అక్రమంగా అరెస్ట్ చేసిన ఢిల్లీ యూనివర్సిటీ ప్రొఫెసర్ హనీ బాబును విడుదల చేయాలి - CLC
భీమాకోరేగావ్ కేసులో అరెస్టు చేసిన ఢిల్లీ యూనివర్సిటీ ప్రొఫెసర్ హానీ బాబును విడుదల చేయాలంటూ పౌరహక్కుల సంఘం, తెలంగాణ విడుదల చేసిన ప్రకటన పూర్తి పాఠం....
మానవ హక్కుల కార్యకర్తలపై NIA చేస్తున్న కుటిల దాడులను ఆపివేయాలి!
రాజకీయ ఖైదీలందరినీ బేషరతుగా వెంటనే విడుదల చేయాలి!
భీమా కోరేగావ్-ఎల్గార్ పరిషత్ కేసులో ప్రొఫెసర్ హనీ బాబును జాతీయ దర్యాప్తు సంస్థ (ఎన్ఐఏ) ముంబయిలో అరెస్టు చేయడాన్నిరాజ్య అణచివేత వ్యతిరేక కేంపెయిన్ (సిఎఎస్ఆర్) ఖండిస్తూంది.
ఢిల్లీ, ముంబైలలో COVID-19 కేసులు పెరుగుతున్నప్పటికీ, NIA ఢిల్లీ విశ్వవిద్యాలయ ఇంగ్లీష్ విభాగం ప్రొఫెసర్ బాబును సాక్షిగా రమ్మని పిలవడంతో, వీడియో కాన్ఫరెన్సింగ్ ద్వారా మాట్లాడే అవకాశాన్ని తిరస్కరించడంతో ముంబైకి వెళ్ళక తప్పలేదు. 2020 జూలై 24 నుండి ఎన్ఐఏతో సహకరిస్తున్న ప్రొఫెసర్ బాబుకు, ప్రశ్నించడం అంటే కేవలం ఇతరులపై తప్పుడు సాక్ష్యాలను ఇవ్వమనీ, తాను మావోయిస్టుల కోసం పని చేస్తున్నాననే అబద్ధపు ఆరోపణలను ఒప్పించడానికి చేసే ప్రయత్నం మాత్రమేనని త్వరలోనే స్పష్టమైంది.
ప్రొఫెసర్ బాబు ఈ అసంబద్ధమైన అబద్ధాలను తీవ్రంగానూ, ఖచ్చితంగానూ నిరాకరించారు. ఈ కారణంగానే, విచారణ పేరిట ఐదు రోజుల నిరంతర వేధింపుల తరువాత, తన కార్యాలయంలోనే ఉన్నప్పటికీ, అతన్ని నిందితుడిగా మార్చి, అధికారికంగా అరెస్టు చేసి, విచారణ కోసం ఎన్ఐఏ తిరిగి కస్టడీకి యివ్వాలని కోరడం ఎంతో అసంబద్ధమైన విషయం. 2019 సెప్టెంబర్లో ప్రొఫెసర్ బాబు ఇంటిపైని మహారాష్ట్ర పోలీసులు సెర్చ్ వారెంట్ లేకుండా దాడి చేశారు. అనేక ఎలక్ట్రానిక్ పరికరాలు, పుస్తకాలను స్వాధీనం చేసుకుని, జప్తు చేసిన పరికరాల హాష్ విలువ ఇవ్వలేదు. ఈ నియమ ఉల్లంఘన వల్ల స్వాధీనం చేసుకున్న పరికరాలను ట్యాంపరింగ్ చేసే అవకాశం వుంటుంది.
జప్తు చేసిన పరికరాల హాష్ విలువను యివ్వడానికి దర్యాప్తు సంస్థలు పదేపదే నిరాకరించాయి. ఈ విలువల వల్ల పరికరంలో జరిగిన కార్యకలాపాల సమయాన్ని తెలుసుకోవచ్చు. అయితే వాస్తవానికి, పరికరాలను జప్తు చేయడం, వాటిలో కల్పిత సాక్ష్యాలను పెట్టడం, ఆ ప్రాతిపదికన మీడియా ట్రయల్ నిర్వహించడం వంటి విధానాలు అమలుచేస్తున్నారని స్పష్టమైపోయింది. అయినా దురదృష్టవశాత్తు, కోర్టులు కూడా ఈ అక్రమాలను ఏ మాత్రం పట్టించుకోవడం లేదు.
ఇది రాజ్యాన్ని ప్రశ్నిస్తున్న, అట్టడుగు, అణగారిన కులాలు, సముదాయాలు, వర్గాల హక్కుల కోసం పోరాడుతున్న వ్యక్తులను క్రూర వేధింపులకు గురిచేయడం, బెదిరించడం తప్ప మరొకటి కాదు. ప్రొఫెసర్ బాబు కుల వ్యతిరేక కార్యకర్త, విశ్వవిద్యాలయం లోపలా, బయటా కూడా సామాజిక న్యాయం కోసం నిరంతరం పోరాడుతున్నారు. డాక్టర్ జి.ఎన్. సాయిబాబా రక్షణ- విడుదల కమిటీ, రాజకీయ ఖైదీల విడుదల కమిటీ (సిఆర్పిపి) లో కూడా పనిచేస్తున్నారు. ఉన్నత విద్యాసంస్థలలో కుల వివక్ష, మరణశిక్షలకు వ్యతిరేకంగానూ, రాజకీయ ఖైదీల హక్కుల కోసమూ ఆయన మాట్లాడుతున్నారు.
రాజ్య ప్రజా వ్యతిరేక విధానాల గురించి మాట్లాడుతున్న కార్యకర్తలను నిర్బంధించి, నిశ్శబ్దం చేయటానికి భీమా కోరెగావ్ వద్ద జరిగిన హింసాకాండ తరువాత చేస్తున్న కుట్ర అని హనీ బాబును ఎన్ఐఏ అరెస్ట్ చేయడంలో తెలుస్తోంది. హింసకు నిజమైన కారకులు, ఆర్ఎస్ఎస్తో సంబంధాలు ఉన్న సంభాజీ భిడే, మిలింద్ ఎక్బోటేల నుండి దృష్టిని మళ్ళించడానికి కూడా ఇది జరుగుతోంది. ఇది ప్రజాస్వామ్య, ప్రగతిశీల విద్యావేత్తలు, కార్యకర్తలు, కళాకారులు, జర్నలిస్టులు, న్యాయవాదులు, కవులు, కార్మిక సంఘాల్లో భయాన్ని వ్యాప్తి చేయడానికి ఉద్దేశించబడింది. ఈ అరెస్ట్ తరువాత ప్రొఫెసర్ బాబును అర్బన్ నక్సల్ గా ముద్ర వేసే అవకాశం వున్నదని వూహించవచ్చు. కల్పిత సాక్ష్యాలను సృష్టించడం తప్ప ఈ ఆరోపణలు నిరూపించలేనివిగా, ఆధారాలు లేనివిగా ఉంటాయి, ఇవి ఎలాగూ న్యాయమైన విచారణ పరిశీలనలో నిలబడవు.
ఏదేమైనా, అనేక సందర్భాల్లో చూసినట్లుగా, అపరాధాన్ని నిరూపించడం కాదు, రాజ్య ప్రాయోజిత మీడియా వేటాడుతూ రాక్షసంగా చిత్రిస్తుంటే, సుదీర్ఘకాల ఒంటరితనం నిర్బంధాల ద్వారా శిక్షించడమే ఇందులోని ఉద్దేశ్యం. విప్లవకవి వరవరరావు, డాక్టర్ జి.ఎన్. సాయిబాబా, ప్రొఫెసర్ ఆనంద్ తేటెల్తుంబ్డే తదితరుల విషయంలో చూసినట్లుగా లక్ష్యంగా పెట్టుకున్న వ్యక్తుల జీవన హక్కును పరిగణనలోకి తీసుకోకుండా ఈ వ్యూహాలను అమలు చేస్తున్నారు.
మన సమాజంలోని అన్ని ప్రగతిశీల, ప్రజాస్వామ్య శక్తులన్నీ ఏకమై ప్రొఫెసర్ హనీ బాబు అరెస్టును, మరింకెంతోమంది కార్యకర్తలు, కళాకారులు, జర్నలిస్టులపై జరుగుతున్న అరెస్టు బెదిరింపులను ఖండించాలని పౌర హక్కుల సంఘం.
డిమాండ్స్:
1. కల్పిత భీమా కోరేగావ్ కేసులో అభియోగాలు మోపిన కార్యకర్తలు, మేధావులందరినీ వెంటనే విడుదల చేయాలి!
2. CAA, NRC, NPR వ్యతిరేక ఉద్యమ కార్యకర్తలందరినీ వెంటనే విడుదల చేయాలి!
3. రాజకీయ ఖైదీలను వెంటనే విడుదల చేయాలి! రియు జైళ్ళలో రద్దీని తగ్గించాలి!
4. UAPA, PSA, NSA సహా అన్ని ఇతర కఠినమైన చట్టాలను రద్దు చేయాలి!
1.ప్రొపెసర్ గడ్డం లక్ష్మణ్,అధ్యక్షులు,పౌరహక్కుల సంఘం తెలంగాణ.
2.N. నారాయణ రావు, ప్రధానకార్యదర్శి, కార్యదర్శి,పౌరహక్కుల సంఘం తెలంగాణ.
పౌర హక్కుల సంఘం,తెలంగాణ.
జులై 28, 2020....
హైదరాబాద్...
Keywords : bhima koregaon, prof.Hany babu, NIA, Delhi University
(2024-04-14 21:14:44)
No. of visitors : 897
Suggested Posts
| భీమా కోరేగావ్ కేసు: మరో ప్రొఫెసర్ అరెస్ట్భీమాకోరేగావ్ (ఎల్గర్ పరిషద్) కేసులో ఈ రోజు ఢిల్లీ యూనివర్సిటీ ప్రొఫెసర్ హానీ బాబును ఎన్నైఏ పోలీసులు అరెస్టు చేశారు. |
| ఇవ్వాళ్ళ స్టాన్ స్వామి,రేపు మనమే కావచ్చు...జార్ఖండ్ ముఖ్యమంత్రి హేమంత్ సోరన్భీమా కోరేగావ్ కేసులో అరెస్టు చేయబడ్డ జార్ఖండ్ కు చెందిన ప్రముఖ ఆదివాసీ హక్కుల కార్యకర్త స్టాన్ స్వామితో సహా మొత్తం 16 మంది సామాజిక, హక్కుల కార్యకర్తలను విడుదల చేయాలని డిమాండ్ చేస్తూ ఈ రోజు పీపుల్స్ యూనియన్ ఫర్ సివిల్ లిబర్టీస్ సంస్థ |
| భీమాకోరేగావ్ కేసులో సిట్ ఏర్పాటు చేయడానికి మళ్ళీ ప్రయత్నిస్తున్న శరద్ పవార్ జనవరి 1, 2018 న భీమా కోరెగావ్లో జరిగిన హింసాకాండపై దర్యాప్తు చేయడానికి ప్రత్యేక దర్యాప్తు బృందాన్ని (సిట్) ఏర్పాటు చేసే అవకాశంపై మహారాష్ట్ర రాష్ట్ర ప్రభుత్వం మరోసారి ఆలోచిస్తోంది. ఈ విషయం చర్చించడానికి నేషనలిస్ట్ కాంగ్రెస్ పార్టీ (ఎన్సిపి) చీఫ్ శరద్ పవార్ సెప్టెంబర్ 10 న ముంబైలో అత్యవసర సమావేశాన్ని ఏర్పాటు చేశారు. |
| భీమా కోరెగావ్: స్టాన్ స్వామి సహా ఎనిమిది మందిపై పది వేల పేజీల ఎన్ఐఏ చార్జిషీట్10,000 పేజీలకు పైగా వున్న ఈ చార్జిషీట్ లో మొత్తం ఎనిమిది మంది కార్యకర్తలు కమ్యూనిస్ట్ పార్టీ ఆఫ్ ఇండియా (మావోయిస్ట్) భావజాలాన్ని మరింత వ్యాప్తి చేయడానికి కుట్ర పన్నారని ఆరోపించారు.
|