అమృత తండ్రి దుర్మార్గపు చరిత్ర.. కూతురు కంటే పరువే ముఖ్యమంటున్న కులోన్మాది


అమృత తండ్రి దుర్మార్గపు చరిత్ర.. కూతురు కంటే పరువే ముఖ్యమంటున్న కులోన్మాది

అమృత

కుల దురహంకారాన్ని నరనరాన నింపుకున్న వాడు అతడు. డబ్బుతో ఏమైనా చెయ్యెచ్చనే పొగరు తలకెక్కిన మృగం అతడు. తాను అంగీకరించని అల్లుడి తలను తెగనరికిన హంతకుడు అతడు. ఆ కత్తి పట్టింది అతను కాదేమో కాని ఆ కత్తి మాత్రం అతడే. అల్లుడి రక్తాన్ని అంటించుకొని అగ్రకులమనే కసిని చల్లార్చుకున్నాడు. అతడే తిరుగనరి మారుతీరావు.

అల్లారు ముద్దుగా పెంచుకున్న కూతురు తనకు ఇష్టమైన వాడితో జీవిస్తోంది అనే ఆలోచనే అతడిని నిలువెల్లా కాల్చేసింది. కూతురు కడుపులో పెరుగుతున్న పిండాన్ని కూడా నలిపేయాలని చూసి.. వీలుకాక పట్టపగలే అల్లుడిని అతి దారుణంగా చంపించిన మారుతీరావు గురించి మిర్యాలగూడలో తెలియనివారుండరూ. చాలా మంది అతడి బాధితులే. ఈ రోజు వందల కోట్ల రూపాయల ఆస్తి తను కూడబెట్టినా.. అతడి జీవితం మొదలైని మాత్రం ప్రణయ్ కుటుంబం చేసిన సాయంతోనే అంటే మీరు నమ్మగలరా..? కాని ఇది సత్యం. అసలు ఆ మారుతీరావు చేసిన అక్రమాలు, అన్యాయాలు, అరాచకాలు చెబితే.. ఈ ప్రణయ్ హత్య వీడికి చాలా చిన్నది అనిపించకమానదు.

మిర్యాలగూడకు చెందిన మారుతీరావు జీవితం ఒక రేషన్ షాపుతో మొదలైంది. అమృత ప్రేమించి పెండ్లి చేసుకున్న ప్రణయ్ బంధువుకు చెందిన రేషన్ షాపునే ఈ మారుతీరావు తీసుకొని నడిపించాడు. ప్రణయ్ బంధువు చనిపోవడంతో ఆ షాపు మారుతీరావు చేతికి వచ్చింది. ఇక రేషన్ షాపు నడుపుతూనే పట్టణంలోని రెవెన్యూ కార్యాలయం ఉద్యోగులు, పోలీసులను పరిచయం చేసుకున్నాడు. అప్పుడే అభివృద్ది చెందున్న రియల్ ఎస్టేట్ వ్యాపారంపై అతడి కన్నుపడింది. కాని పెట్టుబడి ఎలా..? దీంతో ఒక మాస్టర్ ప్లాన్ ఆలోచించాడు. రెవెన్యూ ఉద్యోగుల దగ్గరకు అమ్మాయిలను పంపేవాడు. వాళ్లు సన్నిహితంగా ఉన్నప్పటి వీడియోలు తీసి తర్వాత అదే రెవెన్యూ ఉద్యోగులు, అధికారులకు చూపించి బ్లాక్ మెయిల్ చేసేవాడు. ఖాళీగా ఉండే ప్రభుత్వ భూములను తన పేరిట రాయించుకునేవాడు. పోలీసుల్లో కూడా చాలా మంది ఇతని కనుసన్నల్లో పని చేసేవాళ్లే. ఇలా తన పేరిట భారీగా భూములు రాయించుకున్నాడు. అంతే కాకుండా ప్రైవేటు భూములను కూడా కబ్జా చేసి అసలు భూయజమానులను బెదిరింపులకు గురి చేసేవాడు. పొరపాటున ఎవరైనా కేసు పెడదామని స్టేషన్‌కు వెళ్లినా అక్కడ వారికి ఎలాంటి సాయం అందేది కాదు. ఎందుకంటే పోలీసులకు మారుతీరావు బెస్ట్ ఫ్రెండ్.

ఇలా కేవలం భూకబ్జాలు, రియల్ దందాలు మాత్రమే కాదు.. పోర్న్ సినిమాలు కూడా తీసి అమ్ముకునేవాడని మిర్యాలగూడలో చాలా మంది చెబుతుంటారు. సన్నిహితుల దగ్గర లక్షల్లో డబ్బులు అప్పుగా తీసుకోవడం.. ఆ తర్వాత అడిగినా ఇవ్వకుండా రివర్స్‌లో బెదిరించడం మారుతీరావుకు వెన్నతో పెట్టిన విద్య. ఇక ఇతడు ప్రతీ రాజకీయ పార్టీకి, కుల సంఘాలకు ఠంచనుగా చందాలు ఇస్తుంటాడు. అన్ని పార్టీల నాయకులు ఇతనికి మిత్రులే. దీంతో మారుతీరావు ఆగడాలకు అంతే ఉండదు.

ప్రణయ్ ప్రతీ కదలిక మారుతీరావుకు క్షణక్షణం అప్‌డేట్ అవుతుందంటే.. మారుతీరావు నెట్‌వర్క్ ఎలా ఉందో అర్థం చేసుకోవచ్చు. ఈ అక్రమ దందాలతో దాదాపు 500 కోట్ల రూపాయల వరకు సంపాదించాడని అతడికి పరిచయం ఉన్నవారు చెబుతున్నారు.

ఇన్ని అక్రమాలు చేసిన మారుతీరావు.. ప్రేమను కూడా డబ్బుతో కొనేయాలని చూశాడు. మూడు కోట్లు ఇస్తా నా కూతురిని వదిలెయ్ అని ప్రణయ్‌కు ఆఫర్ ఇచ్చాడు. కాని తన ప్రేమ ముందు మూడు కోట్లు ఏపాటి అని ప్రణయ్ అసలు పట్టించుకోలేదు. దీంతో మారుతీరావుకు ఏం చేయాలో పాలుపోలేదు. ప్రణయ్‌ని చంపేయాలని ఆరోజే నిర్ధారించుకున్నాడు. సుపారీ గ్యాంగ్‌కు 10 లక్షలు ఇచ్చి అతి దారుణంగా చంపించాడు.

కేవలం కులం అనే అహంకారమే ఈ హత్యకు దారితీసింది. డబ్బులో మునిగితేలుతూ కులపిచ్చి పట్టిన ఒక ఉన్మాది.. కూతురి భర్త అని కూడా చూడలేదు. గర్భంతో ఉన్న కూతురు బాగోగులు ఏనాడూ చూడలేదు కానీ.. ఆ గర్భం తీయించేసుకో అంటూ వందల సార్లు ఫోన్లు చేశాడు. మా నాన్న కనిపిస్తే చంపేస్తా అని అమృత అందంటే.. అతడి కౄరత్వం ఏ స్థాయిలో ఉందో అర్థం చేసుకోవచ్చు. ఇంత జరిగినా మారుతీరావు కొంచెమైనా పశ్ఛాత్తాప పడట్లేదు. పోలీసులకు ఏమని చెప్పాడంటే.. 9వ తరగతిలోనే ప్రణయ్‌కు వార్నింగ్ ఇచ్చా. నా కూతురు జోలికి రావొద్దని చెప్పా.. అయినా అతడు ఆగలేదు. ఇక వీళ్లిద్దరూ పెళ్లి చేసుకున్న తర్వాత నాలో కోపం మరింత పెరిగిపోయింది. అందుకే ప్రణయ్‌ని చంపేయాలనుకున్నా. నా కూతురు కంటే సొసైటీలో నా పరువు నాకు ముఖ్యం. నా పరువు పోవద్దనే.. వాళ్ల ప్రేమను విడదీయాలనుకున్నా. సుపారీ గ్యాంగ్‌కు... నా కూతురును ఏమీ చెయ్యొద్దు.. వాడు మాత్రం ప్రాణాలతో ఉండొద్దని ముందే చెప్పానని మారుతీరావు చెబుతున్నాడు.

మిర్యాలగూడలో జరిగిన ఈ కులదురహంకార హత్య మొదటిది కాదు.. ఇదే ఆఖరుది అవుతుందనే నమ్మకమూ లేదు. ఎందుకంటే ఈ మధ్య దేశవ్యాప్తంగా దళిత, బహుజనులపై జరుగుతున్న కుల, మతోన్మాదులు చేస్తున్న దాడులు అత్యంత భయంకరంగా ఉంటున్నాయి. మంథనిలో మధుకర్‌ను ఎంత దారుణంగా చంపారో మనం చూశాం. అంతే కాకుండా ఇటీవల ఒక దళితుడు తలపాగా ధరించాడని ఏకంగా తలపై చర్మాన్ని ఒలిచేశారు. ఇలా దేశంలో ఏదో ఒక చోట భీకరమైన ఘటనలు జరుగుతూనే ఉన్నాయి. ఇంత జరుగుతున్నా.. ఇంకా చాలా మంది అజ్ఞానులు దేశంలో కుల వివక్ష ఎక్కడ ఉంది అంటూ ప్రశ్నిస్తున్నారు. వీరి పక్కనే అగ్రకుల అహంకారులు దాడులు చేస్తున్నా.. వీళ్లకు మాత్రం ఏ వివక్షా కనపడదు. ఇలాంటి దురాగతాలు, అగ్రకుల ఆగడాలు ఆగిపోవాలంటే కేవలం కుల సంఘాలు, ప్రజా సంఘాల వల్లనే కాదు. ప్రజలందరూ జరుగుతున్న అక్రమాన్ని, అన్యాయాన్ని ఏకమై నిలదీయాలి. అందరూ ఒక్క తాటిపై నిలబడి ఇలాంటి దుర్మార్గులకు కఠిన శిక్ష పడేలా చేస్తే కాని వీరి ఆగడాలు ఆగవు.

Keywords : మారుతీరావు, మిర్యాలగూడ, అమృత, ప్రణయ్, హత్య, కుల అహంకారం, దళితుడు, marutirao, amruta, pranay, miryalaguda, murder
(2019-06-24 13:29:53)



No. of visitors : 4460

Suggested Posts


0 results

Search Engine

ప్రభుత్వ మైనింగ్ కంపెనీలను ప్రైవేట్ పరం చేసే కుట్రను ఎదుర్కుందాం...పౌరహక్కుల సంఘ‍ం
ʹఊపాʹ చట్టమే మరో ఎమర్జెన్సీ - ఎన్.నారాయణ రావు
దప్పికగొన్న భూమి - పి.వరలక్ష్మి
కోటీశ్వరుల పెళ్లి... 40 టన్నుల చెత్త‌ !
ʹమావోయిస్టు పార్టీ సభ్యుడవడం నేరంకాదని సుప్రీం కోర్టు చెప్పిందిʹ
నాగురించి కాదు జైళ్ళలో మగ్గుతున్న ఆదివాసుల గురించి మాట్లాడండి - వరవరరావు
వీవీ,సాయిబాబా తదితరులను వెంటనే విడుదల చేయాలి.....23న హైదరాబాద్ లోధర్నా
అడవి బిడ్డలను అరిగోస పెడ్తున్నరు
ఆదివాసుల జీవించే హక్కును కాలరాసున్న తెలంగాణ పాలకులు
This TV reporter is winning praise for relentlessly questioning an errant BJP leader
ఇవ్వాళ్ళే సభ..అందరికి ఆహ్వానం
తమ‌ను జంతువుల్లా చూశారన్న ఆదివాసులు.. తెలంగాణ ప్రభుత్వంపై హైకోర్టు ఆగ్రహం
ఆ 67 మంది ఆదివాసులను మా ముందు హాజరుపర్చండి...హైకోర్టు ఆదేశం
ʹవ్యక్తిత్వమే కవిత్వం..వరవరరావు కవిత్వ విశ్లేషణʹ ...17 న సభ‌
83 ఏండ్ల స్టాన్ స్వామి ఇంటిపై పోలీసుల దాడి.. విరసం ఖండన
ʹచోళ రాజుల కాలం దళితులకు చీకటి యుగంʹ అన్నందుకు డైరక్టర్ పా రంజిత్ పై కేసు !
అనారోగ్యంతో నడవ‌లేకపోతున్నా వైద్య సహాయం ఇవ్వడం లేదు....జైలు నుండి అనూష లేఖ‌ !
యోగీ ʹరామరాజ్యంʹలో... జర్నలిస్టు నోట్లో మూత్రం పోసి కొట్టిన పోలీసులు..!
పోలీసుల అదుపులో ఉన్న మావోయిస్టు నాయకులు కిరణ్, నర్మదలను వెంటనే కోర్టులో హాజరుపరచాలి
యోగీ ఆదిత్యనాథ్‌పై సుప్రీం ఆగ్రహం.. ఆ జర్నలిస్ట్‌ను వెంటనే విడుదల చేయాలని ఆదేశం
పచ్చని కొండల్లో మైనింగ్ చిచ్చు.. తమ జీవనం దెబ్బతీయొద్దంటూ ఆదివాసీల నిరవధిక దీక్ష
నా భర్తను అక్రమంగా అరెస్ట్ చేశారు..సుప్రీంను ఆశ్రయించిన జర్నలిస్టు భార్య‌
భావ ప్రకటనా స్వేచ్చపై కత్తి...యోగి పాలనలో జర్నలిస్టుల అరెస్టులు
One Year of Bhima Koregoan Arrests: Protest Held in Delhi
మానవత్వం యూ టర్న్ తీసుకుంది..!
more..


అమృత