ʹవీరన్న దూరమైనా పీడిత వర్గాల పోరాటంలో జీవించే ఉంటాడుʹ


ʹవీరన్న దూరమైనా పీడిత వర్గాల పోరాటంలో జీవించే ఉంటాడుʹ

ʹవీరన్న

ఉదయించిన సూర్యుడు అస్తమించకమానడు.. మరణించిన వీరుడు ఏదో ఒక రూపంలో తన ఉషోదయ వెలుగుల్ని ప్రసరించక మానడు అనే అక్షర సత్య ప్రతిరూపం మారోజు వీరన్న... ఇవాళ (మే 16) వీరన్న అమరుడైన రోజు.

నేడు జరుగుతున్న దళిత బహుజన ఆత్మగౌరవ పోరాటంలో, దోపిడీ, పీడన, అసమానతల రద్దుకై జరుగుతున్న విప్లవ సాయుధ మార్గంలో, ప్రజాస్వామిక పోరులో, విద్యార్థి ఉద్యమాల పోరాటపథంలో మారోజు నిత్య ఉషోదయ క్రాంతి.

సాయుధ పోరాట కుటుంబంలో సూరమ్మ, రామలింగం ఆశల ప్రతిరూపంగా మారోజు వీరన్న నల్గొండ జిల్లా తుంగతుర్తి తాలూకు కర్విరాల కొత్తగూడెంలో 1962 జనవరి 01న జన్మించాడు. సూరమ్మ రామలింగంలది కులాంతర ఆదర్శ వివాహం. విప్లవ భావాలు గల కుటుంబంలో జన్మించినందున వీరన్నలో శాస్త్రీయ దృక్పథం, దృక్కోణం చిన్నప్పటి నుంచే అలవాటు అయ్యింది. తన స్కూల్ విద్య సమయంలో వేసిన చిరుతల రామాయణం నాటికలో పరాక్రమంతో వాలిని చంపిన రాముడు దేవుడా ? అనుమానంతో సీతని అడవికి పంపిన రాముడు దేవుడేలా అయ్యాడు అని ప్రశ్నించేవాడు

తన చుట్టూ ఉన్న సమాజంలో జరుగుతున్న వివక్షత, దోపిడీ, అసమానతలు మెల్లగా మెల్లగా అర్డంచేసుకుంటు అన్వేషిస్తూ తన 14వ ఏటానే "ఊరు తిరగబడింది "అనే కథను రాసాడు. కథ వాస్తవికతకు అద్దంపట్టింది. ప్రజలంత దాన్ని ఆదరించారు. స్కూల్ విద్య మొత్తం తుంగతుర్తిలో చదువుకొని ఇంటర్ ఫస్టియర్ సూర్యాపేటలో చదివి ద్వితీయ.. సెకెండ్ ఇయర్‌కి హైదరాబాద్‌కి చేరాడు. ఇంటర్ విద్య తరువాత ఇంజనీరింగ్ సీట్ కోసం పరీక్ష రాసినా.. ఆ సీట్ రాకపోవడంతో BSc కోసం సైఫాబాద్ కాలేజ్‌లో చేరాడు.

అక్కడి విద్యార్థి సమస్యలపై పోరాడుతున్న PDSU సంఘంలో చేరి క్రియాశీలక భూమిక పోషిస్తూ అనతికాలంలోనే PDSU అగ్రనేతగా ఎదిగాడు. ఆ క్రమంలోనే విద్యార్థి నాయకుడిగా ఉంటూ చంద్రపుల్లారెడ్డి గ్రూప్ రాజకీయలను విశ్లేషించేవాడు. సమాజ సమకాలీన భౌతిక, రాజకీయ, ఆర్థిక, సాంస్కృతిక పరిస్థితులపై సమావేశలు, సదస్సులు, సెమినార్లు విస్తృతంగా నిర్వహించేవాడు. తద్వారా సైన్స్ విద్యార్థులకి అవగాహన ఆసక్తి కల్గించేవాడు.

ఆ తర్వాత PDSU రాష్ట్ర అధ్యక్షుడిగా ఎన్నికై మండల్ కమిషన్‌కి విధానాలను ప్రోత్సహిస్తూ ఉద్యమాన్ని నడిపారు. బీసీ, ఎస్పీ, ఎస్టీ విద్యార్థుల హాస్టల్ సమస్యలపై పోరాటం చేశాడు. అప్పటి ముఖ్యమంత్రి నేదురుమల్లి జనార్ధన్ రెడ్డి 12 డెంటల్, 8 మెడికల్ కాలేజీలు 5లక్షల వరకు క్యాపిటెయిన్ ఫిజు పేరుతో వసూలు చేసుకోడానికి అనుమతిఇచ్చాడు. ఈ అనుమతి రద్దు జరిగేంత వరకు పోరాడి విజయం సాధించాడు.

మరో వైపు జాతీయ అంతర్జాతీయ కమ్యూనిస్టు ఉద్యమాలను నిశితంగా పరిశీలిస్తూ అధ్యయనం చేయసాగాడు. ఇంకా విప్లవ విజయవంతంకై నూతన మార్గాలు అన్వేషించేవాడు. ఇంకో వైపు తెలంగాణ సాయుధ పోరాటం, శ్రీకాకుళ రైతాంగ సాయుధ పోరాటం, నక్సల్బరి పోరాటం వీరన్నపై తీవ్ర ప్రభావం చూపాయి. ఈ ఉద్యామాల ప్రభావంతో తనదైన పొరుబాటను నిర్మించుకున్నాడు.

విద్యార్థులు రాజకీయలకు దూరంగా ఉంటే ప్రమాదమని భావించి సంఘం పూర్తికాల కార్యకర్తగా మారాడు. ఆ కాలంలోనే జరిగిన కారంచేడు, చుండూరు సంఘటనలతో చలించిపోయాడు.. రగిలిపోయాడు. అప్పటి నుంచి వీరన్నలో సామాజిక జ్వాలలు కొత్త తీరాలు చేరింది సాటి దళితులపై దౌర్జన్యం రాక్షసత్వమని అన్నాడు. దళిత మహాసభ ఉద్యమాల్లో భాగస్వామి అయ్యాడు. PDSUని కూడా బాగస్వామిగా చేసాడు. కుల ప్రాతిపదికన రిజర్వేషన్లు బలపరచాలని అంబేత్కర్ రచనలను పాఠ్యాంశంలో చేర్చాలని PDSU తరపున నినదించాడు.

ప్రతిభ ఆధారంగా ఉత్తీర్ణత కావాలనే అగ్రకుల డిమాండ్‌ను తీవ్రంగా వ్యతిరేకించాడు. ఈ క్రమంలోనే "ప్రతిభ యాడ పుట్టిందిరో - ప్రతిభ ఎవడి సొత్తురోʹʹ .. ఉత్పత్తి కులాల పని ప్రావీణ్యంలో ప్రతిభ కనబడలేదరో అంటూ గానం చేసాడు

1992 బాబ్రీ మసీదు విధ్వంసం జరిగిన తరువాత వీరన్న ఆలోచనలో స్పష్టత వచ్చింది. దళితులపై, అణగారిన వర్గాలపై దాడులు అగ్రవర్ణ ఆధిపత్య ఫ్యూడల్ సంస్కృతి ఆలోచన విధానమే అని వీరన్న భావించాడు. పీడిత వర్గ కులాలు ఐక్యం కాకుండా భారతదేశంలో నిచ్చెన మెట్ల ఆధిపత్య కుల వ్యవస్థను మాపలేమని.. అలా జరగకపోతే నూతన ప్రజాస్వామిక విప్లవాన్ని ఆశించలేమంటూ నినదించాడు. ప్రతీ కులానికి ఒక కుల సంఘం ఏర్పడి అందరూ ఏకమవ్వాలని.. కుల సంఘాల ద్వారా ఆత్మగౌరవ, అస్థిత్వ పోరాటాలు చెయ్యాలంటూ అనేక సంఘాలు ఏర్పాటు చేశాడు. మాదిగ దండోరా, లంబాడీ నగారా భేరి, ఆదివాసీ తుడుందెబ్బ , గొల్ల కురుమ డొలుదెబ్బ, కమ్మరోళ్ల సుత్తిదెబ్బ అంటూ కులసంఘాలు ఏర్పాటు చేశాడు.

భారతదేశంలో విప్లవం విజయవంతం కాకపోవడానికి కారణం ప్రపంచ దేశాలల్లో ఎక్కడా లేని కులమని వీరన్న నిర్దారించాడు. కులవర్గ జమిలి పోరాటాలు చెయ్యకుండా.. కులేతర ఒంటరి వర్గ పోరాటాలు ఒంటిచేతి చప్పట్లేనని.. కులవర్గ జంట పోరాటాలు జంటచేతి చప్పట్లని ఆనాడే అన్నాడు.

కులవర్గ జమిలి పోరుబాటే ఇండియా విప్లవ బాట అన్నాడు. కులవర్గ వ్యవస్థలున్న భారతదేశంలో వర్గ పోరాటాలతో పాటు కుల పోరాటాలు చేపట్టాలనే డిమాండ్‌ను పార్టీలో చేర్చాడు. దానిపై లోతైన విశ్లేషణ జరుగుతున్న సమయంలోనే డఫోడం(దళిత మైనారిటీ ప్రజాస్వామిక వేదిక - డఫోడం) ఏర్పాడు చేశాడు. అదే జనశక్తి పార్టీలో చీలిక కు కారణమైంది. కులంపై పార్టీలో చర్చలు జరగాలని ఆశించాడు. కాని ఎలాంటి ఫలవంతమైన చర్చ జరగకపోవడంతో నిరాశ చెందాడు.

ప్రత్యేక తెలంగాణ ఉద్యమంకై తెలంగాణ మహాసభను ఏర్పాటు చేశాడు. పల్లెపల్లెన తిరిగి మహాసభ సమావేశలు నిర్వహించి కమిటీలను ఏర్పాటు చేశాడు. మరోవైపు దళిత, ఆదివాసీ, మైనార్టీలతో డఫోడం ఏర్పాటు చేశాడు. మార్క్స్‌కి అంబెడ్కర్, పూలేని జోడించి దళిత కార్మిక సంఘం ఏర్పాటు చేశాడు.

భారతదేశంలో విప్లవ ఆకాంక్ష కావాలంటే ఏం చెయ్యాలంటూ.. అస్తిత్వ ఉద్యమలకి దీక్షుచిగా, ప్రత్యేక తెలంగాణ ఉద్యమానికి సాయుధ ఆధ్యుడుగా.. మొట్ట మొదటిసారిగా కులవర్గ జమిలి పోరాటాల సిద్ధాంతకర్తగా ఉన్నాడు. మార్క్స్, పూలే-అంబేత్కర్‌ల అధ్యయనశీలిగా, నూతన మార్గ అన్వేషణశీలిగా.. ప్రభుత్వ విద్యార్థి వ్యతిరేఖ నిర్ణయలను తిప్పికొల్టి ఆధిపత్య అగ్రవర్ణ వ్యవస్థలపై సబ్బండ వర్గాలను ఐక్యం చేసిన పోరాట ధీశాలి మారోజు వీరన్న.

ఆధిపత్యం ధిక్కారాన్ని అస్సలు సహించదు.
ప్రశ్నించే గొంతులను నొక్కడం రాజ్య స్వభావం.
బిగిసిన పిడికిళ్లును పాలక వర్గాలు అణచివేస్తూనే ఉంటాయి.

అందుకే ఆధిపత్యాన్ని ప్రశ్నించి.. పిడికిలి ఎత్తిన మారోజును చంద్రబాబు ప్రభుత్వం అత్యంత కిరాతకంగా హత్య చేసింది. 16 మే 1999న హైదరాబాద్ ఆటోలో ప్రయాణిస్తున్న అతడిని చంద్రబాబు కిరాయి గూండాలు ఎత్తుకొని పోయి హత్య చేశారు. దాన్నే ఆనాటి ప్రభుత్వం కరీంనగర్‌లో జరిగిన ఎన్‌కౌంటర్‌లో చనిపోయాడనే అబద్దపు, బూటకపు కథను అల్లారు.

భౌతికంగా వీరన్న దూరమైనా పీడిత వర్గాల పోరాటంలో జీవించే ఉంటాడు.

మారోజు వీరన్న వర్థంతి (మే 16)

- జీవీఎం. విఠల్

Keywords : మారోజు వీరన్న, దళితుడు, పీడీఎస్‌యూ, చంద్రబాబు, Maroju Veeranna,PDSU, Death anniversary
(2019-07-16 00:15:52)



No. of visitors : 631

Suggested Posts


0 results

Search Engine

తనకు నచ్చ‌ని పెండ్లి చేసుకుందని... కన్న బిడ్డను నరికి చంపిన దుర్మార్గపు తండ్రి
ఆ జంటకు సపోర్ట్ చేస్తే దేశవ్యతిరేకమే....యూపీ బీజేపీ నేత కూతురు పెండ్లి వ్యవహారంపై మరో నేత‌ కామెంట్ !
The "SINE-DIE" Suspension of academic activities in TISS HYD is oppressive and tyrannical.
అనుకున్నంతయ్యింది...బీజేపీ నేత కూతురును పెళ్ళి చేసుకున్న దళిత యువకుడిపై దాడి జరిగింది
ఆ త్యాగానికి ఐదు దశాబ్దాలు...జూలై18న సభ‌
ఏపీ సీఎం జగన్‌కు ʹఅర్బన్ నక్సలైట్లʹ లేఖ..!
దొరసాని.. ఓ స్వాప్నికుడి దృశ్య కావ్యం
ʹదొరసానిʹ ఏం చెప్తోంది.. తెలంగాణ జీవనం వెండితెరపై ఆవిష్కరించిందా..?
ʹనక్సలైట్ల పేరిట అక్రమంగా నిర్బంధించిన వారిని వెంటనే విడుదల చేయాలిʹ
యోగీ రాజ్యం.. ʹఏపీ, యూపీ పోలీసులు అర్దరాత్రి మా ఇంటిపై దాడి చేసి అక్రమంగా అరెస్ట్ చేశారుʹ
మారుతీరావునే మించిండు..కూతురు దళితుడిని పెండ్లి చేసుకుందని అల్లుడిని పోలీసుల ముందే చంపిండు..!
వేయిరూపాయల అప్పు తీసుకున్న పాపానికి పదేళ్ళుగా భానిస జీవితం..వృద్దుడి హృదయవిదారక గాథ‌
అమ్మ‌ కోసం అల్లాడుతున్న చిన్నారులు... జైలు ముందే పడిగాపులు
రండి... ఏ గుర్తింపూ లేని జీవితాల్లోకి చూపుసారిద్దాం
దళిత యువకుడిని పెళ్ళి చేసుకున్న బీజెపి ఎమ్మెల్యే కూతురు.. ʹనాన్నా ప్లీజ్ మమ్మల్ని చంపకండిʹ అంటూ వేడుకోలు
మావోయిజం నేరంకాదు, మావోయిస్టు భావజాలాన్ని విశ్వసించేవాళ్ళు నేరస్తులు కాదు..కేరళ హైకోర్టు
Kerala High Court says Maoism not a crime, upholds Rs 1 lakh fine on police
నిత్య పోరాట యోధుడు, ప్రజాస్వామిక తెలంగాణ స్వాప్నికుడు రాఘవులు సార్ కు జోహార్లు !
ʹʹఅంబేద్కర్, వరవర రావు గాక మాకోసం నిలబడినోళ్లు ఎవురున్నారు సార్ʹʹ
రాయలసీమకు జరిగిన అన్యాయాలను జగన్‌ సరిదిద్దుతాడా ?
చెర‌సాలలో చెలికాడికి పుట్టిన రోజు శుభాకాంక్ష‌లు
వరవరరావు పై మరో కేసు - పూణే జైలు నుండి కర్ణాటకకు తీసుకెళ్ళిన పోలీసులు
పోడు భూముల సమస్య శాంతి భద్రతల సమస్యగా మార్చొద్దు...టీడీఎఫ్
ముస్లిం మహిళలను గ్యాంగ్ రేప్‌ చేయండి.. బీజేపీ మహిళా మోర్చా చీఫ్ సునీత
మళ్ల గదే ప్రశ్న: తెలంగాణొస్తే ఏమొచ్చింది?...ఎన్.వేణుగోపాల్
more..


ʹవీరన్న