70వేల మంది రైతులపై పోలీసుల అరాచకం.. బాష్పవాయు గోళాలు.. వాటర్ క్యానన్‌ల ప్రయోగం.. వందలాది మందికి గాయాలు


70వేల మంది రైతులపై పోలీసుల అరాచకం.. బాష్పవాయు గోళాలు.. వాటర్ క్యానన్‌ల ప్రయోగం.. వందలాది మందికి గాయాలు

70వేల

దాదాపు 70 వేల మంది రైతులు ఎంతో శాంతియుతంగా తమ డిమాండ్ల సాధన కోసం ఉత్తరప్రదేశ్‌లోని హరిద్వార్ నుంచి పది రోజుల క్రితం ప్రారంభించి మహాపాదయాత్రగా తరలి వస్తున్నారు. రుణమాఫీ చేయాలని, ఉచిత విద్యుత్ అందించాలని కోరుతూ ʹకిసాన్ క్రాంతి ర్యాలీʹ పేరుతో ఢిల్లీలోని కిసాన్ ఘా‌ట్‌కు ట్రాక్టర్లు, ట్రాలీలు, బండ్లు, నడుస్తూ వస్తున్న వీరు ఈ రోజు ఢిల్లీలో ప్రవేశించాల్సి ఉంది. అయితే వీరి రాకను ఢిల్లీ సరిహద్దుల్లో పోలీసులు అడ్డుకున్నారు. రోడ్లకు అడ్డంగా బారికేడ్లు పెట్టి రైతులు రాజధానిలోకి రాకుండా ఢిల్లీ-యూపీ సరిహద్దులో నిలిపేశారు. మేం శాంతియుతంగానే ర్యాలీ నిర్వహిస్తున్నాం.. గత పది రోజులుగా ఎక్కడా ఎలాంటి అవాంఛనీయ సంఘటనలు జరుగులేదు కదా మమ్మల్ని వెళ్లనీయండీ అంటూ భారతీయ కిసాన్ యూనియన్ నాయకులు పోలీసులను కోరారు. అయినా సరే పోలీసులు వారిని అనుమతించలేదు. కొంత మంది రైతులు ట్రాక్టర్లతో బారికేడ్లను తొలగించే ప్రయత్నం చేశారు. దీంతో పోలీసులు లాఠీ చార్జీ మొదలు పెట్టారు. అక్కడి నుంచి వెంటనే వెనుదిరగమంటూ వాటర్ కానాన్‌లతో వారిని చెదరగొట్టారు. ఇష్టానుసారంగా భాష్పవాయుగోళాలు ప్రయోగించారు. ఏకంగా ఐపీఎస్ ఆఫీసర్లే గన్లు పట్టుకొని బెదిరించడం గమనార్హం.

పోలీసుల దౌర్జన్యానికి వందలాది మంది రైతులు తీవ్రంగా గాయపడ్డారు. కాళ్లు, చేతులు విరిగిపోయి.. ఒళ్లంతా గాయాలతో తీవ్ర రక్తస్రావం జరిగింది. ఇంత జరుగుతున్న పోలీసులు లాఠీచార్జి ఆపలేదు. ఢిల్లీ సీఎం కేజ్రివాల్ కూడా వారిని అడ్డుకోవద్దని పోలీసులకు విజ్ఞప్తి చేసినా రైతులను మాత్రం అనుమతించలేదు. ఈ ఘటన తర్వాత బీకేయూ నేత నరేష్ మాట్లాడుతూ..ʹమమ్మల్ని ఇక్కడ ఎందుకు ఆపారు? మేము క్రమశిక్షణతో శాంతయుతంగా నిరసన ర్యాలీ చేస్తున్నాం. మా సమస్యల గురించి ప్రభుత్వానికి కాకుండా ఎవరికి చెప్పాలి? పాకిస్థాన్‌కో లేదా బంగ్లాదేశ్‌కో వెళ్లిపోవాలా?ʹ అని ఆవేశంగా అన్నారు. కనీస మద్దతు ధర, డీజిల్ ధరల తగ్గింపు, ట్రాక్టర్లను కమర్షియల్ జాబితా నుంచి తొలగింపు, రుణమాఫీల గురించి అడిగినందుకే ఇంత దారుణంగా వ్యవహరిస్తారా అని గత పది రోజులుగా ర్యాలీలో పాల్గొన్న ఒక రైతు ఆవేదన వ్యక్తం చేశాడు.

శాంతియుతంగా తమ హక్కులు, డిమాండ్ల కోసం పాదయాత్ర చేసి ఢిల్లీ వరకు తమ ఆవేదన తెలియజేయాలనుకున్న రైతులపై పోలీసులు, ప్రభుత్వం చేసిన దౌర్జన్యం, దాడిని ʹఅవని న్యూస్ʹ తీవ్రంగా ఖండిస్తోంది.


Keywords : కిసాన్ క్రాంతి ర్యాలీ, రైతులు, ఢిల్లీ, లాఠీ చార్జి, ఢిల్లీ పోలీసులు, kisan kranti rally, farmers, delhi, police, lathi charge,
(2019-06-24 11:04:21)



No. of visitors : 870

Suggested Posts


0 results

Search Engine

ప్రభుత్వ మైనింగ్ కంపెనీలను ప్రైవేట్ పరం చేసే కుట్రను ఎదుర్కుందాం...పౌరహక్కుల సంఘ‍ం
ʹఊపాʹ చట్టమే మరో ఎమర్జెన్సీ - ఎన్.నారాయణ రావు
దప్పికగొన్న భూమి - పి.వరలక్ష్మి
కోటీశ్వరుల పెళ్లి... 40 టన్నుల చెత్త‌ !
ʹమావోయిస్టు పార్టీ సభ్యుడవడం నేరంకాదని సుప్రీం కోర్టు చెప్పిందిʹ
నాగురించి కాదు జైళ్ళలో మగ్గుతున్న ఆదివాసుల గురించి మాట్లాడండి - వరవరరావు
వీవీ,సాయిబాబా తదితరులను వెంటనే విడుదల చేయాలి.....23న హైదరాబాద్ లోధర్నా
అడవి బిడ్డలను అరిగోస పెడ్తున్నరు
ఆదివాసుల జీవించే హక్కును కాలరాసున్న తెలంగాణ పాలకులు
This TV reporter is winning praise for relentlessly questioning an errant BJP leader
ఇవ్వాళ్ళే సభ..అందరికి ఆహ్వానం
తమ‌ను జంతువుల్లా చూశారన్న ఆదివాసులు.. తెలంగాణ ప్రభుత్వంపై హైకోర్టు ఆగ్రహం
ఆ 67 మంది ఆదివాసులను మా ముందు హాజరుపర్చండి...హైకోర్టు ఆదేశం
ʹవ్యక్తిత్వమే కవిత్వం..వరవరరావు కవిత్వ విశ్లేషణʹ ...17 న సభ‌
83 ఏండ్ల స్టాన్ స్వామి ఇంటిపై పోలీసుల దాడి.. విరసం ఖండన
ʹచోళ రాజుల కాలం దళితులకు చీకటి యుగంʹ అన్నందుకు డైరక్టర్ పా రంజిత్ పై కేసు !
అనారోగ్యంతో నడవ‌లేకపోతున్నా వైద్య సహాయం ఇవ్వడం లేదు....జైలు నుండి అనూష లేఖ‌ !
యోగీ ʹరామరాజ్యంʹలో... జర్నలిస్టు నోట్లో మూత్రం పోసి కొట్టిన పోలీసులు..!
పోలీసుల అదుపులో ఉన్న మావోయిస్టు నాయకులు కిరణ్, నర్మదలను వెంటనే కోర్టులో హాజరుపరచాలి
యోగీ ఆదిత్యనాథ్‌పై సుప్రీం ఆగ్రహం.. ఆ జర్నలిస్ట్‌ను వెంటనే విడుదల చేయాలని ఆదేశం
పచ్చని కొండల్లో మైనింగ్ చిచ్చు.. తమ జీవనం దెబ్బతీయొద్దంటూ ఆదివాసీల నిరవధిక దీక్ష
నా భర్తను అక్రమంగా అరెస్ట్ చేశారు..సుప్రీంను ఆశ్రయించిన జర్నలిస్టు భార్య‌
భావ ప్రకటనా స్వేచ్చపై కత్తి...యోగి పాలనలో జర్నలిస్టుల అరెస్టులు
One Year of Bhima Koregoan Arrests: Protest Held in Delhi
మానవత్వం యూ టర్న్ తీసుకుంది..!
more..


70వేల