ప్రశ్నించడమే ఈ విద్యార్థిని చేసిన నేరమైంది..!


ప్రశ్నించడమే ఈ విద్యార్థిని చేసిన నేరమైంది..!

ప్రశ్నించడమే

ప్రశ్నించే గొంతుకను నొక్కేయడమే రాజ్యం చేసే పని. ప్రజాభిష్టానికి వ్యతిరేకంగా పనిచేసే ప్రభుత్వాన్ని నిలదీయడమే అతి పెద్ద నేరం. ఉద్యమాలను నడిపించే వారిపై ద్రోహులుగా చిత్రీకరించి కటకటాల పాలు చేయడం ఏనాటి నుంచో ఉన్నదే. ఇప్పుడు తమిళనాడులో మళ్లీ అదే జరుగుతోంది.

పదుల ప్రాణాలు కోల్పోయినా బెదరకుండా తమకు నష్టం చేస్తున్న స్టెరిలైట్ కంపెనీని మూయించిన ఘనత తమిళనాడు ప్రజల సొంతం. ఇప్పుడు అలాంటి ఉపద్రవమే మరొకటి పుట్టుకొని వచ్చింది. గ్రీన్‌ఫీల్డ్ ఎక్స్‌ప్రెస్ వే పేరుతో వేల ఎకరాల సాగు భూమి, ఇండ్లు, గ్రామాలను నాశనం చేయడానికి కేంద్ర, రాష్ట్ర ప్రభుత్వాలు సిద్దపడ్డాయి. చెన్నై నుంచి సేలం వరకు నిర్మించి 277 కిలోమీటర్ల రహదారి కోసం ఆరు జిల్లాల్లోని ప్రజలు నిర్వాసితులు కాబోతున్నారు. ఎన్నో ఏండ్ల నుంచి భూమిని నమ్మి బతుకుతున్న రైతులు తమ హక్కును కోల్పోబోతున్నారు. పచ్చని తూర్పు కనుమలు తమ అందాన్ని కోల్పోవడమే కాక సహజత్వానికి దూరం కాబోతున్నాయి. ఇన్ని నష్టాలు ఉన్నా ప్రభుత్వం ఆ ఎక్స్‌ప్రెస్ వే కోసం పనులు వేగవంతం చేయడంతో స్థానికులు ఉద్యమిస్తున్నారు.

చెన్నై-సేలం గ్రీన్ ఎక్స్‌ప్రెస్ వేను వ్యతిరేకిస్తూ గత జనవరి నుంచి స్థానికులు, హక్కుల కార్యకర్తలు ఉద్యమం చేస్తున్నారు. అలాంటి వారిలో జర్నలిజం విద్యార్థిని, హక్కుల కార్యకర్త అయిన ఎస్. వలర్మతి ఒకరు. తన మాటలతో ఉద్యమకారుల్లో ఉత్సాహాన్ని నింపడమే కాకుండా.. స్థానికులు, రైతులకు ఈ ప్రాజెక్టు వలన కలిగే నష్టాలను వివరిస్తున్నారు. ఈ నేపథ్యంలో ఆమె ప్రభుత్వం పలు విమర్శలు కూడా చేశారు. గత జనవరిలో వడపలనిలోని ఆర్‌కేవీ స్టుడియో వద్ద ఉద్యమకారులను ఉద్దేశించి మాట్లాడిన మాటలు రాజద్రోహం కిందకు వస్తాయని.. కొన్ని వర్గాల మధ్య శతృత్వం పెంచేలా మాట్లాడిందంటూ చెన్నై సిటీ పోలీసులు కేసు నమోదు చేశారు. ప్రభుత్వానికి వ్యతిరేకంగా ఆమె రెచ్చగొట్టే ప్రసంగం చేసిందని సెక్షన్ 153 కింద తప్పుడు కేసును బనాయించారు. పోలీసులపై దాడి చేయాలని ఆమె ప్రజలకు చెప్పిందంటూ ఆ కేసులో పేర్కొన్నారు.

సేలం-చెన్నై ఎక్స్‌ప్రెస్‌వే సంబంధించి జిల్లా అధికారులు ఇటీవల అచంకుట్టపట్టిలో నిర్వహించిన సమావేశాన్ని ప్రజలతో కలసి వలర్మతి బహిష్కరించారు. ప్రభుత్వానికి వ్యతిరేకంగా నినాదాలు చేశారు. దీంతో పోలీసులు ఆమెను అక్కడే అరెస్టు చేశారు. ఈ ప్రాజెక్టుకు వ్యతిరేకంగా గళం విప్పిన వాళ్లలో అరెస్టయిన రెండో వ్యక్తి వలర్మతి. అంతకు మునుపు పర్యవరణ కార్యకర్త పీయుష్ మనూష్ గత జూన్ 18న అరెస్టు చేశారు. అతడి మీద కూడా సెక్షన్ 153ఏ, 505(1)బీ కింద కేసులు నమోదు చేశారు. ఇతని అరెస్టుకు ముందు నటుడు మన్సూర్ అలీ ఖాన్ కూడా అరెస్టైనా.. సేలం కోర్టులో బెయిల్ పొందాడు.

ఇలా అభివృద్ది పేరిట పర్యావరణానికి స్వయంగా ప్రభుత్వాలే తూట్లు పొడుస్తుంటే దానిని వ్యతిరేకించడం రాజద్రోహమంటూ కేసులు బనాయించడంపై స్థానికులే కాక పలు ప్రజా సంఘాలు కూడా తీవ్రంగా విమర్శిస్తున్నాయి. ప్రభుత్వ విధానాలన నిరసిస్తూ ఇటీవల ఒక కుటుంబంలోని నలుగురు ఆత్మాహుతి చేసుకోవడానికి జిల్లా అధికారుల ముందు ప్రయత్నించారు. ఇలా ఎన్నో వైపులు నుంచి ఈ ప్రాజెక్టుపై వ్యతిరేకత వస్తున్నా ప్రభుత్వంలో ఉన్న పెద్దలు కానీ, ప్రతిపక్షాలు కానీ నోరు మెదపకపోవడం అన్యాయం.

Keywords : valarmathi, chennai salem expressway, arrested, journalism student, activist, tamilnadu, వలర్మతి, చెన్నై సేలం ఎక్స్‌ప్రెస్ వే, అరెస్టు, జర్నలిజం స్టుడెంట్, కార్యకర్త, తమిళనాడు
(2019-01-20 19:32:09)



No. of visitors : 696

Suggested Posts


0 results

Search Engine

నల్గొండ‌లో... ఫిబ్రవరి 9,10 తేదీల్లో విరసం సాహిత్య పాఠశాల
COSTISA demands quashing of fabricated FIR against Prof. Anand Teltumbde!
దేశద్రోహం కేసు : JNU విద్యార్థి నేతలపై చార్జ్ షీట్ తిరస్కరించిన కోర్టు
Dragging Anand Teltumbde into ʹterroristʹ allegations and raiding his house is an attack on freedom of expression : Swami Agnivesh
మీ మద్దతు నాకిప్పుడు కావాలి - ఆనంద్‌ తెల్తుంబ్డే
Immediate and Complete Withdrawal of all Charges against Dr. Anand Teltumbde
ʹపాకిస్తాన్ జిందాబాద్ʹ అని అరిచింది ఏబీవీపీ విద్యార్థులే.. సంచలన వాస్తవాలు బయటపెట్టిన మాజీ నాయకులు
మనను ఆక్రమిస్తున్న ఈ వ్యాధిని ప్రతిఘటిద్దాం- అరుంధతీ రాయ్
A Statement by Umar Khalid and Anirban Bhattacharya in the context of the Chargesheet
ఎస్సీ, ఎస్టీల రిజర్వేషన్ ను తొలిగించడమే ఆరెస్సెస్‌-బీజేపీ అసలు లక్ష్యం...జిగ్నేష్ మెవాని
కన్నయ్య, ఉమర్‌, అనీర్బన్‌ లపై మూడేళ్ళ తర్వాత ఛార్జ్ షీట్ దాఖలు చేసిన పోలీసులు
కాగితం మీద అక్షరానికి కట్టుబడ్డ కవి
అగ్రవర్ణ పేదలకు రిజర్వేషన్లు ఇవ్వడం రాజ్యాంగ స్పూర్తికి వ్యతిరేకం
మానవత్వం మరచి ఆంబులెన్సును అడ్డుకున్న పోలీసులు.. క్షతగాత్రులపై దాడి
కలాల్లో ఇంకిపోని సిరా, టకటకలు మానని కీబోర్డులు...
కలాల్లో ఇంకిపోని సిరా.. అరుంధతీ రాయ్‌కి జైలు జీవితం అనుభవించిన సామాజిక కార్యకర్త రాసిన ఉత్తరం
A ten year Sahas from US written a reply to Professor Saibabaʹs letter.
Varavara Rao written a letter about Nomula Satyanarayana from Pune jail
అగ్రకులాలకు రిజర్వేషన్లు సామాజిక న్యాయభావనకు వ్యతిరేకం, రాజ్యంగ విరుద్ధం
దళిత నటి విషాద గాథ‌ !
కశ్మీర్‌లో కేంద్ర ప్రభుత్వం చేస్తున్న మారణహోమాన్ని చూడలేక రాజీనామా చేసిన ఐఏఎస్
ప్ర‌మాదంలో ప్రైవ‌సీ
తొలగించబడిన చట్టం కింద‌ 22 మంది అరెస్టు...సుప్రీం సీరియస్
నాలుగున్నర దశాబ్దాల నిత్య నిర్బధం - ఎన్.వేణుగోపాల్
శ్రీకాకుళం జిల్లా జైలు - వెట్టిచాకిరీకి నిలయం
more..


ప్రశ్నించడమే