కాశ్మీర్ ప్రజల హక్కులపై సాగిస్తున్న దాడిని ఖండించండి - పౌరహక్కుల సంఘం


కాశ్మీర్ ప్రజల హక్కులపై సాగిస్తున్న దాడిని ఖండించండి - పౌరహక్కుల సంఘం

కాశ్మీర్

జమ్ము కశ్మీర్ కు ప్రత్యేక హక్కులు కల్పించే ఆర్టికల్ 370 35ఎ ని రద్దుచేసి కాశ్మీర్ ని రెండుగా విభజించడంపై తెలంగాణ పౌరహక్కుల సంఘం విడుదల చేసిన మీడియా ప్రకటన పూర్తి పాఠం....

విలీన సమయంలో భారత ప్రభుత్వం రాజ్యాంగ పరంగా ఇచ్చిన హక్కే ఆర్టికల్ 370 స్వయం ప్రతి పత్తి హక్కు రద్దు చేసిన ఆర్టికల్ 370ని పునరుద్దరించాలి.

భారతదేశంలో అధికార మార్పిడి జరగక ముందు బ్రిటీష్ ఇండియాతోపాటు అనేక స్వతంత్ర సంస్థానాలు ఉన్నాయి. అందులో కాశ్మీర్ కూడా ఒకటి. లార్డ్ మౌంట్ బాటెన్ ప్రణాళిక ప్రకారం ఈ సంస్థానాలు తమకు తాము స్వతంత్రంగా ఉండొచ్చు లేదా ఏర్పడబోయే ఇండియా, పాకిస్థాన్లలో ఎందులోనైనా చేరవచ్చు. అంటే నాటికి కాశ్మీర్ ఒక స్వతంత్ర సంస్థానంగా ఉన్నది అనే విషయాన్ని పాలకులు ఉద్దేశ్యపూర్వకంగా దాచిపెడుతున్నారు. దేశ విభజన సమయంలో కాశ్మీర్ పౌర సమాజం ప్రధానంగా పాకిస్థాన్ దౌర్జన్యంగా తమ భూభాగాలను ఆక్రమించడాన్ని ప్రతిఘటిస్తూ భారతదేశంతో రాజా హరిసింగ్ ఒక ఒప్పందాన్ని చేసుకున్నాడు. అందులో భాగమే ఆర్టికల్ 370 అనే వాస్తవాన్ని భారత పాలకవర్గాలు కప్పిపుచ్చుతూ వచ్చాయి. ఆ ఒప్పందం ప్రకారం రక్షణ, విదేశీ, సమాచార వ్యవస్థలకు సంబంధించిన విషయాలు మాత్రమే భారత ప్రభుత్వంకి అధికారం ఇచ్చింది. మిగిలిన అన్ని విషయాల్లో అధికారాలు కాశ్మీర్ ప్రభుత్వానికే ఉంటాయి. అదేవిధంగా ఆర్టికల్ 35ఎ కూడా ఆంధ్ర, తెలంగాణా రాష్ట్రాలలో అమలులో ఉన్న 1/70 చట్టం లాంటిదే. ఈ విషయాలను భారత పాలకవర్గాలు భారత ప్రజలకు తెలియకుండా కాశ్మీర్ భారత్లో ఒక రాష్ట్రంగానే ప్రచారం చేస్తూ వచ్చి ఆచరణలో దాని సర్వ హక్కులు హరించివేసారు. ఒప్పందం ప్రకారం ఐక్యరాజ్యసమితి ఆధ్వర్యంలో ఈ ప్రజాభిప్రాయ సేకరణ (ప్లెబిసైట్) నిర్వహించకుండా కాశ్మీర్ ప్రజల ప్రియతమ నాయకుడైన షేక్ అబ్దుల్లా జైల్లో 20 సంవత్సరాలకి పైగా నిర్భందించారు.
కాశ్మీర్ కి ఇవ్వబడిన ఆర్టికల్ 370, 35 లాగానే ఈశాన్య రాష్ట్రాలలో కూడా ఇలాంటి చట్టాలు ఉన్నాయి. రాజ్యాంగంలోని 5, 6 షెడ్యూల్స్ లో ఎస్సీ, ఎస్టీలకు కల్పించబడిన ప్రత్యేక హక్కులు కూడా ఈ కోవకే వస్తాయి. కానీ నాటి కాంగ్రెస్ నుండి నేటి మోడీ ప్రభుత్వం వరకు ఈ వాస్తవాలను కప్పిపెట్టి ఒక్క కాశ్మీర్ మీదే దుష్ప్రచారం చేస్తూ వచ్చారు. ఎ జాతీయోద్యమ కాలంలో దేశంలో, వివిధ సంస్థానాలలో కూడా దళిత, బహుజన, మైనారిటీ జాతుల ప్రజలు స్వాతంత్రోద్యమంలో భాగంగా తమ హక్కుల రక్షణ కోసం అనేక వీరోచిత పోరాటాలు చేసారు. కాశ్మీర్ లో కూడా అక్కడి ప్రజలు (ముస్లింలు, హిందువులు కలిసి) షేక్ అబ్దుల్లా నాయకత్వంలో రాచరికానికి, భూస్వామ్య వ్యవస్థకి వ్యతిరేకంగా ప్రజాస్వామిక పాలన కోసం స్వాతంత్రోద్యమం సాగించారు. దున్నే వానికే భూమి నినాదంతో ప్యూడల్ వ్యతిరేక పోరాటాలు సాగించి పేదలు భూములు సాధించుకున్నారు. ఈ చారిత్రకాంశాలను మన పాలకులు కుట్రపూరితంగా దాచిపెడుతున్నారు. రాజ్యాంగ బద్ధంగా కాశ్మీరీ ప్రజలకు ఇచ్చిన హక్కులన్నింటినీ రాజ్యాంగ వ్యతిరేకమైనవిగా ప్రచారం చేస్తూ దేశ ప్రజలలో కాశ్మీరీ ప్రజల పట్ల ఉగ్రవాద భావాన్ని కలిగిస్తున్నారు. ఎ ధనిక వర్గాల నుండి, అగ్రకుల భూస్వాముల నుండి, కార్పొరేట్ శక్తుల నుండి తమ హక్కుల రక్షణ కోసం రాజ్యాంగబద్ధంగా, చట్టబద్ధంగా సాధించుకున్న అధికరణాలనన్నింటిపై కేంద్రంలోని బిజెపి-ఆరెస్సెస్ ప్రభుత్వం దాడి చేస్తున్నది. కాశ్మీర్ లోని భూములను (ఏపిల్, కుంకుమ తోటలు వగైరా) కబ్జా చేసుకోవడానికి, పర్యాటక రంగాన్ని హస్తగతం చేసుకోవడానికి దేశంలోని బడా కార్పొరేట్ శక్తుల కోసం కాశ్మీర్ ని నేడు యుద్ధక్షేత్రంగా మార్చివేసింది. కాశ్మీర్ ముస్లింలకు వ్యతిరేకంగా దేశ ప్రజలలో హిందూ మతోన్మాదాన్ని రెచ్చగొడుతున్నది. భారత దేశాన్ని హిందూ మత రాజ్యంగా మార్చాలని కుట్రలు చేస్తున్నది. మరోప్రక్క దేశంలో దళిత, బహుజన, మైనారిటీలపై, మహిళల పై, ఆదివాసీలపై దాడుల సాగిస్తూ రాజ్యాంగం ప్రకారం వారికి రక్షణకు ఇవ్వబడిన హక్కులన్నిటి పైనా దాడి చేస్తున్నది. సారాంశంలో రాజ్యాంగం స్థానంలో మనువాద ధర్మాన్ని అమలుజరిపేందుకు పూనుకున్నది. ఇటువంటి రాజ్యాంగ వ్యతిరేక చర్యలకు నిరశన తెలపకుండా భారత రాష్ట్రపతి ఈ చర్యలని తక్షణమే ఆమోదించి గజెట్లో ప్రచురించడానికి సిద్ధంగా వుంటున్నాడు. బాలకోట్ దాడిని చూపించి దేశభక్తిని, జాతీయతను రెచ్చగొట్టి కేంద్రంలో అధికారంలోకి వచ్చిన మోడీ ప్రభుత్వం దేశంలో క్షీణిస్తున్న ఆర్థిక స్థితిని, పెరుతున్న నిరుద్యోగితను, పేదరికాన్ని ఆకలిని కప్పిపుచ్చడానికి ఈ విధానాలు చేపడుతున్నది. ఈ నేపథ్యంలో పెరగబోయే ప్రజా ఉద్యమాలను రక్తపుటేరుల్లో ముంచడానికి, అణచివేయడానికి ఈ పార్లమెంట్ సమావేశాల్లోనే లి ఉపా, ఎన్ఐఏ, ఆర్టీఐ చట్టాలను మరింత కఠినంగా రాజ్యాంగ విరుద్దంగా సవరించింది. తద్వారా దేశంలో హిందూ ఫాసిస్టు నియంతృత్వాన్ని నెలకొల్పడానికి ఆరెస్సెస్, బిజెపిలు తీవ్రంగా ప్రయత్నిస్తున్నాయి.. కేంద్ర ప్రభుత్వం చేసిన 370, 35ఎ అధికరణాల రద్దుని రాజ్యాంగ విరుద్దమైన చర్యలుగా ప్రకటిస్తున్నాం. కాశ్మీర్ రెండు ముక్కలుగా చేయడం కాశ్మీరీ ప్రజల స్వయం నిర్ణయాధికార హక్కు కోసం సాగిస్తున్న పోరాటాన్ని దెబ్బతీయడానికే అని భావిస్తున్నాం. భారత రాజ్యాంగాన్ని సవరించడానికి పార్లమెంటుకి విశేషమైన అధికారాలు లేవని చెప్పిన సుప్రీంకోర్టు తీర్పుకి ఇది వ్యతిరేకమైన చర్య. ఆర్టికల్ 370ని రద్దుచేయాలంటే జమ్మూ -కాశ్మీర్ అసెంబ్లీ ఆమోదం ఉండాలనే రాజ్యాంగ నిబంధనకు విరుద్ధమైనది. ప్రజలు, ప్రజాస్వామిక వాదులందరూ కేంద్ర ప్రభుత్వ రాజ్యాంగ వ్యతిరేక చర్యలనన్నింటినీ నిరశించాలని కోరుతున్నాం. కాశ్మీరీ ప్రజలు స్వయం నిర్ణయాధికార హక్కు కోసం సాగిస్తున్న న్యాయమైన పోరాటాన్ని బలపర్చాలని విజ్ఞప్తి చేస్తున్నాం.
డిమాండ్స్:
1. రద్దు చేసిన ఆర్టికల్ 370 ని మళ్ళీ పునరుద్దరించి వారి స్వయం ప్రతిపత్తి హక్కు కల్పించాలి.
2. కాశ్మీర్ పై ఆధికారం కాశ్మీర్ ప్రజలదే. కాశ్మీర్లో ప్లెబిసైట్ నిర్వహించి కాశ్మీర్ ప్రజల స్వేచ్ఛా హక్కు కాపాడాలి.
3. కాశ్మీర్ లో అమలు చేస్తున్నా నేషనల్ సెక్యూరిటీ యాక్ట్, ప్రత్యేక సైనికాధికారాల చట్టాలను వెంటనే తొలగించాలి.

‍ - ప్రొఫెసర్ గడ్డం లక్ష్మణ్ రాష్ట్ర అధ్యక్షులు, పౌరహక్కులసంఘం
- ఎన్. నారాయణ రావు, రాష్ట్ర ప్రధాన కార్యదర్శి పౌరహక్కులసంఘం

Keywords : kashmir, bjp, clc, jammu, article 370
(2020-08-14 23:47:25)



No. of visitors : 1301

Suggested Posts


మా పిల్లలను హత్యలు చేస్తున్న మీతో మాట్లేడేది లేదు - రాజ్ నాథ్ కు షాకిచ్చిన కాశ్మీరీలు

భద్రతా దళాల దాడులతో, ప్రజల ఆందోళనలతో అల్లకల్లోలంగా ఉన్న కాశ్మీర్ లో పర్యటించడానికి వెళ్ళిన కేంధ్ర హోమంత్రి రాజ్ నాథ్ సింగ్ కు కాశ్మీరీలు షాకిచ్చారు. 46 మంది చనిపోయి, 2,400 గాయాలపాలై, 15 రోజులుగా కర్ఫ్యూలో మగ్గుతున్నకశ్మీర్ లో....

అబద్దాలు చెప్పలేక జర్నలిస్టు రాజీనామా

అతడో ఆత్మాభిమానం ఉన్న జర్నలిస్టు. అందుకే యాజమాన్యం చెప్పిన మాట కాదన్నాడు. ఉద్యోగానికి గుడ్ బై చెప్పేసి తన అసలైన జర్నలిస్టుగా పాత్రికేయ ప్రపంచానికి చాటి చెప్పుకున్నాడు....

పాక్ ఆక్రమిత కాశ్మీర్ లో తిరుగుబాటు

పాకిస్థాన్‌ ఆక్రమిత కశ్మీరులో తిరుగుబాటు తీవ్రమయ్యింది. తమపై పాకిస్థాన్‌ ఆధిపత్యాన్ని సహించేది లేదంటూ పాక్ అణచివేత నుండి తమకు విముక్తి కల్పించాలంటూ ఆందోళనలు ఉధృతమవుతున్నాయి.....

మాన‌సిక స‌మ‌స్య‌ల‌తో క‌శ్మీర్ ప్ర‌జ‌లు - నిండిపోతున్న ఆసుప‌త్రులు

ప్ర‌జ‌లు మానసిక‌ జబ్బుల భారిన ప‌డుతున్నారు. మ‌తిస్తిమితం కోల్పోవ‌డం, తీవ్ర ఆందోళ‌న‌కు గుర‌వ్వ‌డం, విప‌రీతంగా భ‌యాందోళ‌న‌ల‌తో రోధిస్తూ ప‌లువురు అప‌స్మార‌క స్తితికి చేరుకుంటున్నారు. గ‌డిచిన 12 రోజుల్లో... మాన‌సిక స‌మ‌స్య‌ల‌తో ఆసుపత్రుల్లో చేరుతున్న‌వారి సంఖ్య రోజు రోజుకూ పెరుగుతోంద‌ని SHMS ఆసుప‌త్రి వైద్యులు

పెల్లెట్లు వద్దంటే ఇక బుల్లెట్లే - సీఆర్‌పీఎఫ్‌

పెల్లెట్లు వద్దంటే బుల్లెట్లు వాడాల్సి వస్తుందని సీఆర్‌పీఎఫ్‌ జమ్మూకాశ్మీర్‌ హైకోర్టుకు తెలిపింది. జమ్మూ కాశ్మీర్‌లో గత 32 రోజులుగా కొనసాగుతున్న అల్లర్లు, ఆందోళనలను అదుపు చేసేందుకు 13 లక్షల పెల్లెట్లను ఉపయోగించినట్లు జమ్మూ కాశ్మీర్‌ హైకోర్టుకు....

కశ్మీర్ లో వాస్తవ పరిస్థితి ఇదీ!

కశ్మీర్ లో అంతా సవ్యంగా ఉందని ప్రభుత్వం చేస్తున్న ప్రకటనలు కశ్మీర్ ప్రజలను ఎప్పుడూ ఆశ్చర్యపరచలేదు. అది ఒక అరిగిపోయిన మాట అయిపోయింది. తెలివితేటల వెలుగు కోల్పోయిన అబద్ధం అది. కశ్మీరీలకు ఆసక్తి కలిగించేదేమంటే, ప్రజల సొంత మేలు కోసం వారి మీద ఇలా విరుచుకుపడడం అవసరమైందనే ప్రభుత్వ ప్రచారంలోని తర్కాన్ని ప్రపంచం ఎట్లా ఆమోదిస్తున్నదనేదే.

దుఃఖమూ నేరమైన చోట - పి.వరలక్ష్మి

ఒక చావును దేశం వేడుక చేసుకుంటుంది. అటు వైపు ఒక దుఃఖిత సమూహం శవయాత్రకు పోటెత్తుతుంది. దశాబ్దాలుగా అది నిషిద్ధ దుఃఖం. వాళ్ళ దుఃఖానికి సంఘీభావం నేరం. అవును, మాట్లాడుతున్నది కశ్మీర్ గురించే.....

సైన్యంపై రాళ్ళు రువ్వడం దేశ ద్రోహం సరే... సైన్యం సృష్టించే అరాచకాన్ని ఏమనాలి ?

26 ఏండ్ల ఫరూఖ్‌ అహ్మద్‌ థర్ అనే ఓ యువకుడు దగ్గరి బందువు చనిపోతే పక్క గ్రామం వెళ్తుండగా ఎదురు పడ్డ కొందరు సైనికులు అతనిపై దాడి చేసి తాళ్ళతో బందించి. జీపు బానెట్‌పై కూర్చోబెట్టారు. దాదాపు తొమ్మిది గ్రామాల్లో జీపును తిప్పారు. తొమ్మిది గ్రామాల గుండా జీపు ప్రయాణిస్తున్నప్పుడు సైనికులు బిగ్గరగా అరిచారు. రండీ...మీ మనిషిపైనే దాడి చేసేందుకు బయటకు రండీ.....

కాశ్మీర్ లో మరో సాల్వజుడుం

ఓ వీడిసీ సబ్యుడి చేతిలో ఓ తల్లి, ఆమె కుమారుడు దారుణ హత్యకు గురయ్యారు. అందరూ చూస్తుండగానే ముస్తాఖ్ అహ్మద్ అనే వీడీసీ సభ్యుడు.. షమిమా అక్తర్ అనే మహిళ, ఆమె మూడేళ్ల బాబు తాహిద్ పై నేరుగా తుపాకీ ఎక్కుపెట్టి కాల్పులు జరిపాడు.....

కాశ్మీర్ ఉజ్వలమైన చరిత్ర, పోరాట గాథ...మాజీ కేంద్ర మంత్రి సఫుద్దీన్ సోజ్ కాశ్మీర్ పై రాసిన పుస్తకం గురించి..

కాంగ్రెస్స్, బీజేపీ నాయకులంతా కట్టగట్టుకొని తిట్టిపోసిన పుస్తకం ఇది. ఈ పుస్తకావిష్కరణకు రావాల్సిన రాహుల్ గాంధీ చివరి నిమిషంలో రాక పోవటానికి కారణం సైఫుద్ధీన్ ఈ పుస్తకంలో కాశ్మీర్ సమస్యకు నెహ్రూను కూడా బాధ్యడ్ని చేయటమే. పటేల్ 37 అడుగుల విగ్రహ నిర్మాణం జరిగాక, ఈ పుస్తకంలో సైఫుద్దీన్ ప్రస్తావించిన పటేల్ ప్రస్తావన విశేషమైనది.

Search Engine

రాముడిని విమర్షించాడనే కారణంతో కత్తి మహేష్ అరెస్ట్
ఢిల్లీలో జరిగిన దాడుల కుట్రలను బైటపెట్టిన కారవాన్ పత్రిక....ఆ పత్రిక జర్నలిస్టులపై దాడి, లైంగిక వేధింపులు
ఏడు వందల ఇరవై గంటల ఆందోళన...కనుచూపు మేరలో లేని ఉపశమన ఆశారేఖ
మోడీకి, శ్రీరాముడికి జైకొట్టనందుకు ఆటో డ్రైవర్ ను చితకబాదిన మతోన్మాదులు
ప్రజల పంటలను ధ్వంసం చేసిన పోలీసులు, ఫారెస్ట్ అధికారులు ... నిజనిర్దారణ కమిటీ రిపోర్ట్
అంబులెన్స్ సమయానికి రాక గర్భవతి మరణం... వార్త ప్రసారం చేసిన జర్నలిస్టు, టి వి చానెల్ పై కేసు
వీవీని విడుదల చేయాలి...ఉద్యోగులు, ఉపాధ్యాయులు, పెన్షనర్లు, పబ్లిక్ సెక్టార్, కాంట్రాక్టు ఉద్యోగుల ఐక్య వేదిక డిమాండ్
పాలకుల అవినీతిని వెలికి తీసిన జర్నలిస్టులపై రాజద్రోహం కేసులు...అరెస్టులు
విప్లవ వాగ్గేయకారుడు వంగపండు ప్రసాదుకు నివాళి -విరసం
వీరుల కన్నతల్లి... అమరుల బంధువు...
ఇది భయపడాల్సిన సమయం కాదు... ఎదిరించాల్సిన సమయం...ప్రొఫెసర్ హానీబాబు భార్య డాక్టర్ జెన్నీ రోవేనా
వారిపై దాడి చేసింది సిఆర్‌పిఎఫ్ బలగాలే... మావోయిస్టులు కాదు...నిజనిర్దారణ కమిటీ రిపోర్టు
ముగిసిన అమ్మ ఎదురు చూపులు
ఏపీ జైళ్ళలో కరోనా పాజిటీవ్....ఖైదీలను విడుదల చేయాలి
ప్రొఫెసర్ సాయిబాబాను కాపాడుకుందాం... సహకరించండి... సాయిబాబా భార్య లేఖ‌
పోలీసు కూంబింగు‌ల మధ్య ఏవోబీలో భారీ ర్యాలీ ‍- అమరుల వారోత్సవాలు జరుపుకుంటున్న ప్రజలు
ప్రైవేట్ హాస్పిటల్స్ లో కరోనా పీజుల దోపిడీని అరికట్టాలి -CLC
అక్రమంగా అరెస్ట్ చేసిన ఢిల్లీ యూనివర్సిటీ ప్రొఫెసర్ హనీ బాబును విడుదల చేయాలి - CLC
Condemn the impunity towards political prisoners
వరవరరావును విడుదల చేయాలి....765 మంది జర్నలిస్టుల లేఖ!
భీమా కోరేగావ్ కేసు: మరో ప్రొఫెసర్ అరెస్ట్
Condemn the arbitrary arrest of Prof. Hany Babu - CASR
కవిత్వంలో అమరత్వం...జూలై 28 - వరవరరావు
ఉద్యమాల ఉపాధ్యాయుడి జీవితమంతా ప్రజా ఉద్యమాలే
కుల నిర్మూలనవాది ఉసాకి జోహార్లు...పాపని నాగరాజు
more..


కాశ్మీర్