భగ్న సభోత్తేజం ‍- పాణి


భగ్న సభోత్తేజం ‍- పాణి

భగ్న

సంగీతం ఆగిపోయింది
సృజనకారులను తరిమేశారు
కవులకు విషపాత్రలిచ్చారు
చరిత్రకారులను సజీవంగా పాతిపెట్టారు
శాస్త్రవేత్తలను మచ్చిక చేసుకున్నారు
తత్వవేత్తలను ఉరికంబాలెక్కించారు...
అని కా. జిఎన్‌ సాయిబాబ అంటారు.

దీనికి ʹపాత్రికేయులను లోబరుచుకున్నారు..ʹ అని కూడా చేర్చుకోవాలి. ప్రజాస్వామ్యమనబడేదానికి నాలుగో స్తంభం అని చెప్పుకునే పత్రికారంగం పోలీసులకు భయపడితే ఎలా ఉంటుందో నిన్న వరంగల్లులో రుజువైంది. సాయిబాబ జైలు కవిత్వం ʹనేను చావును నిరాకరిస్తున్నానుʹ, వరవరరావు గతంలో జైలులో ఉన్నప్పుడు రాసిన ʹసహచరులుʹ ఆవిష్కరణ సభ నిన్న (28 న) సాయంకాలం వరంగల్లు ప్రెస్ క్లబ్బులో జరగాల్సి ఉండింది.

కానీ 27వ తేదీ రాత్రే వరంగల్లు పోలీసులు ప్రెస్ క్లబ్బు పెద్దలను బెదిరించారు. నిషేధిత సంఘం సభకు ఎలా అనుమతి ఇస్తారని ఆంక్షలు పెట్టారు.
లోకజ్ఞానం, కనీస పాత్రికేయ అవగాహన ఉండి వుంటే వారు భయయపడేవారు కాదు, పోలీసులకు లొంగిపోయేవారు కాదు. విరసం గతంలో నిషేధానికి గురైనా అప్పుడే కోర్టు దాన్ని ఎత్తేసిందని చెప్పి ఉండాల్సింది. ఆ పని చేయలేదు. మన వరంగల్లుకు కాళోజీ తర్వాత గర్వకారణమైన కవీ, మేధావీ అయిన వరవరరావు పుస్తకావిష్కరణను అడ్డుకోవడం అవమానకరం అని పోలీసులకు గడ్డి పెట్టి ఉండాల్సింది. ఆ పనీ చేయలేదు. కవిగా, ఆధ్యాపకుడిగానేగాక తెలుగు పత్రికా చరిత్రలోనే చిరకాలం గుర్తుపెట్టుకోదగిన సృజన పత్రికా సంపాదకుడూ, ఇతర పత్రికల్లో వేలాది రచనలు చేసిన రచయిత ఆయన. ఒక ప్రముఖ పత్రికలో వచ్చిన ఆయన రచనల పుస్తకం ఇది. దాని ఆవిష్కరణ అడ్డుకోవడం మా పాత్రికేయ విలువలకు భంగకరం అని ప్రకటించి ఉండాల్సింది.

అలాగే ప్రొ. సాయిబాబ ప్రపంచ స్థాయి మద్దతు ఉన్న మేధావి, అధ్యాపకుడు. ముఖ్యంగా మలి విడత తెలంగాణ పోరాటానికి ఊపిరి ఊదిన వరంగల్‌ డిక్లరేషన్‌ ప్రకటనకు ఆయన నాయకుడు. ప్రజాకవి కాళోజీ సమక్షంలో ఆ ప్రకటన జరిగింది. ఆ రకంగా కూడా ఆయన మన వరంగల్లుకు దగ్గరివాడు, ఆయన కవిత్వ ఆవిష్కరణను అడ్డుకోవడం అంటే మనల్ని మనం కించపరుచుకోవడం అని చెప్పాల్సింది.

వీటన్నిటికంటే కూడా ఆ సంస్థ వాళ్లు వచ్చి ఏ సభ జరుపుకునేది మాకు చెప్పాకనే 3000 డబ్బు తీసుకొని రసీదు ఇచ్చి మేం అంగీకరించాం. ఒకసారి పబ్లిక్‌ కమిట్‌మెంట్‌ అయ్యాక వెనక్కి తీసుకోవడం మాకు వీలు కాదు అని చెప్పాల్పి ఉండింది. మామూలు జనాలు కూడా ఒకసారి మాట ఇస్తే దాని కోసం ఎన్ని ఇబ్బందులు వచ్చినా నిలబడతారు.

కానీ వరంగల్లు ప్రెస్‌క్లబ్‌ నాయకులు ఎలా వ్యవహరించారంటే, సాయంకాలం కాగానే మీటింగ్‌ హాలుతో సహా అన్ని గదులకు తాళాలు వేసుకొని ప్రెస్‌క్లబ్‌ను సాయుధ పోలీసులకు అప్పగించి వెళ్లిపోయారు.

మన సంస్థ కార్యాలయం ఎదుట ఇలా తుపాకులు పట్టుకొని పోలీసులు తిరగడం, పోలీసు వ్యాన్లు చక్కర్లు కొట్టడం మనకు అవమానకరం కదా? అనే ఇంగితం కూడా వాళ్లకు పని చేయలేదు. మామూలుగా బడి, కాలేజీ, పత్రికా ఆఫీసు మొదలైన పబ్లిక్‌ ప్రాంతాల్లో పోలీసులు తచ్చాడటాన్ని ఆ సంస్థల పెద్దలు అవమానంగా భావిస్తారు. అభ్యంతరం చెబుతారు. కానీ ఇవేవీ ప్రెస్‌క్లబ్‌ వాళ్లకు అనిపించలేదు.

దీనికి కారణం ఉంది. అది చెప్పుకోకపోతే అసలు కథ పూర్తి కాదు. అదేమంటే.. పత్రికలకు, వాటిని నడిపేవాళ్లకు, ఇలాంటి ప్రెస్ క్లబ్బు నాయకులకు, పాత్రికేయ సంఘాలకు భావ ప్రకటన స్వేచ్ఛ అంటే ఏమిటో తెలియదు. దీన్ని పత్రిలు తమ కంపెనీల స్వేచ్ఛగా ఎన్నడో మార్చేశాయి. తాము అధికారికంగా, అనధికారికంగా ఊడిగం చేస్తున్న రాజకీయ పార్టీల భావాల ప్రచారమే భావ ప్రకటన స్వేచ్ఛ అనే దగ్గరికి దిగజారిపోయాయి. కాబట్టి ఒక భిన్న భావజాల వ్యక్తీకరణ అయిన వివి, సాయి కవిత్వ సభకు ఆటంకం కలిగించడం తగదని అనిపించలేదు.

పత్రికారంగం దిగజారుడు గురించి ఆ రంగంలో ఉండే పెద్దలే ఎంతో విశ్లేషణ ఇస్తారు. ఎన్నో ఉదంతాలు చెబుతారు. కానీ తన రంగానికి గుండెకాయ అయిన భావ ప్రకటనా స్వేచ్ఛ గురించే అది పూర్తిగా మర్చిపోయింది. తన రంగానికి సంబంధించిన ఏ విలువ లేకపోవడం అంటే వెన్నెముక లేకపోవడం, వ్యక్తిత్వం లేకపోవడం. అప్పుడు అది ఏం పాత్రికేయం అవుతుంది? ప్రజలకు, ప్రజాస్వామ్యానికి కాపలా కుక్కల్లా పత్రికా, మీడియా రంగం ఎలా వ్యవహరిస్తుంది? పోలీసులకు భయపడి, వాళ్ల ఆదేశాలు పాటించేటట్లయితే ఇక మీడియా ఎందుకు? మూసేసుకోవడం మంచిది కదా? పోలీసుల గురించి, అందునా వరంగల్లు పోలీసుల గురించి ప్రత్యేకంగా మాట్లాడుకునేది ఏమీ ఉండదు. వాళ్లు ఎలా ఉంటారో అట్లాగే ఉన్నారు. పత్రిక రంగం ఎలా ఉండకూడదో అలా ఉండటమే అభ్యంతరకం.

అయితే గొప్పగా చెప్పుకోవాల్సిన విషయం ఏమంటే నిన్న నిర్బంధ సాయంకాలం ఇద్దరు ప్రముఖ విప్లవ కవుల కవిత్వం గురించి వరంగల్లు సాహిత్యకారులు, విప్లవాభిమానులు, ప్రజా సంఘాల సభ్యులు ఉత్తేజ పూరితంగా ప్రెస్ క్లబ్బు బైట మసక వెలుతురులో నిర్వహించుకున్నారు. తాళం వేసి ఉన్న మీటింగు హాలు గేటు ముందే సాయి కవిత్వాన్ని అమరుల బంధు మిత్రుల సంఘం నాయకురాలు, కథకురాలు కామ్రేడు పద్మకుమారి, వివి సహచరులు పుస్తకాన్ని ప్రముఖ సాహిత్యవేత్త, కేంద్ర సాహిత్య ఆకాడమీ అవార్డు తిరస్కర్త ప్రొ. కాత్యాయనీ విద్మహే ఆవిష్కరించారు.

ఆ తర్వాత అక్కడే ప్రేక్షకులు మూడు గంటలపాటు నిలబడి సభ విజయవంతం చేశారు. భగ్న సభ ఉత్తేజం ఎలా ఉంటుందో రుజువు చేశారు. ప్రముఖ సాహిత్యకారులు రామా చంద్రమౌళి, వి.ఆర్.విద్యార్థి, రామశాస్త్రి, నల్లెల్ల రాజయ్య మేధావుల అక్రమ అరెస్టులను ఖండిస్తూ మాట్లాడారు. వివితో తమ సాన్నిత్యాన్ని గుర్తు చేసుకున్నారు.

సహచరులు పుస్తకం మీద కాత్యాయనిగారు చాలా వివరమైన విశ్లేషణ చేశారు. అలాగే ʹనేను చావును నిరాకరిస్తున్నానుʹ పై మిత్రుడు మెట్లు రవీందరు చాలా లోతైన, వివరమైన పరిచయం చేశారు. సీనియరు కవి లోచన్ గారు ఈ సభకు పంపిన కవితను అధ్యక్షుడు చదివి వినిపించారు.

వరంగల్లు అంటే అణచివేతే కాదు, ఉద్విగ్నభరితమైన ఉత్తేజం కూడా అని ఈ భగ్న సభ మరోసారి నిరూపించింది.

Keywords : virasam, warangal, police
(2019-08-24 16:42:30)



No. of visitors : 261

Suggested Posts


మహాశ్వేతా దేవి - మన తెలంగాణ సాగర హారంః వరవర రావు

మన మహా సాగరహారం ʹచలో హైదరాబాద్ అంటూ తెలంగాణ మార్చ్ చేసిన సెప్టెంబర్ 30, 2012 మహత్తర మధ్యాహ్నం మహాశ్వేతాదేవి కూడా మన ఊర్లో ఉన్నారు. ఆ రోజు ఆమెను మన మధ్యకు తెచ్చుకొని ఉంటే....

సెప్టెంబర్ 17 - ఇండియన్ యూనియన్ సైనిక దురాక్రమణ దినం - వరవరరావు

1947 ఆగస్ట్ 15న విలీనానికి అంగీకరించకుండా షరతులు విధిస్తూ వచ్చిన నిజాంను నెహ్రూ - పటేల్ ప్రభుత్వం సగౌరవంగా, సాదరంగా చర్చలకు ఆహ్వానించింది. అప్పటికే నిజాంను వ్యతిరేకిస్తూ వీరోచిత పోరాటం నడుపుతున్న కమ్యూనిస్టులను మాత్రమే కాదు, కనీసం కాంగ్రెస్ ను కూడా ఈ చర్చల్లో భాగం చేయలేదు....

ʹఅరుణోదయʹ పై పోలీసుల దాడిని ఖండించిన విరసం

తెలంగాణ ఉద్యమంలో ఆట పాటతో ఆరుణోదయ కళాకారులు గ్రామ గ్రామాన తిరిగి ప్రజల్లో ప్రత్యేక తెలంగాణ ఉద్యమ స్ఫూర్తిని రగిలించారు. తెలంగాణ రాష్ట్ర ఏర్పాటుకు తమ వంతు కృషి చేశారు. ఆ సంస్థ కార్యాలయాన్ని దౌర్జన్యంగా మూసేయడం అత్యంత నిరంకుశమైన......

ఎస్సీ రిజర్వేషన్ వర్గీకరణ పోరాటానికి విరసం మద్దతు

అట్టడుగున ఉన్న మనిషికి ఫలితాలు అందినప్పుడే సామాజిక న్యాయం జరిగినట్టు లెక్క. మాదిగ, డక్కలి, చిందు, మాష్టి, బుడగజంగం, దాసరి, బేగరి కులాలకు ఈ నాటికీ ఎస్సీ రిజర్వేషన్ ఫలాలు అందడం లేదు....

ఆదివాసి.. లంబాడా వివాదం ‍- ఎం.రత్నమాల

మహారాష్ట్ర ప్రభుత్వం లంబాడాలను ఆదివాసి తెగగా గుర్తించడం లేదు కనుక ఆంధ్రప్రదేశ్‌ ప్రభుత్వం లంబాడాలను ఆదివాసి షెడ్యూల్డు తెగగా ప్రకటించడంతో దీన్ని అవకాశంగా తీసుకుని మహారాష్ట్ర నుంచి ఆదిలాబాద్‌ (పాత) జిల్లాకు లంబాడాల వలసలు పెద్ద ఎత్తున వెల్లువలా సాగాయి.....

ఆ నిండైన సాహిత్య సామాజిక జీవితం రచయితలందరికీ ఆదర్శం - విరసం

ʹరచయితలందరూ తమ తరానికి జవాబుదారులు; తమకు తాము జవాబు చెప్పుకోవాల్సిన వాళ్ళు... అంతస్సాక్షి ఉన్న రచయిత పీడిత ప్రజల పక్షాన దృఢంగా నిలవాలి. అలా కాకపోతే ఆ రచయితల్ని నిర్దోషులుగా నిర్ణయించే ప్రశ్నే లేదు.ʹ....

ఉత్తేజకరంగా సాగిన విరసం సాహిత్యపాఠశాల‌

అంతకుముందు అంతర్జాతీయ శ్రామికవర్గ పతాకావిష్కరణతో కార్యక్రమాలను ప్రారం భించారు. అమరుడు పులి అంజన్న తల్లి సైదమ్మ ఎర్ర జెండాను, సీనియర్ విరసం సభ్యురాలు రత్నమాల విప్లవ రచయితల సంఘం జెండాను ఎగురవేశారు. ఈ సందర్భంగా అమరుడు శేషయ్య సోదరుడు సాంబయ్య, అమరుడు వివేక్ తండ్రి యోగానంద్ అమరుల స్థూపాన్ని ఆవిష్క రించారు.

ʹఆయన జైల్లోనే చనిపోతారేమోʹ

90 శాతం అంగవైకల్యం కలిగిన సాయిబాబాను అన్యాయంగా జైల్లో పెట్టారని.. ఆయనేమైనా యుద్ద ఖైదీనా..? ప్రభుత్వ అనాలోచిత చర్యతో యుద్ధఖైదీ మాదిరి ఆయన జైల్లోనే తుది శ్వాస విడిచే పరిస్ధితి వచ్చిందని ...

అమరుడు బొజ్జా తారకం — ʹనది పుట్టిన గొంతుకʹ - వరవరరావు

గోదావరి తెలంగాణలో ప్రవేశించిన నిజామాబాద్ కు 1968లో వచ్చిన తారకం గారు ఇక్కడి మట్టిలోని ఎరుపులోనూ, ఇక్కడి నీళ్లలోని ప్రవాహ గుణంలోనూ కలగలిసిపోయారు. 1968 నుంచి 78 దాకా ఒక దశాబ్దం పాటు విప్లవోద్యమాలకు, విప్లవ సాహిత్యానికి నిజామాబాద్ చిరునామా బొజ్ఞాతారకం....

చలసాని స్మృతిలో... - కే.కుమార్ వర్మ

బొడ్డపాడు నడిబొడ్డులో అమరవీరులను స్మరిస్తూ ఎర్ర జెండా చేతబట్టి తామాడ గణపతి ఇంటిముందునుండి దండుగా కదులుతున్నట్లుంది...

Search Engine

కశ్మీర్ లో వాస్తవ పరిస్థితి ఇదీ!
కశ్మీరీ పండితులు భారత్ చేతి ఆయుధాలు కావద్దు
నరనరాన కుల బలుపు....దళితుడి మృతదేహాన్నీ అడ్డగించిన కులోన్మాదులు
పిల్లల అక్రమ రవాణా కేసులో బీజేపీ నాయకురాలు అరెస్ట్ !
క‌శ్మీరీ విద్యార్థుల క‌న్నీటి గాథ‌లు
ఆర్మీపై నేను చేసిన ఆరోపణలకు సాక్ష్యాలున్నాయి...షెహ్లా రషీద్
తెలంగాణ సాయుధ పోరాటం నుండి నక్సల్బరీ వరకు... ఎమ్ టీ ఖాన్ జీవితం
ఖాన్ సాబ్ - వివి - ఓ జ్ఞాపకం...!!
ఆస్పత్రి సిబ్బంది దుర్మార్గం...కారిడార్ లోనే మహిళ ప్రసవం...రక్తపు మడుగులో నిస్సహాయ మహిళ‌
పదునెక్కుతున్న హిట్లర్ పాలన కోరలు - ఎన్.వేణుగోపాల్
జర్నలిస్ట్ ను హత్య చేసిన లిక్కర్ మాఫియా
కశ్మీర్ లో ఆంక్షల మధ్యే గిలానీ ట్వీట్స్... సహకరించారని ఇద్దరు బీఎసెనెల్ ఉద్యోగులు సస్పెండ్ !
Protest Prime Minister Modiʹs visit to the United Nations...Coalition Against Fascism in India
మాన‌సిక స‌మ‌స్య‌ల‌తో క‌శ్మీర్ ప్ర‌జ‌లు - నిండిపోతున్న ఆసుప‌త్రులు
కేటీఆర్ కు సడెన్ గా ప్రజాస్వామ్యం ఎందుకు గుర్తొచ్చింది ?
ʹబంగారం లేదు వజ్రాలు లేవు ఈ కట్టు కథలన్నీ యురేనియం కోసమేʹ
సత్యం కోసం నిలబడటమే ఆయన నేరం...ఐపీఎస్ సంజీవ్ భట్ కు అండగా నిలబడదాం !
కశ్మీర్‌లో పర్యటించిన ఆర్థికవేత్త ʹజీన్ డ్రీజ్ʹ ఇంటర్వ్యూ..!
ʹఆర్టికల్ 370 రద్దు పరిష్కారమాʹ అనే అంశంపై ‍ సభ‌
KASHMIR CAGED – A REPORT FROM THE GROUND
పెహ్లూఖాన్ ను ఎవరూ చంపలేదా ? మూక హత్య కేసులో నిందితులంతా నిర్దోషులని కోర్టు తీర్పు!
బీజేపీ ఎమ్మెల్యేపై ఉన్న మతకలహాల కేసులు ఎత్తి వేయడానికి రంగం సిద్దం
నిజాలు చెప్పడానికి ప్రెస్ క్లబ్ లో కూడా అడ్డంకులా ?
లొంగిపోయి పోలీసుగా మారిన అన్నకు... మావోయిస్ట్ కమాండర్ అయిన చెల్లె లేఖ‌ !
కస్టడీలో ముద్దాయిని ఎలా కొట్టి చంపాడో వివరించిన మాజీ డీసీపీ
more..


భగ్న