83 ఏండ్ల స్టాన్ స్వామి ఇంటిపై పోలీసుల దాడి.. విరసం ఖండన


83 ఏండ్ల స్టాన్ స్వామి ఇంటిపై పోలీసుల దాడి.. విరసం ఖండన

83

ఈరోజు ఉదయం సుమారు 7 గంటల ప్రాంతంలో పూణే పోలీసులు ఆదివాసీ హక్కుల కార్యకర్త 83 ఏళ్ల స్టాన్ స్వామి ఇంట్లో చొరబడి మూడు గంటల పాటు సోదాలు చేసి ఆయన హార్డ్ డిస్క్, ఇంటర్నెట్ మోడెమ్ ఎత్తుకుపోయారు. ఆయన ఈమెయిల్, ఫేస్ బుక్ అకౌంట్ల పాస్ వర్డ్స్ బలవంతంగా చెప్పించుకుని వాటిని సీజ్ చేసారు. ఇది జరుగుతున్నప్పుడు ఆయన న్యాయవాదిని ఇంట్లోకి అనుమతించలేదు.

గత ఏడాది ఆగస్టు 28న వరవరరావు, సుధా భరద్వాజ్ తదితర మేధావుల ఇళ్ళపై దాడులు జరిగిన రోజే ఝార్ఖండ్ రాష్ట్రం రాంచీకి సమీపాన ఉన్న ఆయన ఇంటిపై కూడా కూడా భీమా కారేగావ్ కేసు దర్యాప్తు పేరుతో దాడి చేసి కేసు నమోదు చేసారు. తప్పుడు లేఖలు పుట్టించి, మరాఠీలో సర్చ్ వారెంట్ తీసుకొచ్చి ఆనాడు చట్టవ్యతిరేకంగా దేశవ్యాప్తంగా పది మంది ఇళ్ళపై చేసిన సోదాలు, కోర్టులో భీమాకోరేగావ్ కేసు, ప్రహసనం, సంవత్సరం నుండి బెయిల్ విచారణ సాగతీత అలా ఉండగానే రెండోసారి అధికారంలోకి వచ్చిన బిజెపి ప్రభుత్వం రెట్టించిన ఉన్మాదంతో ప్రజల మీద, హక్కుల కార్యకర్తల మీద పడుతుందన్న సంగతి ఊహించిందే. ఉత్తరప్రదేశ్లో జర్నలిస్టుల మీద అమానుష దాడులు చూస్తూనే ఉన్నాం. ఎన్నికల విజయం ప్రకటించగానే ముస్లింలపై దాడులు చూస్తున్నాం. కనీసం ఫేస్ బుక్ లో అసమ్మతి ప్రకటనను కూడా సహించని గూండా గిరీ పెరిగిపోతున్నది. ఇక ప్రత్యక్ష కార్యాచరణలో ఉన్న ప్రజానాయకుల కోసం దేశంలో అత్యంత క్రూరమైన జైళ్ళు ఎదురుచూస్తున్నాయి. ఈ సోదా భీమా కారేగావ్ కేసు విచారణ భాగంగానేనని చెప్తున్నారు. అంటే మరిన్ని తప్పుడు సాక్ష్యాలు సృష్టించబోతున్నారు.

ఝార్ఖండ్ లో అత్యంత గౌరవనీయ వ్యక్తి స్టాన్ స్వామి. మూడు దశాబ్దాలుగా ఝార్ఖండ్‌ ఆదివాసీ ప్రాంతాల్లో ఆయన తన ఎన్జీవో బగీచా ద్వారా సేవలు అందిస్తున్నారు. జాదూగూడాలో యురేనియం కార్పోరేషన్‌ చేపడుతున్న టెయిల్‌ పాండ్‌ నిర్మాణానికి వ్యతిరేకంగా ఉద్యమించిన ఝార్ఖండీ అగైన్ట్‌ రేడియేషన్‌ ఉద్యమంలో తొలిసారి స్టాన్‌స్వామి పేరు ప్రముఖంగా వినిపించింది. 1996లో జాదూగూడ ప్రాంతంలో స్టాన్‌ విస్త్రుతంగా పర్యటించారు. ఈ ఉద్యమ ఫలితంగానే యురేనియం రేడియేషన్‌ దుష్ప్రభావాలు, జాదూగూడ ప్రాంతంలో నివసిస్తున్న ఆదివాసులు దయనీయ పరిస్థితులు బయటి ప్రపంచానికి తెలిశాయి.

తర్వాత స్టాన్‌స్వామి బొకారో ప్రాంతంలో వలసలకు వ్యతిరేకంగా పనిచేయడం ప్రారంభించారు. ఝర్ఘండ్‌ రాష్ట్రంలో నక్సల్స్‌ పేరుతో అరెస్టైన వాళ్లలో 98శాతం అమాయక ఆదివాసులని, భద్రతా దళాలు, పోలీసులు అమాయకులను నక్సల్స్‌ పేరుతో జైళ్లపాలు చేస్తున్నారని బహిరంగంగా మాట్లాడటం ప్రారంభించారు. 2017 పతల్‌ఘడీ ఉద్యమంలో కీలక పాత్ర పోషించారు. ఆ ఉద్యమాన్ని అణచేందుకు ప్రభుత్వం ఉద్యమానికి సారధ్యం వహించిన 20 మందిపై దేశద్రోహం చట్టం కింద కేసులు నమోదు చేసింది. ఎన్ని వేధింపులు ఎదురైనా ఆదివాసుల పక్షం వహించిన స్టాన్ స్వామి పక్షాన ప్రజాస్వామికవాదులు నిలవాల్సిన అవసరం ఉంది. ఫాసిజం ఇంకా ఇంకా క్రూరంగానే ఉంటుంది. మనం గుండె దిటవుతో నిలవాలి. పోరాడాలి.

-విరసం

Keywords : stan swamy, pune police, virasam, adivasi rights activist, maharashtra, bhima koregaon
(2020-05-25 18:59:27)



No. of visitors : 575

Suggested Posts


0 results

Search Engine

వీవీ,సాయిబాబాలతో సహా రాజకీయ ఖైదీల విడుదలకై వారం రోజుల కార్యక్రమాలు -నిర్బంధ వ్యతిరేక వేదిక పిలుపు
మానవత్వానికే మచ్చ తెచ్చిన ఆ దుర్మార్గుడితో కలిసి ఉండలేను... విడాకులు ఇప్పించండి
నోరు మూసుకో....ట్రంప్ కు పోలీసు చీఫ్ హెచ్చరిక‌
తెలంగాణకోసం పోరాడిన వారు జైళ్ళలో మగ్గుతున్నరు
వరవరరావు బెయిల్ పిటిషన్ మళ్ళీ వాయిదా !
వరవరరావు విడుదల కోసం ʹమాహాʹ సీఎంకు మాజీ కేంద్ర సమాచార కమీషనర్ల‌ లేఖ
వీవీ,సాయిబాబాల‌ జీవించే హక్కును కాపాడండి...పౌరహక్కుల సంఘం
కేసీఆర్ కు తెలంగాణ, ఏపీకి చెందిన 27 మంది ప్రముఖ రచయితల విజ్ఞప్తి
వీవీ, సాయిబాబాలను వెంటనే విడుదల చేయాలి -సామాజిక తెలంగాణ మహాసభ
వరవరరావును వెంటనే విడుదల చేయాలి - సీపీఐ (ఎంఎల్) జనశక్తి డిమాండ్
వరవరరావు ఆరోగ్యంపై ఆయన సహచరి హేమలత ప్రకటన‌
వీవీ, సాయిబాబాలతో సహా రాజకీయ ఖైదీలందరినీ విడుదల చేయాలంటూ దేశవ్యాప్త ప్రదర్శనలు
సామాజిక కార్యకర్తల‌ జీవించే హక్కును కాలరాస్తున్న‌ పాలకుల విధానాలపై రేపు(మే29) నిరసన
మంథని లో లాకప్ డెత్...పౌరహక్కుల సంఘం నిజ నిర్దారణ... విచారణకు ఆదేశించిన హైకోర్టు
దయనీయస్థితిలో జి.ఎన్.సాయిబాబా ఆరోగ్య పరిస్థితి- సహచరి వసంతకుమారి ఆందోళన
వరవరరావును విడుదల చేయాలి -జర్నలిస్టు,హక్కుల,ప్రజా సంఘాల డిమాండ్
వరవరరావు విడుదలకు తెలంగాణ ప్రభుత్వం చొరవ చేయాలి..వివిధ పార్టీల డిమాండ్
మా నాన్నను వెంటనే విడుదల చేయండి..వరవరరావు కూతుర్ల లేఖ‌
వీవీ, ఇతర సామాజిక‌ కార్యకర్తలున్న తలోజా జైలుతో సహా మూడు జైళ్ళలో కరోనాతో ముగ్గురు ఖైదీల మృతి !
తలోజా జైల్లో వ్యాపించిన కరోనా...అనారోగ్యంతో ఉన్నవీవీని తక్షణం విడుదల చేయాలని విరసం డిమాండ్
పింజ్రా తోడ్ కార్యకర్తలకు బెయిల్...కొద్ది నిమిషాల్లోనే మళ్ళీ అరెస్టు
రాజ్యాంగాన్ని, ప్రజల స్వేచ్ఛ, హక్కులను కాపాడడాన్ని సుప్రీం కోర్టు మానుకుంది...మార్కండేయ్ ఖట్జు
నక్సల్బరీ ప్రాసంగికత ‍- వరవరరావు (2)
నక్సల్బరీ ప్రాసంగికత ‍- వరవరరావు (1)
ఇది నక్సల్బరీ ప్రజ్వరిల్లినరోజు....అడవిలో ప్రవేశించాలనే ఆశయం నెరవేరిన రోజు...
more..


83