamasanʹ To Counter Governmentʹs ʹOperation Samadhanʹ
నజీబ్ లేడా.. సీబీఐకి కూడా దొరకలేదు
దండకారణ్యంలో నుల్కతోంగ్ నిజాలు
ఏవోబీలో పోలీసు పదఘట్టనల మధ్య దిగ్విజయంగా మావోయిస్టుల బహిరంగ సభ‌
ముందు బాక్సైట్‌ సంగతి చూడండి - పాణి
70వేల మంది రైతులపై పోలీసుల అరాచకం.. బాష్పవాయు గోళాలు.. వాటర్ క్యానన్‌ల ప్రయోగం.. వందలాది మందికి గాయాలు
భీమా-కోరేగావ్ కేసు : నవ్‌లఖా నిర్బంధాన్ని కొట్టేసిన హైకోర్టు
ʹʹహక్కుల కార్యకర్తల అరెస్టుల‌ను ఖండించిన మావోయిస్టు పార్టీ - దేశవ్యాప్త ఉద్యమానికి పిలుపుʹʹ
హిట్లర్ నిజంగానే తిరిగొచ్చాడు!!
The Maoist party condemned the arrests of rights activists and called for a national agitation to fight against the arrests
Bima Koregaon Case : Delhi High Court frees activist Gautam Navlakha from house arrest
more..


ఆడపిల్లను