పచ్చని కొండల్లో మైనింగ్ చిచ్చు.. తమ జీవనం దెబ్బతీయొద్దంటూ ఆదివాసీల నిరవధిక దీక్ష


పచ్చని కొండల్లో మైనింగ్ చిచ్చు.. తమ జీవనం దెబ్బతీయొద్దంటూ ఆదివాసీల నిరవధిక దీక్ష

పచ్చని

అక్కడ ఎటు చూసిన పచ్చని కొండలు.. వైవిధ్యభరితమైన పర్యావరణంతో పాటు సెలయేర్లు, వాగులు, వంకలు పారుతూ ఎంతో ఆహ్లాదంగా ఉంటుంది. అదే అడవిలో ఎన్నో తరాలుగా ఆదివాసీలు నివాసం ఉంటున్నారు. పగలంతా అడవికి వెళ్లి తేనె, పనాస, అనాస వంటి పండ్లతో పాటు అనేక అటవీ ఉత్పత్తులను తీసుకొని రావడం.. వారంతంలో సంతలో అమ్ముకొని తమకు అవసరమైన నిత్యావసరాలు కొనుక్కోవడం.

అక్కడి ఆదివాసి గ్రామాల్లో ఎక్కడ చూసినా ఇదే వారి జీవనోపాధి. కాలుష్యం కానరాని ప్రాంతంలో కల్మషం లేని జీవనం గడపడం ఎన్నో ఏండ్లుగా వారికి అలవాటైపోయింది. అదే ఒడిషాలోని రాయగడ, చత్తీస్‌గడ్ జల్లాలోని దంతెవాడలో విస్తరించిన బైలాడిల్లా పర్వతశ్రేణులు. ఈ పర్యత శ్రేణుల్లో భాగమైన నియంగిరి కొండల్లో ఇప్పుడు కొన్ని కార్పొరేట్ శక్తులు కేంద్ర ప్రభుత్వం సాయంతో మైనింగ్ చేయడానికి నిర్ణయించాయి. ఆనందంగా సాగిపోతున్న ఆదివాసీల జీవితాలను చిన్నాభిన్నం చేసే ప్రయత్నం సాగుతోంది.

ఈ నియంగిరి పర్వతంలో మైనింగ్ చేయడానికి నేషనల్ మినరల్ డెవెలెప్‌మెంట్ కార్పొరేషన్ (ఎన్ఎండీసీ)కు చెందిన ఒక గనిని అదానీ ఎంటర్‌ప్రైజెస్‌కు కేటాయించింది. ఆ గని ఎన్ఎండీసీదే అయినా అక్కడి కార్యాకలాపాలు కొనసాగించేది మాత్రం అదానీ గ్రూప్. ఈ మైనింగ్‌కు వ్యతిరేకంగా ఆదివాసీలు ఎదురు తిరిగారు. మా పచ్చని కొండలను నాశనం చేయవద్దని.. తమ జీవనాన్ని దెబ్బతీయవద్దని డిమాండ్ చేస్తూ గత శుక్రవారం నుంచి నిరవధిక చేస్తున్నారు.

సంయుక్త్ పంచాయత్ సమితి పేరిట అన్ని గ్రామాల ప్రజలు కలసి ఒక జేఏసీగా ఏర్పడ్డారు. ఆ వేదిక పేరు మీద వీళ్లు అక్రమ మైనింగ్‌పై పోరాటం ప్రారంభించారు. ఆ నియంగిరి పర్వతాన్ని ఆదివాసీలు చాలా సెంటిమెంట్‌గా భావిస్తారు. తమకు జీవనోపాధిని కల్పించే ఆ కొండను తమ దేవతగా చెప్పుకుంటారు. అక్కడ కనుక మైనింగ్ చేసి కొండను నాశనం చేస్తే ఆదివాసీల హృదయాలు బద్దలైపోతాయని స్థానిక నాయకుడు ఒకరు వ్యాఖ్యానించారు. అది వారికి పరమ పవిత్రమైన కొండ అని ఆయన చెప్పారు.

మరోవైపు మైనింగ్ వల్ల ఆ కొండ పరిసరాల్లో ప్రవహించే నదులు, కాలువలు, సెలయేర్లు కలుషితం అవుతాయని.. ఆ నీటిని తాగడం వల్ల ఆదివాసీల ఆరోగ్యం పాడవుతుందని ఆందోళన చెందుతున్నారు. ఎన్ఎండీసీ లేదా అదానీ ఎవరు అక్కడ మైనింగ్ చేపట్టినా ఒప్పుకోమని చెబుతున్నారు.

మరోవైపు అదానీ సంస్థ ప్రభుత్వంపై ఒత్తిడి తెస్తోంది. అక్కడ మైనింగ్‌కు సహకరించాలని కోరుతోంది. దీంతో దంతెవాడ పోలీసులు నిరాహారదీక్ష చేసే ప్రాంతంలో భారీగా పోలీసులను మోహరించారు. మావోయిస్టుల ప్రోద్బలం వల్లే ఈ నిరసనలు చేపట్టారని దంతెవాడ ఎస్పీ అభిషేక్ పల్లవ చెబుతున్నారు. అసలు ఈ నిరసన దీక్ష కోసం ఎలాంటి అనుమతులు తీసుకోలేదని కాని మేం వారిని బలవంతంగా పంపమంటున్నారు.

కాని ఇటు దీక్ష జరుగుతుండగానే పోలీసులు, ప్రభుత్వం దానిని అణచివేసే చర్యలు జరుగుతున్నాయి. అక్కడ మైనింగ్ చేపట్టాలో వద్దా అనే విషయం గ్రామ సభల్లో చర్చించి నిర్ణయం తీసుకుంటామని చెబుతోంది. కాని గ్రామ సభలను కూడా తూతూ మంత్రంగా నిర్వహిస్తుండటం.. ఆదివాసీల డిమాండ్లను పట్టించుకోకపోవడంతోనే ఈ దీక్ష ప్రారంభమైంది.

ఒడిషాలోని నియంగిరి పర్వతాల్లో 15వేలకు పైగా కోంధ్ తెగ గిరిజనులు దాదాపు 160 గ్రామాల్లో జీవిస్తున్నారు. వీరందరికీ ఆ కొండ ఎంతో పవిత్రంగా చూస్తుంటారు. అదే వారి జీవనాధారంగా భావిస్తుంటారు. 2013లోనే ఆ కొండల్లో మైనింగ్ అనుమతి ఇస్తే నిరసన తెలియజేశారు.

కాని కార్పొరేట్ శక్తులకు తలొగ్గిన ప్రభుత్వం ఆదివాసీలను మావోయిస్టులే రెచ్చగొడుతున్నారంటూ ప్రచారం చేయడం వల్ల ఆదివాసీలను అసలు మనుషులుగానే గుర్తించట్లేదనే విషయం తేటతెల్లమవుతోంది.

Keywords : niyamgiri hills, dantewada, bailadilla, odisha, adiwasi, protest, nmdc, adani group, mining
(2020-07-03 10:36:37)



No. of visitors : 568

Suggested Posts


0 results

Search Engine

కేరళ:పావంగడ్ పట్టణంలో మావోయిస్టుల పోస్టర్లు,బ్యానర్లు... దళిత,గిరిజన,మైనారిటీలపై దాడులకు వ్యతిరేకంగా పోరాడాలని పిలుపు
ʹగౌరీ లంకేష్ ను గుర్తుకు తెచ్చుకోʹ - జర్నలిస్టు రానా అయూబ్ కు హత్య, రేప్ బెదిరింపులు
జూలై 4,5 తేదీల్లో విరసం యాభయ్యో ఆవిర్భావ సభలు... ఆన్ లైన్ లో
పోలీసు స్టేషన్ లో బాలికపై దుర్మార్గం....రోజుల తరబడి గ్యాంగ్ రేప్ చేసిన ఇన్‌స్పెక్టర్, పోలీసులు
తమిళనాడు కస్టడీ మరణాలు: 5గురు పోలీసుల అరెస్టు... పటాకులు పేల్చి డ్యాన్సులు చేసిన జనం
బొగ్గు గని కార్మికుల మూడు రోజుల సమ్మెకు ప్రజా ఫ్రంట్ మద్దతు
తూచ్..మేము మందు కనిపెట్టలేదు...కరోనా మందుపై యూ టర్న్ తీసుకున్న పతంజలి
జ్యుడిషియల్ టీం పై పోలీసుల వేధింపులు... పోలీస్ స్టేషన్‌ను స్వాధీనం చేసుకోవాలని హైకోర్టు ఆదేశం
అఖిల్ గొగొయ్ ని విడుదల చేయాలంటూ1200 మంది ఖైదీల నిరాహార దీక్ష
143 Bangladesh intellectuals demand the release of Varavara Rao
దేశంలో రోజుకు ఐదు కస్టోడియల్ మరణాలు
బొగ్గుగని కార్మికుల దేశవ్యాప్త సమ్మెకు పౌరహక్కుల సంఘం మద్దతు
హక్కుల కార్యకర్త సోనీ సోరీని హత్య చేసేందుకు పోలీసులు కుట్ర చేస్తున్నారా ?
జార్జ్ ఫ్లాయిడ్స్ ఆఫ్ ఇండియా....ఇలాంటి హత్యలు ఎన్నో!
పోలీసుల క్రూరత్వం... తండ్రీ కొడుకుల హత్య...మాట‌ల‌కంద‌ని హింస‌
మూడురోజుల పాటు మావోయిస్టుల భారీ బహిరంగ సభ...వేలాదిగా పాల్గొన్న జనం
ముస్లిం స్వాతంత్ర్య సమరయోధుడిపై సినిమా... మతోన్మాద శక్తుల హెచ్చరికలు
అఫ్ఘ‌నిస్తాన్ మావోయిస్టు పార్టీ చైర్మన్ కామ్రేడ్ జియా అమర్ రహే !
ఇప్పుడు పోరాటం ఒక్కటే...మన ఉనికిని నిలబెడుతుంది -అరుంధతీ రాయ్
రాజకీయ ఖైదీలందరినీ విడుదల చేయాలంటూ పంజాబ్ లో ఆందోళనలు...రాష్ట్రపతికి లేఖ‌ !
రమాకాంత్ అమర్ రహే! ఈ విప్లవ యోధుడి అమరత్వానికి ఇరవై నాలుగేళ్లు...
A very worrying letter from Gautamʹs partner Sahba. Remember that Maharashtra is the epicenter of the Covid epidemic.
వరవరరావుతో సహా హక్కుల కార్యకర్త‌లందరినీ విడుదల చేయాలి....500 మంది ప్రముఖుల లేఖ !
ప్రైవేటు కంపనీలకు బొగ్గు తవ్వకాలకు అనుమతిపై నిరసనకు పిలుపునిచ్చిన జార్ఖండ్ జన్ అధికార్ మహాసభ
సిఆర్ పి ఎఫ్ క్యాంప్ ఏర్పాటుకు నిరసనగా ఆదివాసీల భారీ ర్యాలీ...పోలీసులతో ఘర్షణ
more..


పచ్చని