ఆ 49 మంది కోసం ...ఇక మనమూ తేల్చుకోవాల్సిందే - పాణి


ఆ 49 మంది కోసం ...ఇక మనమూ తేల్చుకోవాల్సిందే - పాణి

ఆ

..అంత చేటు కాలం వస్తుందా? మన దేశంలో కూడా ఫాసిజం వస్తుందా? అనే సందేహాలు ఉన్న వాళ్లు ఇక వదులుకోవాల్సిందే. భారతదేశంలో ఫాసిజం ఎలా బలపడుతున్నదీ అర్థం చేసుకోడానికి రోజువారి ఘటనలు చాలు. తాజాగా 49 మంది మీద ప్రముఖుల మీద రాజద్రోహ నేరం నమోదైంది.

వీరంతా దేశంలోని వివిధ ప్రాంతాలకు చెందినవారు. వీళ్లందరూ ఒక రకమైన రాజకీయ విశ్వాసాలు ఉన్నవాళ్లు కాదు. ప్రజాస్వామ్యంపట్ల గౌరవమే వీళ్లందరినీ కలిపింది.

వీళ్లు చేసిన నేరం ఏమో తెలుసా? దేశంలో జైశ్రీరాం అనలేదనే సాకుతో దళితులు, ముస్లింలు, ఇతర మత మైనారిటీలను హత్య చేస్తున్నారని కలత చెందడం. అక్కడితో ఆగకుండ ʹఈ మూక హత్యలు మీ దృష్టికి తీసుకొస్తున్నాం.. ఇది ప్రజాస్వామ్యంలో తగదు..ʹ అని ప్రధాని నరేంద్రమోదీకి అందరూ కలిసి జూలై 24న ఒక బహిరంగ లేఖ రాశారు.

ఈ నలభై తొమ్మిది మంది దేశంలోనే ప్రతిష్టాత్మక వ్యక్తులు. వేర్వేరు రంగాల్లో గణనీయమైన కృషి చేసి కీర్తి గడించారు. ప్రజాస్వామ్య చింతనాపరుడైన చరిత్రకారుడిగా గుర్తింపు పొందిన రామచంద్రగుహ దగ్గరి నుంచి సినీ రంగానికి చెందిన శ్యాంబెనగల్‌, అపర్ణాసేన్‌, మణిరత్నం దాకా ఉన్నారు. మన దేశంలో ఎంత వైవిధ్యభరితమైన ఆలోచనలకు అవకాశం ఉందో వీరే ఉదాహరణ. ప్రజాస్వామ్యమనే గీటురాయి మీద ఎన్ని రకాలుగా అయినా ఆలోచించవచ్చనే నమ్మకం వీళ్లందరికీ ఉంది. దీనికి భిన్నంగా ప్రజల మీద దాడులు చేయడం చూడలేక ప్రధానికి లేఖ రాశారు. కుల మత విద్వేషాలు పెరిగితే ప్రజాస్వామ్యం సంక్షోభంలో పడిపోతుందని అనుకున్నారు. ఈ మూక దాడులను అరికట్టాలని విజ్ఞప్తి చేశారు. ఇది అన్ని దినపత్రికల్లో జూలై 25న అచ్చయింది.

దీన్ని ఖండిస్తూ దేశవ్యాప్తంగా ఆరెస్సెస్‌ భావజాలం గల 62 మంది ఖండన ప్రకటన ఇచ్చారు. ఇందులో ఈ 49 మందిని జాతి వ్యతిరేకులని అన్నారు. జాతిని అప్రతిష్టపాలు చేశారని ఆరోపించారు. అంతర్జాతీయ సమాజంలో భారత్‌ను చిన్నబుచ్చడమే ఈ మేధావుల ఉద్దేశమని విమర్శించారు. జాతీయవాదం, మానవ వాదం ప్రాతిపదిక మీద నరేంద్రమోదీ దేశానికి చేస్తున్న సేవలను దెబ్బతీయడానికే ఇలాంటి బహిరంగ లేఖ రాశారని తిట్టిపోశారు.

ఆ తర్వాత ఈ 49 మంది మీద బీహార్‌ కోర్టులో ఫిర్యాదు దాఖలైంది. భారతీయ శిక్షాస్మృతిలోని 124ఏ(దేశద్రోహం), 153బి(జాతీయ సమైక్యతకు హానీ చేసే ప్రకటనలు), 290(పబ్లిక్‌ న్యూసెన్స్‌), 297(మత పరమైన మనోభావాలను దెబ్బతీయడం), 504(ఉద్దేశపూర్వకంగా అవమానించడం) మొదలైన సెక్షన్ల కింద కేసు పెట్టారు. తమ బహిరంగ లేఖతో విధ్వంసానికి, కల్లోలానికి కుట్ర చేశారని, ఇది దేశభద్రతకు సమస్య అనే పిటీషనర్‌ వాదనతో బీహార్‌లోని ముజఫర్‌పూర్‌ చీఫ్‌ జుడీషియల్‌ మేజిస్ట్రేట్‌ ఏకీభవించారు. ఆగస్టు 20న ఎఫ్‌ఐఆర్‌ నమోదు చేయమని పోలీసులను ఆదేశించారు. ఆ మేరకు ఇప్పుడు ఈ 49 మంది మీద దేశద్రోహం కేసు నమోదైంది.

ఫాసిజమంటే మరేమో కాదు. ఇదే. దళితులు, ముస్లింలు, మత మైనారీటీల మీద దాడుల చేసి హత్య చేస్తారు. జై శ్రీరాం అనలేదనో, గోవును పూజించలేదనో మూకుమ్మడిగా చంపేస్తారు. మహిళలపై అత్యాచారాలు చేస్తారు. ఆదివాసీ ప్రాంతాలపై ఏకంగా లక్షల సైన్యాన్ని యుద్ధానికి పంపిస్తారు. ప్రతి ఒక్కరికీ పక్కనున్న వాడితో ప్రమాదం తెచ్చి పెడతారు. మన చుట్టూ ఉండే వాళ్లనే తమ ఫాసిస్టు చర్యల్లో భాగం చేసుకుంటారు. వాళ్లను జనం మీదికి ఉసిగొల్పుతారు. ఇందులో మామూలు మనుషులు ఉండటమే ఫాసిజం లక్షణం.

ఈ స్థితిని విమర్శిస్తే దేశద్రోహులవుతారు. అర్బన్‌ మావోయిస్టులవుతారు. బ్రాహ్మణీయ హిందుత్వం, జూర్జువా నియంతృత్వం కలిసి ప్రజలపై చేసే రాజకీయార్థిక సాంస్కృతిక యుద్ధమే ఫాసిజం. ఇది భిన్నాభిప్రాయాలుండే వాళ్లందరినీ చంపేస్తుంది. లేదా జైల్లో పెడుతుంది. భీమా కొరేగావ్‌ కేసులో 9 మందిని జెయిల్లో పెట్టారు. ఈ కేసులోనే నిందితుడైన సుప్రసిద్ధ పాత్రికేయుడు గౌతం నవాల్కా తన మీద ఎఫ్‌ఐఆర్‌ కొట్టేయాలని చేసుకున్న విజ్ఞప్తిని ముంబై కోర్టు తిరస్కరించి సుప్రీంకోర్టుకు వెళ్లమని చెప్పింది. దేశ అత్యున్నత న్యాయస్థానం గౌతం నవాల్కా అభ్యర్థనను పరిశీలించడం లేదు. న్యాయమూర్తులు ఈ విషయంలో తప్పించుకొని(రెక్యూజ్డ్‌ అయి) తిరుగుతున్నారు. అలా కేసు విచారణకు అవకాశం లేకుండా చేస్తున్నారు. ప్రొ. సాయిబాబా ప్రాణాపాయంలో ఉన్నా ఆయనకు కనీస వైద్య సదుపాయాలు కల్పించే విషయంలో న్యాయస్థానం అమానుషంగా వ్యవహరిస్తోంది. ఇప్పుడు ఏకంగా 49 మంది మేధావులను దేశద్రోహుల జాబితాలో చేర్చింది.

ఇదీ పరిస్థితి. కేంద్ర ప్రభుత్వాన్ని నరహంతక ఆరెస్సెస్‌ ముఠా నడుపుతోంది. దేశాన్ని దోచుకుంటున్న కార్పొరేట్లు ప్రభుత్వాన్ని తమ కనుసన్నల్లో పెట్టుకున్నాయి. పోలీసు, జైలు వ్యవస్థలు సరే, అత్యున్నత న్యాయస్థానమే ఆరెస్సెస్‌ అదుపులో నడుస్తోంది. లేకపోతే ప్రధానికి ఒక బహిరంగ లేఖ రాయడం ఎలా దేశభద్రతను దెబ్బతీసే కుట్ర అవుతుంది? దేశ ద్రోహమవుతుంది? అని న్యాయమూర్తి ఆలోచించలేదు. ఆయన ఆరెసెస్స్‌ ఫిర్యాదులకు చట్టరూపాన్ని ఇచ్చారు.

ఇలా ఆలోచించేవాళ్లందరూ, మాట్లాడేవాళ్లందరూ, రాసేవాళ్లందరూ దేశద్రోహులవుతున్న తరుణమిది. ఇప్పుడు మనమూ తేల్చుకోవాల్సిందే. ఆరెస్సెస్‌ చాలా స్పష్టంగా ఉంది. చురుగ్గా తన పని తాను చేసుకపోతోంది. ఇప్పుడు సమస్య ప్రొ. సాయిబాబాది కాదు. భీమా కొరేగావ్‌ కేసులో జెయిల్లో ఉన్న తొమ్మిదిమందిదే కాదు. లేదా అదే కేసులో ఎప్పుడు ఏమవుతుందో తెలియని స్థితిలో ఉన్న ఆనంద్‌ తేల్‌తుంబ్డె, గౌతం నవాల్కా సమస్య కాదు. ఇప్పుడు తాజాగా దేశద్రోహులైన 49 మందిది కూడా కాదు. ప్రజా జీవితంలో ఉన్న బుద్ధిజీవులు, సృజనకారులు, రచయితలూ ఇది తమ సమస్య అనుకోవాలి. ఈ నలభై తొమ్మిది మంది మీద పెట్టిన దేశద్రోహం కేసు ఎత్తివేయాలని ఆడగాలి. మీ పక్షాన మేమున్నామని మనందరం ముందుకు రావాలి. ఇక మెత్తటి మాటలకు చోటు లేదు. అటూ ఇటూ కాని వైఖరులకు అవకాశం లేదు. ప్రతి ఒక్కరూ తామేమిటో స్పష్టం కావాల్సిన తరుణం ఇది. నిర్భీతిని, నైతిక ధృతిని దెబ్బతీయడం ఫాసిజం ప్రధాన లక్షణం. దాన్ని ఎదుర్కొంటామా? లేదా? అనేదే ఈ కాలపు బుద్ధిజీవికి గీటురాయి
- పాణి

Keywords : rss, narendra modi, aparna sen, maniratnam, ramachandra guha, shyambenagal, virasam
(2020-01-18 22:07:39)



No. of visitors : 607

Suggested Posts


మహాశ్వేతా దేవి - మన తెలంగాణ సాగర హారంః వరవర రావు

మన మహా సాగరహారం ʹచలో హైదరాబాద్ అంటూ తెలంగాణ మార్చ్ చేసిన సెప్టెంబర్ 30, 2012 మహత్తర మధ్యాహ్నం మహాశ్వేతాదేవి కూడా మన ఊర్లో ఉన్నారు. ఆ రోజు ఆమెను మన మధ్యకు తెచ్చుకొని ఉంటే....

సెప్టెంబర్ 17 - ఇండియన్ యూనియన్ సైనిక దురాక్రమణ దినం - వరవరరావు

1947 ఆగస్ట్ 15న విలీనానికి అంగీకరించకుండా షరతులు విధిస్తూ వచ్చిన నిజాంను నెహ్రూ - పటేల్ ప్రభుత్వం సగౌరవంగా, సాదరంగా చర్చలకు ఆహ్వానించింది. అప్పటికే నిజాంను వ్యతిరేకిస్తూ వీరోచిత పోరాటం నడుపుతున్న కమ్యూనిస్టులను మాత్రమే కాదు, కనీసం కాంగ్రెస్ ను కూడా ఈ చర్చల్లో భాగం చేయలేదు....

ఆదివాసి.. లంబాడా వివాదం ‍- ఎం.రత్నమాల

మహారాష్ట్ర ప్రభుత్వం లంబాడాలను ఆదివాసి తెగగా గుర్తించడం లేదు కనుక ఆంధ్రప్రదేశ్‌ ప్రభుత్వం లంబాడాలను ఆదివాసి షెడ్యూల్డు తెగగా ప్రకటించడంతో దీన్ని అవకాశంగా తీసుకుని మహారాష్ట్ర నుంచి ఆదిలాబాద్‌ (పాత) జిల్లాకు లంబాడాల వలసలు పెద్ద ఎత్తున వెల్లువలా సాగాయి.....

ఎస్సీ రిజర్వేషన్ వర్గీకరణ పోరాటానికి విరసం మద్దతు

అట్టడుగున ఉన్న మనిషికి ఫలితాలు అందినప్పుడే సామాజిక న్యాయం జరిగినట్టు లెక్క. మాదిగ, డక్కలి, చిందు, మాష్టి, బుడగజంగం, దాసరి, బేగరి కులాలకు ఈ నాటికీ ఎస్సీ రిజర్వేషన్ ఫలాలు అందడం లేదు....

ʹఅరుణోదయʹ పై పోలీసుల దాడిని ఖండించిన విరసం

తెలంగాణ ఉద్యమంలో ఆట పాటతో ఆరుణోదయ కళాకారులు గ్రామ గ్రామాన తిరిగి ప్రజల్లో ప్రత్యేక తెలంగాణ ఉద్యమ స్ఫూర్తిని రగిలించారు. తెలంగాణ రాష్ట్ర ఏర్పాటుకు తమ వంతు కృషి చేశారు. ఆ సంస్థ కార్యాలయాన్ని దౌర్జన్యంగా మూసేయడం అత్యంత నిరంకుశమైన......

ఆ నిండైన సాహిత్య సామాజిక జీవితం రచయితలందరికీ ఆదర్శం - విరసం

ʹరచయితలందరూ తమ తరానికి జవాబుదారులు; తమకు తాము జవాబు చెప్పుకోవాల్సిన వాళ్ళు... అంతస్సాక్షి ఉన్న రచయిత పీడిత ప్రజల పక్షాన దృఢంగా నిలవాలి. అలా కాకపోతే ఆ రచయితల్ని నిర్దోషులుగా నిర్ణయించే ప్రశ్నే లేదు.ʹ....

ఉత్తేజకరంగా సాగిన విరసం సాహిత్యపాఠశాల‌

అంతకుముందు అంతర్జాతీయ శ్రామికవర్గ పతాకావిష్కరణతో కార్యక్రమాలను ప్రారం భించారు. అమరుడు పులి అంజన్న తల్లి సైదమ్మ ఎర్ర జెండాను, సీనియర్ విరసం సభ్యురాలు రత్నమాల విప్లవ రచయితల సంఘం జెండాను ఎగురవేశారు. ఈ సందర్భంగా అమరుడు శేషయ్య సోదరుడు సాంబయ్య, అమరుడు వివేక్ తండ్రి యోగానంద్ అమరుల స్థూపాన్ని ఆవిష్క రించారు.

అమరుడు బొజ్జా తారకం — ʹనది పుట్టిన గొంతుకʹ - వరవరరావు

గోదావరి తెలంగాణలో ప్రవేశించిన నిజామాబాద్ కు 1968లో వచ్చిన తారకం గారు ఇక్కడి మట్టిలోని ఎరుపులోనూ, ఇక్కడి నీళ్లలోని ప్రవాహ గుణంలోనూ కలగలిసిపోయారు. 1968 నుంచి 78 దాకా ఒక దశాబ్దం పాటు విప్లవోద్యమాలకు, విప్లవ సాహిత్యానికి నిజామాబాద్ చిరునామా బొజ్ఞాతారకం....

ʹఆయన జైల్లోనే చనిపోతారేమోʹ

90 శాతం అంగవైకల్యం కలిగిన సాయిబాబాను అన్యాయంగా జైల్లో పెట్టారని.. ఆయనేమైనా యుద్ద ఖైదీనా..? ప్రభుత్వ అనాలోచిత చర్యతో యుద్ధఖైదీ మాదిరి ఆయన జైల్లోనే తుది శ్వాస విడిచే పరిస్ధితి వచ్చిందని ...

ʹఅన్నలు మల్లొస్తరు బిడ్డా.. ఆల్లొస్తే వాళ్ళకు గిన్ని మంచి నీల్లో, తిండో పెట్టాలనే బతుకుతాన్నʹ

అందుకే అంత నిర్బంధంల కూడా నా కొడుకు అంత్యక్రియలకు వచ్చిన జనాలకు మా ఖిలా వరంగల్ సరిపోలె. ఎక్కడోల్లను అక్కడ అరెస్ట్ చేసినా వచ్చిండ్రు. ఎవరో నక్సలైట్ అట, చిన్న పిల్లగాడేనట, బలే తెలివికల్లోడట అని అనుకుంట జనాలు వచ్చిండ్రు. పద్దెనిమిది నిండి పందొమ్మిది పడగానే చంపేసిండ్రు.

Search Engine

నా కొడుకు ఏ తప్పూ చేయలేదు.. పేదల కోసం, తెలంగాణ కోసం కొట్లాడిండు : కాశీం తల్లి వీరమ్మ‌
నిరసన తెలుపుతున్న మహిళల ఆహారం, దుప్పట్లు ఎత్తుకొని పారిపోయిన పోలీసులు
Condemning arbitrary arrest of Prof. C. Kaseem
జ్యుడీషియల్ రిమాండుకు ప్రొఫెసర్ కాసీం.. చీఫ్ జస్టీస్ ఇంట్లో ముగిసిన విచారణ
తనను అరెస్టు చేయడానికి వచ్చిన పోలీసులకు ʹజాషువా పద్యంʹ వినిపించిన కాశీం...!
ప్రొఫెసర్ కాసీం అరెస్టు.. తెలంగాణ పోలీసులపై హైకోర్టు తీవ్ర ఆగ్రహం
కామ్రేడ్ కాశీం కోసం... ప్రజాస్వామిక హక్కుల కోసం అందరం గొంతు విప్పుదాం
కట్టుకథ ఆధారంగా కాశీం అరెస్ట్...!!
ʹప్రొఫెసర్ కాశీంను అణగారిన ప్రజల వైపు నిలబడ్డందుకే అరెస్ట్ చేశారుʹ
ఉరిశిక్ష‌లు, ʹఎన్‌కౌంట‌ర్ʹ హ‌త్య‌ల‌తో నేరాల నియంత్ర‌ణ సాధ్య‌మేనా?
రాజ్యాంగమే నా బలం,ఆ బలంతోనే పోరాటం కొనసాగిస్తా - ఆజాద్
మోడీ భారత పౌరుడనే రుజువుందా ? ఆర్టీఐ ద్వారా అడిగిన కేరళవాసి
వాళ్ళిద్దరి కోసం..!
జేఎన్‌యూ తర్వాత‌...ఇప్పుడు మరో యూనివర్సిటీ విద్యార్థులపై దాడి
మమ్మల్ని ఈ దేశం నుండి బహిష్కరించండి - రాష్ట్రపతికి లేఖ రాసిన ʹఉనాʹ దళితులు
JNU పై దాడి చేసిందెవరో తేల్చి చెప్పిన వార్డెన్ల నివేదిక‌
భీం ఆర్మీ ఛీఫ్ ఆజాద్ కు బెయిల్...నెల రోజులు సహరన్ పూర్ లోనే ఉండాలని కండీషన్
మోడీషా రాజ్య నిర్బంధంలో మగ్గుతున్న భీమ్ ఆర్మీ చీఫ్ చంద్రశేఖర్ ఆజాద్ విడుదలకై ఉద్యమిద్దాం
విద్వేషం అతని మతం.. అణచివేత అతని ఆయుధం..!
మీరు చేస్తే గొప్ప పని ప్రజలు చేస్తే హింసనా జగ్గీ గారు
ఈ ప్రభుత్వమే నిర్బంధ కేంద్రాల్లోకి నెట్టబడే రోజొస్తుంది : అరుంధతి రాయ్
మన చేతుల మీది నెత్తుటి మరకలు కడగడానికి ఎన్ని సముద్రాలు కావాలి?
నిజం ఎప్పటికి బయటకు వస్తుంది?
విరసం అధ్యక్ష కార్యదర్శులుగా అరసవెల్లి కృష్ణ,కాశీం
50 ఏళ్ల.. దుఃఖం, నిర్భంధం, ధిక్కారం, స్పూర్తి... 50 ఏళ్ల విరసం మహాసభలు
more..


ఆ