పోరాడితే పోయేదేమీ లేదు...పోరాడి హక్కులు సాధించుకున్న విద్యార్థినులు
ʹపోరాడితే పోయేదేం లేదు బానిస సంకెళ్లు తప్పʹ అని కార్ల్ మార్క్స్ ఏనాడో మనకు చెప్పాడు. మన ప్రాథమిక హక్కులను సాధించుకోవాలన్నా, మనకు జరగాల్సిన న్యాయాన్ని పొందాలన్నా పోరాటమే తప్ప వేరే మార్గం లేదు. సరిగ్గా అదే పోరాట పంధాను అనుసరించారు బేగంపేటలోని సెయింట్ ఫ్రాన్సిస్ కళాశాల విద్యార్థినులు. డ్రెస్ కోడ్ పేరిట విద్యార్థినుల దుస్తులపై ఆంక్షలు విధించడమే కాకుండా.. తమ కోడ్‌ను వాళ్లు అనుసరిస్తున్నారా లేదా అని చూడటానికి ఏకంగా సెక్యూరిటీని నియమించుకొని ప్రతినిత్యం అవమానకరంగా ప్రవర్తించిన యాజమాన్యంపై తిరగబడ్డారు.
మోకాళ్ల పైకి ఉండే కుర్తాలు ధరించొద్దు.. జీన్స్, టీషర్ట్ వేసుకోవద్దు.. స్లీవ్ లెస్ దుస్తులు అసలే వద్దని నియమాలు పెట్టారు. చివరకు ముస్లిం విద్యార్థినులు బుర్కా లోపల ఏ డ్రెస్ వేసుకున్నారో చూడాలంటూ గేటు దగ్గరే తనిఖీలు నిర్వహిస్తూ కళాశాల యాజమాన్యం కౄరంగా ప్రవర్తించింది. అంతే కాకుండా మీరు సాంప్రదాయబద్దంగా ఉండే దుస్తులు ధరిస్తే మీకు గౌరవం పెరుగుతుంది.. మీకు మంచిగా పెళ్లిళ్లు అవుతాయని యాజమాన్యం హితబోధలు చేసింది. స్లీవ్ లెస్ ధరించి వస్తే పురుష లెక్చరెర్లు పాఠాలు సరిగా చెప్పలేక పోతున్నారు.. వారి దృష్టి మీమీద పడుతోంది అంటూ భయపెట్టారు. దీంతో అవమానాన్ని భరించలేక.. ఆంక్షలపై యుద్దం ప్రకటించారు.
తమకు కళాశాలలో జరుగుతున్న అవమానాలను, ఆంక్షలను ఒకరితో ఒకరు పంచుకున్న విద్యార్థినులు సోషల్ మీడియా ద్వారా ఏకమైయ్యారు. సోమవారం కళాశాల ఎదుట మన నిరసనను తెలియజేద్దామంటూ సంఘటితం అయ్యారు. పోరాడితే పోయేదేం లేదు.. మనపై విధించిన ఆంక్షలు తప్ప అనుకుంటూ ప్లకార్డులు చేతబట్టి వందలాది మంది విద్యార్థినులు కళాశాల ఎదుట ఆందోళన చేపట్టారు.
ఉదయం 8 గంటల నుంచి 12 గంటల వరకు కళాశాల ఎదుట రోడ్డుపై భైటాయించి డ్రెస్ కోడ్‌పై తమ నిరసనను వ్యక్తం చేశారు. నా మోకాళ్లు ఎవరికి దృష్టిమళ్లుతోంది..? మేం కాలేజీకి వచ్చేది చదువుకోవడానికే కాని.. ఫ్యాషన్ షోకి కాదంటూ ప్లకార్డులు ప్రదర్శించారు. రిమూవ్ ది డ్రెస్ కోడ్ అంటూ నినదించారు.
విద్యార్థినుల ఆందోళనతో యాజమాన్యం వారితో చర్చలు జరపడానికి వచ్చింది. డ్రెస్ కోడ్ వల్ల మీకే మంచిదని.. పెళ్లిళ్లు అవుతాయని సర్థిచెప్పడానికి ప్రయత్నించగా విద్యార్థినులు తీవ్ర ఆగ్రహం వ్యక్తం చేశారు. ఇది కాలేజీనా లేదా మ్యారేజ్ బ్యూరోనా అంటూ మండిపడ్డారు. డ్రెస్ కోడ్ తొలగించే వరకు ఆందోళన విరమించమంటూ భీష్మించుకొని కూర్చున్నారు.
దీంతో కళాశాల యాజమాన్యం, కమిటీ ప్రతినిధులు ఈ విషయంపై సుమారు 2 గంటల పాటు ప్రత్యేక సమావేశం నిర్వహించారు. అనంతరం పాత డ్రెస్‌కోడ్‌ విధానమే కొనసాగుతుందని, కొత్త డ్రెస్ కోడ్ విధానాన్ని తొలగిస్తున్నట్లు కళాశాల ప్రిన్సిపాల్‌ సిస్టర్‌ శాండ్రా ప్రకటించడంతో విద్యార్థినులు ఒక్కసారిగా కేరింతలు కొడుతూ సంబరాలు చేసుకున్నారు. వారి హక్కులను సాధించుకోవడంలో సఫలమైనదందుకు కేరింతలు కొట్టారు.
Keywords : St Francis Womenʹs College, Dress Code, Begumpet, Hyderabad, Agitation, Students,
(2024-04-09 06:15:24)
No. of visitors : 2009
Suggested Posts
0 results
| కేసీఆర్ కుటుంబానికి చెందిన అక్రమ ఆస్తులపై విచారణ జరపాలి...మావోయిస్టు పార్టీ డిమాండ్ |
| రైతుబంధు పేద, మధ్యతరగతి, కౌలు రైతులకుమాత్రమే ఇవ్వాలి -మావోయిస్టు పార్టీ డిమాండ్ |
| నిజాలు బైటపెట్టినందుకు జర్నలిస్టుపై సీపీఎం నాయకుల దాడి, జర్నలిస్టునే అరెస్టు చేసిన పోలీసులు |
| 24 వసంతాల నెత్తిటి ఙాపకం... కామ్రేడ్స్ ఆదిరెడ్డి, సంతోష్, నరేష్ అమర్ రహే ! |
| డిసెంబర్ 2 నుండి 8 వరకు PLGA 23వ వార్షికోత్సవాలను విజయవంతం చేయండి....మావోయిస్టు పార్టీ పిలుపు |
| ఐదురాష్ట్రాల్లో జరుగుతున్న ఎన్నికల నేపథ్యంలో మావోయిస్టు నేత జగన్ ఇంటర్వ్యూ |
| హుస్నాబాద్ స్తూపం స్థ‌లాన్ని అమ్మినా, కొన్నా శిక్ష తప్పదని మావోయిస్టు పార్టీ హెచ్చరిక
|
| కంటి ఆపరేషన్ కోసం విప్లవ కవి వరవరరావుకు హైదరాబాద్ రావడానికి అనుమతి ఇచ్చిన బోంబే హైకోర్టు |
| 5 రాష్ట్రాల్లో జరగనున్న అసెంబ్లీ ఎన్నికలపై మావోయిస్టు పార్టీ ప్రకటన |
| ప్రమాదం లో న్యాయవాదవృత్తి: కేసులు చేయడం నేరమా? |
| తెలంగాణ, ఏపీల్లో 62 మంది ప్రజా సంఘాల నేతల ఇళ్ళపై ఎన్ ఐ ఏ దాడులు... మండిపడ్డ వివిధ సంఘాలు
|
| అజ్ఞాత రచయిత్రుల కథలు:ʹవియ్యుక్కʹ ఆవిష్కరణ సభ
|
| పార్టీ 19వ వార్షికోత్సవాలను విప్లవోత్సాహంతో నిర్వహిద్దాం -మావోయిస్టు పార్టీ ప్రకటన |
| వర్గపోరాట చరిత్రలో గద్దర్ ఆలాపన - అల్లం రాజయ్య (part 2) |
| వర్గపోరాట చరిత్రలో గద్దర్ ఆలాపన - అల్లం రాజయ్య (part1) |
| విమోచన అంటే చరిత్ర నవ్వదా - ఎన్. వేణుగోపాల్ |
| హైదరాబాద్ లో మావోయిస్టు పార్టీ కేంద్ర కమిటీ సభ్యుడు అరెస్ట్ |
| అనారోగ్యంతో ఉన్న మావోయిస్టు అగ్రనేత అశోక్ రెడ్డి, అతని సహచరి ఉఫయ్ కుమారిని ఆస్పత్రిలో అరెస్ట్ చేసిన పోలీసులు |
| మల్లా రాజిరెడ్డి, కట్టా రామచంద్రా రెడ్డిలు క్షేమం -మావోయిస్టు పార్టీ ప్రకటన |
| మావోయిస్టు పార్టీ కేంద్ర కమిటీ సభ్యుడు అరెస్ట్ ! |
| సియాసత్ ఎడిటర్ జహీరుద్దీన్ అలీఖాన్ మృతికి కేసీఆరే బాధ్యత వహించాలి - మావోయిస్ట్ పార్టీ |
| తెలంగాణ, చత్తీస్ గడ్ బార్డర్ లో మావోయిస్టుల భారీ బహిరంగసభ, కటకం సుదర్శ‌న్ స్తూపావిష్కరణ |
| గద్దర్ మరణం తీవ్ర భాదకు గురి చేసింది -మావోయిస్టు పార్టీ |
| గద్దర్ అంటే రాబోయే తరాలకు కూడా సాయుధ విప్లవమే గుర్తుకు వస్తుంది -విరసం |
more..