వారిపై దాడి చేసింది సిఆర్పిఎఫ్ బలగాలే... మావోయిస్టులు కాదు...నిజనిర్దారణ కమిటీ రిపోర్టు
జూన్ 15 న, పశ్చిమ సింగ్భూమ్ జిల్లాలోని ఖుంటపాని బ్లాక్ పరిధిలోని చిరియాబేడా (అంజెడ్‌బెడా) గ్రామానికి చెందిన 20 మందిని సిఆర్పిఎఫ్ సిబ్బంది కొట్టారు, వారిలో 11 మంది తీవ్రంగా కొట్టారు, వారిలో ముగ్గురికి తీవ్ర గాయాలయ్యాయి. ఈ సంఘటనను వార్తా పత్రికలు జూన్ 17న ʹసాయుధ మావోయిస్టులుʹ దాడి చేసి తీవ్రంగా కొట్టారని, చాలా మంది గ్రామస్తులు తీవ్రంగా గాయపడ్డారని పేర్కొన్నాయి.
ʹజార్ఖండ్ జనాధికర్ మహాసభʹ ఈ ఘటన నిజనిర్థారణ కోసం వెళ్లింది. ఈ వేదికలో ʹఆదివాసీ ఉమెన్స్ నెట్‌వర్క్ʹ, ʹఆదివాసి అధికార్ మంచ్ʹ, ʹబగైచాʹ, ʹసేవ్ భూమి కోఆర్డినేషన్ ఫోరంʹ, ʹకొల్హాన్ʹ, ʹహ్యూమన్ రైట్స్ లా నెట్‌వర్క్ʹ, ʹజోహార్ʹ, ʹకొల్హాన్ ఆదివాసి యువ స్టార్ ఏక్తాʹ ʹʹమా భూమి మా జీవితంʹ ప్రతినిధులు వున్నారు.
చిరిబెడా (జార్ఖండ్) ఆదివాసీలను దారుణంగా కొట్టడం, భద్రతా దళాల ఆదివాసీ వ్యతిరేక వైఖరిని బహిర్గతం చేసే తన నిజ నిర్థారణ నివేదికను జార్ఖండ్ జనాధికర్ మహాసభ 2020 29 జూలైన విడుదల చేసింది.
ఈ వేదిక బృందానికి లభించిన సమాచారం, వార్తాపత్రికలలో వచ్చిన సమాచారం పైన అనేక సందేహాలను లేవనెత్తుతుంది. దాడి చేసింది మావోయిస్టులు కాదనీ సిఆర్పిఎఫ్ సిబ్బంది అనీ గ్రామస్తులు చెప్పారు. కొంతమంది గ్రామస్తులు తమ గుడిసెల పైకప్పులను బాగుచేసుకుంటున్నప్పుడు ఈ దాడి జరిగింది.
చిరియాబెడాలోని బోంజ్ సురిన్ గుడిసెలో 2020 జూన్ 15 న సుమారు 20 మంది వ్యక్తులు పైకప్పు మరమ్మతు పనుల్లో నిమగ్నమై వుండగా మధ్యాహ్నం 12:30 గంటలకు, అడవి నుండి డజనుకు పైగా సిఆర్పిఎఫ్ సిబ్బంది, సాయుధ పోలీసు బలగాలు గ్రామానికి వచ్చి బోంజ్ ఇంటిని చుట్టుముట్టాయి. క్రమంగా ఆ సంఖ్య 150-200కి పెరిగింది.
చిరియాబెడా (అంజెడ్‌బెడా) గ్రామంలో ఎక్కువ మంది ప్రజలు ʹహోʹ సముదాయానికి చెందినవారు. వీరు షెడ్యూల్డ్ తెగకు చెందినవారు, ʹహోʹ భాషలో మాట్లాడుతారు. సిఆర్పిఎఫ్ సిబ్బంది గ్రామస్తులను హిందీలో మాట్లాడమని ఒత్తిడి చేసి, వారు హిందీ మాట్లాడలేమని చెప్పినప్పుడు, కొట్టడం ప్రారంభించారు. అతి క్రూరంగా కొట్టడంతో తీవ్ర గాయాలపాలయ్యారు.
సిఆర్పిఎఫ్ జవాన్లు పైకప్పుపై పనిచేస్తున్న గ్రామస్తులకు కిందకి దిగమన్నారు. చాలా మంది గ్రామస్తులకు హిందీ అర్థం కాదు, మాట్లాడటం లేరు కాబట్టి, ఏమి చెప్తున్నారో అర్థం కాలేదు. కానీ జవాన్ల అరుపులు, హావభావాలతో తమను పిలుస్తున్నట్లుగా అర్థం చేసుకున్నారు. జవాన్లు హిందీలో నక్సలైట్ల ఆచూకీ ఏమైనా తెలుసా అని అడిగారు. పదాలను కొంత వరకు అర్థం చేసుకున్నవారు తమ భాషలో నక్సలైట్ల సమాహారం తమకు ఏమీ తెలియదని సమాధానం ఇచ్చారు.
గ్రామస్తులు హిందీలో సమాధానం చెప్పకపోవడంతో, సిఆర్పిఎఫ్ జవాన్లు కోపంతో రెచ్చిపోయి తిట్టడం మొదలుపెట్టి అంతటితో తృప్తిపడక కొట్టడం ప్రారంభించారు. 20 మందిని ఒక్కొక్కరిని చేసి దారుణంగా కొట్టారు. సిఆర్పిఎఫ్ సిబ్బంది గ్రామస్తులను లాఠీలతో, రైఫిల్ బట్‌లతో కొట్టారు. బూట్లతో తన్నారు. జవాన్లు కొడుతున్నప్పుడు బాధతో అరిచిన అరుపులు ఆ ప్రాంతమంతా మారుమోగాయని పలువురు బాధితులు, గ్రామస్తులు నిజనిర్థారణ కమిటీ బృందానికి చెప్పారు.
ఒక బాధితుడు రామ్ సురిన్ ఇంట్లో సామాన్లనున సిఆర్పిఎఫ్ ధ్వంసం చేసింది. ఇంట్లో వున్న పెట్టెలు పగులగొట్టారు, సంచులు చింపేశారు. ఇంట్లో ఉంచిన రేషన్, వరి, బియ్యం, పప్పుధాన్యాలు, బఠానీలు అన్నింటినీ ఇల్లంతా వెదజల్లి నాశనం చేశారు. పెట్టెల్లో ఉంచిన పత్రాలు, ఖటౌని (భూమి పత్రాలు), సరుకుల రశీదులు, కుటుంబ సభ్యుల ఆధార్ కార్డులను కాల్చేశారు. ఈ కుటుంబం ఇటీవల గేదె, మేకలను అమ్మి దాచుకున్న 35,000 రూపాయలు ఈ దాడిలో మాయమైపోయాయి. సిఆర్పిఎఫ్ ఈ ఇంటి నుంచి లేదా బాధితుల యిళ్ల నుంచి మావోయిస్టులకు సంబంధించిన ఏ పత్రాలు దొరకలేదు. ఎలాంటి పత్రాలను తీసుకెళ్ళలేదు కూడా.
సిఆర్పిఎఫ్ వారు తమను కొట్టినట్లు బాధితులు పోలీసులకు స్పష్టంగా చెప్పినప్పటికీ, పోలీసులు దాఖలు చేసిన ఎఫ్‌ఐఆర్ (నం. 20/2020 తేదీ 17 జూన్ 2020, గోయిల్‌కెరా పోలీస్ స్టేషన్) లో ఏమీ రాయలేదు. సిఆర్పిఎఫ్ చేసిన హింసాత్మక చర్యను పట్టించుకోలేదు.. సిఆర్పిఎఫ్ గురించి ఒక్కసారి కూడా ప్రస్తావించకుండా, బాధితులను అజ్ఞాత నేరస్తులు కొట్టారని ఎఫ్‌ఐఆర్‌లో రాసారు. సిఆర్‌పిఎఫ్‌పై ఎఫ్‌ఐఆర్ నమోదు చేయవద్దని, హింసలో వారి పాత్ర గురించి ప్రస్తావించవద్దని పోలీసులు ఆసుపత్రిలో బాధితులపై ఒత్తిడి తీసుకువచ్చారు.
ఈ ఘటన, పోలీసుల తీవ్ర అభ్యంతరకరమైన ప్రతిస్పందన, జార్ఖండ్‌లో సిఆర్పిఎఫ్, పోలీసులు చేస్తున్న ఆదివాసీల హక్కుల ఉల్లంఘనను మరోసారి బహిర్గతం చేసింది. ఈ విషయంలో తగిన చర్యలు తీసుకోవాలని ముఖ్యమంత్రి స్పష్టమైన సూచనలు (ట్విట్టర్ ద్వారా) ఇచ్చినప్పటికీ స్థానిక పోలీసులు దర్యాప్తును తప్పు దిశలో నడిపించేట్లు ఎఫ్‌ఐఆర్ నమోదు చేశారని, హింసకు కారణమైన సిఆర్పిఎఫ్ సిబ్బంది నిర్దోషులుగా తప్పించుకు పోతారని ప్రజలు ఆందోళన చెందుతున్నారు.
ఈ సంఘటనకు సంబంధించి నిజ నిర్థారణ కమిటీ బృందం వెస్ట్ సింగ్భూమ్ డిప్యూటీ కమిషనర్, పోలీసు సూపరింటెండెంట్‌లను కలిసింది. కొంతమంది సిఆర్పిఎఫ్ సిబ్బంది బాధితులను కొట్టారని పోలీసు సూపరింటెండెంట్ అంగీకరించారు, కాని వారు సిఆర్పిఎఫ్ ప్రవర్తనను "సరిగా వ్యవహరించలేదనీ (మిస్‌హ్యాండ్లింగ్)" అని "తమ వృత్తికి తగినట్లుగా లేదనీ (అన్ ప్రొఫెషనల్)" అని పదేపదే అన్నారు. హింసలో సిఆర్పిఎఫ్ పాత్రపై ఎటువంటి సందేహం లేదని డిప్యూటీ కమిషనర్ స్పష్టంగా పేర్కొన్నారు. ఎఫ్‌ఐఆర్‌ను సరిదిద్దుతామని, బాధితుల వాంగ్మూలాలు మళ్లీ నమోదు చేస్తామని ఇద్దరూ హామీ ఇచ్చారు. ఈ కేసులో బాధితులకు న్యాయం జరుగుతుందని డిప్యూటీ కమిషనర్ తెలిపారు.
జార్ఖండ్ జనాధికర్ మహాసభ డిమాండ్లు:
• పోలీసులు నమోదు చేసిన ఎఫ్‌ఐఆర్ (20/2020 డిటిడి 17 జూన్ 2020, గోయిల్‌కెరా పోలీస్ స్టేషన్) లో వెంటనే సిఆర్పిఎఫ్ సిబ్బందిని దోషులుగా నమోదు చేయాలి! బాధితుల సాక్ష్యాలను ఎటువంటి మార్పు లేకుండా సరిగ్గా నమోదు చేయాలి, తప్పుడు వాంగ్మూలాలను నమోదు చేసినందుకు స్థానిక పోలీసులపై కూడా దర్యాఫ్తు జరపాలి. నివేదికలో సూచించిన ఐపిసి, ఎస్సీ-ఎస్టీ చట్టానికి సంబంధించిన సెక్షన్లను ఎఫ్‌ఐఆర్‌లో చేర్చాలి. హింసకు కారణమైన సిఆర్పిఎఫ్ సిబ్బందిని వెంటనే అరెస్టు చేయాలి!
• ప్రభుత్వం న్యాయ విచారణ చేపట్టాలి, నియమిత కాలంలో దర్యాప్తు పూర్తిచేసి నివేదికను బహిరంగపరచాలి. ఈ హింసకు కారణమైన ప్రభుత్వ, పోలీసు, సిఆర్పిఎఫ్ సిబ్బందిపై కఠిన క్రమశిక్షణా చర్యలు తీసుకోవాలి.
• బాధితులందరికీ జరిగిన శారీరక హింస, మానసిక వేధింపులు, ఆస్తి నష్టం కోసం తగిన పరిహారం చెల్లించాలి.
• చిరియాబేడ గ్రామంలో ప్రజల అటవీ హక్కులకు సంబంధించి పరిష్కరించని దరఖాస్తులను వెంటనే ఆమోదించాలి. అన్ని ప్రాథమిక సౌకర్యాలు (విద్య, తాగునీరు మొదలైనవి) అన్ని కుటుంబాల ప్రాథమిక హక్కులు (రేషన్, పెన్షన్, మన్‌రేగా ఉపాధి, అంగన్‌వాడీ సేవలు మొదలైనవి) గ్రామంలో ఉండేలా చూడాలి.
• ప్రజలను, ముఖ్యంగా ఆదివాసీలను ఏ విధంగానూ దోపిడీ చేయవద్దని స్థానిక ప్రభుత్వ సిబ్బందికి, భద్రతా దళాలకు స్పష్టమైన సూచనలు ఇవ్వాలి. మానవ హక్కుల ఉల్లంఘన సంఘటనలన్నింటినీ సత్వరం పరిష్కరించాలి. నక్సల్ వ్యతిరేక కార్యకలాపాల ముసుగులో భద్రతా దళాలు ప్రజలను ఇబ్బంది పెట్టకూడదు.స్థానిక ప్రభుత్వ సిబ్బందికి, భద్రతా దళాలకు ఆదివాసీ భాష, సంస్కృతి, వారి జీవన విధానానికి సంబంధించి శిక్షణ ఇవ్వాలి, సున్నితంగా వ్యవహరించేలా చూడాలి.
Keywords : jharkhand, adivasi, crpf, maoists, jharkhand janadhikar mahasabha
(2024-04-24 23:58:11)
No. of visitors : 1346
Suggested Posts
| వేటకు వెళ్లిన ఆదివాసీ యువకులపై భద్రతా దళాలు కాల్పులు - ఒకరి మరణం, మరొకరికి తీవ్ర గాయాలు జార్ఖండ్, లతేహర్ జిల్లాలోని గారు పోలీస్ స్టేషన్ పరిధిలోని కుకూ-పిరీ అడవిలో వేట కోసం వెళ్ళిన ఆదివాసీ యువకుల పై భద్రతా దళాలు జరిపిన కాల్పుల్లో పిరి నివాసి 23 ఏళ్ల బ్రహ్మదేవ్ సింగ్ బుల్లెట్లు తగిలి అక్కడికక్కడే మరణించాడు, అదే గ్రామానికి చెందిన దీనానాథ్ సింగ్ గాయపడ్డాడు. |
| ʹమావోయిస్టు నాయకులను జైల్లో చిత్రహింసలకు గురిచేస్తున్నారుʹసీనియర్ మావోయిస్టు నాయకులు ప్రశాంత్ బోస్ @ కిష‌న్ దా, అతని సహచరి షీలా మరాండీలమి జైల్లో చిత్రహింసలకు గురిచేస్తున్నారని మావోయిస్టు పార్టీ ఆరోపించింది. |
| మావోయిస్టు పార్టీ కేంద్రకమిటీ స్టాఫ్ సభ్యుడు రవి అమరత్వం -మావోయిస్టు పార్టీ ప్రకటన
భారత కమ్యూనిస్టు పార్టీ (మావోయిస్టు) కేంద్రకమిటీ స్టాఫ్ సభ్యుడు (డివిజనల్ కమిటీ స్థాయి) మన ప్రియతమ కామ్రేడ్ రవి (జైలాల్) అమరత్వ వార్తను అనివార్య పరిస్థితులలో దాదాపు సంవత్సరంన్నర కాలం ఆలస్యంగా తెలియజేస్తున్నందుకు తీవ్రంగా చింతిస్తున్నాం. |
| అవును నేను మావోయిస్టునే..!అభయ్ జాక్సన్ ఛత్తీస్ ఘడ్ రాష్ట్రానికి చెందిన ఓ ఆదివాసీ మేధావి. మారుమూల అటవీ గ్రామాన్నుండీ అతికష్టం మీద చదువుకొని ఢిల్లీ జె ఎన్ యు లో సోషల్ సైన్స్ మాస్టర్ డిగ్రీ చేసిన మేధావి.రాజ్యాంగం కల్పించిన రిజర్వేషన్లు ప్రకారం అతనికి మంచి ఉద్యోగం, హోదా , సుఖవంతమైన జీవితం దొరికుండేవి. |
| Condemn arrest of Damodar Turi by Jharkhand Police - PPSCPersecuted Prisonersʹ Solidarity Committee (PPSC) condemns the continued repression on activists and groups associated with peopleʹs struggles in Jharkhand by the police and administration. Damodar Turi, a member of the Central Committee of Visthapan Virodhi Jan Vikas Andolan (VVIVA), was arrested in the evening on 15" February 2018 from Ranchi. |
| Bajrang Dal activists killed my husband: Widow of man lynched in JharkhandThe wife of the man who was lynched in Jharkhandʹs Ramgarh district on suspicion of carrying beef has alleged that the mob that beat her husband to death mostly included Bajrang Dal activists. ʹThey were rogues owing allegiance to the Bajrang Dal,ʹ Mariam Khatoon told.... |
| Jharkhand: Tribals hold police, district officials hostage in late-night dramaThousands of tribals armed with traditional weapons held several senior police and administrative officers hostage at Kanki Siladon, a tribal hamlet in Khunti district, through Thursday night..... |
| Former Jharkhand CM Hemant Soren calls police encounter with Maoist ʹfakeʹ, demands probeThe opposition parties have termed the encounter between police and Maoist guerrillas in Giridih earlier in June as "fake" and demanded a judicial probe. The encounter had claimed one life..... |
| ప్రభుత్వ హత్య : ఆధార్ కార్డు లేక రేషన్ కార్డు రద్దు... చిన్నారి ఆకలి చావుజార్ఖండ్లోని సిమ్దేగా జిల్లా కరీమతి గ్రామానికి చెందిన 11 ఏళ్ల సంతోషి కుమారి తండ్రి మతిస్థిమితం కోల్పోవడంతో, తల్లి కొయిలీ దేవీనే పిల్లల్ని సాకుతోంది. ఆమెకు సంతోషితోపాటు మరో పాప కూడా ఉంది. దుర్భర పేదరికంలో జీవిస్తోన్న వారి కుటుంబానికి పౌరసరఫరాల శాఖ నుంచి అందే రేషన్ సరుకులే దిక్కు.... |
| ఆ ఆదివాసీ యువకుడిది ఎన్ కౌంటర్ కాదు హత్యే, సీఆర్పీఎఫ్ అధికారే దోషి - 9 ఏండ్ల తర్వాత తేల్చిన సీఐడి గ్రామానికి చేరుకున్న వెంటనే సిఆర్పిఎఫ్ జవాన్లు 20-22 మంది గ్రామస్తులను పట్టుకుని అందరి చేతులను వెనక్కు విరిచికట్టేసి, తమ వెంట తీసుకెళ్లి ఆ రాత్రి వారందరినీ వూరి బయట మైదానంలో వుంచి మర్నాడు జూన్ 29న తమ సామాన్లను బహదా అడవికి మోయించుకెళ్లారు. అక్కడ నుండి యింకా ముందుకు సామాను తీసుకెళ్లడానికి నిరాకరించడంతో మంగల్ హోన్‌హాగ్‌ను కాల్చి చంపారు. |