కత్తి మహేష్ ʹనగర బహిష్కరణʹ.. అక్రమం, చట్టవ్యతిరేకం


కత్తి మహేష్ ʹనగర బహిష్కరణʹ.. అక్రమం, చట్టవ్యతిరేకం

కత్తి

దేశంలోని ప్రతీ పౌరుడికి వాక్ స్వాతంత్ర్యం ఉంది. అది అతని ప్రాథమిక హక్కు. అలాగే భావప్రకటనా స్వేచ్చ కూడా ఉంది. అయితే ఇటీవల తెలంగాణలో జరుగుతున్న కొన్ని పరిణామాలను చూస్తే.. ఇక్కడ రాజ్యాంగం అమలులో ఉందా లేదా అనే అనుమానం కలుగక మానదు. రాముడిపై అనుచిత వ్యాఖ్యలు చేశారనే కారణంతో కత్తి మహేష్ అనే సామాజిక కార్యకర్తను హైదరాబాద్ నగరం నుంచి ఏక పక్షంగా బహిష్కరించారు. కనీసం అతను అన్న వ్యాఖ్యలపై వివరణ కూడా తీసుకోలేదు. దీనిపై ఎంతో మంది ప్రజా సంఘ నాయకులు, హక్కుల కార్యకర్తలు, సామాన్య ప్రజానికం తమ అభిప్రాయాలు తెలిపారు. వీక్షణం పత్రిక ఎడిటర్ వేణుగోపాల్ ʹకత్తి మహేష్ నగర బహిష్కరణʹపై ఒక ఫేస్‌బుక్ పోస్టు పెట్టారు. ఈ చర్య ఎంత చట్ట వ్యతిరేకమో.. అక్రమమో ఆయన చెప్పారు. ఆ పోస్టు యధాతథంగా కింద చదువవచ్చు.

-------------------------------------
కత్తి మహేశ్‌పై హైదరాబాద్ నగర పోలీసుల ద్వారా తెలంగాణ ప్రభుత్వం తీసుకున్న చర్య భావప్రకటనా స్వేచ్ఛ మీద అక్రమమైన దాడి. ఆయన అభిప్రాయాలతో తీవ్రంగా విభేదించేవాళ్లు కూడ ఆయనకు ఆ అభిప్రాయాలు ప్రకటించే హక్కు ఉందని గుర్తించవలసి ఉంది. ఆ అభిప్రాయాలను వ్యతిరేకించేవారు అంతే తీవ్రంగా తమ భిన్నాభిప్రాయాలను ప్రకటించవచ్చు. ʹనువ్వు చెప్పే అభిప్రాయంతో నాకు ఏకీభావం లేదు. కాని నీ అభిప్రాయం చెప్పడానికి నీకున్న హక్కును కాపాడడానికి నా ప్రాణాలైనా ఇస్తానుʹ అని వోల్టేర్ అన్న మాట ప్రజాస్వామ్య స్ఫూర్తికి చిహ్నం.

పైగా కత్తి మహేశ్ మీద ఇవాళ ఏ అభిప్రాయాల కోసం చర్య తీసుకున్నారో ఆ అభిప్రాయాలు చరిత్రలో వందలాది మంది రాశారు, మాట్లాడారు. డా. బి ఆర్ అంబేడ్కర్ వంటి వారి వ్యాఖ్యానాలు తెలుగులోకి వచ్చాయి. తెలుగులోనే త్రిపురనేని రామస్వామి చౌదరి, నార్ల వెంకటేశ్వర రావు, చలం, రంగనాయకమ్మ, డా. విజయభారతి, కత్తి పద్మారావు వంటి ఎందరో రాశారు. ఆ వరుసలో మహేశ్ మొదటి వారూ కాదు, చివరి వారూ కాదు. వాల్మీకి రామాయణంలోనే అటువంటి అభిప్రాయాలు ఏర్పరచుకోవడానికి, వ్యాఖ్యానాలు చేయడానికి ఎన్నో ఆధారాలున్నాయి. రావణుడిని చంపిన తర్వాత, సీతతో రాముడు ఎంత అవమానకరంగా మాట్లాడాడో పుల్లెల శ్రీరామచంద్రుడు గారు తెలుగు చేసిన వాల్మీకి రామాయణములోని యుద్ధకాండము, పే. 380-81లో చదివి రాముడి మీద ఏ అభిప్రాయం ఏర్పరచుకోవాలో మీకు మీరే నిర్ణయించుకోండి! అందువల్ల ఆ అభిప్రాయాల కోసం మహేశ్‌పై చర్య తీసుకుంటున్నామనడం అతార్కికం, అక్రమం.

అంతేకాదు, ది తెలంగాణ ప్రివెన్షన్ ఆఫ్ ఆంటీ సోషల్ అండ్ హజార్డస్ ఆక్టివిటీస్ ఆక్ట్, 1980 ప్రకారం ఈ చర్య తీసుకున్నామని పోలీసులు ప్రకటించారు గాని ఆ చట్ట నిబంధనలను కూడ సక్రమంగా ఉపయోగించకుండా చట్టవ్యతిరేక చర్యకు దిగారు. ఈ చట్టం మొదట ది ఆంధ్రప్రదేశ్ ప్రివెన్షన్ ఆఫ్ ఆంటీ సోషల్ అండ్ హజార్డస్ ఆక్టివిటీస్ ఆక్ట్, 1980 అని ఉనికిలోకి వచ్చింది. దాన్ని 2016లో జి ఒ ఎం ఎస్ నం 45 అనే ప్రభుత్వ ఉత్తర్వు ద్వారా తెలంగాణ ప్రభుత్వం యథాతథంగా అనువర్తింపజేసుకుంది. దానిలో సెక్షన్ 3 ప్రకారం పోలీస్ కమిషనర్ గాని జిల్లా మెజిస్ట్రేట్ గాని ఒక వ్యక్తిని ʹగూండాʹగా ప్రకటించి ʹఆరునెలలు నగర బహిష్కారంʹ చేసే అధికారం ఉంది. కాని ఆ వ్యక్తిని పోలీసులు తలచుకున్న వెంటనే నగరం నుంచి బహిష్కరించి, బైటికి తీసుకువెళ్లి వదిలిపెట్టే హక్కు లేదు. ఆ వ్యక్తికి తన మీద పోలీసులు చేసిన లిఖితపూర్వక ఆరోపణలకు జవాబు (వివరణ – సంజాయిషీ) చెప్పుకునే సముచితమైన అవకాశం ఇవ్వాలి. ఆ వ్యక్తికి తన ఇష్టం వచ్చిన న్యాయవాదిని పెట్టుకుని తన వాదన వినిపించుకునే హక్కు ఉంది. తన తరఫున మరెవరినైనా విచారించమని, తనకు వ్యతిరేక ఆరోపణల పత్రాన్ని పరీక్షిస్తానని న్యాయవాది ద్వారా అడిగే హక్కు ఉంది. అలా ఆ చట్టంలోనే ఆ చట్టాన్ని పోలీసులు దుర్వినియోగం చేయడానికి వీలు లేని నిబంధనలు ఉన్నాయి. కాని తెలంగాణ పోలీసులు ఆ నిబంధనలన్నిటినీ తుంగలో తొక్కి, తామే ఆరోపకులు, తామే తీర్పరులు, తామే అమలు చేసేవారుగా మారిపోయారు. ఇదీ బంగారు తెలంగాణ!!
-ఎన్.వేణు గోపాల్

-ఎన్.వేణు గోపాల్
Source : https://www.facebook.com/nvenugopal.rao/posts/10155470925766700

Keywords : కత్తి మహేష్, నగర బహిష్కరణ, హైదరాబాద్ పోలీసులు, తెలంగాణ ప్రభుత్వం, kathi mahesh, hyderabad police, telangana government
(2019-07-13 04:18:39)



No. of visitors : 1494

Suggested Posts


0 results

Search Engine

TISS క్యాంపస్ మూసివేత పై మండి పడుతున్న విద్యార్థులు...రేపు పౌరహక్కుల సంఘం మీడియా సమావేశం
తనకు నచ్చ‌ని పెండ్లి చేసుకుందని... కన్న బిడ్డను నరికి చంపిన దుర్మార్గపు తండ్రి
ఆ జంటకు సపోర్ట్ చేస్తే దేశవ్యతిరేకమే....యూపీ బీజేపీ నేత కూతురు పెండ్లి వ్యవహారంపై మరో నేత‌ కామెంట్ !
The "SINE-DIE" Suspension of academic activities in TISS HYD is oppressive and tyrannical.
అనుకున్నంతయ్యింది...బీజేపీ నేత కూతురును పెళ్ళి చేసుకున్న దళిత యువకుడిపై దాడి జరిగింది
ఆ త్యాగానికి ఐదు దశాబ్దాలు...జూలై18న సభ‌
ఏపీ సీఎం జగన్‌కు ʹఅర్బన్ నక్సలైట్లʹ లేఖ..!
దొరసాని.. ఓ స్వాప్నికుడి దృశ్య కావ్యం
ʹదొరసానిʹ ఏం చెప్తోంది.. తెలంగాణ జీవనం వెండితెరపై ఆవిష్కరించిందా..?
ʹనక్సలైట్ల పేరిట అక్రమంగా నిర్బంధించిన వారిని వెంటనే విడుదల చేయాలిʹ
యోగీ రాజ్యం.. ʹఏపీ, యూపీ పోలీసులు అర్దరాత్రి మా ఇంటిపై దాడి చేసి అక్రమంగా అరెస్ట్ చేశారుʹ
మారుతీరావునే మించిండు..కూతురు దళితుడిని పెండ్లి చేసుకుందని అల్లుడిని పోలీసుల ముందే చంపిండు..!
వేయిరూపాయల అప్పు తీసుకున్న పాపానికి పదేళ్ళుగా భానిస జీవితం..వృద్దుడి హృదయవిదారక గాథ‌
అమ్మ‌ కోసం అల్లాడుతున్న చిన్నారులు... జైలు ముందే పడిగాపులు
రండి... ఏ గుర్తింపూ లేని జీవితాల్లోకి చూపుసారిద్దాం
దళిత యువకుడిని పెళ్ళి చేసుకున్న బీజెపి ఎమ్మెల్యే కూతురు.. ʹనాన్నా ప్లీజ్ మమ్మల్ని చంపకండిʹ అంటూ వేడుకోలు
మావోయిజం నేరంకాదు, మావోయిస్టు భావజాలాన్ని విశ్వసించేవాళ్ళు నేరస్తులు కాదు..కేరళ హైకోర్టు
Kerala High Court says Maoism not a crime, upholds Rs 1 lakh fine on police
నిత్య పోరాట యోధుడు, ప్రజాస్వామిక తెలంగాణ స్వాప్నికుడు రాఘవులు సార్ కు జోహార్లు !
ʹʹఅంబేద్కర్, వరవర రావు గాక మాకోసం నిలబడినోళ్లు ఎవురున్నారు సార్ʹʹ
రాయలసీమకు జరిగిన అన్యాయాలను జగన్‌ సరిదిద్దుతాడా ?
చెర‌సాలలో చెలికాడికి పుట్టిన రోజు శుభాకాంక్ష‌లు
వరవరరావు పై మరో కేసు - పూణే జైలు నుండి కర్ణాటకకు తీసుకెళ్ళిన పోలీసులు
పోడు భూముల సమస్య శాంతి భద్రతల సమస్యగా మార్చొద్దు...టీడీఎఫ్
ముస్లిం మహిళలను గ్యాంగ్ రేప్‌ చేయండి.. బీజేపీ మహిళా మోర్చా చీఫ్ సునీత
more..


కత్తి