కోరాపుట్ ఎన్ కౌంటర్: నిజ నిర్దారణ బృందాన్ని అడ్డుకున్న పోలీసుల స్పాన్సర్ సంఘం


కోరాపుట్ ఎన్ కౌంటర్: నిజ నిర్దారణ బృందాన్ని అడ్డుకున్న పోలీసుల స్పాన్సర్ సంఘం

కోరాపుట్

ఒడిశాలోని కోరాపుట్ జిల్లా బడేల్ అటవీ ప్రాంతంలో ఈ నెల 9న జరిగిన ఎన్ కౌంటర్ పై నిజ నిర్దారణ కోసం ఈరోజు (మే 18 ) వెళ్ళిన నిజనిర్దారణ బృందాన్ని పోలీసు ప్రాయోజిత నక్సల్స్ బాధిత సంఘం అడ్డుకొని దాడికి ప్రయత్నించింది.
బడేల్ అటవీ ప్రాంతంలో జరిగింది ఎన్కౌంటర్ కాదని ఎన్ కౌంటర్ పేరుతో 6 గురు నిరాయుధులైన‌ మావోయిస్టులను పట్టుకొని కాల్చి చంపారని ఆరోపణలు వెల్లువెత్తిన నేపథ్యంలో ఆ సంఘటన నిజానిజాలు పరిశీలించేందుకు పౌరహక్కుల సంఘం ఆంధ్ర ప్రదేశ్ రాష్ట్ర కమిటీ అద్యక్షులు చిట్టిబాబు,ప్రధాన కార్యదర్శి చిలుక చంద్రశేఖర్, రాష్ట్ర కమిటీ నాయకులు శ్రీమన్నారాయణ, విశాఖ జిల్లా కన్వీనర్ రఘురాం, తెలంగాణ రాష్ట్ర ప్రధాన కార్యదర్శి నారాయణ రావు లు బడేల్ అటవీ ప్రాంతానికి బయలు దేరారు కోరాపుట్ కు 24 కిలోమీటర్ల దూరంలో సునాబేడ వద్ద మావోయిస్టు వ్యతిరేక బ్యానర్లతో దాదాపు వంద మంది రోడ్డుకు అడ్డుగా నిలబడ్డారు. వారితోపాటు డ్రస్సులో కొందరు , సివిల్ డ్రస్సులో కొందరు పోలీసులు నిలబడి ఉన్నారు. నిజ నిర్దారణ బృందం వెళ్తున్న వాహనాన్ని అడ్డుకొని బృందం సభ్యులను కిందికి దించి వాళ్ళను చుట్టు ముట్టారు. పౌరహక్కుల సంఘం నాయకులతో వాగ్వివాదానికి దిగారు. వారిని రెచ్చగొట్టి దాడి చేయాలన్న ప్లాన్ తో ఇష్టమొచ్చినట్టుగా మాట్లాడారు. పౌరహక్కుల నాయకులు ఎంత నచ్చజెప్పే ప్రయత్నం చేసినా ...పోలీసుల కనుసైగలతో వారు మరింత రెచ్చిపోయారు.
నిజనిర్దారణకు వెళ్ళడానికి వీలు లేదని, వెనక్కి వెళ్ళిపోవాలని బెధిరించారు. డ్రస్సుల్లో ఉన్న పోలీసులు కూడా పౌరహక్కుల సంఘం నేతలు వెనక్కి వేళ్ళి పోవాలని లేదంటే శాంతి భద్రతల సమస్య ఏర్పడుతుందని హెచ్చరించారు. దాదాపు రెండు గంటలపాటు నడి రోడ్డులో ఎండలోనే హక్కుల సంఘం నాయకులను నిలబెట్టి దాడి చేయడానికి కూడా ప్రయత్నించారు. అప్పటికి సాయంత్రం అవుతుండటంతో ముందుకు వెళ్ళినా చీకటి అయ్యే లోపు సంఘటనా స్థలానికి చేరుకోలేమనే భావనతో నిజ నిర్దారణ బృందం సభ్యులు వెనక్కి మళ్ళారు.

ఈ నెల 9 వతేదీన మావోయిస్టులున్నారనే సమాచారంతో బడేల్ అటవీ ప్రాంతానికి వెళ్ళిన పోలీసు బలగాలకు మావోయిస్టులు ఎదురు పడ్డారని, లొంగిపొమ్మని హెచ్చరికలు చేసినా వినకుండా పోలీసులపైకి కాల్పులు జరిపారని ఆత్మరక్షణ కోసం పోలీసులు ఎదురు కాల్పులు జరపగా ఆ కాల్పుల్లో 6గురు మావోయిస్టులు చనిపోయారని పోలీసుల కథనం.

మరి నిజంగానే మీరు చెప్పినట్టు అది ఎన్ కౌంటర్ అయితే, ఆ ఎన్ కౌంటర్ లోనే మావోయిస్టులు చనిపోయినట్టయితే...నిజ నిర్దారణ బృందాన్ని సంఘటనా స్థలానికి వెళ్ళనిస్తే మీకే మంచిది కదా ! అంటే మీరు చెప్పే కథ మీద మీకే నమ్మకం లేదా? మీరు, మీ ప్రాయోజిత సంఘం నిజ నిర్దారణ బృందాన్ని అడ్డుకున్నారంటేనే మీరు చెబుతున్న కథ అబద్దమని అర్దమవుతున్నది. దశాబ్దాలుగా మీరు చెప్పేఎన్ కౌంటర్ కథలు ఒట్టి కట్టు కథలని చంటి పిల్లలకు కూడా అర్దమయిపోయింది. ఇప్పటికైనా మీరు చెప్పే కథల్లో కొత్తదనం కోసం ప్రయత్నించండి.

Keywords : police, koraput, sunabeda, maoists, clc
(2020-05-27 12:06:04)



No. of visitors : 506

Suggested Posts


ʹఅవి ఎదురుకాల్పులు కాదు.. ఆదివాసీల హత్యలుʹ

చత్తిస్ ఘడ్ లోని కుంట బ్లాక్ లో జరిగిన ఎన్ కౌంటర్ నిజమైన ఎన్ కౌంటర్ కాదని అది కేవలం ఆదివాసీల హత్య కాండేనని భావిస్తున్నాం.చత్తిస్ ఘడ్ అటవీ ప్రాంతములో లక్షలాదిగా ఉన్న ఫారా మిలటరీ బలగాలు నిత్యం అడవిని జల్లెడ పడుతూ అనుమానంతో ఆదివాసీ యువతి యువకులను అదుపులోకి తీసుకుని చిత్రహింసలు పెట్టి హత్య చేసి ఎన్ కౌంటర్ గా ప్రకటిస్తున్నారు.

ప్రతి ఎన్కౌంటర్ పై హత్యానేరం నమోదు చేసి విచారించాలి... సుప్రీం కోర్టు సంచలన తీర్పు

ఆంధ్రప్రదేశ్ కు చెందిన ప్రత్యేక పోలీసు బలగం గ్రేహూండ్స్ పోలీసులు 2006 జూలై 23న నల్లమల అడవుల్లో మావోయిస్టు పార్టీ రాష్ట్ర కార్యదర్శి బుర్రా చిన్నయ్య (మాధవ్) ను, ఐదుగురు మహిళలతో సహా మరొక ఏడుగురిని ఎన్ కౌంటర్ పేరుతో కాల్చిచంపారు. వెంటనే ఆంధ్రప్రదేశ్ పౌరహక్కుల సంఘం హైకోర్టులో రిట్ దాఖలు చేసింది.

జాడి వీరస్వామి, వెట్టి నందయ్యలను పోలీసులు హత్య చేశారు...నిజ నిర్దారణ కమిటీ రిపోర్ట్

మంగళవారం 20 ఆగస్టు,2019 న రాత్రి 12 నుండి 1 గంటల మధ్యన సుమారు 200 మంది వరకు సాయుధ పోలీసులు బుడుగుల గ్రామాన్ని దిగ్బంధించి ఆదివాసీ ప్రజలందరినీ గ్రామంలో రెండు చోట్లకు తీసుకువచ్చి,ప్రజలందరినీ తీవ్రంగా కొడుతూ ఒక్కొక్క ఇంటిని సోదాచేసి, ఒక ఇంటిలోనుండి జాడి వీరస్వామిని పోలీసులు గ్రామంపక్కన ఉత్తర దిక్కు అడవిలోకి తీసుకుపోయి రాత్రంతా చిత్రహింసలు పెట్టి ఉదయం 7 గంటల

ఆదివాసుల జీవించే హక్కును కాలరాసున్న తెలంగాణ పాలకులు

అక్కడ ʹఆడాʹ ప్రాజెక్ట్ కాలువలకింద భూములు ఉన్నాయి. ఆ ప్రాజెక్ట్ కాలువలకింద నీటితో, వ్యవసాయం చేయడానికి, చిన్న,పిల్ల కాలువలు ఉన్నాయి.మొత్తానికి ఇక్కడ సారవంతమైన, అద్భుతమైన నీటివనరులు గల భూములున్నాయి. బహుశా ఆదివాసులనూ తరలించి, భూములను కబ్జాజేయడానికి స్థానిక అధికార పార్టీ నేతలు కుట్ర చేస్తున్నారని అందుకే స్థానిక MLA కొనేరుకొనప్ప దృష్టికి ఈ విషయం వచ్చినా కనీస‌

ʹరోళ్ళగడ్డ ఎన్ కౌంటర్ లో పాల్గొన్న పోలీసులందరిపై సుప్రీంకోర్టు తీర్పు ప్రకారం హత్య కేసు నమోదు చేయాలిʹ

సుప్రీంకోర్టు తీర్పు ప్రకారం ఎన్కౌంటర్లో పాల్గొన్న పోలీసులపై 302 కేసు నమోదు చేయాల్సిందిగా డిమాండ్ చేస్తున్నాం. అంతేకాక పోలీసుల అదుపులో వున్న నలుగురు ఉద్యమకారులను కోర్టులో హాజరుపరిచి వారి ప్రాణాపాయం లేకుండా బాధ్యత పడాల్సిందిగా ముఖ్యమంత్రి చంద్రశేఖరరావును పౌరహక్కుల సంఘం డిమాండ్ ఉన్నది.

ʹఅది ఎన్కౌంటర్ కాదు వేటాడి చంపారుʹ....విజయవాడ‌లో పౌరహక్కుల సంఘం సభ‌

విజయవాడలోని రాఘవయ్య పార్కు దగ్గరలోని మాకినేని బసవ పున్నయ్య విజ్ఞాన కేంద్రంలో ఆంధ్రప్రదేశ్‌ పౌరహక్కుల సంఘం ఆధ్వర్యంలో శనివారం ఒరిస్సా-మల్కన్‌గిరి ఎన్‌కౌంటర్‌ బూటకం అనే అంశంపై సభ జరిగింది. ఈ సభకు పౌరహక్కుల సంఘం రాష్ట్ర.....

సింగరేణి కార్మికుడు కోడెం సంజీవ్ మృతికి యాజమాన్యానిదే బాధ్యత...పౌరహక్కుల సంఘం

GDK 11 వ గనిలో మరణించిన కోడెం సంజీవ్ మృతికి సింగరేణి యజమాన్యందే బాధ్యత,ఈ ఘటనపై హై కోర్ట్ సిట్టింగ్ జడ్జ్ చే న్యాయవిచారణ జరిపించాలి, .సింగరేణి CMD పై క్రిమినల్ కేసులు నమోదు చెయ్యాలి,కుటుంబంలో ఒకరికి ఉద్యోగం ఒక కోటి రూపాయలు నష్టపరిహారం ఇవ్వాలనిపౌర హక్కుల సంఘం తెలంగాణ డిమాండ్ చేస్తున్నది.

గడ్చిరోలి,తూతుకుడి మారణకాండ కు వ్యతిరేకంగా 9న సభ‌

ఆదివాసులను,ఉద్యమకారులను పేసా చట్టం,అటవీ హక్కుల చట్టాలను అమలు చేయాలని ఉద్యమిస్తున్న వారిని మహారాష్ట్ర ప్రభుత్వం హత్య చేసింది.బహుళజాతి కంపెనీలతో మిలాఖత్ అయ్యి వేదాంత స్టెరిలైట్ కంపెనీ స్థాపించి రెండు దశాబ్దాలుగా అక్కడి ప్రజల జీవించే హక్కును

అడవి బిడ్డలను అరిగోస పెడ్తున్నరు

తల్లిని విడిచి తాము ఉండలేమని , తమను మళ్ళీ అడవిలోనే వదిలివేయాలని అధికార్ల కాళ్ళా వేళ్ళా పడ్డారు ఆదివాసులు. బోరున విలపించారు కొందరు... తమను తమ అడవితల్లి దగ్గరికి చేర్చేదాంక అన్నం ముట్టబోమని ఏ ఒక్కరూ అన్నం తిన లేదు. ʹమాకు మీ ఇళ్ళొద్దు...మీ భూములొద్దు మా ఊరికి పంపించండిʹ అంటూ ఆ అడవి బిడ్డల రోదన ప్రతి ఒక్కరిని కంటతడి పెట్టించింది పాలకులకు తప్ప.

CLC ప్రకటన: కార్మిక చట్టాలను రద్దు చేసి కార్మికులను భానిసత్వంలోకి నెట్టిన‌ పాలకులపై పోరాడుదాం

ఈ కార్మిక చట్టాలను రద్దు చేయడం అప్రజాస్వామ్యం మరియు రాజ్యాంగ విరుద్ధం. సంవత్సరాల పైబడి ఎన్నో త్యాగాలతో పోరాడి సాధించుకున్న కార్మిక చట్టాలను ఈ విధంగా రద్దు చేయడం అంటే కార్మిక వర్గాన్ని బానిసత్వం లోకి నెట్టివేయడమే.

Search Engine

వీవీ,సాయిబాబాల‌ జీవించే హక్కును కాపాడండి...పౌరహక్కుల సంఘం
కేసీఆర్ కు తెలంగాణ, ఏపీకి చెందిన 27 మంది ప్రముఖ రచయితల విజ్ఞప్తి
వీవీ, సాయిబాబాలను వెంటనే విడుదల చేయాలి -సామాజిక తెలంగాణ మహాసభ
వరవరరావును వెంటనే విడుదల చేయాలి - సీపీఐ (ఎంఎల్) జనశక్తి డిమాండ్
వరవరరావు ఆరోగ్యంపై ఆయన సహచరి హేమలత ప్రకటన‌
వీవీ, సాయిబాబాలతో సహా రాజకీయ ఖైదీలందరినీ విడుదల చేయాలంటూ దేశవ్యాప్త ప్రదర్శనలు
సామాజిక కార్యకర్తల‌ జీవించే హక్కును కాలరాస్తున్న‌ పాలకుల విధానాలపై రేపు(మే29) నిరసన
మంథని లో లాకప్ డెత్...పౌరహక్కుల సంఘం నిజ నిర్దారణ... విచారణకు ఆదేశించిన హైకోర్టు
దయనీయస్థితిలో జి.ఎన్.సాయిబాబా ఆరోగ్య పరిస్థితి- సహచరి వసంతకుమారి ఆందోళన
వరవరరావును విడుదల చేయాలి -జర్నలిస్టు,హక్కుల,ప్రజా సంఘాల డిమాండ్
వరవరరావు విడుదలకు తెలంగాణ ప్రభుత్వం చొరవ చేయాలి..వివిధ పార్టీల డిమాండ్
మా నాన్నను వెంటనే విడుదల చేయండి..వరవరరావు కూతుర్ల లేఖ‌
వీవీ, ఇతర సామాజిక‌ కార్యకర్తలున్న తలోజా జైలుతో సహా మూడు జైళ్ళలో కరోనాతో ముగ్గురు ఖైదీల మృతి !
తలోజా జైల్లో వ్యాపించిన కరోనా...అనారోగ్యంతో ఉన్నవీవీని తక్షణం విడుదల చేయాలని విరసం డిమాండ్
పింజ్రా తోడ్ కార్యకర్తలకు బెయిల్...కొద్ది నిమిషాల్లోనే మళ్ళీ అరెస్టు
రాజ్యాంగాన్ని, ప్రజల స్వేచ్ఛ, హక్కులను కాపాడడాన్ని సుప్రీం కోర్టు మానుకుంది...మార్కండేయ్ ఖట్జు
నక్సల్బరీ ప్రాసంగికత ‍- వరవరరావు (2)
నక్సల్బరీ ప్రాసంగికత ‍- వరవరరావు (1)
ఇది నక్సల్బరీ ప్రజ్వరిల్లినరోజు....అడవిలో ప్రవేశించాలనే ఆశయం నెరవేరిన రోజు...
హిందూత్వ లాఠీలు:న్యాయ‌వాదిపై పోలీసుల దాడి - ముస్లిం అనుకొని కొట్టామని సమర్ధన‌
Release Sudha Bharadwaj, Shoma Sen From Covid-19 Hit Byculla Jail — Citizens Appeal to Committee
సీఏఏ వ్యతిరేక ఆందోళనలు నిర్వహించిన ఇద్దరు ʹపింజ్రా తోడ్ʹ కార్యకర్తల అరెస్టు
కరోనా వైరస్ విపత్తులో కూడా ప్రజల జీవించే హక్కుకు బాధ్యత ప్రభుత్వానిదే - CLC
చిరు వ్యాపారి వద్ద మామిడి పళ్ళు దోచుకున్న జనం....ఆయన దుంఖం చూసి 8లక్షల డొనేషన్ ఇచ్చిందీ జనమే
1800 కిలో మీటర్లు ప్రయాణించి ఇంటికొచ్చిన వలస కూలీకి తూఫాను దెబ్బకు కూలి పోయిన ఇల్లు స్వాగతం పలికింది.
more..


కోరాపుట్