ఎరవాడ జెయిలులో ఈ వేకువ - పాణి
ఈ ఉదయాన వివి ఎలా మేల్కొని ఉంటారు?
ఈ విడత జెయిలు జీవితంలో ఆయనకు ఇది మూడు వందల అరవైవ వేకువ. ఏ పురా జ్ఞాపకాల, భవిష్యదాశల వెలుగు రేఖల చిరు సవ్వడి ఆయన చీకటి గదిలోకి ప్రసరించి మేల్కొలుపు పాడిందో. జెయిలే ఆయన అస్తిత్వంగా మారిపోయిందా ! అనంతంగా సాగుతున్న ఆయన జెయిలు జీవితంలోకి మరో ఏడాది చేరిపోయింది.
వివి అంటే నడుస్తున్న చరిత్ర కదా. తేదీలు, సంవత్సరాలు, ఘటనలు, కల్లోలాలు, వీటన్నిటిలో వందల వేల మంది మనుషులు, వాళ్ల కలలు, కాల్పనిక ఊహలు, వాస్తవ ఆచరణలు, అన్నిటినీ గుదిగుచ్చే భవిష్యత్‌ స్వప్నాలు.. వివిని కదిలిస్తే ఇలా ఎన్నెన్నో మన మధ్యలోకి వస్తాయి. వివి మాటల్లో మనకు తెలిసేది వివరాలు మాత్రమే కాదు. చరిత్ర మాత్రమే కాదు. ఆయన మాటల్లో చరిత్ర పదే పదే పునర్నిర్మాణమవుతుంటుంది. అందుకే ఆయన మాట ఎన్నడూ జ్ఞాపకాల తలపోత కాదు. ఎల్లప్పుడూ గత వర్తమానాలపై సరికొత్త వెలుగు పుంజాలను అద్దుతూ ఉంటుంది.
పూనా జెయిలు గదిలో ʹఈ రోజుకు ఏడాది అయింది కదా?ʹ అని స్పురించిన మరుక్షణమే సాయి జైలు జీవితాన్ని ఆయన గణించి ఉంటారు. తన తోటి ఎనిమిది మంది జెయిలు జీవితాన్ని స్పృశించి ఉంటారు. ఆధునిక చరిత్రలో విశ్వాసాల కోసం జెయిలు జీవితం గడిపిన ఎందరో సాహసిక మానవులను ఆయన తలపోసుకొని ఉంటారు. అక్షరాల కోసం చీకటి గదుల్లో చిక్కుకపోయిన ఎందరో సృజనకారుల ఊహల్లోకి తొంగి చూసి ఉంటారు.
అనుభవం నుంచి చారిత్రక సంచారం చేయడం ఆయనకు పట్టుబడ్డ మేధో విద్య. ఇది వివి మాటల్లోని ఇంకో అద్భుతం. బహుశా అది మాటల ప్రత్యేకతే కాదు. ఆయన వ్యక్తిత్వంలోని ప్రత్యేకత. కవి కదా. మానవానుభవం నుంచి అనంతమైన చారిత్రక యుగావధిలోకి ఆయన అనుక్షణం ప్రయాణిస్తుంటారు. అందుకే ఆయనకు విశ్వాసాలేగాని అపనమ్మకాలు ఉండవు. వ్యక్తిగతంగాకానీ, సామాజికంగా కానీ ఓర్వలేని కల్లోలాలు చెలరేగినా ఆయన దిటవు గుండె చెదిరిపోదు. ఏ ఉత్థాన పతనాలూ ఆయన చారిత్రక స్వప్నాలను భంగపరచలేవు.
మానవులపై ఆయనకున్న నమ్మకం అలాంటిది. సంక్షోభాలన్నీ ఆయనకు దివారాత్రాల వెంట కాసేపు నిద్రపోయి తిరిగి మేల్కొనడం వంటివే. నిద్రలోనూ వేకువను వెంటేసుకొనే ఉంటారు. వేకువ వెలుగులను తన వ్యక్తిత్వంలో గాఢంగా సంలీనం చేసుకొని కాసేపటి కోసం అలా విశ్రమిస్తారు. అంతే. దీపాలు ఆర్పిన చేతులేవో, వెలిగించే చేతులేవో ఆయన ఎలాంటి స్థితిలోనైనా పోల్చుకోగలరు. అది చెప్పడం కోసమే ఆయన మనతో సంభాషిస్తుంటారు. మన కోసం రచిస్తుంటారు. ఒక చిన్న ఊహతో బయల్దేరి లలితమూ, కఠినమూ అయిన వాస్తవాన్ని మనకు ఎత్తి చూపిస్తుంటారు. ʹఈ సత్యాన్ని చూడండి..ʹ అని మనకు చెప్పడానికి ఎన్ని తీర్ల కవిత్వం అల్లుతారో.
ఆయన మనతోనే కాదు, ఉదయించే సూర్యుడితోనూ ఇలాంటి సంభాషణే చేయగలరు. బహుశా ఇప్పుడు ఎరవాడ జెయిలు గోడలను ఎగబాకి వస్తున్న లేత సూర్యుడితోనూ ఇలా మాట్లాడుతూనే ఉంటారు కావచ్చు. ప్రకృతికి వెలుగునిచ్చే సూర్యుడితో సమాజానికి వెలుగునిచ్చే సూర్యుల గురించే ఆయన సంభాషిస్తుంటారు.
1974లో ఆయన ʹఉదయించే సూర్యుడా!ʹ అని మొదలు పెట్టి
ఐదూ ఖండాల నుంచి
నాల్గూ సంద్రాల మీంచి
ఉరికురికి వచ్చినాము
ఉదయించే సూర్యుడా
ఉప్పెనలా లేచినాము
ఉదయించే సూర్యుడా
ఉద్యమాలు తెచ్చినాము
ఉదయించే సూర్యుడా
ఉత్తేజం నీవె మాకు
ఉదయించే సూర్యుడా.. అని రాశారు (స్వేచ్ఛ కవితా సంపుటి)
జీవితం కఠినమైనదే కావచ్చు. వివి దానిలోని సున్నితత్వాన్ని తరచి తరచి చూస్తారు. బహుశా ఆయన కవిత్వం అదేనేమో. కవిత్వానికి వెన్నెముకలాంటి తన ఆచరణ అదేనేమో. పై కవితలోనే ఆయన సూర్యుడితో ఏమంటారంటే ʹనీ మెత్తని చేయితాకి పువ్వులమై పూసినాము, వెచ్చని నీ చూపు సోకి మంచువలె కరిగినాము, నీవల్లనే నేలంతా జల్లులమై కురిసినాము..ʹ అంటారు. ప్రకృతికీ సమాజానికి మధ్య ఈ గతితర్కాన్ని చూస్తారు కాబట్టి మనుషుల ఆలోచనల్లోంచి, పనుల్లోంచి, నమ్మకాల్లోంచి ఎడతెగని జీవధారను ఆయన పోగు చేసుకుంటుంటారు.
ఇది జెయిలను ధిక్కరించే కవి ప్రతివ్యూహం.
సాయి ఒక చోట..
మళ్లీ నేను చనిపోవడానికి నిరాకరించినప్పుడు
నా జీవితంతో విసుగుచెంది
నను బంధించిన వాళ్లు నన్ను వదిలేస్తారు
నేను బయటికి నడిచాను
ఉదయించే సూర్యకాంతి పరుచుకున్న
నవనవలాడే ఆకుపచ్చ లోయల్లోకి
గడ్డి కొసల చురకత్తులు చూసి నవ్వుతూ.. అంటాడు. బహుశా జెయిలనే రాజ్య వ్యూహానికి ఏ విప్లవ కవి ప్రతివ్యూహమైనా ఇదే కావచ్చు.
ఆస్తి, అధికారం ప్రజలపై నేరారోపణలు చేస్తునే ఉంటాయి. అంత దాకా జెయిలు బతికే ఉంటుంది. ఈ విషయంలో వివికి అపారమైన స్పష్టత ఉంది. 1986-89 జెయిల్లో ఉన్నప్పుడు వివి ఇలా రాశారు.
ఆస్తి
మనుష్య ప్రపంచాన్ని
కాపలాదారులుగా, నేరస్తులుగా విభజించింది
నేను అసలు దానినే రద్దు చేస్తానని ప్రకటిస్తే
ఆస్తి బోనులో ముద్దాయిని సరే
కామందు కళ్లకు నేను కమ్యూనిస్టును
అంతకన్నా పెద్ద నిందారోపణ లేనట్లు
అతడు నన్ను నక్సలైట్‌నంటాడు
అదే నిజమయ్యేలా నిరీక్షిద్దాం మనం
ప్రజల కోసం ʹరాజద్రోహంʹ చేద్దాం మనం.
ఈ నిస్సంశయ ద్పక్పథం వివి సొంతం. ఈ ఉదయాన ఆయన ʹఏడాదైందʹని గుర్తు చేసుకోవడమంటే కాలాన్ని లెక్కించుకోకవడమే కాదు. ఈ కాలానికి ఉన్న అర్థాన్ని మననం చేసుకోవడమే. బహుశా ఆ జెయిలు ఆవరణలో మొక్కలో, పిట్టలో, కూనలో, పువ్వులో ఉండి ఉంటే, వివి వాటి పర్యావరణంలోకి సుతిమెత్తగా ప్రవేశించి ఇలాంటి సంభాషణ చేస్తుంటారేమో. అక్కడి నుంచే మనందరితో ఇలాంటి గుసగుసలుపోతుంటారేమో. దేనికంటే ఊహాశక్తి అపారమైనది. అది జెయిలు గోడల్లో చిక్కుకొనిపోయేది కాదు. అనంత మానవ జీవితాన్ని ముట్టుకొని వర్ణరంజితం చేస్తూ ఉంటుంది
- పాణి
Keywords : varavararao, eravada, naxalbari, bhima koregav, pune, pani
(2024-04-24 17:54:46)
No. of visitors : 900
Suggested Posts
| పూణే పోలీసులకు సుప్రీం ఝలక్.. వీవీ సహా హక్కుల కార్యకర్తల అరెస్టుపై కీలక ఆదేశాలుమంగళవారం పూణే పోలీసులు అన్యాయంగా చేసిన అక్రమ అరెస్టులపై సుప్రీంకోర్టులో చుక్కెదురైంది. |
| ఆ తల్లిముందు దోసిళ్లతో.....ʹ - వరవరరావుʹమీరేమనుకోకుంటే ఒక ప్రశ్న వేస్తాను. ఇంత పెద్దవాళ్లున్నారు. ఈ పిల్లవాడే దొరికాడా పంపడానికిʹ అని అడిగింది ఆ తల్లి. ఆ తల్లిని నేను అప్పుడే చూడడం. ఆమె షాక్‌ తిన్నట్లుగా ఉన్నది. తండ్రి విహ్వలంగా దు:ఖిస్తున్నాడు గనుక గుండెబరువు దిగిపోతున్నట్లున్నది..... |
| OPPOSE THE BAN IMPOSED BY JHARKHAND GOVERNMENT ON MAZDOOR SANGATHAN SAMITIThe fascist Raghuwar Das government of Bhartiya Janta Party (BJP) has banned the MazdoorSangathan Samiti (MSS), by branding it as frontal organization of the Communist Party of India (Maoist) under colonial law, the Criminal Law Amendment Act, 1908. |
| సారూ.. ఆరోగ్యం జాగ్రత్త..!మరికాసేపట్లో వాహనం ఎక్కిస్తారనగా అపార్ట్‌మెంట్ వాసులు వరవరరావు చుట్టూ చేరారు. వారెవరో ఆయనకు కానీ ఆయన కుటుంబ సభ్యులకు కానీ పెద్దగా పరిచయం లేదు. అయినా కానీ విరసం నేత చుట్టూ చేరారు. సొంత బంధువు కన్నా మిన్నగా జాగ్రత్తలు చెప్పడం మొదలుపెట్టారు. ʹʹసార్.. నమస్తే సార్. ఆరోగ్యం జాగ్రత్త.. వేళకు మందులు వేసుకోండిʹʹ అనడం చూసి విస్తుపోవడం కుటుంబ సభ్యుల వంతు అయ్యింది. |
| నక్సల్బరీ ప్రాసంగికత - వరవరరావు (2)చుండూరు మారణకాండపై ప్రత్యేక కోర్టు ఏర్పడి నేరస్తులకు శిక్ష పడిన స్థితి నుంచి హైకోర్టు వాళ్లను వదిలి పెట్టిన కాలానికి ఈ పరిణామ క్రమాన్ని చూస్తే ఇదొక విషాదం. ఇటు విప్లవోద్యమం, అటు దళిత అస్తిత్వ ఉద్యమాలు స్వీయ విమర్శ చేసుకోవలసిన విషాదం.... |
| తొలితరం మహిళా నక్సలైట్‌ కొమురమ్మకు విప్లవ జోహార్లు -వరవరరావు
మహబూబాబాద్‌ ప్రాంతంలో కరుడుగట్టిన భూస్వామ్యంతో రాజీలేకుండా పోరాడి 1989-90లలో మళ్లీ వెళ్లిన అజ్ఞాత జీవితంలో వాళ్లను ప్రతిఘటించే క్రమంలోనే దొరికిపోయి హత్యకు గురైన యోధుడు. యాదగిరి రాజు నాయకత్వం నుంచి లిన్‌పియావో వర్గం వైపు ఆకర్షితులైన జగన్ మోహన్‌ రెడ్డి, స్నేహలతల దళంలో వెంటకయ్య, కొమురమ్మలు పనిచేసినట్లు వింటుండేవాళ్లం. |
| ప్రజల సభంటే.. ఇట్లుంటదిఇప్పుడెందుకో.. సభలు గుర్తుకు వస్తున్నాయి. తెరలు తెరలుగా నాటి జ్ఞాపకాలు యాదికొస్తున్నాయి. అవి మర్చిపోవటానికి ఏమైనా ఘటనా.. కాదు అనుభవం.
తేనెతుట్టె కదిపినట్టు..జ్ఞాపకాల దొంతరలు.. ముసురుకుంటున్న ముచ్చట్లు.. మానవీయ స్పర్శలు.. ఆత్మీయతలు.. |
| సాయిబాబాను రక్షించుకుందాం -వరవరరావునాగపూర్ సెంట్రల్ జైలు లోని అండా సెల్ లో ఉన్న ప్రొ . సాయిబాబ ఆరోగ్య పరిస్ధితి నానాటి దిగజారాడం తో ఆయన భార్య వసంత జాతీయ మానవ హక్కుల కమిటీకి, జాతీయ వైకల్య హక్కుల వేదిక తో కలసి ఫిర్యాదు చేశారు . ఆయన శిక్ష విధించే కొద్దీ రోజుల ముందు పిత్తాశయం, క్లోమ గ్రంధి కి సంబంధి ఆపరేషన్... |
| ఒక మహిళ అస్తిత్వం ఏంటిది - పవననేను ʹపవనʹనా? ʹపెండ్యాల పవనʹనా? ʹకుసుమ పవనʹ నా? నేను ʹపవనʹ అనే ఒక మనిషినా లేక వరవరరావు బిడ్డనో, సత్యనారాయణ భార్యనో ʹమాత్రమేʹనా? నాలో సుళ్లు తిరుగుతున్న ఈ ప్రశ్నలన్నిటికి మల్లొక్కసారి నాకు నేను జవాబు చెప్పుకుంటూ మీ అందరితో నా ఈ ఘర్షణను పంచుకుందామని నా ఆశ. |
| సెప్టెంబర్ 17 - ఇండియన్ యూనియన్ సైనిక దురాక్రమణ దినం - వరవరరావునైజాం రాజ్యంలో వెయ్యి మంది కమ్యూనిస్టులు, సానుభూతిపరులు కూడా చంపబడ్డారో లేదో కాని యూనియన్ మిలిటరీ నాలుగు వేల మంది కమ్యూనిస్టులను, సానుభూతిపరులను చంపింది. ఎలమర్రు, కాటూరు గ్రామాల్లో గాంధీ విగ్రహం చుటూ పురుషులను వివస్త్రలను చేసి పరుగెత్తిస్తూ స్త్రీలపై అత్యాచారాలు చేసిన ఘటనలు ప్రపంచమంతా చెప్పకున్నది. హరీంద్రనాథ్ ఛట్టోపాధ్యాయ్ దీర్ఘ కవిత్ర రాశాడు..... |
| కేసీఆర్ కుటుంబానికి చెందిన అక్రమ ఆస్తులపై విచారణ జరపాలి...మావోయిస్టు పార్టీ డిమాండ్ |
| రైతుబంధు పేద, మధ్యతరగతి, కౌలు రైతులకుమాత్రమే ఇవ్వాలి -మావోయిస్టు పార్టీ డిమాండ్ |
| నిజాలు బైటపెట్టినందుకు జర్నలిస్టుపై సీపీఎం నాయకుల దాడి, జర్నలిస్టునే అరెస్టు చేసిన పోలీసులు |
| 24 వసంతాల నెత్తిటి ఙాపకం... కామ్రేడ్స్ ఆదిరెడ్డి, సంతోష్, నరేష్ అమర్ రహే ! |
| డిసెంబర్ 2 నుండి 8 వరకు PLGA 23వ వార్షికోత్సవాలను విజయవంతం చేయండి....మావోయిస్టు పార్టీ పిలుపు |
| ఐదురాష్ట్రాల్లో జరుగుతున్న ఎన్నికల నేపథ్యంలో మావోయిస్టు నేత జగన్ ఇంటర్వ్యూ |
| హుస్నాబాద్ స్తూపం స్థ‌లాన్ని అమ్మినా, కొన్నా శిక్ష తప్పదని మావోయిస్టు పార్టీ హెచ్చరిక
|
| కంటి ఆపరేషన్ కోసం విప్లవ కవి వరవరరావుకు హైదరాబాద్ రావడానికి అనుమతి ఇచ్చిన బోంబే హైకోర్టు |
| 5 రాష్ట్రాల్లో జరగనున్న అసెంబ్లీ ఎన్నికలపై మావోయిస్టు పార్టీ ప్రకటన |
| ప్రమాదం లో న్యాయవాదవృత్తి: కేసులు చేయడం నేరమా? |
| తెలంగాణ, ఏపీల్లో 62 మంది ప్రజా సంఘాల నేతల ఇళ్ళపై ఎన్ ఐ ఏ దాడులు... మండిపడ్డ వివిధ సంఘాలు
|
| అజ్ఞాత రచయిత్రుల కథలు:ʹవియ్యుక్కʹ ఆవిష్కరణ సభ
|
| పార్టీ 19వ వార్షికోత్సవాలను విప్లవోత్సాహంతో నిర్వహిద్దాం -మావోయిస్టు పార్టీ ప్రకటన |
| వర్గపోరాట చరిత్రలో గద్దర్ ఆలాపన - అల్లం రాజయ్య (part 2) |
| వర్గపోరాట చరిత్రలో గద్దర్ ఆలాపన - అల్లం రాజయ్య (part1) |
| విమోచన అంటే చరిత్ర నవ్వదా - ఎన్. వేణుగోపాల్ |
| హైదరాబాద్ లో మావోయిస్టు పార్టీ కేంద్ర కమిటీ సభ్యుడు అరెస్ట్ |
| అనారోగ్యంతో ఉన్న మావోయిస్టు అగ్రనేత అశోక్ రెడ్డి, అతని సహచరి ఉఫయ్ కుమారిని ఆస్పత్రిలో అరెస్ట్ చేసిన పోలీసులు |
| మల్లా రాజిరెడ్డి, కట్టా రామచంద్రా రెడ్డిలు క్షేమం -మావోయిస్టు పార్టీ ప్రకటన |
| మావోయిస్టు పార్టీ కేంద్ర కమిటీ సభ్యుడు అరెస్ట్ ! |
| సియాసత్ ఎడిటర్ జహీరుద్దీన్ అలీఖాన్ మృతికి కేసీఆరే బాధ్యత వహించాలి - మావోయిస్ట్ పార్టీ |
| తెలంగాణ, చత్తీస్ గడ్ బార్డర్ లో మావోయిస్టుల భారీ బహిరంగసభ, కటకం సుదర్శ‌న్ స్తూపావిష్కరణ |
| గద్దర్ మరణం తీవ్ర భాదకు గురి చేసింది -మావోయిస్టు పార్టీ |
| గద్దర్ అంటే రాబోయే తరాలకు కూడా సాయుధ విప్లవమే గుర్తుకు వస్తుంది -విరసం |
more..