ʹఅవి ఎదురుకాల్పులు కాదు.. ఆదివాసీల హత్యలుʹ


ʹఅవి ఎదురుకాల్పులు కాదు.. ఆదివాసీల హత్యలుʹ

ʹఅవి

చత్తీస్ గడ్ లో నిన్న జరిగిన ఎన్ కౌంటర్ పై పౌరహక్కుల సంఘం ఇచ్చిన మీడియా ప్రకటన పూర్తి పాఠం

*ఆదివాసీలను హత్య చేసి ఎదురుకాల్పులంటే*
*సరిపోతుందా*?
...........................................
*కుంట బ్లాక్ గొల్లపల్లిలో* *జరిగింది బూటకపు ఎన్* *కౌంటరే*
...........................................
చత్తిస్ ఘడ్ లోని కుంట బ్లాక్ లో జరిగిన ఎన్ కౌంటర్ నిజమైన ఎన్ కౌంటర్ కాదని అది కేవలం ఆదివాసీల హత్య కాండేనని భావిస్తున్నాం.చత్తిస్ ఘడ్ అటవీ ప్రాంతములో లక్షలాదిగా ఉన్న ఫారా మిలటరీ బలగాలు నిత్యం అడవిని జల్లెడ పడుతూ అనుమానంతో ఆదివాసీ యువతి యువకులను అదుపులోకి తీసుకుని చిత్రహింసలు పెట్టి హత్య చేసి ఎన్ కౌంటర్ గా ప్రకటిస్తున్నారు. ఈ రోజూ జరిగిన బూటకపు ఎన్ కౌంటర్ లో మరణించిన 16 మంది ఆదివాసీల శరీరాలు,ముఖాలు,ఫొటోలు చూస్తుంటే చిత్రహింసలతో హత్య గావించ బడ్డట్టుగా కనిపిస్తుంది.ఎవరికి కూడా మావోయిస్టుల యూనిఫామ్ లేదు. పోలీసులు స్వాధీనం చేసుకున్న వాటిలో వారి కిట్ బ్యాగులు కూడా లేవు.మరొక ప్రధానమైన అంశం ,వారి మృతుదేహాలకు చుట్టిన పాలిథిన్ కవర్లు కొత్తవి,మరియు ఒకే రంగుతో ఉన్నాయి.ఇంత వరకు జరిగిన ఎన్ కౌంటర్ లలో మావోయిస్టులు ఉపయోగించే పాలిథిన్ కవర్లనే మరణించిన వారి మృతుదేహాలకు చుట్టేవారు.కానీ ఇక్కడ అలా లేదు. కాబట్టి వీరిని ముందుగానే అదుపులోకి తీసుకుని చిత్రహింసలు పెట్టి హత్య చేసి భారీ ఎన్ కౌంటర్ గా ప్రజలను నమ్మించడానికి ప్రభుత్వం విఫల ప్రయత్నం చేస్తున్నది.
ఎదురు కాల్పులు నిజమైనవా?కావా? అని నిర్దారించడానికి దేశవ్యాప్తంగా హక్కుల సంఘాలు నాలుగు దశాబ్దాలుగా తమ కార్యాచరణను కొనసాగిస్తున్నాయి.కానీ నేడు చత్తిస్ ఘడ్ ప్రభుత్వం హక్కుల సంఘాల నిజానిర్దారణ కమిటీలను చత్తిస్ ఘడ్ లోకి రానీయకుండా నిర్బంధాన్ని కొనసాగిస్తూ వాస్తవాలను ప్రజలకు అందకుండా తీవ్రంగా కుట్రలు పన్నుతున్నది.ప్రజాస్వామ్యంలో సత్యాన్ని శోధించే హక్కు ప్రతి పౌరుడికి ఉంటుంది.అందులో భాగంగా హక్కుల సంఘాలకు మరింత బాధ్యత ఉంటుంది. ఇది అమలులో లేకుండా చేయడంలో భాగంగా చత్తిస్ ఘడ్ లోని దంతేవాడ,సుకుమా జిల్లాలో జరిగిన పాలనర్,బర్కపాల్ ఘటనల్లో నిజ నిర్దారణ కమిటీలను వెళ్ళనియకుండా అడ్డుకోవడం జరిగింది.ఇలా వాస్తవాలు ప్రజలకు అందకుండా జరుగుతున్న ఎదురుకాల్పులు ఎన్ కౌంటర్ పేరిట జరుగుతున్న హత్యలుగా మేము విశ్వసిస్తున్నాం.
వనరుల దోపిడీని తీవ్రస్థాయిలో కొనసాగించడానికి చేస్తున్న ప్రయత్నాల్లో అక్కడి ఆదివాసీ పోరాటాలను నియంత్రించడానికి లక్షలాది ఫారా మిలటరీ బలగాలతో ఆపరేషన్ గ్రీన్ హంట్ ను 2009 లో భారత ప్రభుత్వం, సామ్రాజ్యవాదులు కలిసి ప్రారంభించారు.నాటి నుండి నేటి వరకు ఆదివాసీల వేట,మహిళలపై హత్య కాండ తీవ్రస్థాయిలో కొనసాగుతూనే ఉన్నాయి. అందులో భాగంగానే ఈ గొల్లపల్లి హత్య కాండను చూడవచ్చు.ఆదివాసీల జీవించే హక్కుపై అమలవుతున్న ప్రభుత్వాల దమన కాండను,నియంత్రించడానికి.ఎదురు కాల్పుల నిజ నిజాలను వెలికి తీయడానికి హక్కుల సంఘాల నిజానిర్దారణ కమిటీలను చత్తిస్ ఘడ్ అటవీ ప్రాంతంలో స్వేచ్ఛగా పర్యటించగల్గినప్పుడే ఇది సాధ్యపడుతుంది.అటువంటి అవకాశాలు కల్పించకుండా ప్రభుత్వం నిర్బంధం అమలు చేస్తున్నంత కాలం అవన్నీ ఆదివాసీల హత్య కాండలే తప్ప నిజమైన ఎదురు కాల్పులు కానే కావు.యిప్పటికైనా వాస్తవాలను ప్రజలకు తెలియజెప్పవలసిన భాద్యత ప్రభుత్వలదే.ఈ గొల్లపల్లి ఎన్ కౌంటర్ పై చత్తిస్ ఘడ్ హైకోర్టు సిట్టింగ్ జడ్జిచే విచారణ జరిపించి ఎన్ కౌంటర్ హత్య కాండ కు బాద్యులైన పోలీసులపై హత్య నేరం నమోదు చేసి చట్టపరంగా శిక్షించాలి.
గత 50 సంవత్సరాలుగా ఎన్ కౌంటర్ లన్ని ప్రభుత్వ హత్యలేనని హక్కుల సంఘాలన్నీ నినదిస్తున్నా మరింత అప్రజాస్వామికంగా ప్రభుత్వాలు పాలన కొనసాగిస్తున్నాయి తప్ప ప్రజాస్వామ్యానికి బాధ్యత పడటం లేదు. ఎన్ కౌంటర్ లన్నింటిపై పూర్తి విచారణ జరిపించాలని పౌర హక్కుల సంఘం డిమాండు చేస్తున్నది.

ప్రొ. లక్ష్మణ్
రాష్ట్ర అధ్యక్షులు
పౌర హక్కుల సంఘం

ఎన్. నారాయణ రావు
రాష్ట్ర ప్రధాన కార్యదర్శి
పౌర హక్కుల సంఘం
తెలంగాణ

Keywords : chattis garh, maoists, adivasi, police, fake encounter, CLC
(2018-11-14 06:30:25)



No. of visitors : 1087

Suggested Posts


ʹఅది ఎన్కౌంటర్ కాదు వేటాడి చంపారుʹ....విజయవాడ‌లో పౌరహక్కుల సంఘం సభ‌

విజయవాడలోని రాఘవయ్య పార్కు దగ్గరలోని మాకినేని బసవ పున్నయ్య విజ్ఞాన కేంద్రంలో ఆంధ్రప్రదేశ్‌ పౌరహక్కుల సంఘం ఆధ్వర్యంలో శనివారం ఒరిస్సా-మల్కన్‌గిరి ఎన్‌కౌంటర్‌ బూటకం అనే అంశంపై సభ జరిగింది. ఈ సభకు పౌరహక్కుల సంఘం రాష్ట్ర.....

గడ్చిరోలి,తూతుకుడి మారణకాండ కు వ్యతిరేకంగా 9న సభ‌

ఆదివాసులను,ఉద్యమకారులను పేసా చట్టం,అటవీ హక్కుల చట్టాలను అమలు చేయాలని ఉద్యమిస్తున్న వారిని మహారాష్ట్ర ప్రభుత్వం హత్య చేసింది.బహుళజాతి కంపెనీలతో మిలాఖత్ అయ్యి వేదాంత స్టెరిలైట్ కంపెనీ స్థాపించి రెండు దశాబ్దాలుగా అక్కడి ప్రజల జీవించే హక్కును

Search Engine

తెలంగాణ వ‌స్తే ఏమొచ్చింది? - చింత‌కింది కాశీం
తిత్లీ బాధితులకు బియ్యం పంచుతుంటే అరెస్టు చేసిన ప్రజాసంఘాల నాయకులను వెంటనే విడుదల చేయాలి : విరసం
పదమూడేండ్లుగా ఓటెయ్యని గ్రామం.. ఈ సారి కూడా ఓటెయ్యొద్దని తీర్మానించుకున్నారు..!
ఆర్టికల్497, శబరిమల తీర్పులు.. ప్రగతిశీలమైనవేనా ?
అరుణ్ ఫెరీరాను కస్టడీలో విచారణ పేరుతో చిత్రహింసలు పెడుతున్న పూణే పోలీసులు
కిడారి, సోమ హత్యలపై మావోయిస్టు పార్టీ 14 పేజీల లేఖ విడుదల
ʹమేదావులు, హక్కుల కార్యకర్తలను వెంటనే విడుదల చేయాలిʹ
కొమురం భీం వర్ధంతి ఎన్నడు ? అసత్యాలు ఎందుకు ప్రచారం చేస్తున్నారు ?
Maoists call for boycott of Telangana polls
అనారోగ్యంతో ఉన్న మీనాను పట్టుకొని కాల్చి చంపారు - స్పష్టం చేస్తున్న ఆదివాసులు
గ్రేహౌండ్స్ బలగాలను చుట్టుముట్టిన వేలాది ఆదివాసులు - మావోయిస్టు ప్రమీల‌ మృతదేహం కోసం పోరాటం
హిందుత్వ హింసను, రాజ్య హింసను సమర్థిస్తారా - ‍ స్వామి అగ్నివేశ్, సందీప్ పాండే
అక్రమాల యుద్ధ విమానాల రెక్కల చప్పుడు - ఎన్. వేణుగోపాల్
CBI carried out ʹbiasedʹ investigation, says JNU student Najeeb Ahmedʹs mother; claims probeʹs purpose was to shield assaulters
CPI Maoist Announces ʹOperation Ghamasanʹ To Counter Governmentʹs ʹOperation Samadhanʹ
నజీబ్ లేడా.. సీబీఐకి కూడా దొరకలేదు
దండకారణ్యంలో నుల్కతోంగ్ నిజాలు
ఏవోబీలో పోలీసు పదఘట్టనల మధ్య దిగ్విజయంగా మావోయిస్టుల బహిరంగ సభ‌
ముందు బాక్సైట్‌ సంగతి చూడండి - పాణి
70వేల మంది రైతులపై పోలీసుల అరాచకం.. బాష్పవాయు గోళాలు.. వాటర్ క్యానన్‌ల ప్రయోగం.. వందలాది మందికి గాయాలు
భీమా-కోరేగావ్ కేసు : నవ్‌లఖా నిర్బంధాన్ని కొట్టేసిన హైకోర్టు
ʹʹహక్కుల కార్యకర్తల అరెస్టుల‌ను ఖండించిన మావోయిస్టు పార్టీ - దేశవ్యాప్త ఉద్యమానికి పిలుపుʹʹ
హిట్లర్ నిజంగానే తిరిగొచ్చాడు!!
The Maoist party condemned the arrests of rights activists and called for a national agitation to fight against the arrests
Bima Koregaon Case : Delhi High Court frees activist Gautam Navlakha from house arrest
more..


ʹఅవి