ʹకార్డిసెప్స్ʹ అనే ప్రమాదకర ఫంగస్ కన్నా మనిషి మెదడులోకి ఎక్కుతున్న మరో ప్రమాదకర ఫంగస్
"కార్డిసెప్స్" అనే పదాన్ని మీరు ఎప్పుడైనా విన్నారా?. నిజంగా వినలేదా..!?
అయితే ఇప్పటికే చాలా ఆలస్యం అయింది. ఇప్పుడైనా దాని గురించి తెలుసుకోండి..!
బహుశా మీరు దాన్ని గురించి తెలుసుకుంటే మీ జీవితాన్ని ఎవరు నడిపిస్తున్నారో, అది ఎటువైపు పయనిస్తుందో ఇట్టే తెలిసిపోతుంది. ...!
"కార్డిసెప్స్" అనేది ఒక భయంకరమైన ఫంగస్.
చీమలు ఇతర క్రిమికీటకాదుల శరీరాల్లో ఉండే ఒక పరాన్న జీవి అది. "కార్డిసెప్స్"ఒకవేళ చీమకు సోకితే చీమ ప్రవర్తన చాలా విచిత్రంగా ఉంటుంది.ఆ ఫంగస్ చీమల కేంద్ర నాడీ వ్యవస్థలో మొదట స్థావరం ఏర్పటుచేసుకొని అక్కడ్నుంచి తన పని మొదలు పెడుతుంది.
చీమ చేసే పనుల్నీ, అది తీసుకునే నిర్ణయాల్నీ ఈ ఫంగసే నిర్ణయిస్తుంది. ఈ విషయాలేమి తెలియని చీమ ఎప్పటిలాగే తన పని తాను చేస్తుకుంటున్నాననే భ్రమలో ఉంటుంది. కానీ ఈ ఫంగస్ మెల్లి మెల్లిగా తను పెరగడానికి అనుకూలంగా ఉండే ప్రదేశానికి ఆ చీమను దారి మళ్లిస్తుంది. అలా చేరగానే చీమ తానంతట తాను ఒక కొమ్మను తన కోరలతో గట్టిగా పట్టుకుని ఆగిపోతుంది. అలా జరిగిన మరుక్షణం ఆ ఫంగస్ చీమను చంపేసి ఆ చీమ శరీరాన్ని తన అభివృద్దికి ఉపయోగించుకుంటుంది.
అంత చిన్న చీమ శరీరంలో చేరిన ఈ ఫంగస్, తను స్వచ్చందంగా చేస్తున్నానని చీమని భ్రమింపచేసి మైండ్ కంట్రోల్ చేసిందంటే వినడానికి కాస్తా ఆశ్చర్యంగా ఉంది కదూ... కానీ అది నిజం..!
అదేమో కానీ లక్షలకొద్ది బ్యాక్టీరియాల‌కు అలవాలమైన మానవ శరీరాన్ని మనకు మనమే నడుస్తున్నామా లేక ఎవరో మన జీవితాన్ని నిర్ణయించేసి తెలివిగా నడిపించేస్తున్నారా? అనేది ఎప్పుడైనా అలోచించారా? వింటుంటే కాస్తా ఆశ్చర్యకరంగా ఉంది కదూ..!
అవునూ, నిజమే.. మనలో చాలా మంది శరీరాల్లోకి కూడా ఒక ఫంగస్ చేరింది. దానిపేరే "మతం".
అది మెల్లిగా మనలోని చాలా మంది శరీరాల్లోకి చేరిపోయి..వారి ఆలోచలనూ.... అభిప్రాయలనూ... అంతిమంగా జీవితాలనూ కంట్రోల్ చేస్తుంది. బహుశా చాలామందికి ఆ ఫంగస్ తమ శరీరంలోకి చేరిపోయిందని కూడా తెలియకపోవచ్చు.!
ఎవరికి వారే తాము స్వచ్చందంగా దీనివైపు పోతున్నామనుకుంటారు కానీ వాళ్లు ఈ "ఫంగస్" వల్ల ఇలా చేస్తున్నామని గ్రహించలేకపోతున్నారు. చివరకు ఆ ఫంగస్ వీళ్లను కంట్రోల్ చేసి ఎలా నడిపిస్తే అలా నడుచుకుంటారు.!
వాస్తవానికి "కార్డిసెప్స్" అనే ఫంగస్ కేవలం చీమలు తదితర క్రిమికీటకాలకే చేరుతుంది కానీ ఈ "మతం" అనే ఫంగస్ కి అడ్డూ అదుపు ఉండదూ..దీనికి ప్రాంతాలు అంటూ ఉండవూ..ఎక్కడికైనా య‌దేచ్చగా వెళ్లగలదు...దీని విస్తరణ కూడా చాలా వేగంగా ఉంటుంది. ఒక వేళ ఈ ఫంగస్ ను నాశనం చేస్తున్నారని దానికి తెలిసిపోయిందనుకో అది వెంటనే అలర్ట్ అయి తను అప్పటికే సోకిన శరీరాలను మెల్కొల్పి వారిని రెచ్చగొట్టి గొడవలను, అల్లర్లను, ఒక్కొసారి మారణహోమాలను కూడా సృస్టిస్తుంది. అంత ప్రమాధకరమైనది అది.
అందుకే ఈ ఫంగస్ మనుషుల నాడీమండలాన్ని సోకక‌ముందే నాశనం చేయాలి. లేదంటే అది మొత్తం శరీరం అంతా ఆవరించి మనిషినే నాశనం చేస్తుంది. ఇప్పటికే లక్షలాది మందిని అది తన అదుపులోకి తీసుకొని వాళ్లను కంట్రోల్ చేస్తోంది. చాలా వరకు కొన్ని దేశాలను సహితం ఈ ఫంగసే నడిపిస్తోంది...!
ఇప్పటికే ఆలస్యం అయిపోయింది...వెంటనే ఈ "ఫంగస్" ని నాశనం చేయకపొతే మొత్తం మానవ జాతే దాని కంట్రోల్లోకి వెళ్లే ప్రమాధం ఉంది...
సో...బీ అలర్ట్........
- ఎస్,ఏ డేవిడ్
రీసర్చ్ స్కాలర్, ఉస్మానియా యూనివర్సిటీ
Keywords : religion, ant, fungus,
(2024-03-14 01:45:49)
No. of visitors : 603
Suggested Posts
0 results