మూడురోజుల పాటు మావోయిస్టుల భారీ బహిరంగ సభ...వేలాదిగా పాల్గొన్న జనం


మూడురోజుల పాటు మావోయిస్టుల భారీ బహిరంగ సభ...వేలాదిగా పాల్గొన్న జనం

మూడురోజుల

జూన్ 18 నుండి 20 వతేదీ వరకు మూడు రోజులు... 10 వేల మందికి పైగా ప్రజలు... 300 మంది పీపుల్స్ లిబరేషన్ గెరిల్లా ఆర్మీ సభ్యులు, 500 మంది జన మిలీషియా సభ్యులు....ఎర్ర జెండాల రెపరెపల మధ్య క్రీడా కార్యక్రమాలు...సాంస్కృతిక కార్యక్రమాలు....ఉపన్యాసాలు....

సీపీఐ మావోయిస్టు పార్టీ అద్వర్యంలో ఈ నెల 18 నుండి 20 వ తేదీ వరకు మూడురోజుల పాటు చత్తీస్ గడ్ రాష్ట్రం సుక్మా, బీజాపూర్ జిల్లాల సరిహద్దులో సభలు జరిగాయని హిందుస్తాన్ టైమ్స్ పత్రిక పేర్కొంది. ఇందులో 10 వేల మంది ప్రజలు పాల్గొన్నారని పోలీసులను ఉటంకిస్తూ ఆ పత్రిక తెలిపింది. హిందుస్తాన్ టైమ్స్ కథనం ప్రకారం...

మూడు రోజుల పాటు జరిగిన సభల సందర్భంగా క్రీడా పోటీలు, పాటలు, నృత్యాలు, ఉపన్యాసాలు జరిగాయి. 2019 డిసెంబర్‌లో మరణించిన దండకకారణ్య స్పెషల్ జోనల్ కమిటీ (డికెఎస్‌జెడ్‌సి) కార్యదర్శి రామన్నతో సహా, విప్లవ పోరాటంలో ప్రాణాలు విడిచిన‌ అమరవీరులకు నివాళులు అర్పిస్తూ ప్రారంభమయిన ఈ కార్యక్రమం ఆద్యంతం ఉత్సాహభరితంగా సాగింది. ఈ మూడు రోజుల కార్యక్రమానికి పోలీసులనుండి ఆటంకం రాకుండా 300 మంది సాయుధ‌ పీఎల్జీఏ సభ్యులు, 500 మంది జన మిలీషియా సభ్యులు రాత్రీ పగలు కాపలా కాశారు. ఈ సమావేశాలకు ప్రధానంగా సుక్మా, బీజాపూర్, దంతేవాడ,నారాయణపూర్ జిల్లాల ప్రజ‌లు హాజరయ్యారు.
ఈ కార్యక్రమానికి సిపిఐ (మావోయిస్టు) ప్రధాన కార్యదర్శి నంబళ్ళ‌ కేశవ రావు అలియాస్ బసవరాజు, మాండవి హిడ్మా, కోసా, దేవ్జీ, సుజాతలతో సహా అనేక మంది మావోయిస్టు నాయకులు హాజరైనట్లు అభిఙవర్గాల సమాచారం.

ʹʹఈ మూడు రోజుల సమావేశం గురించి మాకు సమాచారం అందింది. మేము దీనిని పరిశీలిస్తున్నాముʹʹ అని ఛత్తీస్గడ్ డైరెక్టర్ జనరల్ ఆఫ్ పోలీస్ (డిజిపి) డిఎం అవస్థీ హిందూస్తాన్ టైమ్స్‌తో అన్నారు.
గత ఐదేళ్లలో తొలిసారిగా మావోయిస్టులు ఇంత పెద్ద బహిరంగ సభ‌ ఏర్పాటు చేశారని అభిప్రాయపడ్డారు బస్తర్‌లోని సీనియర్ పోలీసు అధికారులు.

ʹʹఈ సమావేశాలకు వెళ్ళిన ప్రజలను సెల్ ఫోన్లు తీసుకెళ్ళడానికి అనుమతించలేదు అందువల్ల ఈ సమావేశపు ఫోటోలు, వీడియోలు మాకు దొరకలేదుʹʹ అని ఓ పోలీసు అధికారి అన్నారు.
"ఈ సమావేశానికి హాజరైన ఒక మహిళ చెప్పిన విషయాల ప్రకారం మావోయిస్టు నాయ‌కులు మావోయిజం గురించి, బస్తర్ చరిత్ర గురించి ప్రసంగాలు చేశారని మాకు తెలిసిందిʹʹ అని ఆపోలిసు అధికారి హిందుస్తాన్ టైమ్స్ ప్రతినిధితో చెప్పారు.
ఈ ఏడాది మార్చ్ లో సుక్మా జిల్లా మిన్సా దగ్గర మావోయిస్టుల దాడిలో 17 మంది జవాన్లు చనిపోయిన సంఘటనలో మావోయిస్టులు తీసుకెళ్ళిన ఆయుధాలు ఈ సమావేశ వేదికపై ప్రదర్శించినట్టు పోలీసు అధికారులు చెప్పారు.

ʹʹసాల్వా జుడమ్ కు ముందు 2004 లో నారాయణపూర్ జిల్లాలోని అబూజ్ మడ్ ప్రాంతంలో జరిగిన ఓ సమావేశానికి నేను హాజరయ్యాను. కొన్ని రోజుల పాటు జరిగిన ఈ సమావేశంలోలో 10,000 మంది ప్రజలు పాల్గొన్నారు. ఐదేళ్ల విరామం తర్వాత మావోయిస్టులు మళ్లీ అలాంటి సమావేశం చేశారంటే... మావోయిస్టులు బలహీనపడ్డారనే వాదనలు చేయడం, త్వరలోనే తుడిచిపెట్టుకపోతారని అనుకోవడం ఓ కల. ఇప్పటికీ మధ్యభారతంలోని అటవీ ప్రాంతాల్లో ప్రజలు మావోయిస్టులతోనే ఉన్నారు.ʹʹ అని చత్తీస్ గడ్ కు చెందిన శాంతి కార్యకర్త శుభ్రాషు చౌదరి అన్నారు.

ఒక్క బస్తర్ ప్రాంతంలోనే 2,00,000 మందికి పైగా ప్రజలు సిపిఐ (మావోయిస్టు) పార్టీ అనుబంద సంఘాల సభ్యులుగా ఉన్నారని పోలీసుల అంచనా అని హిందుస్తాన్ టైమ్స్ పత్రిక పేర్కొంది.
(hindustantimes.com సౌజన్యంతో)

Keywords : maoists, bastar, meeting, hindustan times, people,
(2020-09-30 19:53:05)



No. of visitors : 2236

Suggested Posts


బస్తర్ లో భారత యుద్దం..రగులుతున్న అడవి

న్యాయభావన ఉన్న ఎవ్వరైనా అలాగే ప్రభావితమౌతారు. పోరాడుతున్న ఆదివాసీల నుండి, పోరాటానికి అండగా నిలిచిన మావోయిస్టు పార్టీ పట్ల అభిమానమేర్పడింది. మావోయిస్టు పార్టీ పోరాట క్రమంలో చేసే తప్పులను ఆమె నిర్మొహమాటంగా ఎత్తి చూపించింది. ఏ ప్రజా పోరాటానికైనా ఇలా నిజాయితీగా, నిర్భయంగా పొరపాట్లను ఎత్తి చూపే వాళ్ళ అవసరం చాలా ఉంటుంది. ఆమె పరిశోధనా కాలంలోనే పోరాటాలని రాజ్యం

Search Engine

రేప్ జరగలేదు, వెన్నెముక విరగలేదు, నాలుక కోయలేదు... పోలీసుల దుర్మార్గపు ప్రకటనలు
దళిత బాలికపై అత్యాచారం...వెన్నెముక విరిగిపోయింది...శ్వాస ఆగిపోయింది
బూటకపు ఎన్ కౌంటర్లకు నిరసనగా 28న తెలంగాణ బంద్ కు పిలుపునిచ్చిన మావోయిస్టు పార్టీ
చెదరని విశ్వాసం... సడలని ఆచరణ... శ్రీకాకుళ పోరాట పంథాలో కా. చంద్రమ్మ
సీనియర్ విప్లవ కమ్యూనిస్టు నాయకురాలు, శ్రీకాకుళోద్యమ యోధురాలు కామ్రేడ్ పైలా చందమ్మకు విప్లవ జోహార్లు!
విచారణ లేకుండా మూడున్నరేళ్ళుగా జైలులో వున్న 120 మంది ఆదివాసీలు
వ్యవసాయ బిల్లులకు వ్యతిరేకంగా 25న దేశవ్యాప్త ఆందోళనలను జయప్రదం చేద్దాం -TDF
ప్రజలపై పారామిలిటరీ, డిఆర్‌జి బలగాల దౌర్జన్యాలు -మావోయిస్టు పార్టీ ఏరియా కమిటీ ప్రెస్ నోట్
భారతదేశ జైళ్ళలో 50 శాతం ‌దళితులు, ఆదివాసీలు, మైనారిటీలే ఎందుకున్నట్టు ?
మావోయిస్టు పార్టీ 16వ వార్షికోత్సవాన్ని జయప్రదం చేయండి -జగన్ పిలుపు
ఏచూరి సీతారాంకు జైల్లో ఉన్న మావోయిస్టు నాయకుడి లేఖ‌ !
ఆసిఫాబాద్ ఎన్ కౌంటర్ బూటకం...మావోయిస్టు నేత భాస్కర్ ప్రకటన‌
కిషన్ జీ దారుల్లో....జంగల్ మహల్ కొండల్లో మళ్ళీ రాజుకుంటున్నఅగ్గి
జార్ఖండ్‌లోని మెదినినగర్ సెంట్రల్ జైలు ఖైదీల నిరాహార దీక్ష - మద్దతుగా రాష్ట్రవ్యాప్త‌ నిరసనలు
పట్టణమంతా మావోయిస్టుల బ్యానర్లు, పోస్టర్లు - షాకయిన పోలీసులు
ఈ నెల 21 నుండి 27 వరకు పార్టీ ఆవిర్భావ వారోత్సవాలు జరపాలని మావోయిస్టు పార్టీ పిలుపు
గణపతీ - మన మేధావులూ -పాణి
ఉమర్ ఖలీద్ అరెస్ట్ అక్రమం - పోరాడే స్వరాలకు సంఘీభావం తెలుపుతున్నాం!
ఆదివాసీ హక్కుల దినోత్సవం నాడు లాఠీలు,తుపాకీ బట్ లతో ఆదివాసీలపై దాడి !
ప్రజాస్వామిక విలువల ప్రతిరూపం స్వామి అగ్నివేశ్ -విరసం
భీమాకోరేగావ్ కేసులో సిట్ ఏర్పాటు చేయడానికి మళ్ళీ ప్రయత్నిస్తున్న‌‌ శరద్ పవార్
ʹనిరసన రాజ్యాంగం ఇచ్చిన హక్కుʹ: యుఎపిఎ కేసులో విద్యార్థులకు బెయిల్ మంజూరు
ప్రజాన్వామికవాదుల గొంతులను నొక్కుతున్న ఎన్‌ఐఎ పాశవిక చర్యలను ఖండిద్దాం - clc
జైలు నుండి విడుదలైన మావోయిస్టు నాయకుడిని గేటు వద్దే మళ్ళీ అరెస్టు చేసిన కేరళ‌ పోలీసులు
పోలీసు క్యాంపు ఏర్పాటుకు నిరసనగా ఆదివాసీల భారీ ప్రదర్శన, బహిరంగ సభ‌
more..


మూడురోజుల