ఏపీ సీఎం జగన్‌కు ʹఅర్బన్ నక్సలైట్లʹ లేఖ..!


ఏపీ సీఎం జగన్‌కు ʹఅర్బన్ నక్సలైట్లʹ లేఖ..!

ఏపీ

జగన్ గారూ,

ఆ 23 మంది గురించి కూడా మాట్లాడాల్సి వస్తుందని కలలో కూడా అనుకోలేదు. మీ పుణ్యాన మా హక్కుల్ని కాలరాచిన వాళ్ళ గురించి కూడా మాట్లాడాల్సి వస్తోంది. మాట్లాడితే 23 అంటారు. మీరు గెలిచారు సరే. ఆ 23 మంది కూడా పాపం మీ లాగే డబ్బు ఖర్చు పెట్టుకొని, ఓట్ల కొనుక్కొచ్చుకున్నారు. వాళ్ళూ మీ జాతి వాళ్ళే. మీ పద్ధతిలో గెలిచారు కనకనే అసెంబ్లీకి వచ్చారు. వాళ్ళ పార్టీ ఓడిపోయి ఉండొచ్చు. కానీ మిమ్మల్ని, మీ వాళ్ళను కోరుకున్నట్లుగా, 23 నియోజకవర్గాల్లో ఓటు వేసిన వారిలో మెజారిటీ ప్రజలు వాళ్ళ కోసం బటన్ నొక్కారు. మీ జాతి వాళ్ళనే మీరు పురుగుల్లా చూస్తున్నారే. రా, చూసుకుందాం అంటారు. మేం లేస్తే మీరు పారిపోతారు అంటారు. మెజారిటీ బలం ఇందుకేనా? అసెంబ్లీలో మైనార్టీని లెక్క చెయ్యని మీరు ఇక నోరు లేని, ముఖం లేని జనాన్ని ఏం చూస్తారు? అందుకే, మూడు రోజులుగా మీ ఇంటికాడ ఆందోళన చేస్తున్న జనం మీ కళ్ళకు ఆనలేదు.

మేం లేస్తే మీరు పారిపోతారు అంటున్నారు. పారిపోకపోతే తరుముతున్నారు. పులివెందుల గ్రామాల లాగానే, రాష్ట్రంలో చాలా గ్రామాలున్నాయి. జనం ఎవరో ఒకరి పంచనో చెరకపోతే బతకలేరు. పించన్ కావాలన్నా, వాచ్ మెన్ పని కావాలన్నా, ఆరోగ్యశ్రీ కార్డు కావాలన్నా ఏ నాయకున్నో ఆశ్రయించక తప్పదు. ఎవరి దగ్గర పని జరుగుతుందో వాళ్ళ దగ్గరికే పోతారు. మీ వాళ్ళూ అంతేగా! ఎవరు అధికారంలో ఉంటే వాళ్ళ పార్టీలోకి చేరిపోతారు. అట్లా ఆశయించిన మామూలు జనాన్ని తరుముతున్నారే! మీరు సాధించిన మెజారిటీ అవతలి పార్టీ అశ్రితుల్ని తరమడానికి, వాళ్ళు పొందుతున్న అతి స్వల్ప ప్రయోజనాలను లాక్కోడానికి పనికొస్తోంది. మీరేమో అసెంబ్లీలో, మీ తమ్ముళ్లేమో ఊర్లల్లో.. రాజన్న రాజ్యాన్ని బాగా నెలకొల్పుతున్నారు. విషాదమేమిటంటే గెలిచినా, ఓడినా గొప్పోళ్ళు మీరు మీరుగానే ఉంటారు. బుద్ధిలేక, గత్యంతరం లేక మీ పంచన చేరినవాళ్ళు చస్తారు. మీరిట్లాగే అరుస్తుంటే చంద్రబాబు అసెంబ్లీ నుండి వాకౌట్ అంటాడు. మీలాగే ఊళ్లు పట్టుకొని తిరుగుతాడు. ప్రజాస్వామ్యం, ప్రజాస్వామ్యం అంటాడు. ఏమైనా మీమీ డెమాక్రసీలకు జరిగే డామేజ్ పెద్దగా ఉండదు. జనం మాత్రం బతుకు తెరువులు, బతుకులు కోల్పోతారు.

మీ కాన్వాయ్ అంబులెన్స్‌కు దారి ఇవ్వడమే మాకెంత మురిపెమో. ఒక అత్యవసర పౌరధర్మం సి.యం. అంతటివాడు పాటించాడు చూడండి అని చెప్పుకుంటున్నారు. తమను తాము ఎంతో అల్పజీవులం అనుకునే ప్రజలు పాపం. నిజమే. నెలకింత పించన్ దానం చేసే గోప్పోల్లకు దాన్ని మహాప్రసాదంగా అందుకొనే ప్రజలు కనిపిస్తారా? అసెంబ్లీలో మిమ్మల్ని చూసి భయమేసింది. ʹఅయితే ఏంటిʹ అని తలెగరేసే మీ నాయన కన్నా ఇంకా భయంకరంగా కనపడుతున్నారు మీరు. ఇలాంటి తలపొగరు జనాన్ని ఏం చేస్తుందా అని భయం.

చంద్రబాబు తక్కువ చేసాడా అంటారు. లేదు. అక్కడ ఆయన మీమీద గుడ్లురిమి చూసిందానికన్నా ఎన్నో రెట్లు ఎక్కువ జనం మీద జులుం చేసాడు. మెజారిటీ బలం ఉందని ఎవర్నీ మాట్లాడనివ్వలేదు. జనాన్ని కనీసం ఏడవనివ్వలేదు. తమ గోడు వేల్లబోసుకోనీకి ధర్నా చేయడానిక్కూడా లేదన్నాడు. పోలీస్ స్టేషన్ కు పోయి మాకు ఫలానా సమస్య ఉంది, మేం ఏడవచ్చా అండీ అని పర్మిషన్ తీసుకోవాలని ఆర్డర్ వేసాడు. ఇప్పుడు వయసు కన్నా గౌరవమివ్వమని ఏడ్చే స్థితికొచ్చాడు. ఇప్పుడు మీది ఇంకా పెద్ద మెజారిటీ. అంటే ఇంకా ఎక్కువ అధికారం. కాబట్టి ఇది చంద్రబాబు మీదో, ప్రతిపక్షం మీదో సానుభూతి కాదు. అంతకంతకూ విశృంఖలమవుతున్న ʹఅధికారంʹ గురించి ఆందోళన.

ఇట్లు

మాటిమాటికీ ప్రజాస్వామ్యం గుర్తుచేసే మూర్ఖులు
అభివృద్ధి నిరోధకులు
అర్బన్ నక్సలైట్లు

- పి. వరలక్ష్మీ, విరసం.
(ఫేస్‌బుక్ పోస్టు)

Keywords : YS Jagan, AP CM, Chandrababu, Assembly, Urban Maoists
(2019-08-22 07:44:09)



No. of visitors : 2695

Suggested Posts


0 results

Search Engine

నరనరాన కుల బలుపు....దళితుడి మృతదేహాన్నీ అడ్డగించిన కులోన్మాదులు
పిల్లల అక్రమ రవాణా కేసులో బీజేపీ నాయకురాలు అరెస్ట్ !
క‌శ్మీరీ విద్యార్థుల క‌న్నీటి గాథ‌లు
ఆర్మీపై నేను చేసిన ఆరోపణలకు సాక్ష్యాలున్నాయి...షెహ్లా రషీద్
తెలంగాణ సాయుధ పోరాటం నుండి నక్సల్బరీ వరకు... ఎమ్ టీ ఖాన్ జీవితం
ఖాన్ సాబ్ - వివి - ఓ జ్ఞాపకం...!!
ఆస్పత్రి సిబ్బంది దుర్మార్గం...కారిడార్ లోనే మహిళ ప్రసవం...రక్తపు మడుగులో నిస్సహాయ మహిళ‌
పదునెక్కుతున్న హిట్లర్ పాలన కోరలు - ఎన్.వేణుగోపాల్
జర్నలిస్ట్ ను హత్య చేసిన లిక్కర్ మాఫియా
కశ్మీర్ లో ఆంక్షల మధ్యే గిలానీ ట్వీట్స్... సహకరించారని ఇద్దరు బీఎసెనెల్ ఉద్యోగులు సస్పెండ్ !
Protest Prime Minister Modiʹs visit to the United Nations...Coalition Against Fascism in India
మాన‌సిక స‌మ‌స్య‌ల‌తో క‌శ్మీర్ ప్ర‌జ‌లు - నిండిపోతున్న ఆసుప‌త్రులు
కేటీఆర్ కు సడెన్ గా ప్రజాస్వామ్యం ఎందుకు గుర్తొచ్చింది ?
ʹబంగారం లేదు వజ్రాలు లేవు ఈ కట్టు కథలన్నీ యురేనియం కోసమేʹ
సత్యం కోసం నిలబడటమే ఆయన నేరం...ఐపీఎస్ సంజీవ్ భట్ కు అండగా నిలబడదాం !
కశ్మీర్‌లో పర్యటించిన ఆర్థికవేత్త ʹజీన్ డ్రీజ్ʹ ఇంటర్వ్యూ..!
ʹఆర్టికల్ 370 రద్దు పరిష్కారమాʹ అనే అంశంపై ‍ సభ‌
KASHMIR CAGED – A REPORT FROM THE GROUND
పెహ్లూఖాన్ ను ఎవరూ చంపలేదా ? మూక హత్య కేసులో నిందితులంతా నిర్దోషులని కోర్టు తీర్పు!
బీజేపీ ఎమ్మెల్యేపై ఉన్న మతకలహాల కేసులు ఎత్తి వేయడానికి రంగం సిద్దం
నిజాలు చెప్పడానికి ప్రెస్ క్లబ్ లో కూడా అడ్డంకులా ?
లొంగిపోయి పోలీసుగా మారిన అన్నకు... మావోయిస్ట్ కమాండర్ అయిన చెల్లె లేఖ‌ !
కస్టడీలో ముద్దాయిని ఎలా కొట్టి చంపాడో వివరించిన మాజీ డీసీపీ
ఈ భూమిని వారికి అమ్మకపోతే వాళ్ళు తుపాకులతో సహా రాగలరు...ప్రముఖుడికి లేఖ
ఈ కశ్మీరీ పండిట్ చెప్పేది ఒకసారి విందామా !
more..


ఏపీ