CBSE సిలబస్ లో సెక్యులరిజం,ఫెడరలిజంతో సహా అనేక అధ్యాయాలు తొలగింపు
కరోనా వైరస్ సంక్షోభం కారణంగా CBSE 9వ తరగతి నుండి పన్నెండవ తరగతి వరకు విద్యార్థులు చదవాల్సిన సిలబస్ లో 30 శాతం తగ్గించింది. తొలగించిన పాఠ్యాంశాలు ఇది. సమాఖ్య తత్వం, పౌరసత్వం, లౌకికవాదం, జాతీయత, చుట్టుపక్కల దేశాలతో భారత సంబంధాలు, సాంఘిక సంస్కరణ ఉద్యమాలు, ప్రాంతీయ ఆకాంక్షలు, మారుతున్న భారత ఆర్థిక అభివృద్ధి, ప్రణాళికా సంఘం, రద్దు, జిఎస్టి, ప్రైవేటీకరణ, ప్రపంచీకరణ ఫలితాలు, దేశ విభజన, రైతాంగ ఉద్యమాలు, మొదలైనవి. వీటితో పాటు వర్తమాన భారతదేశంలో అటవీ సంపద, వన్యప్రాణులు, ప్రజాస్వామ్యం, భారతదేశంలో వైవిధ్యం, లైంగికత, మతం, కులం, ప్రజా పోరాటాలు, ప్రజాస్వామ్యానికి సవాళ్ళు. వీటితో పాటు పరిణామ వాద సిద్ధాంతం కూడా ఈ సంవత్సరం విద్యార్థులు చదవాల్సిన అవసరం లేదు.
9 వ తరగతి పొలిటికల్ సైన్స్ సిలబస్ నుండి భారత రాజ్యాంగం లోని ప్రజాస్వామ్య హక్కులు మరియు నిర్మాణం పై అధ్యాయాలు తొలగించబడ్డాయి. భారతదేశంలో ఆహార భద్రతపై ఒక అధ్యాయం ఎకనామిక్స్ సిలబస్ నుండి పూర్తిగా తొలగించబడింది.
10 వ తరగతి సిలబస్ నుండి "ప్రజాస్వామ్యం మరియు వైవిధ్యం", "కులం, మతం మరియు లింగం" "ప్రజాస్వామ్యానికి సవాళ్లు" అనే అధ్యాయాలు తొలగించబడ్డాయి.
11 వ తరగతి పొలిటికల్ సైన్స్ సిలబస్ నుండి అధ్యాయాలలో ఫెడరలిజం, పౌరసత్వం, జాతీయవాదం , లౌకికవాదం అనే అధ్యాయాలు పూర్తిగా తొలగించబడినవి
ʹస్థానిక ప్రభుత్వంʹ అధ్యాయం నుండి ʹమాకు స్థానిక ప్రభుత్వాలు ఎందుకు అవసరం?ʹ ʹభారతదేశంలో స్థానిక ప్రభుత్వ వృద్ధిʹ అనే రెండు యూనిట్లు తొలగించబడ్డాయి.
క్లాస్ 12 పొలిటికల్ సైన్స్ సిలబస్ నుండి, "సమకాలీన ప్రపంచంలో భద్రత", "పర్యావరణం మరియు సహజ వనరులు", "భారతదేశంలో సామాజిక మరియు నూతన సామాజిక ఉద్యమాలు" "ప్రాంతీయ ఆకాంక్షలు" అధ్యాయాలను పూర్తిగా తొలగించింది.
"ప్రణాళికాబద్ధమైన అభివృద్ధి" అధ్యాయం నుండి, "భారతదేశ ఆర్థిక అభివృద్ధి యొక్క మారుతున్న స్వభావం" మరియు "ప్రణాళికా సంఘం మరియు పంచవర్ష ప్రణాళికలు" యూనిట్లు తొలగించబడ్డాయి.
భారత విదేశాంగ విధానంపై అధ్యాయం నుండి "భారతదేశ పొరుగు దేశాలతో సంబంధాలు: పాకిస్తాన్, బంగ్లాదేశ్, నేపాల్, శ్రీలంక మరియు మయన్మార్" యూనిట్లు తొలగించబడ్డాయి.
తొలగించబడిన అంశాలను గమనిస్తే, కరోనా సంక్షోభ సాకును ఉపయోగించుకొని తన అసలు ఎజెండాను అమలు పరచడంలో భాగంగా ప్రభుత్వం ఈ నిర్ణయం తీసుకున్నదని స్పష్టంగా తెలుస్తోంది.
Keywords : CBSE syllabus, Secularism, Nationalism, GST, foreign relations, chapters dropped,
(2024-04-15 03:54:36)
No. of visitors : 675
Suggested Posts
0 results