తెలుగులో ఇలాంటి సినిమాలు తీయలేరా..?


తెలుగులో ఇలాంటి సినిమాలు తీయలేరా..?

ʹవిసారనైʹ.. అని తమిళంలో ఒక సినిమా వచ్చింది. అసలు పోలీసుల విచారణ ఎలా ఉంటుంది..? అమాయకులు విచారణ పేరుతో ఎలా బలై పోతారు.. నకిలీ ఎన్‌కౌంటర్లు ఎలా చేస్తారనే విషయాలను చూపించారు. ఈ సినిమాపై ʹహరికృష్ణ ఎంబీʹ తన ఫేస్‌బుక్ వాల్‌పై వివరంగా రాశాలు. ఆ పోస్టు యధాతథంగా... (ఈ సినిమాను పైన యూట్యూబ్ లింక్‌లో చూడవచ్చు)

------------------------------------------------------------------------------

నేరం చెయ్యకపోయినా పోలీస్ స్టేషన్ లో ఎప్పుడైనా ఉన్నారా? పోలీసుల భాషలో అమలయ్యే ఏ డిగ్రీ ట్రీట్మెంట్ ఇవ్వబడిందా?

ఈ మధ్య ఒక కన్నడ లెక్చరర్ రాసిన తన కథ చదివినప్పుడూ, మొన్న బాపట్ల ఎంపీ సురేష్ తనకు జరిగిన పోలీస్ ట్రీట్మెంట్ తన మాటల్లో విన్నప్పుడు ఎలాంటి ఫీలింగ్ అయితే కలిగిందో, ఈ కథ చూసినప్పుడు అంతకంటే ఎక్కువ ఆవేదన ... కడుపులో పేగులు మెలిపెట్టినట్లు, వెనుక ఎవరో తరిమినట్లు ఒకటే అలజడి...

ఇలాంటి కష్టాల ముందు మనం ఏడ్చే పుప్పొడి పూల ఏడుపులకు ఏం విలువ ?

--
ఇది 90ల్లో జరిగిన సంఘటన. ఒక నలుగురు తమిళనాడు యువకులు పొట్టకూటి కోసం గుంటూరు వచ్చి చిన్న చిన్న షాపుల్లో పని చేస్తూ ఉంటారు. రాత్రి పూట పబ్లిక్ పార్క్ లో పడుకుని పగలు నగరం లో ఏదో పని చేసుకుంటూ బతికేస్తుంటారు

ఉన్నట్టుండి ఒకరోజు పోలీసులు వచ్చి ఒకణ్ణి జీపులో వేసుకుని స్టేషన్ కి తీసుకుపోతారు... రాత్రంతా పిచ్చి పిచ్చి గా కొడతారు.. పొద్దున్న లేచాక చూస్తే మిగతా ముగ్గురి పరిస్థితి కూడా అంతే అని తెలుస్తుంది. వాళ్లలో ఒకడు ఎక్కడో దొంగతనం చేస్తూ పట్టుబడ్డాడు అని, అందరూ కలిసే చేసి ఉంటారు అనే అనుమానం తో అందరినీ పట్టుకొచ్చి ఉతికేస్తారు..

మరుసటి రోజు పొద్దున్నే ఆ స్టేషన్ హెడ్ స్టేషన్ కి వస్తాడు. నుదుటిన పెద్ద నామం పెట్టుకుని, నవ్వుతూ - మంచితనానికి మరోపేరు లా కనపడతాడు... తిరుమల ప్రసాదం అందరికీ పంచుతుంటాడు... ఈ నలుగురికీ కూడా ఇస్తాడు... పాపం వీళ్ళు కరిగిపోయి అతన్ని వేడుకుంటారు.... అతను జూలు విదిలించి వీళ్ళని మళ్ళీ చితక్కొట్టేస్తాడు ..

దొంగతనం వీళ్ళు చేయకపోయినా కోర్టులో ఒప్పుకుంటే చాలు అని చెప్తాడు... అయినా వీళ్ళు ఒప్పుకోరు...

జరిగింది ఏంటంటే, ఒక పెద్దాయన ఇంట్లో దొంగతనం జరిగింది. దొంగలు దొరక్కపోయినా, ఎవరో ఒకరు దొరకాలి, వాళ్ళు దొంగతనం చేశామని ఒప్పుకోవాలి... దాంతో పోలీసులకి హాయి.. లేకుంటే పైన్నుంచి ప్రెషర్.

వీళ్ళని కోర్టులో ప్రవేశపెట్టినపుడు వీళ్ళు జడ్జి ముందర ఏడ్చేస్తారు... అరవం, తెలుగు కలగలిపి ఏదో వాగేస్తారు... అక్కడెవరైనా తమిళం, తెలుగు తెలిసిన వాళ్ళు ఉన్నారేమో అని జడ్జి విచారిస్తే, వేరే కేసు విషయం పై అక్కడికి వచ్చిన తమిళనాడు పోలీసులు వీళ్ళకి అనువాదం చేస్తారు..

ఈ నలుగురిలో ఒకడికి, ఆ పోలీసుల గుంపు లో ఒకరికి అంతకుముందే షాపులో పరిచయం ఉంటుంది... వాళ్ళ సహాయం తో వీళ్ళని నిరపరాధులుగా వదిలేస్తారు... అలా బయటకి వచ్చిన వీళ్ళకి మళ్ళీ ఆ తమిళనాడు పోలీసులు కనపడితే, వాళ్ళని బతిమాలి వాళ్ళతో పాటే వెళ్తారు...

--
దీని సమాంతరంగా తమిళనాడు లో ఒక కథ జరుగుతూ ఉంటుంది... అక్కడ ఒక పోలీస్ అధికారి ఏదో కుట్ర పన్నుతూ ఉంటాడు.. ఒక whistle blower ని పట్టుకుని విచారిస్తుంటారు. అటూ ఇటుగా కొందరు మనుషుల స్వార్థం మధ్య అతని ప్రాణం పెనుగులాడుతూ ఉంటుంది..

ఆంధ్ర నుంచి బయల్దేరిన ఈ పోలీసులు, యువకులు అందరూ కలిసి తమిళనాడు లో ఒక స్టేషన్ ముందర ఆగుతారు.. ఇక ఈ యువకులు వాళ్ళ దారిలో వాళ్ళు వెళ్లే సమయానికి, ఒక పోలీస్ వీళ్ళని స్టేషన్ శుభ్రం చేసి వెళ్ళమంటాడు.

వీళ్ళు శుభ్రం చేస్తూ నీళ్ల కోసం ఒక attached బాత్రూం లో ఉండే సమయం లో, మెయిన్ రూమ్ లో పోలీస్ బాస్ ఇంకొందరి తో కలిసి ఒక కుట్ర పన్నుతాడు... అది వీళ్ళు వింటారు.. కాబట్టి వీళ్ళు ఇక బతికే అవకాశం లేదు..

మొత్త్తం కుట్ర లో భాగం ఐన అందరినీ, ఒకరికి తెలియకుండా ఒకరిని చంపేసే ప్లాన్ రచించి వాళ్ళని చెన్నై కి పంపుతారు... ఈ నలుగురి లో ఒకడు మధ్య లో దిగిపోతాడు.. దిగకుండా వెళ్లిన ఆ ముగ్గురు, వీళ్ళకి సహాయం చేసిన పోలీస్ అధికారి.. అందరూ ఆఖరికి చచ్చిపోతారు..

అలా అమాయకులు, కిందిస్థాయి పోలీసులు పెద్ద పెద్ద వాళ్ళ కోసం తమ ప్రాణాలను త్యాగం చేసేస్తారు.. ఆలా అనేకంటే, పెద్దల స్వార్థం కోసం చిన్న చిన్న ప్రాణాల బలి అనొచ్చు..

--

చెన్నై రాకముందే కారు దిగేసిన ఆ నాలుగోవాడి వల్లే ఈ కథ మనకు తెలుస్తుంది.. ఇది తమిళం లో 2016 లో "విశారనై" పేరుతో వచ్చింది... చంద్రకుమార్ అనే ఒక ఆటో డ్రైవర్ రాసిన "లాకప్" అనే ఒక నవల ఆధారంగా నిర్మిచారు ఈ చిత్రాన్ని. రజినికాంత్ అల్లుడు ధనుష్ ఈ సినిమా నిర్మించాడు... మన తెలుగు చిత్ర పరిశ్రమ లో ఉన్న యువ నటులు అతన్ని చూసి ఎంతో నేర్చుకోవాలి.... చిన్న బడ్జెట్ తో ప్రతి సంవత్సరం కొన్ని సినిమాలు చేస్తూ కొత్త తరానికి అవకాశాలు ఇస్తున్నాడు ఆయన.

మనవాళ్ళు రీమేక్ చేస్తారు అనుకున్నా.. ఇన్ని రోజులకి కనీసం డబ్బింగ్ వెర్షన్ వచ్చింది "విచారణʹ పేరుతో.. Youtube లో ఉంది. హింస భయంకరంగా ఉంటుంది కాబట్టి పిల్లలు లేకుండా చూడండి...

ఆ సినిమా చూసినప్పుడు నాకు కొన్ని రోజులు సరిగా నిద్ర పట్టలేదు.. చాల రోజులు వెంటాడింది.. ఇప్పటికీ మర్చిపోలేదు... తమ విచక్షణ వాడకుండా కేవలం పై అధికారి సూచన లతో పనిచేసే యంత్రాల్లా బతికే పోలీసులు అంటే ఎవరికైనా ఎందుకు మర్యాద ఉండాలి.. అనిపిస్తుంది.

సోషల్ లైఫ్ లో active గా ఉండేవాళ్ళు "పోలీసులు అరెస్ట్ చేస్తే" అనే పుస్తకం చదివి, దగ్గర పెట్టుకుంటే మేలు. బొజ్జ తారకం గారు రాసారు... ధర కూడా తక్కువే.... ఈ పుస్తకం పిల్లలందరి చేత చదివిస్తే చాలా ప్రయోజనం ఉంటుంది...

--

ఇందులో ఒకచోట, పోలీసు పిచ్చిగా వీపు మీద బాదుతున్నా, ఒక యువకుడు "నేను దొంగలించలేదు సర్... ఎంత కొట్టిన అదే కదా సర్, నిజం..." అని చెప్పే సన్నివేశం ఒక ఇన్స్పిరేషన్.

చిన్న చిన్న కష్టాలకు భూగోళం బద్దలైంది అనుకునే వారికి ఇలాంటి సినిమాలు కచ్చితంగా ప్రేరణ గా నిలువగలవు.

- హరికృష్ణ ఎంబీ

యూఆర్ఎల్ : https://www.facebook.com/harikrishna.mb.dattapuram/posts/10156716232814423

Keywords : Visaranai, Vicharana, Tamil Movie, Telugu Dubing, Police,
(2019-10-13 15:56:06)



No. of visitors : 892

Suggested Posts


0 results

Search Engine

మావి నిషేధిత సంఘాలు కావు
పోలీస్ క‌మిష‌న‌ర్ ప్ర‌క‌ట‌న‌పై కేసీఆర్ స్పందించాలి : ప‌్ర‌జా సంఘాలు
కేసీఆర్ ఓ నియంత : విరసం కార్య‌ద‌ర్శి పాణి
Condemn arrest and onslaught on TVV and others activists - SFS
ʹనల్లమల గురించి మాట్లాడినందుకే నాభర్తను అరెస్ట్ చేశారు..ఆయనెక్కడున్నడో నాకు చూపించాలిʹ
స్టూడెంట్ మార్చ్ పత్రిక ఎడిటర్, విరసం కార్యవర్గ సభ్యుడు డా. జగన్ ను విడుదల చేయాలి
దేశవ్యాప్త నిరసనలతో వెనక్కి తగ్గిన పోలీసులు...49 మంది ప్రముఖలపై కేసు విత్ డ్రా
Over 140Telugu Literary Persons Endorse Letter to PM by 49 Celebrities, Condemn FIR
ʹఇది ఆర్టీసీ ఉద్యోగుల పోరాట‌మే కాదు - కేసీఆర్ నియంతృత్వ వ్య‌తిరేక ప్ర‌జాస్వామిక పోరాటంʹ
49 మంది ప్రముఖలపై కేసు ఎత్తివేయాలి ‍-140 మంది తెలుగు రచయితల బ‌హిరంగ‌లేఖ‌ !
ఆర్టీసీని ప్రైవేటు పరం చేయడానికి టీఆరెస్ ప్రభుత్వం కుట్ర... సమ్మెకు ప్రజలందరూ మద్దతు తెలపాలి ...మావోయిస్టు పార్టీ
చెట్లు నరకొద్దన్నందుకు పోలీసుల దాడి...38 మందిపై కేసు
ఆ 49 మంది కోసం ...ఇక మనమూ తేల్చుకోవాల్సిందే - పాణి
ఆర్టీసీ నష్టాలకు కారణమెవరు ? సమ్మె ఎవరి కోసం ?
జైళ్ళలో పేదలే మగ్గుతున్నారు... ప్రజలకు పోలీసులతో ఎలాంటి లాభం లేదు... తెలంగాణ ఐపీఎస్ అధికారి
జగన్ ది నరహంతక పాలన.. ఏవోబీ ఎన్ కౌంటర్ కు నిరసనగా అక్టోబర్ 3న బంద్ - మావోయిస్టు నేత గణేష్
ప్రొఫెసర్ సాయిబాబాను వెంటనే ఆసుపత్రికి తరలించి సరైన వైద్యం అందించాలి - విరసం
అమేజాన్‌ కార్చిచ్చుకు అసలు కారణం - పి.వరలక్ష్మి
మహాజనాద్భుత సాగరహారానికి ఏడేండ్లు -ఎన్ వేణుగోపాల్
ʹహైకోర్టు తీర్పు ప్రకారం మావోయిస్టుల మృతదేహాలను ABMS కు అప్పజెప్పాలిʹ
మావోయిస్టు అరుణ ఎక్కడ ?
ఐదు దశాబ్దాల వసంతగానం
మన్యంలో నెత్తురు పారిస్తున్న జగన్ సర్కార్
కశ్మీర్ లో దుర్మార్గం పై మహిళల నివేదిక
ఈ గొప్ప ప్రజాస్వామ్యాన్ని చూసి తెలంగాణమా గర్వించు !
more..


తెలుగులో