30 మందిపై అక్రమ కేసులు బనాయించిన జగన్ సర్కార్ -ఇద్దరు మహిళా కార్యకర్తల అరెస్టు


30 మందిపై అక్రమ కేసులు బనాయించిన జగన్ సర్కార్ -ఇద్దరు మహిళా కార్యకర్తల అరెస్టు

30

ఆంధ్రప్రదేశ్ లో జగన్ సర్కార్ ప్రజలపై, ప్రజాసంఘాల కార్యకర్తలపై అక్రమకేసులు బనాయిస్తున్నది, అక్రమ అరెస్టులకు పాల్పడుతున్నది. ఈ నెల 23న విశాఖ ఏజెన్సీలోని ముంచింగిపుట్టు పోలీస్ స్టేషన్లో 24వ తేదీన‌ గుంటూరు జిల్లా పిడుగురాళ్ల పోలీసు స్టేషన్లో దాదాపు 30 మంది ప్రజాసంఘాల కార్యకర్తలపై అక్రమ కేసులు నమోదు చేశారు.

ఈ రోజు(27 నవంబర్) ఉదయం 6.30 కి గుంటూరు జిల్లా గణపవరంలో బంధుమిత్రుల సంఘం రాష్ట్ర అధ్యక్షురాలు అంజమ్మను, 8:45 గంటలకు గుంటూరు జిల్లా, మంగళగిరిలో చైతన్య మహిళా సంఘం రాష్ట్ర కార్య వర్గ సభ్యురాలు CMS రాజేశ్వరిని అక్రమంగా అరెస్టు చేశారు.

ఇది ప్రజల కోసం ఎవ్వరూ నోరు ఎత్త కుండా చేసే ప్రయత్నమే అని ప్రజాసంఘాలు ఆరోపించాయి. ʹʹఇట్లా ప్రజాసంఘాల నాయకులు, సభ్యులందరి మీద కేసులు పెట్టే పద్ధతి గత ఏడాది తెలంగాణ ప్రభుత్వం ఆరంభించింది. తెలంగాణలో కూడా సరిగ్గా ఇలాంటి తప్పుడు అభియోగాలే చేశారు. ఇప్పుడు ఆ పని ఆంధ్రప్రదేశ్ పోలీసులు చేస్తున్నారు. దేశ వ్యాప్తంగా కేంద్ర ప్రభుత్వ ఆదేశాలతో నడుస్తున్న నిర్బంధంలో భాగమే ఈ అక్రమ కేసులు. ప్రజాస్వామిక, ప్రగతిశీల శక్తుల మీద చేస్తున్న దాడిలో భాగమే ఇదంతాʹʹ అని పౌరహక్కుల సంఘం, విప్లవ రచయితల సంఘం, అమరుల బంధు మిత్రుల సంఘం, చైతన్య మహిళా సంఘం మండి పడ్డాయి.

పూర్తి వివరాలతో కూడిన ప్రకటనను విప్లవ రచయితల సంఘం మీడియాకు విడుదల చేసింది. ఆ ప్రకటన పూర్తి పాఠం....

ఆంధ్రప్రదేశ్ ప్రజాసంఘాలపై నిర్బంధం
రెండు రోజుల్లో రెండు కేసులు
ఆంధ్రప్రదేశ్ లో వివిధ ప్రజా జీవన రంగాల్లో పని చేస్తున్న సంస్థల కార్యకర్తలపై పోలీసులు కుట్రపూరితంగా రెండు కేసులు బనాయించారు. 30 మంది మీద ఉపాతోపాటు అనేక సెక్షన్ల కేసులు నమోదు చేశారు.
ఈ కేసుల్లో ఒకటి ఈ నెల 23న విశాఖ ఏజెన్సీలోని ముంచింగిపుట్టు పోలీస్ స్టేషన్లో నమోదు చేశారు. రెండోది 24వ తేదీ గుంటూరు జిల్లా పిడుగురాళ్ల పోలీసు స్టేషన్లో నమోదు చేశారు. ఈ రెండింట్లో ఇతరులతోపాటు ప్రజాసంఘాల బాధ్యులు, సభ్యులను నిందితులుగా చేర్చారు.
పెదబయలుకు చెందిన టీవీ 19 రిపోర్టర్ పాంగి నాగన్నను ఈ నెల 23న అరెస్టు చేశారు. అతను ఇచ్చిన సమాచారం ప్రకారం ప్రజా సంఘాల కార్యకర్తలకు మావోయిస్టులతో సంబంధాలు ఉన్నాయనే అభియోగాలు మోపుతూ కేసు పెట్టారు. అలాగే నవంబర్ 24న గుంటూరు జిల్లా పిడుగురాళ్లలో కంభంపాటి చైతన్య అనే యువకుడ్ని అరెస్టు చేశారు. అతని తండ్రితోపాటు ప్రజాసంఘాల సభ్యుల మీద కూడా కేసు పెట్టారు.
ఈ రెండు కేసులలో 1. చిలుకా చంద్రశేఖర్ (సీఎల్ సీ) 2. చిట్టిబాబు (సీఎల్ సీ) 3. దుడ్డు ప్రభాకర్(కెఎన్‌పీఎస్) 4. కోట(పీకేఎం) 5. వై. వెంకటేశ్వరులు (పీడీఎం) 6. పాణి(విరసం)7. వరలక్ష్మి(విరసం) 8. అంజమ్మ 9. పద్మకుమారి 10. వై. వి బాలకృష్ణ 11. కె. శివచలం 12. కొండపర్తి పద్మ 13. పొట్లూరి క్రాంతి 14. వాసిరెడ్డి కృష్ణ 15. శ్రీరాంమూర్తి(సీఎల్ సీ)16. జోగి కోదండం 17. అరుణ 18. పీకేఎం నీలకంఠు 19. కొండారెడ్డి 20. అన్నపూర్ణ 21. రేలా రాజేశ్వరి 22. స్వప్న 23. దేవేంద్ర 24. లక్ష్మి ప్రసన్న 25. పీకేఎం విజయ్ 26. పికెఎస్ ఆంజనేయులు 27. మిస్కా కృష్ణయ్య 28 . దుడ్డు వెంకట్రావ్ 29 . పికేఎం శ్రీను 30. ఆత్మకూరు అన్నపూర్ణ ఉన్నారు.
వీరి మీద ముంచింగిపుట్టు స్టేషన్లో ఐపీసీ సెక్షన్ 120 (ఎ), 121, 121 j), 143, 144, 124 (4) r/w విత్ 149, . ఊపా సెక్షన్ 10, 13, 18 . ఆర్మ్స్ యాక్ట్ 25 సెక్షనల కింద కేసు నమోదు చేశారు. పిడుగురాళ్ల స్టేషన్లో ఐపీసీ సెక్షన్ 120 (ఎ), 121, 121 (1), 122, 124 (1), 143, 144, 149 , ఊపా సెక్షన్ 16, 17, 18, 18 (1), 18 (ఎ), 20, 21, 38, 39, 40 ల కింద కేసు నమోదు చేశారు.
వీరంతా గత 20 ఏళ్లకు పైగా తెలుగు నేల మీద వివిధ రంగాలలో బహిరంగంగా పనిచేస్తున్నారు. పాలకుల విధానాల వల్ల, వ్యవస్థ వల్ల దుర్భరంగా మారిన ప్రజా జీవితంలో మార్పు కోసం ప్రగతిశీల దృక్పథంతో పని చేస్తున్నారు. తమ విశ్వాసాలను బహిరంగంగా ప్రకటించుకొని పని చేస్తున్నారు. కానీ వీరంతా మావోయిస్టు పార్టీ నాయకుడు అక్కిరాజు హరగోపాల్ అలియాస్ రామకృష్ణ ఆదేశాలకు అనుగుణంగా పనిచేస్తున్నారని వీరి పోలీసులు ఆరోపించారు. ఒక అబద్ద ఆరోపణ చేసి, దాని మీద ఆధారపడి ఈ కేసు నమోదు చేశారు.
వాస్తవానికి ఈ సంఘాలన్నీ తమ అవగాహన మేరకు ప్రజాస్వామిక విలువల కోసం పని చేస్తున్నాయి. రాష్ట్రంలో బూటకపు ఎన్ కౌంటర్ హత్యలు, మావోయిస్టుల అణచివేత పేరుతో ఆదివాసుల మీద దాడులు, బాక్సైట్ వ్యతిరేక ఆదివాసీ పోరాటాలను అణచివేయడానికి కూంబింగ్ తరహా హింసాత్మక చర్యలను వ్యతిరేకిస్తూ పని చేస్తున్నారు. స్త్రీల మీద పితృస్వామ్య హింస, అగ్రకుల ఆధిపత్య దాడులు, ముస్లింలపై హిందుత్వ శక్తుల హింసోన్మాదం, అభివృద్ధి పేరుతో విధ్వంసం, నిర్వాసితత్వం, అప్రజాస్వామిక చట్టాల కింద అక్రమ అరెస్టులు మొదలైన ఎన్నో ప్రజాస్వామిక సమస్యలపై పోరాడుతున్నారు. ఈ సమస్యలపై నిజనిర్ధారణలు, సభలు సమావేశాలు, పత్రికా ప్రకటనలు, ఆందోళనలు, రచన, పత్రికా నిర్వహణ వంటి రూపాల్లో పని చేస్తున్నారు.
దీన్ని సహించలేని వైఎస్ జగన్‌మోహన్‌ రెడ్డి ప్రభుత్వం ఈ అక్రమ కేసులను పెట్టింది. ఈ కేసుల వల్ల ప్రజల కోసం పనిచేయకుండా ప్రజా సంలను అడ్డుకోగలమని అనుకోవడం పిచ్చి ఊహే. దేనికంటే ఇలాంటి కేసులు ప్రజా సంఘాలకు ఇదే మొదలు కాదు. ఇట్లా ప్రజాసంఘాల నాయకులు, సభ్యులందరి మీద కేసులు పెట్టే పద్ధతి గత ఏడాది తెలంగాణ ప్రభుత్వం ఆరంభించింది. అక్కడా సరిగ్గా ఇలాంటి తప్పుడు అభియోగాలే చేశారు. ఇప్పుడు ఆ పని ఆంధ్రప్రదేశ్ పోలీసులు చేస్తున్నారు. దేశ వ్యాప్తంగా కేంద్ర ప్రభుత్వ ఆదేశాలతో నడుస్తున్న నిర్బంధంలో భాగమే ఈ అక్రమ కేసులు. అజిత్ దోవల్, విజయ్ కుమార్ ప్రజాస్వామిక, ప్రగతిశీల శక్తుల మీద చేస్తున్న దాడిలో భాగమే ఇదంతా. దీన్ని విరసం ఖండిస్తోంది.

అరసవిల్లి కృష్ణ
అధ్యక్షుడు, విరసం

Keywords : andhrapradesh, ABMS, CMS, VIRASAM, CLC, POLICE, Arrests, anjamma, rajeshvari
(2021-01-24 08:01:16)



No. of visitors : 246

Suggested Posts


మహాశ్వేతా దేవి - మన తెలంగాణ సాగర హారంః వరవర రావు

మన మహా సాగరహారం ʹచలో హైదరాబాద్ అంటూ తెలంగాణ మార్చ్ చేసిన సెప్టెంబర్ 30, 2012 మహత్తర మధ్యాహ్నం మహాశ్వేతాదేవి కూడా మన ఊర్లో ఉన్నారు. ఆ రోజు ఆమెను మన మధ్యకు తెచ్చుకొని ఉంటే....

ఆదివాసి.. లంబాడా వివాదం ‍- ఎం.రత్నమాల

మహారాష్ట్ర ప్రభుత్వం లంబాడాలను ఆదివాసి తెగగా గుర్తించడం లేదు కనుక ఆంధ్రప్రదేశ్‌ ప్రభుత్వం లంబాడాలను ఆదివాసి షెడ్యూల్డు తెగగా ప్రకటించడంతో దీన్ని అవకాశంగా తీసుకుని మహారాష్ట్ర నుంచి ఆదిలాబాద్‌ (పాత) జిల్లాకు లంబాడాల వలసలు పెద్ద ఎత్తున వెల్లువలా సాగాయి.....

సెప్టెంబర్ 17 - ఇండియన్ యూనియన్ సైనిక దురాక్రమణ దినం - వరవరరావు

1947 ఆగస్ట్ 15న విలీనానికి అంగీకరించకుండా షరతులు విధిస్తూ వచ్చిన నిజాంను నెహ్రూ - పటేల్ ప్రభుత్వం సగౌరవంగా, సాదరంగా చర్చలకు ఆహ్వానించింది. అప్పటికే నిజాంను వ్యతిరేకిస్తూ వీరోచిత పోరాటం నడుపుతున్న కమ్యూనిస్టులను మాత్రమే కాదు, కనీసం కాంగ్రెస్ ను కూడా ఈ చర్చల్లో భాగం చేయలేదు....

ఎస్సీ రిజర్వేషన్ వర్గీకరణ పోరాటానికి విరసం మద్దతు

అట్టడుగున ఉన్న మనిషికి ఫలితాలు అందినప్పుడే సామాజిక న్యాయం జరిగినట్టు లెక్క. మాదిగ, డక్కలి, చిందు, మాష్టి, బుడగజంగం, దాసరి, బేగరి కులాలకు ఈ నాటికీ ఎస్సీ రిజర్వేషన్ ఫలాలు అందడం లేదు....

అమరుడు బొజ్జా తారకం — ʹనది పుట్టిన గొంతుకʹ - వరవరరావు

గోదావరి తెలంగాణలో ప్రవేశించిన నిజామాబాద్ కు 1968లో వచ్చిన తారకం గారు ఇక్కడి మట్టిలోని ఎరుపులోనూ, ఇక్కడి నీళ్లలోని ప్రవాహ గుణంలోనూ కలగలిసిపోయారు. 1968 నుంచి 78 దాకా ఒక దశాబ్దం పాటు విప్లవోద్యమాలకు, విప్లవ సాహిత్యానికి నిజామాబాద్ చిరునామా బొజ్ఞాతారకం....

ʹఅన్నలు మల్లొస్తరు బిడ్డా.. ఆల్లొస్తే వాళ్ళకు గిన్ని మంచి నీల్లో, తిండో పెట్టాలనే బతుకుతాన్నʹ

అందుకే అంత నిర్బంధంల కూడా నా కొడుకు అంత్యక్రియలకు వచ్చిన జనాలకు మా ఖిలా వరంగల్ సరిపోలె. ఎక్కడోల్లను అక్కడ అరెస్ట్ చేసినా వచ్చిండ్రు. ఎవరో నక్సలైట్ అట, చిన్న పిల్లగాడేనట, బలే తెలివికల్లోడట అని అనుకుంట జనాలు వచ్చిండ్రు. పద్దెనిమిది నిండి పందొమ్మిది పడగానే చంపేసిండ్రు.

ʹఅరుణోదయʹ పై పోలీసుల దాడిని ఖండించిన విరసం

తెలంగాణ ఉద్యమంలో ఆట పాటతో ఆరుణోదయ కళాకారులు గ్రామ గ్రామాన తిరిగి ప్రజల్లో ప్రత్యేక తెలంగాణ ఉద్యమ స్ఫూర్తిని రగిలించారు. తెలంగాణ రాష్ట్ర ఏర్పాటుకు తమ వంతు కృషి చేశారు. ఆ సంస్థ కార్యాలయాన్ని దౌర్జన్యంగా మూసేయడం అత్యంత నిరంకుశమైన......

ఉత్తేజకరంగా సాగిన విరసం సాహిత్యపాఠశాల‌

అంతకుముందు అంతర్జాతీయ శ్రామికవర్గ పతాకావిష్కరణతో కార్యక్రమాలను ప్రారం భించారు. అమరుడు పులి అంజన్న తల్లి సైదమ్మ ఎర్ర జెండాను, సీనియర్ విరసం సభ్యురాలు రత్నమాల విప్లవ రచయితల సంఘం జెండాను ఎగురవేశారు. ఈ సందర్భంగా అమరుడు శేషయ్య సోదరుడు సాంబయ్య, అమరుడు వివేక్ తండ్రి యోగానంద్ అమరుల స్థూపాన్ని ఆవిష్క రించారు.

ఆ నిండైన సాహిత్య సామాజిక జీవితం రచయితలందరికీ ఆదర్శం - విరసం

ʹరచయితలందరూ తమ తరానికి జవాబుదారులు; తమకు తాము జవాబు చెప్పుకోవాల్సిన వాళ్ళు... అంతస్సాక్షి ఉన్న రచయిత పీడిత ప్రజల పక్షాన దృఢంగా నిలవాలి. అలా కాకపోతే ఆ రచయితల్ని నిర్దోషులుగా నిర్ణయించే ప్రశ్నే లేదు.ʹ....

ʹఆయన జైల్లోనే చనిపోతారేమోʹ

90 శాతం అంగవైకల్యం కలిగిన సాయిబాబాను అన్యాయంగా జైల్లో పెట్టారని.. ఆయనేమైనా యుద్ద ఖైదీనా..? ప్రభుత్వ అనాలోచిత చర్యతో యుద్ధఖైదీ మాదిరి ఆయన జైల్లోనే తుది శ్వాస విడిచే పరిస్ధితి వచ్చిందని ...

Search Engine

వ్యవ‌స్థ దుర్మార్గానికి బలైన విచారణ ఖైదీ కామ్రేడ్ కంచన్ నానావరె
ఢిల్లీలో రిపబ్లిక్ డే కిసాన్ పెరేడ్ కు అనుమతి -100 కిలోమీటర్లు ట్రాక్టర్ల ర్యాలీ
అదానీపై క‌థ‌నానికి అరెస్టు వారెంట్‌ !
వ్యవసాయ చట్టాలపై ప్రచారం చేస్తున్న రైతుల అరెస్ట్
ఈ 60 గ్రామాల్లో బీజేపీపై నిషేధం - ఆ పార్టీ నాయకులెవ్వరూ రావొద్దని తీర్మానం
అవును, మా గెలుపుకు MIM సహకరిస్తోంది - బీజేపీ ఎంపీ సంచలన వ్యాఖ్యలు
ʹమాన్ʹ లాగే మిగతా ముగ్గురు కూడా కమిటీనుండి బైటికి రావాలని రైతుల పిలుపు
వ్యవసాయ చట్టాలపై ʹసుప్రీంʹ నియమించిన కమిటీ నుండి ఒకరు ఔట్
సంజీవ్ పాటతో మళ్ళీ మన ముందుకొస్తున్న జననాట్యమండలి
పౌరహక్కుల సంఘం పాదయాత్రను ప్రభుత్వం ఎందుకు భగ్నం చేసింది ?
సుప్రీం కమిటీని తిరస్కరిస్తున్నాం - పోరాటం ఆపబోం
తెలంగాణలో రైతులకు మద్దతు పలకడం నేరమా ?
యూపీలో మరో ఘోరం... తలకు తుపాకీ పెట్టి 19 ఏళ్ళ అమ్మాయిపై అత్యాచారం... ఆపై ‍బిల్డింగుపై నుండి కిందికి తోసేసిన దుర్మార్గుడు.
రైతు చట్టాల రద్దుకై పౌరహక్కుల సంఘం పాద యాత్ర‌
ఆమె బైటికి వెళ్ళకుండా ఉంటే రేప్ జరిగేది కాదు - మహిళా కమిషన్ సభ్యురాలి దుర్మార్గపు వ్యాఖ్య‌లు
ఎముకలు విరిచారు...రాడ్లను దూర్చారు..గుడికి వెళ్ళిన మహిళపై పూజారి, అతని అనుచరుల గ్యాంగ్ రేప్
ఏపీలో కొనసాగుతున్న అక్రమ అరెస్టులు - దుడ్డు ప్రభాకర్ అరెస్ట్
మహిళా శక్తి ఇప్పుడు యుద్ధభూమిలో చేరింది, మమ్మల్ని తేలికగా తీసుకోకండి - మహిళా రైతుల హెచ్చరిక
రైతాంగ పోరాటానికి మావోయిస్టు పార్టీ మద్దతు - విప్లవ ప్రభుత్వాన్నినిర్మించుకోవాలని రైతులకు పిలుపు
రిపబ్లిక్ డేనాడు ఢిల్లీలోకి ట్రాక్టర్ ర్యాలీ - ఉద్యమం మరింత ఉదృతం చేస్తామన్న రైతు సంఘాలు
రైతులకు మద్దతుగా సింగు సరిహద్దులకు చేరుకున్న ఏపీ, తెలంగాణ‌ స్ట్రీట్ వెండర్స్
హర్యాణా, రాజస్తాన్ బార్డర్ లో రైతులపై వాటర్ కెనాన్లు, టియర్ గ్యాస్ ప్రయోగించిన పోలీసులు
రైతుల ఆందోళనల ఎఫెక్ట్.. హరియాణా మున్సిపల్ ఎన్నికల్లో బీజేపీ కూటమికి షాక్
విశాఖ జైల్లో 50 మంది మహిళా రాజకీయ ఖైదీల నిరశన దీక్ష‌
అగ్రి చట్టాలకు వ్యతిరేకంగా కేరళ అసెంబ్లీ ఏకగ్రీవ తీర్మానం... కొద్ది సేపట్లోనే బీజేపీ ఎమ్మెల్యే యూ టర్న్
more..


30