మావోయిస్టు అంటూ ఎన్‌జీఆర్ఐ అధికారి వెంకట్రావు అరెస్టు.. వెనుక ఎన్నో అనుమానాలు..!


మావోయిస్టు అంటూ ఎన్‌జీఆర్ఐ అధికారి వెంకట్రావు అరెస్టు.. వెనుక ఎన్నో అనుమానాలు..!

మావోయిస్టు

బీమా కోరేగావ్ అనే ఒక సాకును చూపుతూ కేంద్ర ప్రభుత్వం ఎంతో మంది హక్కుల కార్యకర్తలు, రచయితలు, ఉద్యమకారులను అక్రమ అరెస్టులు చేస్తోంది. తాము అరెస్టు చేసిన వాళ్లందరూ మావోయిస్టులే అని ఆరోపిస్తూ బూటకపు చార్జిషీట్లు వేస్తూ అరాచకం సృష్టిస్తోంది. వరవరరావు, సుధా భరద్వాజ్ వంటి వారిని పూణే పోలీసులు అరెస్టు చేసిన ఘటన మరవక ముందే.. ఎన్‌జీఆర్ఐలో పని చేసే ఒక అధికారిని చత్తీస్‌గడ్‌లో అరెస్టు చేశామంటూ ఆ రాష్ట్ర పోలీసులు వెల్లడించడంపై సర్వత్రా నిరసన వ్యక్తం అవుతోంది.

హైదరాబాద్‌లోని ఎన్‌జీఆర్ఐలో సీనియర్ టెక్నికల్ ఆఫీసర్‌గా విధులు నిర్వర్తిస్తున్న ఎన్. వెంకట్ రావు అనే అధికారిని డిసెంబర్ 23న రాజ్‌నంద్‌గావ్ అనే ఊరిలో అరెస్టు చేసినట్లు చత్తీస్‌గడ్ పోలీసులు ఒక ప్రకటనలో తెలిపారు. అర్బన్ నక్సల్స్ నెట్‌వర్క్‌కు వెంకట్రావ్ అనుసంధానకర్తగా ఉన్నారని.. మావోయిస్టు పార్టీలోని టాప్ లీడర్స్‌తో ఆయనకు ప్రత్యక్ష సంబంధాలు ఉన్నాయని పోలీసులు ఆ ప్రకటనలో ఆరోపించారు. తమ విచారణలో పలు విషయాలు తెలిశాయని పోలీసులు పేర్కొన్నారు.

కాగా, వెంకట్రావు అరెస్టు విషయమై ʹన్యూస్ లాండ్రీʹ అనే వెబ్‌సైట్ ప్రతినిధులు ఆయన కుటుంబాన్ని, స్నేహితులను, సహుద్యోగులను సంప్రదించగా పలు ఆసక్తికరమైన విషయాలు తెలిశాయి. వీరందరూ పోలీసులు చెప్పే విషయాలను తోసిపుచ్చడమే కాకుండా పలు ప్రశ్నలను కూడా లేవనెత్తుతున్నారు.

చత్తీస్‌గడ్ పోలీసులు వెంకట్రావును 23 డిసెంబర్ రోజు రాజ్‌నంద్‌గావ్‌ జిల్లాలోని బాగ్‌నది పోలీస్ స్టేషన్ పరిధిలో అరెస్టు చేశామని చెబుతున్నారు. ఆయన మావోయిస్టు పార్టీ మహారాష్ట్ర మధ్యప్రదేశ్ చత్తీస్‌గడ్ జోన్ సెంట్రల్ కమిటీ సభ్యుడు దీపక్ ఆనంద్‌ తేల్తుంబ్డే కలవడానికి వస్తుండగా అరెస్టు చేశామని పోలీసులు ఆరోపిస్తున్నారు. అంతే కాకుండా మావోయిస్టు పార్టీలో ʹమూర్తిʹ అనే పేరుతో వెంకట్రావును పిలుస్తారని కూడా అంటున్నారు. అయితే ఈ ఆరోపణలన్నింటినీ వెంకట్రావు కుటుంబం తీవ్రంగా ఖండిస్తోంది.

వెంకట్రావు డిసెంబర్ 18న హైదరాబాద్ నుంచి బయలుదేరి నాగ్‌పూర్ వెళ్లారని.. అక్కడ ఒక స్నేహితుడిని కలవడానికి వెళ్లి నాగ్‌పూర్‌లోని ఎన్‌జీఆర్ఐ గెస్ట్ హౌస్‌లోనే బస చేశారని ఆయన భార్య హేమ అంటున్నారు. 19వ తేదీన ఆయన చివరి సారిగా కాల్ చేశారని.. ఆ తర్వాత ఆయన నుంచి ఎలాంటి కాల్ రాలేదని ఆమె స్పష్టం చేశారు.

మానవ హక్కుల న్యాయవాదిగా సుపరిచితమైన హేమ తన భర్త అరెస్టుపై పలు అనుమానాలు వ్యక్తం చేశారు. తన భర్త వామపక్ష భావాలు ఉన్న వ్యక్తేనని.. ఎన్‌జీఆర్ఐలో చేరక మునుపు పలు విద్యార్థి ఉద్యమాల్లో పాల్గొన్నారు. కాని ఏనాడూ ఏ ఉద్యమ సంస్థలతోనూ ఆయనకు ప్రత్యక్ష సంబంధాలు లేవని ఆమె స్పష్టం చేశారు. కేవలం స్నేహితులన కలుసుకోవడానికి ఆయన నాగ్‌పూర్ వెళ్లారని.. 19నాడే ఆయనను అదుపులోకి తీసుకున్న పోలీసులు ఆయన అరెస్టును మాత్రం 23న చూపించారని ఆమె ఆరోపిస్తున్నారు.

నాగ్‌పూర్‌లోని ఎన్‌జీఆర్ఐ గెస్ట్ హౌస్ నుంచి తన భర్త లగేజీని పోలీసులే తీసుకెళ్లారని.. నాలుగు రోజుల పాటు పలు ప్రాంతాలు తిప్పుతూ ఆ తర్వాత అరెస్టు చూపించారని ఆమె చెబుతున్నారు. తనకు 22న ఒక కాల్ వచ్చింది కాని అది స్పష్టంగా లేదని.. కాల్ కట్ అవుతూ ఉండటంతో తనకు ఏమీ వినపించలేదని.. కాని పోలీసులు డిసెంబర్ 23న పోలీసులు కాల్ చేసి తన భర్తను అరెస్టు చేసినట్లు చెప్పారని ఆమె అన్నారు. ఆ తర్వాత రోజే తాను రాజ్‌నంద‌గావ్‌కు వెళ్లి పోలీసులతో మాట్లాడానని.. తన భర్తపై ʹథర్డ్ డిగ్రీʹ ప్రయోగించడానికి వీళ్లేదని చెప్పినట్లు హేమ తెలిపారు.

మానవ హక్కుల న్యాయవాదిగా తాను పలు కేసులు వాదించానని... అలాగే పలు ఉద్యమాల్లో కూడా పాల్గొన్నానని హేమ చెప్పారు. తన గురించి పోలీసులు తెలుసుకొని.. ఆ ఉద్యమాలన్నింటిలో తన భర్తే పాల్గొన్నట్లు రిపోర్టు రాశారని ఆమె ఆరోపించారు. చత్తీస్‌గడ్ పోలీసులు విడుదల చేసిన పత్రికా ప్రకటనలో తన భర్త రైతుల నిరసన, దళితులు ఉద్యమాలు, నర్మదా బచావ్ ఆందోళన, మాండ్లా చుట్కా అణు విద్యుత్ కేంద్రానికి వ్యతిరేకంగా, ప్రత్యేక ఆర్థిక మండళ్లు, బీమా కోరేగావ్ వంటి ఉద్యమాల్లో పాల్గొన్నట్లు పేర్కొన్నారని.. కాని అవన్నీ సత్య దూరాలని హేమ చెబుతున్నారు. తన భర్త పేరును కావాలనే ఇరికించారేమోనని ఆమె అనుమానం వ్యక్తం చేశారు.

తన భర్త ఎలాంటి ఉద్యమాల్లో పాల్గొన లేదని.. పోలీసులు పేర్కొన్న ఏ సంఘటనలతోనూ సంబంధం లేదని ఆమె చెబుతున్నారు. మధ్యప్రదేశ్‌లోని మండ్లా చుట్కా అణువిద్యుత్ కేంద్రానికి మేధా పాట్కర్ మద్దతు కూడా ఉన్నప్పుడు వెంకట్రావ్ ఎలా వ్యతిరేకిస్తారని ఆమె ప్రశ్నిస్తున్నారు. తన భర్తపై చత్తీస్‌గడ్‌లో కేసు నమోదు అయితే.. మహారాష్ట్రలో ఎందుకు అదుపులో తీసుకున్నారని.. మూడు రోజుల పాటు తన అరెస్టును ఎందుకు చూపలేదని ఆమె ప్రశ్నిస్తున్నారు. తన భర్త అరెస్టుపై జాతీయ మానవహక్కుల కమిషన్‌కు పిర్యాదు చేస్తానని.. అక్కడ పూర్తి నిజాలు చెబుతానని ఆమె స్పష్టం చేశారు.

ఇదే విషయంపై ఎన్‌జీఆర్ఐ డైరెక్టర్ వీరేంద్ర తివారీని సంప్రదించగా.. వెంకట్రావ్ గత 30 ఏండ్లుగా ఉత్తమ అధికారిగా సేవలు అందించారని... ఆయనపై వచ్చిన ఆరోపణలు తమకు ఆశ్చర్యాన్ని కలిగిస్తున్నాయని అన్నారు. డిసెంబర్ 19 నుంచి 21 వరకు ఆయన సాధారణ సెలవుపై ఉన్నారని ఆయన స్పష్టం చేశారు.

Source : Newslaundry.com

Keywords : maoist, nagpur, chattisgarh, ngri, n venkatrao, urban naxal, hema, lawey, police, మావోయిస్టు, అర్బన్ నక్సల్, ఎన్ వెంకట్రావు, చత్తీస్‌గడ్ పోలీసు
(2019-06-22 20:01:35)



No. of visitors : 783

Suggested Posts


0 results

Search Engine

ప్రభుత్వ మైనింగ్ కంపెనీలను ప్రైవేట్ పరం చేసే కుట్రను ఎదుర్కుందాం...పౌరహక్కుల సంఘ‍ం
ʹఊపాʹ చట్టమే మరో ఎమర్జెన్సీ - ఎన్.నారాయణ రావు
దప్పికగొన్న భూమి - పి.వరలక్ష్మి
కోటీశ్వరుల పెళ్లి... 40 టన్నుల చెత్త‌ !
ʹమావోయిస్టు పార్టీ సభ్యుడవడం నేరంకాదని సుప్రీం కోర్టు చెప్పిందిʹ
నాగురించి కాదు జైళ్ళలో మగ్గుతున్న ఆదివాసుల గురించి మాట్లాడండి - వరవరరావు
వీవీ,సాయిబాబా తదితరులను వెంటనే విడుదల చేయాలి.....23న హైదరాబాద్ లోధర్నా
అడవి బిడ్డలను అరిగోస పెడ్తున్నరు
ఆదివాసుల జీవించే హక్కును కాలరాసున్న తెలంగాణ పాలకులు
This TV reporter is winning praise for relentlessly questioning an errant BJP leader
ఇవ్వాళ్ళే సభ..అందరికి ఆహ్వానం
తమ‌ను జంతువుల్లా చూశారన్న ఆదివాసులు.. తెలంగాణ ప్రభుత్వంపై హైకోర్టు ఆగ్రహం
ఆ 67 మంది ఆదివాసులను మా ముందు హాజరుపర్చండి...హైకోర్టు ఆదేశం
ʹవ్యక్తిత్వమే కవిత్వం..వరవరరావు కవిత్వ విశ్లేషణʹ ...17 న సభ‌
83 ఏండ్ల స్టాన్ స్వామి ఇంటిపై పోలీసుల దాడి.. విరసం ఖండన
ʹచోళ రాజుల కాలం దళితులకు చీకటి యుగంʹ అన్నందుకు డైరక్టర్ పా రంజిత్ పై కేసు !
అనారోగ్యంతో నడవ‌లేకపోతున్నా వైద్య సహాయం ఇవ్వడం లేదు....జైలు నుండి అనూష లేఖ‌ !
యోగీ ʹరామరాజ్యంʹలో... జర్నలిస్టు నోట్లో మూత్రం పోసి కొట్టిన పోలీసులు..!
పోలీసుల అదుపులో ఉన్న మావోయిస్టు నాయకులు కిరణ్, నర్మదలను వెంటనే కోర్టులో హాజరుపరచాలి
యోగీ ఆదిత్యనాథ్‌పై సుప్రీం ఆగ్రహం.. ఆ జర్నలిస్ట్‌ను వెంటనే విడుదల చేయాలని ఆదేశం
పచ్చని కొండల్లో మైనింగ్ చిచ్చు.. తమ జీవనం దెబ్బతీయొద్దంటూ ఆదివాసీల నిరవధిక దీక్ష
నా భర్తను అక్రమంగా అరెస్ట్ చేశారు..సుప్రీంను ఆశ్రయించిన జర్నలిస్టు భార్య‌
భావ ప్రకటనా స్వేచ్చపై కత్తి...యోగి పాలనలో జర్నలిస్టుల అరెస్టులు
One Year of Bhima Koregoan Arrests: Protest Held in Delhi
మానవత్వం యూ టర్న్ తీసుకుంది..!
more..


మావోయిస్టు