సామూహిక గాయానికి 29 ఏండ్లు...


సామూహిక గాయానికి 29 ఏండ్లు...

సామూహిక

ʹకునన్‌ - పుష్పోరాʹ కాశ్మీర్‌లోని కుప్వారా జిల్లాకు చెందిన మారుమూల జంట గ్రామాలు. 1991 వరకు ఈ గ్రామాలు ఉన్నాయనే విషయం కూడా దేశంలో చాలా మందికి తెలియదు. కాని ఒక్కసారిగా ప్రపంచవార్తల్లోకి ఎక్కాయి ఈ రెండు గ్రామాల పేర్లు. కారణం ఆ రెండు గ్రామాలపై తోడేళ్లలా విరుచుకుపడిన ఆర్మీ జవాన్లు ఆ గ్రామంలోని మహిళలపై చేసిన సామూహిక అత్యాచారం.

సరిగ్గా 28 ఏండ్ల క్రితం ఫిబ్రవరి 22వ తేదీన దేశాన్ని రక్షించాల్సిన ఆర్మీ, తమ బాధ్యతను మరిచి మృగాలుగా మారి ప్రజలపై సామూహిక అత్యాచారానికి ఒడిగట్టారు. అర్ధరాత్రి సమయంలో వందలాది మంది ఒకేసారి వారి ఇళ్లలోకి చొరబడి పిల్లలు, యువతులు, వృద్ధులు అనే తేడా లేకుండా వందలాది మంది మహిళలపై పడి అత్యాచారం చేశారు. వాళ్ల బారి నుండి తప్పించుకొని పారిపోతున్న మహిళల్ని కూడా వెంటాడి, వేటాడి మరీ అత్యాచారం చేశారు. ఈ అత్యాచారంలో 8 ఏండ్ల పసిపాపతో సహా 80 పండు ముసలిని కూడా ఆ సైన్యం వదలలేదంటే ఎంత పాశవికంగా ప్రవర్తించారో అర్థం చేసుకోవచ్చు.

మూడు రోజుల్లో డెలివరీ కావాల్సిన మహిళ, నెల రోజుల ముందే ఒక బిడ్డకు జన్మనిచ్చిన మహిళ. అంతకు ముందు రోజు పెళ్లి చేసుకున్న యువతి ఇలా ఒక్కరేమిటి అందరూ ఈ మారణ మృగాల బాధితులే. మూడు రోజుల్లో డెలివరీ కాబోతున్న మహిళలను మానవ మృగాలు రేప్‌ చేస్తే అతి కష్టం మీద డాక్టర్లు ఆమెకు ఆపరేషన్‌ చేసి ప్రాణాలు నిలబెట్టాల్సి వచ్చింది. ఇంత కర్కశంగా జంతువులు కూడా వ్యవహరించవు. ఆ ఇంట్లోకి చొరబడ్డ సైనికులు ఇంట్లో ఉన్న పురుషుల్ని ఇళ్లముందే కట్టేసి, తమ తల్లులను, భార్యలను, పిల్లలను అత్యాచారం చేశారు. ఆ సమయంలో వారి పరిస్థితి ఎంత భయంకరంగా ఉండి ఉండవచ్చో అర్థం చేసుకోవచ్చు. ఈ ఘోర కృత్యం జరిగాక మరుసటి రోజు బాధితులంతా చుట్టుపక్కల గ్రామస్తుల సహాయంతో ఆందోళనకు దిగారు. అండగా ఉండాల్సిన నాటి ప్రభుత్వ పెద్దలు మాత్రం బాధితులది నిరాధారారోపణ, వాస్తవం కాదు అంటూ తన వైఖరిని ప్రకటించుకుంది.

గ్రామస్తుల ఒత్తిడి, దేశంలో ఉన్న హక్కుల సంఘాలు, ప్రపంచ వాప్తంగా ఉన్న సంస్థలు, అంతర్జాతీయ మానవ హాక్కుల సంస్థలు తీవ్ర ఒత్తిడి తీసుకొచ్చాయి. అనివార్య పరిస్థితిలో ప్రభుత్వం ఎంక్వయిరీని నియమించి చేతులు దులిపేసుకుంది. బాధితులను కలవడానికి వచ్చిన జిల్లా మెజిస్ట్రేట్‌ ఎస్‌. ఎం. యాసిన్‌ ʹమిలిటరీ చర్య హింసాత్మక జంతువులలా ఉందిʹ అన్నాడంటే ఆ దాడి ఏవిధంగా జరిగిందో అర్థం చేసుకోవచ్చు. తూ తూ మంత్రంగా విచారణ జరిపి సైనికుల చేతిలో 53 మంది మహిళలు అత్యాచారానికి గురయ్యారని తేల్చినప్పటికీ నేటికి ఆ బాధితులకు న్యాయం దక్కలేదు, బాధ్యులకు శిక్ష పడలేదు. ఆ ఘటన జరిగి నేటికి 28 ఏండ్లు గడిచిపోయాయి. అత్యాచారానికి గురైన బాలికలలో అత్యధికమందిని పెళ్ళి చేసుకోవడానికి ఎవరు ముందుకు రాలేదు. ఇప్పటికీ అవివాహితులుగా మిగిలిపోయి అంగవైకల్యంతో, మానసిన ఒత్తిడికి లోనై సజీవ శవాలుగా బతుకులను వేలాడ దీస్తున్నారు.

తన కళ్ళ ముందే ఎనిమిది మంది సైనికులు తన తల్లిని అత్యాచారం చేస్తుంటే చూసిన పసి హృదయం పరిస్థితి ఎలా ఉంటుందో ఒక్కసారి ఊహించండి. కళ్ల ముందే నిత్యం జరుగుతున్న ఆకృత్యాలను మౌనంగా చూస్తూ భరించిన కొంతమంది కాశ్మీరి అమ్మాయిలు (పరిశోధక విద్యార్థినులు) పెరిగి పెద్దయ్యాక ఒక బృందంగా ఏర్పడ్డారు. వందలాది సార్లు ఆ రెండు గ్రామాలను సందర్శించి, బాధితులతో పదే పదే మాట్లాడి, అనేక రిపోర్టులను, పిటీషన్స్‌ని స్టడీ చేసి పరిశోధనాత్మకంగా "Do you Remember kunan poshpora?" అనే ఒక పుస్తకాన్ని సమాజం ముందుకు తీసుకువచ్చారు.

వేర్పాటువాదాన్ని అణచివేసే పేర ఆ ప్రాంతాన్ని అదుపులోకి తీసుకున్న ఆర్మీ కాశ్మీరీ ప్రజల పట్ల ముఖ్యంగా మహిళల పట్ల ఎంత దుర్మార్గంగా వ్యవహరిస్తుందో ఈ పుస్తకం మరోసారి కళ్లముందు ఉంచింది. నిర్భయ ఘటన నేపథ్యంలో ఏర్పాటు చేసిన జస్ట్టిస్‌ వర్మ కమిషన్‌ కూడా సైనికుల పట్ల ఇదే వైఖరితో ఉన్నట్లు ఆ నివేదిక ద్వారా తెలుస్తుంది. సరిహద్దు ప్రాంతాల్లో వేర్పాటు వాదాన్ని అరికట్టేందుకు నాటి ప్రభుత్వాలు సైన్యానికి అప్పజెప్పిన ʹప్రత్యేక సైనిక అధికారాల చట్టం (ఆస్ప)ʹ ఫలితమే ఇదంతా. సైన్యం నిత్యం చేస్తున్న అత్యాచారాలకు వ్యతిరేకంగానే మణిపూర్‌ వేదికగా ఇరోం షర్మిళ ఏండ్లకు ఏండ్లు నిరసనను ప్రకటించింది. దీన్ని రద్దు చేస్తే తప్ప దీనికి ఒక పరిష్కారం దొరకదు. లేదంటే ఇలాంటి ఘోర కృత్యాలు నిత్యం జరుగుతూనే వుంటాయి.

- ఎస్ఏ డేవిడ్

(For Original Post : https://www.facebook.com/sa.david.908/posts/390417901769637)

Keywords : kunan, poshpora, army, rape, కునన్, పుష్ఫోరా, అత్యాచారం, కశ్మీర్
(2019-07-17 16:50:06)



No. of visitors : 376

Suggested Posts


0 results

Search Engine

ఓయూ విద్యార్థి భరత్ అక్రమ అరెస్ట్...విడుదల కోరుతూ రాష్ట్ర వ్యాప్త ఆందోళనలు
Varavara Raoʹs wife Hemalatha wrote letter to Maha Gov...Intellectuals Extends solidarity
మహారాష్ట్ర గవర్నర్ కు వరవరరావు సహచరి హేమలత లేఖ.... సంఘీభావం తెలిపిన మేధావులు
9 political prisoners writes letter from Pune Jail to Maha Governor
మహా రాష్ట్ర గవర్నర్ విద్యాసాగర్ రావుకు వరవర రావుతో సహా 9 మంది రాజకీయ ఖైదీల లేఖ‌
కులాంతర పెండ్లిళ్ళు, సెల్ ఫోన్లు బ్యాన్... స్త్రీలపై 12 గ్రామాల తీర్మానం, మద్దతు ప్రకటించిన కాంగ్రెస్ ఎమ్మెల్యే
ప్రతి ఎన్కౌంటర్ పై హత్యానేరం నమోదు చేసి విచారించాలి... సుప్రీం కోర్టు సంచలన తీర్పు
ఇప్పటికీ మానని గాయం - కారంచేడు మారణ హోమం
ʹఅన్నలు మల్లొస్తరు బిడ్డా.. ఆల్లొస్తే వాళ్ళకు గిన్ని మంచి నీల్లో, తిండో పెట్టాలనే బతుకుతాన్నʹ
TISS క్యాంపస్ మూసివేత పై మండి పడుతున్న విద్యార్థులు...రేపు పౌరహక్కుల సంఘం మీడియా సమావేశం
తనకు నచ్చ‌ని పెండ్లి చేసుకుందని... కన్న బిడ్డను నరికి చంపిన దుర్మార్గపు తండ్రి
ఆ జంటకు సపోర్ట్ చేస్తే దేశవ్యతిరేకమే....యూపీ బీజేపీ నేత కూతురు పెండ్లి వ్యవహారంపై మరో నేత‌ కామెంట్ !
The "SINE-DIE" Suspension of academic activities in TISS HYD is oppressive and tyrannical.
అనుకున్నంతయ్యింది...బీజేపీ నేత కూతురును పెళ్ళి చేసుకున్న దళిత యువకుడిపై దాడి జరిగింది
ఆ త్యాగానికి ఐదు దశాబ్దాలు...జూలై18న సభ‌
ఏపీ సీఎం జగన్‌కు ʹఅర్బన్ నక్సలైట్లʹ లేఖ..!
దొరసాని.. ఓ స్వాప్నికుడి దృశ్య కావ్యం
ʹదొరసానిʹ ఏం చెప్తోంది.. తెలంగాణ జీవనం వెండితెరపై ఆవిష్కరించిందా..?
ʹనక్సలైట్ల పేరిట అక్రమంగా నిర్బంధించిన వారిని వెంటనే విడుదల చేయాలిʹ
యోగీ రాజ్యం.. ʹఏపీ, యూపీ పోలీసులు అర్దరాత్రి మా ఇంటిపై దాడి చేసి అక్రమంగా అరెస్ట్ చేశారుʹ
మారుతీరావునే మించిండు..కూతురు దళితుడిని పెండ్లి చేసుకుందని అల్లుడిని పోలీసుల ముందే చంపిండు..!
వేయిరూపాయల అప్పు తీసుకున్న పాపానికి పదేళ్ళుగా భానిస జీవితం..వృద్దుడి హృదయవిదారక గాథ‌
అమ్మ‌ కోసం అల్లాడుతున్న చిన్నారులు... జైలు ముందే పడిగాపులు
రండి... ఏ గుర్తింపూ లేని జీవితాల్లోకి చూపుసారిద్దాం
దళిత యువకుడిని పెళ్ళి చేసుకున్న బీజెపి ఎమ్మెల్యే కూతురు.. ʹనాన్నా ప్లీజ్ మమ్మల్ని చంపకండిʹ అంటూ వేడుకోలు
more..


సామూహిక