ఆంధ్రజ్యోతి.. అబద్దాల ఎడిటోరియల్..!


ఆంధ్రజ్యోతి.. అబద్దాల ఎడిటోరియల్..!

ఆంధ్రజ్యోతి..

ఒక పత్రిక ఉద్దేశం.. అది ఎవరి వైపు ఉందో తెలియజేసేది పత్రిక మొదటి పేజీ కాదు. ఆ పత్రిక ఎడిటోరియల్ మాత్రమే. ఫ్రంట్ పేజీలో ఏమి వేసుకున్నా, రాసుకున్నా అది పెద్ద విషయమేమీ కాదు కానీ.. ఎడిటోరియల్ పేజీలో రాసుకునే విషయాన్ని మాత్రం ఆ పత్రిక ధోరణి అని అందరూ నిర్థారించుకుంటారు. గత మూడు రోజులుగా మన్యంలో జరుగుతున్న పరిణామాలపై, ఘటనలపై ఆంధ్రజ్యోతి పత్రిక ఈ రోజు ప్రచురించిన ఎడిటోరియల్ ఏకపక్షంగానూ.. ఒక పక్షాన్ని బలంగా సమర్థించేదిగా ఉందని విమర్శలు వస్తున్నాయి. ఇదే విషయాన్ని ఎస్ఏ డేవిడ్ తన సోషల్ మీడియా వాల్‌పై కూలంకషంగా వివరించారు. అది యధాతథంగా...
--------------------------------------------------------------------------------------

అరకు ఎమ్మెల్యే కిడారి సర్వేశ్వర రావును, మాజీ ఎమ్మెల్యే సోమును మావోయిస్టుల హత్య చేశారని వార్తలు చూస్తున్నాం..సహజంగానే రాజకీయ పార్టీల నుండి ముఖ్యంగా అధికార టీడీపీ పార్టీనుండి మావోయిస్టులకు వ్యతిరేకంగా ఖండనలు. బాధిత కుటుంబానికి సానుభూతి ప్రకటనలు వస్తున్నాయి.

పనిలో పనిగా వార్త పత్రికలు, టీవీలు తమ వార్తలను వండీ వారుస్తున్నాయి.. అధికార తెలుగుదేశం పార్టీకి కొమ్ముకాయడంలో ఎప్పుడూ ముందుండే ఆంధ్రజ్యోతి పత్రిక ఒకడుగు ముందుకు వేసి ʹమన్యంలో ఘాతకంʹ అంటూ ఎడిటోరియల్ రాసి తన గురుభక్తిని చాటుకుంది.

తమ అభిప్రాయాలను, భావాలను వ్యక్తికరించే స్వేచ్ఛ వ్యక్తికైనా, సంస్థ కైనా ఒకే రకంగా ఉంటుంది. దాన్ని నిరభ్యంతరంగా ఉపయోగించుకోవచ్చు.. కానీ దాని పేర నిజాలను దాచిపెట్టి ఏది పడితే అది రాయడం భావ్యం కాదు. అలాంటి పని ప్రజల వైపు ఉండాల్సిన పత్రికలు అసలే చేయకుడదు..కానీ ఆపనిని ఆంధ్రజ్యోతి విజయవంతంగా చేస్తుంది..

ʹమన్యంలో ఘాతకంʹ అంటూ రాసిన ఈ ఎడిటోరియల్ లో ఘటనను ఖండిస్తూనే.."గత కొంతకాలంగా స్థానికంగా ఆందోళన కార్యక్రమాలు సాగుతూ, విచారణ కమిటీ కూడ క్వారీ నిర్వహణకు అనుకూలంగా నివేదిక ఇచ్చిన నేపథ్యంలో ఈ హత్యజరిగింది అంటూ రాసుకొచ్చారు"..వాస్తవానికి ఇది అబద్దం..అక్కడ ఈ ఘటన జరగడానికి ముందు రోజు వరకు కూడ అక్కడి ప్రజలు ఈ క్వారీలు, బాక్సైట్ నిక్షేపాలకు వ్యతిరేకంగా ఆందోళన చేస్తూనే ఉన్నారు.. ఆందోళన చేస్తున్న ప్రజలపై అక్కడి పోలీసులను ఉసిగొల్పి గ్రామస్తులను భయాందోళనకు గురిచేశారు..హుకుంపేట మండలంలోని గూడ గ్రామస్తులు ఈ పోలీసు బెదిరింపులను లెక్కచేయకుండా నేటికి తన ఆందోళన చేస్తుంటే ఆంధ్రజ్యోతి మాత్రం విచారణ కమిటీ దీనికి అనుకూలంగా నివేదిక ఇచ్చిందని తప్పుడు వార్తను రాయడం భావ్యం కాదు.

ప్రభుత్వాలకు, పోలీసు వ్యవస్థను భయపడి నివేదిక వాళ్లకు అనుకూలంగా ఇచ్చినా కూడ ప్రజా ఆందోళన ఎటువైపు ఉంది అనేది ఆంధ్రజ్యోతి పరిగణలోనికి తీసుకోవాలి కానీ ఇలా ఏకపక్షంగా తప్పుడు వార్తలను సృష్టించడం భావ్యం కాదు.

ఇవాళ హత్య గావించబడ్డ ఎమ్మెల్యే కిడారి సర్వేేశ్వర రావు కాంగ్రెస్, తర్వాత వైసీపీలో ఉన్నప్పుడు తెలుగుదేశం పార్టీకిి, వారి విధానాలకు వ్యతిరేకంగా మాట్లాడిండు. అరకు నియోజకవర్గం పరిధిలోని 6 మండలాల్లో అనేక గ్రామాల్లో సభలు నిర్వహించి ఈ బాక్సైట్ కు వ్యతిరేకంగా పోరాడుతానని హామీ ఇచ్చాడు.. బాక్సైట్ తవ్వకాలు కొనసాగితే ఇక్కడ కురిసే ప్రతి నీటిబొట్టు విషతుల్య మౌతుందని, 21 నదులు కులుషితమవుతాయని ʹఅరకుʹ మాత్రమే కాకుండా విశాఖ, ఉభయగోదావరి జిల్లాలు సహితం ప్రమాదంలో చిక్కుకుంటాయని జగన్ మోహన్ రెడ్డి సాక్షిగా ఉపన్యాసాలు ఇచ్చి ప్రజలను నమ్మించాడు..వారి ఓట్లతో గెలిచిన వ్యక్తి రెండేండ్లు తిరక్కుండానే అధికార పక్షం వంచన చేరి ఇచ్చిన హామీలనే తూట్లు పొడుస్తుంటే వీటి గురించి ఏమి రాయదు ఈ పత్రిక..!

నిన్నటికి నిన్న మన్యంలో విష జ్వరాలతో పదుల సంఖ్యలో ఆదివాసులు మృత్యువాత పడితే ఈ ఎమ్యెల్యే గారు అన్నమాట ఏంటో తెలుసా ʹ లక్షలాదిమంది ఉండే దగ్గర 40, 50 మంది చనిపోవడం చాలా సహజం. అయినా విశాఖపట్నం లో ఎవరూ చనిపోవడం లేదా ఏంటి అని...! అంతమంది మరణాల పట్ల అంత చులకన భావంతో ఉన్న వ్యక్తి చనిపోతే పత్రికలన్ని పోటీలు పడి మరీ ఫ్రంట్ పేజీ కథనాలు ప్రచురిస్తున్నాయి..ఓహో ఎవరీ చావులన్నా ఒకటే అంటారా...? మరీ ఆ ఆదివాసీ మరణాల గురించి చూపించండి ఒక్కటంటే ఒక్క కథనం..బ్యానర్ ఐటం మీ మీ పత్రికల్లో..?

మీ మీ ప్రాంతంలోని సంగతేమో కానీ, తెలంగాణ లో కాళోజీ అనే కవి ఒక మంచి మాట చెప్పాడు ప్రాంతేతరుడు దోపిడి చేస్తే ప్రాంతందాకా తరిమికొడదాం, ప్రాంతంవాడే మోసం చేస్తే ప్రాంతంలోనే పాతర వేద్దాం...ʹ అని..బహుశా ఈ మాటలు అమలులో పెట్టారేమో అక్కడి వాళ్ళు.. ఎవరికి తెలుసూ...!?

Keywords : araku, mla, murder, maoists, andhrajyothy, editorial, అరకు, ఎమ్మెల్యే, మావోయిస్టులు, ఆంధ్రజ్యోతి, ఎడిటోరియల్, అబద్దాలు
(2018-12-15 23:57:55)



No. of visitors : 1253

Suggested Posts


0 results

Search Engine

ఆనాటి ఎన్నికల సన్నివేశమే మళ్లీ పునరావృతమైనట్టుంది..!
కాశ్మీర్ ఉజ్వలమైన చరిత్ర, పోరాట గాథ...మాజీ కేంద్ర మంత్రి సఫుద్దీన్ సోజ్ కాశ్మీర్ పై రాసిన పుస్తకం గురించి..
మత రాజకీయాల్లో యూపీ సీఎం యోగీకి ఇది పెద్ద ఎదురుదెబ్బ..
సర్జికల్ స్ట్రైక్స్ రాజకీయం... ప్రమాదకరమన్న ఆర్మీ అధికారి
ఏవోబీలో పీఎల్జీఏ వారోత్సవాలు..ఆడియో రిలీజ్ చేసిన మావోయిస్టులు
బీజేపీకి రాజీనామా చేసిన దళిత మహిళా ఎంపీ - సమాజంలో బీజేపీ విభజనలు సృష్టిస్తోందని ఆరోపణ‌
మావోయిస్టు పార్టీ తెలంగాణ రాష్ట్ర అధికార ప్రతినిధి జగన్ ఇంటర్వ్యూ పార్ట్ - 3
మావోయిస్టు పార్టీ తెలంగాణ రాష్ట్ర అధికార ప్రతినిధి జగన్ ఇంటర్వ్యూ పార్ట్ - 2
ఎన్నికలపై మావోయిస్టు పార్టీ తెలంగాణ రాష్ట్ర అధికార ప్రతినిధి జగన్ ఇంటర్వ్యూ పార్ట్-1
దళితులపై తప్పుడు కేసులు బనాయించి చితకబాదుతుంటే నాకు గర్వంగా ఉంటుంది.. ఒక ఐపీఎస్ వ్యాఖ్యలు
ʹఅఖ్లక్ హత్యపై దర్యాప్తు చేశాడనే ఇన్‌స్పెక్టర్ సుబోధ్‌ను హిందుత్వవాదులు అంతం చేశారుʹ
Isolate the fish from the water: a genocidal practice in India - Adolfo Naya
18 వసంతాల నెత్తిటి ఙాపకం... కామ్రేడ్స్ ఆదిరెడ్డి, సంతోష్, నరేష్ అమర్ రహే !
కేసీఆర్ ఓ నియంత : మావోయిస్టు జ‌గ‌న్‌
భీమాకోరేగావ్ విప్ల‌వ, ద‌ళిత శ‌క్తుల ఐక్య‌త‌కు ప్ర‌తీక : పాణి
CPI (Maoist) appoints military strategist Basavraju as its next general secretary
మావోయిస్టు పార్టీ ప్రధాన కార్యదర్శిగా బసవరాజు...అనారోగ్య కారణాలతో స్వచ్చందంగా విరమించుకున్న‌ గణపతి
పుణెలో రెండు రోజులు
కిషన్ జీ... పీడితుల యుద్ద గీతి !
చీకటి గదిలో ఒంటరిగా.. ఊపిరి పీల్చుకోలేని స్థితిలో వరవరరావు
గృహ నిర్బంధం అంటే ? - వరవరరావు
పోరాడి తమ హక్కులు సాధించుకున్న గిరిజన రైతులు.. ముంబైలో మహాపాదయాత్ర
ప్రజా గొంతుకల అక్రమ అరెస్టులపై పోరాడుదాం
నేల చెర విడిపించే అక్షరాలు - అశోక్ కుంబము
రాజద్రోహానికి పాల్పడకపోతే ప్రజా ద్రోహం చేసినట్లే
more..


ఆంధ్రజ్యోతి..