ఆనాటి ఎన్నికల సన్నివేశమే మళ్లీ పునరావృతమైనట్టుంది..!


ఆనాటి ఎన్నికల సన్నివేశమే మళ్లీ పునరావృతమైనట్టుంది..!

ఆనాటి

ఇవాళ దేశంలోని 5 రాష్ట్రాల అసెంబ్లీ ఎన్నికల కౌంటింగ్ పూర్తయ్యింది. తెలంగాణలో టీఆర్ఎస్ తిరిగి అధికారాన్ని చేపట్టనుండగా.. చత్తీస్‌ఘడ్, రాజస్థాన్, మధ్యప్రదేశ్‌లో కాంగ్రెస్ అధికారంలోకి రానుంది. మీజోరాంలో కాంగ్రెస్ ఓటమి పాలయ్యింది. అయితే తెలంగాణ ఎన్నికల ఫలితాలు గతంలో జరిగిన ఎన్నికల సన్నివేశాన్ని గుర్తుతెస్తోందంటూ సీనియర్ జర్నలిస్ట్, వీక్షణం పత్రిక సంపాదకులు ఎన్. వేణుగోపాల్ అంటున్నారు. ఆ విషయాలు ఏమిటో ఆయన మాటల్లోనే...

---------------------------------------------------------------------------------

మిత్రులారా, దేశంలో సాగుతున్న పార్లమెంటరీ ఎన్నికల రాజకీయాల మీద ఎంతమాత్రం విశ్వాసం లేనివాణ్ని. ఈ ఎన్నికలు నిజమైన ప్రజాభిమతానికీ, ప్రజా ప్రయోజనాలకూ, ఆకాంక్షలకూ వ్యక్తీకరణ కావని నా నమ్మకం. అందరూ దొంగలే అయిన చోట ఒక దొంగను ఎన్నుకోవడానికి, గొంతు కోసి చంపేవాడినో, నీట ముంచి చంపేవాడినో ఎంచుకోవడానికి ప్రజలకు దొరికే అవకాశం మాత్రమేనని నా విశ్వాసం. అందువల్ల ఒకరి గెలుపు గురించీ, మరొకరి ఓటమి గురించీ మాట్లాడడానికి ఏమీ లేదు. కాకపోతే చరిత్ర విద్యార్థిగా మూడు విషయాలు పంచుకోవాలని ఉంది:

ఒకటి, గత ఏడు దశాబ్దాల భారత పార్లమెంటరీ ఎన్నికల చరిత్రలో గెలిచినవాళ్లేమో ప్రజలు కోరుకున్నవారూ, ఓడినవాళ్లేమో ప్రజలు తిరస్కరించినవారూ అని ఎవరైనా అనుకుంటే అంతకన్న అమాయకమైన, హాస్యాస్పదమైన సంగతి మరొకటి ఉండదు. అటు గెలిచినవాళ్లూ, ఇటు ఓడినవాళ్లూ అందరూ కూడ ప్రజలకోసం ఇసుమంత చేసినవాళ్లూ, చేయదలచుకున్నవాళ్లూ కాదు. గెలిచినవాళ్లయినా, అప్పుడు ఓడి మరెప్పుడో గెలిచినవాళ్లయినా అందరికందరూ భూస్వాములకు, సామ్రాజ్యవాదులకు, సంపన్నులకు ఊడిగం చేసినవాళ్లే. ఆ పనిలో భాగంగా తమ బాగు చూసుకున్న దళారీలే. వాళ్ల విధానాలకూ, ఆచరణలకూ ఉప ఉత్పత్తి గానో, ముసుగు గానో, పుష్టిగా తింటున్న చెయ్యి విసిరితే రాలిపడిన ఎంగిలి మెతుకులుగానో మాత్రమే ప్రజలకు కాసిన్ని ʹఅభివృద్ధిʹ పథకాలూ, సంక్షేమ పథకాలూ, తాయిలాలూ అంది ఉండవచ్చు.

రెండు, నాలుగున్నరేళ్లలో తెలంగాణ ప్రజా ఉద్యమ ఆకాంక్షలకూ, ప్రజా ప్రయోజనాలకూ వ్యతిరేకమైన ఎన్నో పనులు చేసిన పార్టీ ఒకవైపునా, అంతకుముందు అరవై ఏళ్లో, ముప్పై ఏళ్లో తెలంగాణ ప్రజా ప్రయోజనాలకు వ్యతిరేకంగా మరెన్నో పనులు చేసిన పార్టీలు మరొకవైపునా ఉన్నప్పుడు అటు చూస్తే నుయ్యి ఇటు చూస్తే గొయ్యి కన్న ఎక్కువా కాదు, తక్కువా కాదు. అయ్యో తెలంగాణ నూతిలో పడ్డదే అని కుంగిపోవడమూ, గొయ్యిలో పడలేదని పొంగిపోవడమూ సమానంగా నిష్ప్రయోజకమే.

మూడు, ఉమ్మడి ఆంధ్రప్రదేశ్ చరిత్రలోని రెండు ఎన్నికలను -- 1989, 1999 -- ఈ సమయంలో గుర్తు చేసుకోవలసి ఉంది. ఎన్ టి రామారావు రెండు సంవత్సరాల్లో రెండు సార్లు (1983, 1985) అఖండ విజయం సాధించి కూడ 1989లో చిత్తుగా ఓడిపోయారు. ఇక, ప్రపంచ బ్యాంకు పథకాలు ప్రారంభించి, ప్రజా ఉద్యమాల మీద క్రూరమైన నిర్బంధం సాగించి, తీవ్రమైన వ్యతిరేకతను మూటకట్టుకుని చంద్రబాబు నాయుడు 1999 ఎన్నికల్లో ఓడిపోతారనే అనిపించింది. అప్పటికి రెండు మూడు సంవత్సరాల ముందు నుంచి నాబోటివాళ్లం ఆయన విధానాలకు వ్యతిరేకంగా రాస్తున్నాం, మాట్లాడుతున్నాం. కాని చంద్రబాబు నాయుడు 1999 ఎన్నికల్లో గెలిచారు. ఆ తర్వాత 2004లో అలిపిరి హత్యాప్రయత్నపు సానుభూతి కూడ ఆయనను ఓటమి నుంచి కాపాడలేకపోయిందనేది వేరే కథ.

ఇవాళ్టి ఫలితాలు, 1989 కన్న 1999కి దగ్గరగా ఉన్నట్టున్నాయి.

ఎన్. వేణుగోపాల్
వీక్షణం సంపాదకులు.

Keywords : తెలంగాణ, ఎన్నికలు, పునరావృతం, telangana, Elections, Result
(2019-06-22 21:43:55)



No. of visitors : 398

Suggested Posts


0 results

Search Engine

ప్రభుత్వ మైనింగ్ కంపెనీలను ప్రైవేట్ పరం చేసే కుట్రను ఎదుర్కుందాం...పౌరహక్కుల సంఘ‍ం
ʹఊపాʹ చట్టమే మరో ఎమర్జెన్సీ - ఎన్.నారాయణ రావు
దప్పికగొన్న భూమి - పి.వరలక్ష్మి
కోటీశ్వరుల పెళ్లి... 40 టన్నుల చెత్త‌ !
ʹమావోయిస్టు పార్టీ సభ్యుడవడం నేరంకాదని సుప్రీం కోర్టు చెప్పిందిʹ
నాగురించి కాదు జైళ్ళలో మగ్గుతున్న ఆదివాసుల గురించి మాట్లాడండి - వరవరరావు
వీవీ,సాయిబాబా తదితరులను వెంటనే విడుదల చేయాలి.....23న హైదరాబాద్ లోధర్నా
అడవి బిడ్డలను అరిగోస పెడ్తున్నరు
ఆదివాసుల జీవించే హక్కును కాలరాసున్న తెలంగాణ పాలకులు
This TV reporter is winning praise for relentlessly questioning an errant BJP leader
ఇవ్వాళ్ళే సభ..అందరికి ఆహ్వానం
తమ‌ను జంతువుల్లా చూశారన్న ఆదివాసులు.. తెలంగాణ ప్రభుత్వంపై హైకోర్టు ఆగ్రహం
ఆ 67 మంది ఆదివాసులను మా ముందు హాజరుపర్చండి...హైకోర్టు ఆదేశం
ʹవ్యక్తిత్వమే కవిత్వం..వరవరరావు కవిత్వ విశ్లేషణʹ ...17 న సభ‌
83 ఏండ్ల స్టాన్ స్వామి ఇంటిపై పోలీసుల దాడి.. విరసం ఖండన
ʹచోళ రాజుల కాలం దళితులకు చీకటి యుగంʹ అన్నందుకు డైరక్టర్ పా రంజిత్ పై కేసు !
అనారోగ్యంతో నడవ‌లేకపోతున్నా వైద్య సహాయం ఇవ్వడం లేదు....జైలు నుండి అనూష లేఖ‌ !
యోగీ ʹరామరాజ్యంʹలో... జర్నలిస్టు నోట్లో మూత్రం పోసి కొట్టిన పోలీసులు..!
పోలీసుల అదుపులో ఉన్న మావోయిస్టు నాయకులు కిరణ్, నర్మదలను వెంటనే కోర్టులో హాజరుపరచాలి
యోగీ ఆదిత్యనాథ్‌పై సుప్రీం ఆగ్రహం.. ఆ జర్నలిస్ట్‌ను వెంటనే విడుదల చేయాలని ఆదేశం
పచ్చని కొండల్లో మైనింగ్ చిచ్చు.. తమ జీవనం దెబ్బతీయొద్దంటూ ఆదివాసీల నిరవధిక దీక్ష
నా భర్తను అక్రమంగా అరెస్ట్ చేశారు..సుప్రీంను ఆశ్రయించిన జర్నలిస్టు భార్య‌
భావ ప్రకటనా స్వేచ్చపై కత్తి...యోగి పాలనలో జర్నలిస్టుల అరెస్టులు
One Year of Bhima Koregoan Arrests: Protest Held in Delhi
మానవత్వం యూ టర్న్ తీసుకుంది..!
more..


ఆనాటి