అమ్మ‌ కోసం అల్లాడుతున్న చిన్నారులు... జైలు ముందే పడిగాపులు


అమ్మ‌ కోసం అల్లాడుతున్న చిన్నారులు... జైలు ముందే పడిగాపులు

రెండు రోజులుగా ఈ ఖమ్మం సబ్ జైలు దగ్గర పడిగాపులు పడుతున్న ఈ చిన్నారులు అంజలి, సమీరా. అంజలికి 4 ఏండ్లు, సమీరాకు 2 ఏండ్లు. అమ్మ, నాన్నలను వదిలి ఎన్నడూ లేని ఈ చిన్నారులు ఇప్పుడు పది రోజులుగా అమ్మానాన్నలు లేకుండా గడుపుతున్నారు. అమ్మా అంటూ బోరున విలపిస్తున్న ఆ చిన్నారులను ఓదార్చడానికి తల్లీ తండ్రులు అక్కడ లేరు. జైల్లో ఉన్నారు. జైల్లో ఉన్నారంటే వాళ్ళేదో లక్షల కోట్లు ప్రజల సొమ్మును దోచినవాళ్ళు కాదు.... బ్యాంకులను ముంచిన వాళ్ళు కాదు... హత్యలు చేసినవాళ్ళు కాదు... మరెందుకు జైల్లో ఉన్నట్టు ?

వాళ్ళది భద్రాద్రి కొత్తగూడెం జిల్లా ములకలపల్లి మండలం గుండాలపాడు గ్రామం తరతరాలుగా అడవితల్లినే నమ్ముకొని జీవిస్తున్న ఆదివాసులు వాళ్ళు. వాళ్ళౌ పేర్లు కణితి రాజు, భద్రమ్మ. పోడు వ్యవసాయం చేయడం ఉన్నదాంట్లో అడవి తల్లి ఒడిలో ఆనందంగా బతకడమే వాళ్ళకు తెలిసింది. అడవి ఆదివాసుల హక్కు అని ఐక్యరాజ్య సమితి చెప్పినా అనేక తీర్పులున్నా...అడవి నుండి ఆదివాసులను విడదీసి ఆ అడవి గర్భాన ఉన్న ఖనిజ సంపదను కార్పోరేట్ల పరం చేయడంకోసం పాలకులు చేస్తున్న కుట్రకు వీళ్ళిద్దరూ ఇవ్వాళ్ళ జైల్లో ఉండడానికి లింక్ ఉంది.

ప్రభుత్వ భూముల్లో పోడు వ్యవసాయం చేస్తున్నారనే అభియోగంతో ఈ నెల 2వతేదీ అర్ధరాత్రి ఫారెస్ట్ అధికారులు గుండాలపాడు గ్రామంపై దాడి చేశారు. ఆ గ్రామస్తులు ఫారెస్ట్ అధికారులను అడ్డుకునే ప్రయత్నం చేశారు. ఈ సందర్భంగా జరిగిన ఘర్షణలో ఆదివాసులకు, కొందరు ఫారెస్ట్ అధికారులకు గాయాలయ్యాయి. దీంతో పోలీసులు... ఆదివాసులకు గాయాలైనందుకు ఫారెస్ట్ అధికారులపై ఎలాంటి కేసూ పెట్టలేదు కానీ అంజలి, సమీరా తల్లితండ్రులైన‌ కణితి రాజు, భద్రమ్మలతో సహా 12 మంది ఆదివాసులపై కేసులు బనాయించి ఖమ్మం సబ్ జైలుకు పంపించారు.

తల్లిదండ్రులు ఇద్దరూ జైలు పాలు కావడంతో ఇక ఇంట్లో కేవలం 4 ఏళ్ల‌ అంజలి, 2 ఏళ్ల‌ సమీరా మాత్రమే మిగిలారు. తల్లిదండ్రులను చూడకుండా ఒక్కరోజు కూడా ఉండలేని రెండేళ్ల సమీరా తల్లి కోసం తల్లడిల్లిపోతుంది. చుట్టుప‌క్క‌ల వారు.. ఆ పిల్లల పట్ల జాలితో తీసుకెళ్లి బోజనం పెట్టినప్పటికి ఆ చిన్నారులు ఇద్దరు కూడా తల్లిదండ్రులపై బెంగతో బోజనం కూడా సరిగా చేయడం లేదు. ఎవరు కనిపించినా... తమ అమ్మనాన్నలను చూడాలంటూ రోదిస్తూ అడుగుతున్నారు.

రెండు రోజుల నుండి ఖమ్మం సబ్ జైలు దగ్గర పడిగాపులుపడుతున్నారు. అరెస్టు చేసిన పోలీసులు కానీ , జైలు అధికారులు కానీ ఏ ఒక్కరినీ ఆ చిన్నారుల రోదనలు కదిలించలేకపోయాయి. ఈ విషయంపై ప్రతి రోజూ HMTV వార్తలు ప్రసారం చేయడం, ఆ ఛానల్ ప్రతినిధి నాగేందర్, సీపీఐ ఎం ఎల్ న్యూ డమాక్రసీ నాయకుళు రంగారావు తదితరుల చేసిన ప్రయత్నం వల్ల 9 రోజుల తర్వాత ఆ చిన్నారులిద్దరూ ఇవ్వాళ్ళ తల్లితండ్రులను కలుసుకోగలిగారు. ఆ చిన్నారులు తల్లి తండ్రులను చూసిన వెంటనే పరుగున వెళ్ళి కౌగలించుకోవడం, వాళ్ళిద్దరినీ అక్కునజేర్చుకొని ఆ తల్లితండ్రులు బోరుమనడం అక్కడున్నవాళ్ళందరినీ కంటతడి పెట్టించింది. ఆ దృశ్యాలు టీవీల్లో చూసిన వాళ్ళకు కూడా దుఖం రాక మానదు ఒక్క పాలకులకు తప్ప.

Keywords : adivasi, forest department, khmmam, police, jail
(2019-11-17 22:11:37)



No. of visitors : 933

Suggested Posts


0 results

Search Engine

Withdraw the False Case against Veekshanam Editor!
వీక్ష‌ణం సంపాద‌కుడిపై UAPA కేసు
భగత్ సింగ్ తుపాకీ - జార్జిరెడ్డి సినిమా...!!
Arrest of B Anuradha & N Ravi Sharma – Fact and Fiction
అనూరాధ, రవి శర్మల అరెస్టు – వాస్తవమూ కల్పనా..!
కేసీఆర్ అప్రజాస్వామిక పాలన‌: అనురాధ, రవిల అరెస్ట్ - రాజద్రోహం, యూఏపీఏ కేసులు బనాయింపు
ఫీజుల పెంపును నిరసిస్తూ.. కేంద్ర మంత్రిని నిర్బంధించిన జేఎన్‌యూ విద్యార్థులు..!
పోలీసుల అడ్డంకులు ఛేదించుకుని సమరోత్సాహంతో ట్యాంక్ బండ్ పైకి దూసుకొచ్చిన‌ కార్మికులు
చలో ట్యాంక్ బండ్ లో మావోయిస్టులున్నారన్న సీపీ... ఉక్కుపాదం మోపడం కోసమే ఈ ఆరోపణలన్న‌ ఆర్టీసీ జేఏసీ
వేలాది పోలీసు బలగాల నిర్బంధాల మధ్య‌ చలో టాంక్ బండ్ విజయవంతం
ఆర్టీసీ సమ్మెకు రాజకీయ ఖైదీల మద్దతు.. జైళ్లో నిరసన.. చలో ట్యాంక్‌బండ్ విజయవంతం చేయండి..!
భగత్ సింగ్ పిస్టల్ – అనేకానేక స్మృతులు
జర్నలిస్టులు, దళిత, మానవహక్కుల కార్యకర్తల వాట్సప్ ఖాతాలు హ్యాక్
దొర ప్రతాపమంత మజ్దూర్ల మీదనే!
తెలంగాణలో పాత రోజులు మళ్ళీ దాపురించాయి... అణిచివేతే పాలకుల విధానమయ్యింది
ఆర్టీసీ సమ్మె పై నిర్భందం...పౌరహక్కుల సంఘం ఆగ్రహం
భారత విప్లవోద్యమంలో చారుమజుందార్‌ - రేపే శతజయంతి సదస్సు
నలమాస కృష్ణ, మద్దిలేటిల అరెస్టు చట్టబద్దం కాదు - హైకోర్టు
ʹఆవులగురించి కాదు ఆడపిల్లల గురించి శ్రద్ద పెట్టండిʹ
ఈ కుట్ర కేసు వెనుక ఉన్న కుట్రలో అసలు కథ‌ ఇంకోటి ఉంది
నలమాస కృష్ణ, మద్దిలేటి అరెస్ట్...అక్రమం అంటున్న ప్రజా సంఘాలు
RTC కార్మికులారా ఆత్మహత్యలు వ‌ద్దు.. తెలంగాణ సమాజం మీ వెంట‌ ఉంది.. పోరాడి హక్కులు సాదించుకుందాం !
దేశానికి రానున్నవి చీకటిరోజులు
మావి నిషేధిత సంఘాలు కావు
పోలీస్ క‌మిష‌న‌ర్ ప్ర‌క‌ట‌న‌పై కేసీఆర్ స్పందించాలి : ప‌్ర‌జా సంఘాలు
more..


అమ్మ‌