మోడీషా రాజ్య నిర్బంధంలో మగ్గుతున్న భీమ్ ఆర్మీ చీఫ్ చంద్రశేఖర్ ఆజాద్ విడుదలకై ఉద్యమిద్దాం


మోడీషా రాజ్య నిర్బంధంలో మగ్గుతున్న భీమ్ ఆర్మీ చీఫ్ చంద్రశేఖర్ ఆజాద్ విడుదలకై ఉద్యమిద్దాం

మోడీషా

భీం ఆర్మీ వ్యవస్థాపకుడైన చంద్రశేఖర్ ఆజాద్ రావణ్‌ను అక్రమంగా నిర్బంధించిన కేంద్ర ప్రభుత్వానికి వ్యతిరేకంగా ఉద్యమించాల్సిన సమయమిది. దీనిపై సమగ్ర సమాచారాన్ని ఇఫ్టూ ప్రసాద్ తన ఫేస్‌బుక్ వాల్‌పై పోస్టు చేశారు. అది యధాతథంగా....
-----------------------------------------------------------------------

*ప్రియమైన మిత్రులారా!*

భీమ్ ఆర్మీ చీఫ్ చంద్రశేఖర్ ఆజాద్ కి గత 25 రోజులుగా కోర్టులు బెయిల్ మంజూరు చేయకుండా ప్రభుత్వ వత్తిళ్ళు కొనసాగుతున్నాయి. మొదట వైద్య చికిత్సకు కూడా మోడీ షా ప్రభుత్వం అనుమతివ్వ లేదు. నిన్న ఢిల్లీ అడిషనల్ సెషన్ కోర్టు లో ఆయన్ని హాజరుపరిచారు. బెయిల్ దరఖాస్తుపై చర్చ జరిగింది. నిన్న కూడా బెయిల్ ఇవ్వోద్దని ప్రభుత్వం తరపున పబ్లిక్ ప్రాసిక్యూటర్ వాదన చేశారు. ఆసందర్భంలో ప్రభుత్వ న్యాయవాది వాదనల ని ఉద్దేశించి సంబంధిత మహిళా న్యాయమూర్తి తీవ్రంగా ప్రతిస్పందించారు. *"జామా మసీదు పాకిస్తాన్ లో ఉందా?"* అని ప్రశ్నించారు. *"ధర్నా చేయడం నేరమా?"* అని ప్రశ్నించారు. *"సోషల్ మీడియా లో ప్రచారం చేయడం ఎలా నేరం?"* అని ప్రశ్నించ్చారు. *"జామా మసీదు నిరసన ప్రదర్శన లో పాల్గొంటానని ట్వీట్ చేయడం చట్టంలో ఏ నిబంధన ప్రకారం నేరమో చూయిస్తారా?"* అని కూడా ప్రశ్నించారు. *"సెక్షన్ 144 గూర్చి గతంలో సుప్రీంకోర్టు ఏం చెప్పిందో తెలుసా?"* అని కూడా ప్రశ్నించారు. *"పార్లమెంట్ తమ అభిప్రాయం వినిపించదని ప్రజలు భావిస్తే, ఆందోళనల్ని చేస్తారు"* అని కూడా చెప్పారు. ఈ ఉక్కిరిబిక్కిరి ప్రశ్నలకు వెంటనే జవాబులు చెప్పలేని ప్రాసిక్యూషన్ వర్గాలు వ్యవధి అడిగాయి. తిరిగి బుధవారానికి వాయిదా పడింది. అంటే లంచ్ తర్వాత ఈరోజు చర్చకు రానున్నది.

ఆదిత్యనాధ్ ప్రభుత్వ హయాం లో యూపీ రాష్ట్రం కాషాయ ప్రయోగశాలగా మారుతున్నది. అట్టి చోట అన్ని రకాల రాజ్య నిర్బంధాలనూ రాజ్యేతర కాషాయ మూకల దాడులనూ అధిగమిస్తూ దళిత యువనేత ఆజాద్ నిలదొక్కుకున్నాడు. ఆయన రాజకీయ గుర్తింపు యూపీ రాష్ట్ర స్థాయి నుండి అఖిల భారత స్థాయికి నేడు ఎదుగుతున్న స్థితి తెలిసిందే! 2017లో యూపీ షాహరన్ పూర్ జిల్లా లో ఓ గ్రామంలో అంబేద్కర్ విగ్రహ ఆవిష్కరణ సందర్భంగా అగ్రవర్ణ దురహంకార పెత్తందారీ వర్గాలు దళితులపై దాడులకు దిగడం తెల్సిందే! దానికి నిరసనగా జిల్లా కేంద్రంలో భీమ్ ఆర్మీ ఓ మహా సమ్మేళనానికి పిలుపు ఇచ్చింది. దాని భగ్నంకై యోగి సర్కార్ తీవ్ర నిర్బంధాన్ని ప్రయోగించింది. ఆ సందర్భంలో 2017 జూన్ లో భీమ్ ఆర్మీ చీఫ్ చంద్రశేఖర్ ఆజాద్ & మరి కొందరిని యూపీ సర్కార్ అక్రమ కేసుల్లో ఇరికించింది. సుమారు ఐదు నెలల తర్వాత అలహాబాద్ హైకోర్టు బెయిల్ మంజూరు చేసింది. ఆ బెయిల్ ఉత్తర్వు జైలుకి అందక ముందే, అంటే బెయిల్ మంజూరైన 24 గంటల లోపే యోగి సర్కార్ ఆజాద్ పై "జాతీయ భద్రతా చట్టం" (NSA) కింద అరెస్టుకి ఆదేశాన్ని ఇచ్చింది. ఆ యువ దళితనేత చంద్రశేఖర్ ఆజాద్ NSA నిబంధన ప్రకారం ఏడాది తర్వాత 2018 నవంబర్ మొదటి వారంలో విడుదల కావాల్సి వుంది. దీనికి కేవలం ఒకట్రెండు నెలల ముందు *"మానవతా దృష్టి"* పోజుతో నాటకీయంగా విడుదల చేసి దళిత సామాజిక ప్రజలలో ఆగ్రహావేశాల్ని నీరు గార్చాలనీ, తద్వారా ఆజాద్ ని కూడా ప్రలోభ పరుచుకోవాలనీ పథకం పన్నింది. ఆచరణలో అవన్నీ విఫలమయ్యాయి. ఆ నేపధ్యం లో చంద్రశేఖర్ ఆజాద్ యూపీ రాష్ట్రస్థాయి ప్రముఖ పాపులర్ నేతగా రూపొందాడు.

ఆయన జైలు లో వుండగానే SC,ST అత్యాచారాల చట్టం లో స్ఫూర్తిని నీరు గార్చుతూ సుప్రీంకోర్టు తీర్పు ఇచ్చింది. దానిపై దేశవ్యాపిత బంద్ లో యూపీ లో భీమ్ ఆర్మీ క్రియాశీల పాత్ర పోషించింది. నిరుడు ఢిల్లీలో రవిదాస్ టెంపుల్ కూల్చివేత సందర్భం గా ఆజాద్ నేతృత్వంలోని భీమ్ ఆర్మీ సంస్థ దళితులతో పాటు లౌకిక, ప్రజాతంత్ర సమూహాల్ని విశేషంగా సమీకరించింది. ఆ ఆందోళన ఆనాడు మోడీ-షా ప్రభుత్వాన్ని వణికించింది. పై నేపథ్యంలో చంద్రశేఖర్ ఆజాద్ దేశవ్యాపిత నేతగా బహుళ గుర్తింపు పొందాడు.

తాజా NRC, CAA వ్యతిరేక ఆందోళన లో ఆజాద్ విశాల దృష్టిని ప్రదర్శించాడు. ఆయన నేతృత్వంలోని భీమ్ ఆర్మీ సంస్థ సాధారణ దళిత సంస్థల కంటే కొంత భిన్నంగా *"దళిత-ముస్లిం ఐక్యత"* నేటి చారిత్రిక ఆవశ్యకతగా గుర్తించి, ఓ నిర్దిష్ట వైఖరిని చెప్పట్టింది. పై రాజకీయ అవగాహనాతోనే NRC, CAA ల వ్యతిరేక ఆందోళన లో క్రియాశీల భాగస్వామ్యతని చేపట్టాలని భీమ్ ఆర్మీ నిర్ణయించింది. ఆ వెలుగులోనే ఢిల్లీ జామా మసీదులో డిసెంబర్ 20న శుక్రవారం నమాజ్ తర్వాత నిరసన ప్రదర్శనలో పాల్గొని, ముస్లిములతో కలిసికట్టుగా దళితులు నిలవాలని భీమ్ ఆర్మీ సంస్థ నిర్ణయించింది. *"హిందూ ముస్లిం ఐక్యత"* సాధించాల్సిన చారిత్రికదశలో చేసిన ఈ నిర్ణయానికి చాలా రాజకీయ ప్రాధాన్యత వుంది. *"దళిత-ముస్లిం ఐక్యత"* అందుకు గట్టి కేంద్రకంగా పని చేస్తుంది. ఇది నేటి సాధారణ దళిత ఉద్యమ రాజకీయ స్రవంతికి సాపేక్షికంగా ఒకింత భిన్నమైనది. వర్తమాన దేశ రాజకీయ పరిస్థితుల్లో అదో కొత్తధోరణి!

పై రాజకీయ అవగాహన వెలుగులో 20వ తేదీ జామా మసీదు నిరసన ప్రదర్శనలో భీమ్ ఆర్మీ పాల్గొంటుందని ముందే ఆజాద్ ట్వీట్ చేసాడు. రవిదాస్ మందిర్ కూల్చివేతపై ఆందోళన సందర్భంగా ఢిల్లీ దళితవాడలకి భీమ్ ఆర్మీ విస్తరించింది. గాన అన్ని వాడల, బస్తీల దళిత శ్రేణుల్ని జామా మసీదు కి తరలివచ్చి ముస్లిములతో భుజం కలిపి నడవాలని అది పిలుపిచ్చింది. దీంతో బెంబేలెత్తిన మోడీ-షా ప్రభుత్వం ఆజాద్ ని అక్కడకు రాకుండా నిఘా విధించింది. ఆయన పోలీస్ కళ్ళు కప్పి సహసోపేతంగా జామా మసీదులో ప్రవేశించాడు. ఆ క్షణాల్లో ముస్లిం-దళిత ఐక్యత నినాదాలతో జామా మసీదు ప్రాంగణం మార్మోగింది. అదే రోజు ఉత్తేజకర వాతావరణం లో ఓ భారీ నిరసన ప్రదర్శన జరగింది. ఆయన్ని కుట్ర కేసుల్లో ఇరికించడానికి స్టేజ్ కూప్ లకి రాజ్యం ప్లాన్ చేసిందనే ఆరోపణలు కూడా ఉన్నాయి. "దర్యాగంజ్ కేసు"లో ఆజాద్ ని ఇరికించింది. ఆ మరునాడు 21-12-2019న నిర్బంధించింది. నేటికి 25 రోజులుగా బెయిల్ రాలేదు. పై నేపధ్యంలో ఢిల్లీ అడిషనల్ సెషన్ కోర్టు లో నిన్న మంగళ వారం చంద్రశేఖర్ ఆజాద్ ని హాజరు పరిచింది. ఈరోజు (15-1-2020) లంచ్ తర్వాత తిరిగి ఆయన బెయిల్ పిటిషన్ పై విచారణ కొనసాగనుంది.

న్యాయ వ్యవస్థ పట్ల ఏ ఆశలూ పెట్టుకొనక్కర లేదు. నిన్నటిలా నేటి స్పందన వుంటుందనే అంచనాలు వుండనక్కర లేదు. రాజ్యం చాలా బలమైనది. ఏదైనా ప్రభావితం చేయవచ్చు. ప్రలోభాలు... లేదంటే, వత్తిళ్ళు... కాదంటే ఇంకా ఏమైనా.... అందుకే నిన్న.. నేడు ఒకటి కాదు. నేడు రేపు ఒకటి కాదు. హిందూ ముస్లిం క్రిస్టియన్ శిక్ఖు మతాల ప్రజల మధ్య ఐక్యత నేటి చారిత్రిక ఆవశ్యకత! దానికి ముస్లిం దళిత ఐక్యత మరింత బలాన్ని ఇస్తుంది. దాన్ని దెబ్బకొట్టడం హిందుత్వ ఫాసిస్టు శక్తులకి ఓ ముఖ్య కర్తవ్యం! అందుకే కోర్టు ద్వారా బెయిల్ వెంటనే మంజూరు అవుతుందని అతి ఆశలు పెట్టుకోవద్దు. ఒకవేళ ఏ వత్తిళ్లకు లొంగకుండా బెయిల్ మంజూరు చేస్తే సంతోషిద్దాం! ఈరోజు ఎలా స్పందించినా, నిన్నటి న్యాయమూర్తి స్పందన కి గల సానుకూల ప్రభావాన్ని గుర్తిద్దాం. అదిరేపటి ప్రజాతంత్ర ఉద్యమ నిర్మాణానికి కచ్చితం గా సహకరిస్తుంది. ఐతే అదే సమయంలో ఆజాద్ బెయిల్ కోసం కేవలం కోర్టుల పై ఆధార పడకుండా, ప్రజాతంత్ర, లౌకిక, వామపక్ష, విప్లవశక్తులు, సంస్థలు విశాల ఐక్యతతో ఉద్యమించాల్సి వుంది. అందుకు ప్రయత్నిద్దాం!

చంద్రశేఖర్ ఆజాద్ వరస నిర్బంధాలు, హింసలవల్ల కొన్ని దీర్ఘవ్యాధులకి గురయ్యాడు. జైల్ లో తగు వైద్య చికిత్స లేదు. చికిత్స కోసం ఆజాద్ తరపు న్యాయవాది చేసిన పలు అభ్యర్ధనల్ని కూడా మోడీ షా ప్రభుత్వం నిర్దాక్షిణ్యంగా తిరస్కరించింది. కోర్టుజోక్యం తో తప్ప వైద్యచికిత్స కూడా సాధ్యపడనిస్తితి ఏర్పడింది. ఓ దళిత సామాజిక కుటుంబంలో పుట్టి, ఉన్నత విద్య పొంది, న్యాయవాద వృత్తి చేస్తూ, దళిత, బడుగు, బలహీన వర్గాల ప్రజలకు సామాజిక, ఆర్ధిక, రాజకీయ న్యాయాలకై రాజకీయ రంగ ప్రవేశం చేసి, 35 ఏళ్లు కూడా నిండని ఓ యువకుడు నేడు ఫాసిస్టు వ్యతిరేక ఉద్యమ పధంలో దేశవ్యాపిత రాజకీయ గుర్తింపు పొందడం విశేషం! పైగా నేటి ఫాసిస్టు తరహా పాలన నేపధ్యం లో దళితరాజకీయ స్రవంతుల్లో సాపేక్షికంగా మెరుగైన నిర్దిష్ట రాజకీయ అవగాహనతో ఎదుగుతుండటం కూడా ఒక విశేషం! అలాంటి చంద్రశేఖర్ ఆజాద్ విడుదల కోసం తెలుగు సీమలో కూడా బలమైన ప్రజాతంత్ర వాణిని వినిపించే ప్రయత్నం చేద్దాం. ఒకవేళ నేడు బెయిల్ మంజూరైనా, ఆయన్ని అమానుషంగా రాజ్యం వరస నిర్బంధాలతో శిక్షిస్తున్న మోడీ షా ప్రభుత్వ ఫాసిస్టు రాజనీతి ని ఖండిస్తూ నిరసన గళం వినిపిద్దాం!

-ఇఫ్టూ ప్రసాద్ (పి.పి)

ఫేస్‌బుక్ లింక్ : https://www.facebook.com/prasad.iftu/posts/184334786093858

Keywords : Chandrasekhar Azad, Bheem Army, Release, Bail, CAA, NPR, NCR
(2020-01-28 03:50:04)



No. of visitors : 661

Suggested Posts


0 results

Search Engine

వీక్షణం పై పాలకుల దుర్మార్గపు ప్రచారాన్ని ఖండిద్దాం ... ప్రజా పత్రికకు అండగా నిలబడదాం
ʹమాపై వీసీనే దాడి చేయించాడుʹ...వీసీపై కేసు నమోదు చేసిన‌ విద్యార్థులు
ʹకేంద్రం ఎన్ని ఎత్తుగడలు వేసినా ʹమహా ʹ ప్రభుత్వం భీమా కోరేగావ్ కేసులో నిజాలను బైటికి తీస్తుందిʹ
ʹతెలంగాణలో నియంతృత్వం రాజ్యమేలుతుంది...ఈ అవమానాన్ని మర్చిపోంʹ
భీం ఆర్మీ చీఫ్‌ ఆజాద్‌ను అరెస్టు చేసి గుర్తు తెలియని ప్రదేశానికి తరలించిన హైదరాబాద్ పోలీసులు
ఇండియా అంతర్జాతీయ చట్టాలను ఉల్లంఘిస్తోంది : CAA పై తీర్మానం ప్రవేశపెట్టిన‌ యూరోపియన్ యూనియన్
గుజరాత్ సెంట్రల్ యూనివర్సిటీలో చిత్తుగా ఓడిన ఏబీవీపీ ... వామపక్ష, దళిత‌ విద్యార్థి సంఘాల‌ విజయం
దేశవ్యాప్తంగా ʹషహీన్ బాగ్ʹ లు...విజయవాడలో శాంతి బాగ్ ప్రారంభం
మోడీ షా దుర్మార్గం.... భీమా కోరే గావ్ కేసును NIA కు బదిలీ చేసిన కేంద్రం
మేదావులపై భీమాకోరేగావ్ కేసు ఓ కుట్ర... సీఎం కు శరద్ పవార్ లేఖ
ʹతుక్డే తుక్డే గ్యాంగ్ʹ అంటే ఏంటి ? అందులో సభ్యులెవరు ? హోం శాఖకు కూడా తెలియదట !
కశ్మీర్ బహిరంగ చెరసాల... 24న పుస్తకావిష్కరణ‌
భీమ్ ఆర్మీ చీఫ్ చంద్రశేఖర్ ఆజాద్ ఢిల్లీకి రావొచ్చు.. అనుమతించిన కోర్టు
సీఏఏకు వ్యతిరేకంగా షహీన్‌బాగ్ నిరసనల్లో కాశ్మీరీ పండితులు
ప్రొఫెసర్ సాయిబాబాకు ముకుందన్ సీ మీనన్ అవార్డు 2019 ప్రకటించిన NCHRO
నా కొడుకు ఏ తప్పూ చేయలేదు.. పేదల కోసం, తెలంగాణ కోసం కొట్లాడిండు : కాశీం తల్లి వీరమ్మ‌
నిరసన తెలుపుతున్న మహిళల ఆహారం, దుప్పట్లు ఎత్తుకొని పారిపోయిన పోలీసులు
Condemning arbitrary arrest of Prof. C. Kaseem
జ్యుడీషియల్ రిమాండుకు ప్రొఫెసర్ కాసీం.. చీఫ్ జస్టీస్ ఇంట్లో ముగిసిన విచారణ
తనను అరెస్టు చేయడానికి వచ్చిన పోలీసులకు ʹజాషువా పద్యంʹ వినిపించిన కాశీం...!
ప్రొఫెసర్ కాసీం అరెస్టు.. తెలంగాణ పోలీసులపై హైకోర్టు తీవ్ర ఆగ్రహం
కామ్రేడ్ కాశీం కోసం... ప్రజాస్వామిక హక్కుల కోసం అందరం గొంతు విప్పుదాం
కట్టుకథ ఆధారంగా కాశీం అరెస్ట్...!!
ʹప్రొఫెసర్ కాశీంను అణగారిన ప్రజల వైపు నిలబడ్డందుకే అరెస్ట్ చేశారుʹ
ఉరిశిక్ష‌లు, ʹఎన్‌కౌంట‌ర్ʹ హ‌త్య‌ల‌తో నేరాల నియంత్ర‌ణ సాధ్య‌మేనా?
more..


మోడీషా