తెల‍ంగాణ డీజీపీకి 26 మంది మేధావుల బహిరంగ లేఖ‌ !


తెల‍ంగాణ డీజీపీకి 26 మంది మేధావుల బహిరంగ లేఖ‌ !

తెల‍ంగాణ

కత్తి మహెష్ ను హైదరాబాద్ నుండి బహిష్కరించడం పట్ల మేధావులు నిరస‌న వ్యక్తం చేస్తున్నారు. దళితుడైనందుకే కత్తి మహేష్ పై బహిష్కరణ అస్త్రం ప్రయోగించారని వారు ఆరోపించారు. ఈ మేరకు 26 మంది ఉద్యమకారులు, మేధావులు, అధ్యాపకులు తెలంగాణ డీజీపీకి ఓ లేఖ రాశారు. ఆ లేఖ పూర్తి పాఠం...

డిజిపి గారికి నమస్కారం,

మా మనవి ఏమనగా,

మీరు హైద్రాబాద్ నగర శాంతి భద్రతల దృష్ట్యా కత్తి మహేష్ ని నగర బహిష్కరణ చేస్తున్నారు. పరిపూర్ణానంద మూడు రోజుల నుండి నానా యాగీ చేస్తూ, ఒక మతం వకాల్తా పుచ్చుకుని, ఛానెల్ లో అది భక్తి ఛానెలో లేదా భయం ఛానెలో కానీ బహిరంగంగా ప్రకటనలు ఇస్తున్న విషయం మీకు తెలిసిందే. ప్రజల మనో భావాల దెబ్బ తింటున్న దృష్ట్యా ఈ చర్య తీసుకుంటున్నట్టు చెపుతున్నారు. ఈ సందర్భంగా శాంతి, సహనం, ప్రజల మానవ హక్కులు సమానత్వం కోరుకునే, పని చేసే కార్యకర్తలుగా మాకు వస్తున్న సందేహాలను నివృత్తి చేయగలరు.

1. కత్తి మహేష్ రామాయణం, రాముడిని కించపరచలేదు. ఆయన పదే పదే చెపుతూ వస్తున్నాడు తాను రామాయణం ఒక కథ అనుకుంటున్నాడు అని అందులో ఒక పాత్ర గురించి విశ్లేషణ చేసాడు. ఒక పదం వాడాడు . రామాయణం మరియు ఇతర పురాణ ,ఇతిహాసాల మిద వ్యాఖ్యలు చేసిన కత్తి మహేష్ మొదటి వాడు కాదు , చివరి వాడు కూడా కాదు. అయితే , అతను దళితుడు కాబట్టే అతని మీద ఇంతగా దాడి జరుగుతుంది అని మెం స్పష్టంగా చెప్పదలిచాం. మీరు అనుమతి ఇస్తే ఇంతకు ముందు ఎంతమంది ఎన్ని రకాలుగా వ్యాఖ్యానించారో కూడా వివరాలతో సహా చెపుతాం. అయినా అతను తప్పు చేస్తే చట్ట పరంగా శిక్ష వేయండి కానీ బహిష్కరణ , వెలివేతలు మాకు మా అంటరాని తనం ఆధారంగానే చేస్తున్నట్టు మేము ఈ దేశ మూల వాసులం మరియు మాతో పని చేసే ఇతర కార్యకర్తలు భావిస్తున్నారు. మా మనోభావాలని చెప్పుకోవడానికి సేనలు, బాబాలు, చానెళ్లు , పార్టీలు లేకపోవడం వలన మీకు ఈ సోషల్ మీడియా ఆధారంగా చెప్పుకుంటున్నాం.

2. హైదరాబాద్ అందరిదీ అన్ని ప్రాంతాల వారిది అంటారు.సబ్ కా షహర్ హమారా అని ప్రసిద్ధి. కత్తి మహేష్ చిత్తూరు జిల్లా వాసి కాబట్టి అక్కడికి పంపిస్తున్నారు మరి హైదరాబాద్ వాడు అయితే ఎక్కడికి పోయి ఉండేవాడ సర్. దోపిడీలు, మర్దర్లు, రేప్ లు చేసిన వారు ఇంకా హాయిగా తిరుగుతున్నారు.

3. గత కొన్ని రోజులుగా నోటికి వచ్చిన అబద్దాలు చెపుతూ, నేను ఎస్టీ అని లేదా ఎస్సి అని ఒక ʹపదంʹ అన్నందుకు అందరిని రెచ్చగొడుతున్న పరిపూర్ణానంద ఎక్కడి వాడు? అతడికి బహిష్కరణ లేదా ? అసలు బాబాలు, సన్యాసిలు రాజకీయంగా, హింసాపురితంగా మాట్లాడొచ్చా సర్.

4. ఒక ఛానెల్ పదే పదే కత్తి మహేష్ వ్యాఖ్యలు చూపించిందని చర్యలు తీసుకుంటున్నారు మరి భక్తి పేరుతో ,ఒక ఛానెల్ ని అడ్డుగా పెట్టుకుని నిత్యం ఎవరి మీదనో ఒకరి మీద ద్వేషం వెళ్లకక్కుతూ, ఒకప్పుడు నా మీద అసత్య ఆరోపణలు చేస్తూ, సోషల్ మీడియా లో హిందూత్వ వాదులు దారుణంగా దాడి చేయడానికి, భావ ప్రకటన స్వేచ్ఛ ని మాట్లాడుతున్న అనేక కార్యకర్తల మీద , ఇప్పుడు కత్తి మహేష్ మీద దాడికి ఉసిగొల్పుతున్న ఛానెల్ ని ఎందుకు బాన్ చేయరు? భక్తి ఛానెల్ అంటే భక్తిని కదా ప్రసారాలు చేయాలి. దేవుడు ఉంటే శాంతిని కదా కాంక్షించాలి. హింసను ప్రేరేపించే, రెచ్చగొట్టే ప్రకటనలు, కార్యక్రమాలు చేయొచ్చా? వాటి పరిధి ఏంటి?

5. ఈ నెల నాలుగో తారీఖున వరంగల్ కాసి బుగ్గలో భద్రకాళి ఫైర్ వర్క్స్ అండ్ బాంబుల తయారీ కంపెనీలో 11మంది పేద దళిత ,బిసి కులాల బిడ్డలు, రోజు వారి కూలీలు ఒక ఆరెస్సెస్ కుమార్ అను వ్యక్తి దన దాహానికి బలి అయ్యారు. ఒక బాంబుల తయారీ ,జనావాసాల మధ్య నడపడానికి అనుమతులు ఇచ్చిన అధికారులు, వ్యవస్థ మీద చర్యలు తీసుకున్నారా? కనీసం ఇళ్లు కూలిపోయిన వారికి ఏమైనా సహాయం కూడా చేయలేదు. మా రక్తం మారుగుతోంది సార్. మాకు తీవ్రంగా మనోభావాలు దెబ్బతిన్నాయి. ఎవరికి చెప్పుకోవాలి.

6. ఎక్కడ బడితే అక్కడ పరిమితులు లేకుండా కోతి బొమ్మలు పెడుతూ, కాషాయ జెండాలు పట్టుకుని గ్రామ గ్రామాన శాఖ లు, మతోన్మాదం ప్రేరేపించే సంస్థలు నడుపుతున్న కార్యక్రమాలు మీ దృష్టికి వచ్చాయా సార్. దళితులు, చర్చి ల మీద దాడులు, బీఫ్ తింటున్నారని ముస్లింల మిద దాడులు, పసిపిల్లల ని కూడా వదలకుండా పిల్లలు , స్త్రీల మీద జరుగుతున్న అత్యాచారాలు చూడలేక న్యాయం కోసం పోయి అడిగిన వారి మీద కూడా కేసులు పెడుతున్నారు సార్. ఎక్కడ చర్యలు తీసుకుంటున్నారో అర్థం కావడం లేదు.

ఇక్కడ కోర్టులు,పోలీస్ స్టేషన్ లు ఉన్నా కూడా కొన్ని సంస్థలు, వ్యక్తులు, పార్టీల మనోభావాలే మెజారిటీ ప్రజల మనోభావాలుగా భావించడం ఈ దేశ మెజారిటీ ప్రజలు అయిన ఎస్టీ,బిసి,మైనారిటీల,మహిళల మనోభావాలు ఎవరికి పట్టకపోవడం అసలు మనుషులుగా గుర్తించక పోవడం ,మాకు ఏ సంస్థ భరోసా ఇవ్వక పోవడం ఒక వాస్తవం సార్.

మాకు భావ ప్రకటన స్వేచ్ఛ ఎక్కడిది సార్, ఏ స్వేచ్చా లేకుండా తర తరాలుగా వెలివాడల్లోనే బ్రతుకుతున్నాం, ఈ రోజు మీరు కొత్తగా (అ)పరిపూర్ణ ఆనందంʹ కోసంʹ వెలివేసేది ఏమీలేదు. బలవంతంగా ఒక మతం మా మీద రుద్ది కులం పేరుతో ఆర్థికంగా, సాంస్కృతికంగా, సామాజికంగా ,రాజకీయంగా అణచివేస్తూ ,మమ్ములని చంపుతూ, హింసిస్తూ, మా మీద అత్యాచారాలను చేస్తున్న మతం పై మాకు ప్రేమ ఉండాలని మీరు బలవంత పెట్టడమే మాకు శిక్ష, మనువాదం. భక్తి పేరుతో, బాబాల పేరుతో, భావజాలం పేరుతో నిత్యం మా మీద దాడి , ప్రజాస్వామ్యానికి తూట్లు పొడుస్తున్న వారిని బహిష్కరించండి ప్లీస్..అందరికి పోలీసు వ్యవస్థను అందుబాటులో ఉంచండి.

లేఖ మీద సంతకం చేసిన వారు

-డా.సూరేపల్లి సుజాత, ప్రొఫెసర్ రమా మేల్కోటే, డాక్టర్ కె లలిత, ఉ. సాంబశివరావు, గుంటూరు లక్ష్మినరసయ్య, డా. పసునూరి రవీందర్,ప్రొ. పద్మజా షా,దేవి, సజయ, సంధ్య, డా. సునీత, వసుధా నాగరాజ్, సుమిత్రా, సత్యవతి, విజయా భండారు, గోగు శ్యామల,డేవిడ్, స్కైలాబ్ బాబు, హిమబిందు, తేజస్విని, ఝాన్సి, ప్రొ. వీణా శత్రుఘ్న, ప్రొ.సుశీ థారు.

Keywords : katti mahesh, paripoornananda, telagana, dgp
(2018-12-14 11:43:37)



No. of visitors : 1290

Suggested Posts


0 results

Search Engine

ఆనాటి ఎన్నికల సన్నివేశమే మళ్లీ పునరావృతమైనట్టుంది..!
కాశ్మీర్ ఉజ్వలమైన చరిత్ర, పోరాట గాథ...మాజీ కేంద్ర మంత్రి సఫుద్దీన్ సోజ్ కాశ్మీర్ పై రాసిన పుస్తకం గురించి..
మత రాజకీయాల్లో యూపీ సీఎం యోగీకి ఇది పెద్ద ఎదురుదెబ్బ..
సర్జికల్ స్ట్రైక్స్ రాజకీయం... ప్రమాదకరమన్న ఆర్మీ అధికారి
ఏవోబీలో పీఎల్జీఏ వారోత్సవాలు..ఆడియో రిలీజ్ చేసిన మావోయిస్టులు
బీజేపీకి రాజీనామా చేసిన దళిత మహిళా ఎంపీ - సమాజంలో బీజేపీ విభజనలు సృష్టిస్తోందని ఆరోపణ‌
మావోయిస్టు పార్టీ తెలంగాణ రాష్ట్ర అధికార ప్రతినిధి జగన్ ఇంటర్వ్యూ పార్ట్ - 3
మావోయిస్టు పార్టీ తెలంగాణ రాష్ట్ర అధికార ప్రతినిధి జగన్ ఇంటర్వ్యూ పార్ట్ - 2
ఎన్నికలపై మావోయిస్టు పార్టీ తెలంగాణ రాష్ట్ర అధికార ప్రతినిధి జగన్ ఇంటర్వ్యూ పార్ట్-1
దళితులపై తప్పుడు కేసులు బనాయించి చితకబాదుతుంటే నాకు గర్వంగా ఉంటుంది.. ఒక ఐపీఎస్ వ్యాఖ్యలు
ʹఅఖ్లక్ హత్యపై దర్యాప్తు చేశాడనే ఇన్‌స్పెక్టర్ సుబోధ్‌ను హిందుత్వవాదులు అంతం చేశారుʹ
Isolate the fish from the water: a genocidal practice in India - Adolfo Naya
18 వసంతాల నెత్తిటి ఙాపకం... కామ్రేడ్స్ ఆదిరెడ్డి, సంతోష్, నరేష్ అమర్ రహే !
కేసీఆర్ ఓ నియంత : మావోయిస్టు జ‌గ‌న్‌
భీమాకోరేగావ్ విప్ల‌వ, ద‌ళిత శ‌క్తుల ఐక్య‌త‌కు ప్ర‌తీక : పాణి
CPI (Maoist) appoints military strategist Basavraju as its next general secretary
మావోయిస్టు పార్టీ ప్రధాన కార్యదర్శిగా బసవరాజు...అనారోగ్య కారణాలతో స్వచ్చందంగా విరమించుకున్న‌ గణపతి
పుణెలో రెండు రోజులు
కిషన్ జీ... పీడితుల యుద్ద గీతి !
చీకటి గదిలో ఒంటరిగా.. ఊపిరి పీల్చుకోలేని స్థితిలో వరవరరావు
గృహ నిర్బంధం అంటే ? - వరవరరావు
పోరాడి తమ హక్కులు సాధించుకున్న గిరిజన రైతులు.. ముంబైలో మహాపాదయాత్ర
ప్రజా గొంతుకల అక్రమ అరెస్టులపై పోరాడుదాం
నేల చెర విడిపించే అక్షరాలు - అశోక్ కుంబము
రాజద్రోహానికి పాల్పడకపోతే ప్రజా ద్రోహం చేసినట్లే
more..


తెల‍ంగాణ