తుపాకులతో... బాక్సైట్ తవ్వకాలు - భగ్గుమంటున్న మన్యం


తుపాకులతో... బాక్సైట్ తవ్వకాలు - భగ్గుమంటున్న మన్యం

తుపాకులతో...

పచ్చని అడవి బతుకులను బూడిద చేయడానికి ప్రభుత్వం నడుం భిగించింది. మన్యం ఆదివాసులంతా తమ జీవితాలను బుగ్గి చేయొద్దని వేడుకుంటున్నా, మావోయిస్టు పార్టీతో సహా అన్ని పార్టీలు, ప్రజా సంఘాలు వ్యతిరేకిస్తున్నా.... చివరకు అధికార తెలుగుదేశం నాయకులు కూడా ఒద్దని చెబుతున్నా.... తెలుగుదేశం ప్రభుత్వం బాక్సైట్ తవ్వకాలకు గ్రీన్ సిగ్నల్ ఇచ్చింది. 1212 హెక్టార్ల భూమిలో 222.84 మిలియన్ టన్నుల బాక్సైట్ తవ్వకం కోసం జీవో నెంబర్ 97 ను విడుదల చేసింది. ఎవ్వరు వ్యతిరేకించినా ఎన్ని పోరాటాలు జరిగినా పోలీసుల సహాయంతో తవ్వకాలు జరపాలని ప్రభుత్వం నిర్ణయించుకుంది. బాక్సైట్ తవ్వకాలకు జిందాల్, ఆన్రాక్ కంపెనీలకు అనుమతినిస్తూ గత కాంగ్రెస్ ప్రభుత్వం నిర్ణయం తీసుకున్నప్పటికీ ఒకవైపు మావోయిస్టు పార్టీ మరో వైపు తెలుగుదేశం, సీపీఐ, సీపీఎం పార్టీలన్నీ ఆందోళనలు నిర్వహించడంతో కాంగ్రెస్ ప్రభ్త్వం అనుమతులు వెనక్కి తీసుకుంటున్నట్టు ప్రకటించింది. అప్పుడు వ్యతిరేకించిన తెలుగుదేశం మాత్రం ఇప్పుడు అనుమతులు మంజూరు చేసింది. ప్రతిపక్షంలో ఉన్నప్పుడు బాక్సైట్ తవ్వకాలను తీవ్రంగా వ్యతిరేకించిన చంద్రబాబు ఇప్పుడు ఈ విధమైన నిర్ణయం తీసుకోవడం పట్ల ఏజెన్సీ ప్రాంత టీడీపీ నేతలకు మింగుడు పడటం లేదు. కొద్ది రోజుల క్రితం బాక్సైట్ తవ్వకాలు జరపవద్దనే డిమాండ్ తో మావోయిస్టులు ముగ్గురు తెలుగుదేశం నాయకులను కిడ్నాప్ చేసిన సమయంలో తనను కలిసిన నేతలతో చంద్రబాబు మాట్లాడిన మాటలకు ఇప్పటి చేతలకు పొంతన లేదని స్థానిక తెలుగుదేశం నేతలు వాపోతున్నారు. ఆదివాసుల అభిప్రాయాలు పరగణలోకి తీసుకోకుండా ఎట్టి పరిస్థితుల్లోనూ తవ్వకాలు జరపబోమని హామీ ఇచ్చిన సంగతిని వారు గుర్తు చేస్తున్నారు. పార్టీకి తమకన్నా కార్పోరేట్ కంపెనీలే ఎక్కువయ్యాయా అని ప్రశ్నిస్తున్నారు.
మరో వైపు ప్రభుత్వం తీసుకున్న నిర్ణయంపై అన్నలు మండి పడుతున్నారు. తమ పోరాటాన్ని మరింత ఉదృతం చేసేందుకు వ్యూహాలు రచిస్తున్నారు. బాక్సైట్ తవ్వకాలవల్ల పర్యావరణం దెబ్బతినడమే కాక ఆ చుట్టూ పదిహేను కిలోమీటర్ల మేర ఉన్న అనేక ఆదివాసుల గ్రామాలు జీవనానికి పనికి రాకుండా పోతాయనే ఆందోళన వ్యక్తమవుతోంది. బాక్సైట్ ధూళి ప్రభావంతో ఆదివాసులు తీవ్రమైన ఆరోగ్య సమస్యలు ఎదుర్కొంటారని నిపుణులు చెబుతున్నారు. ఈ నేపత్యంలో..ఎట్టి పరిస్తితుల్లోనూ బాక్సైట్ తవ్వకాలు జరగనివ్వకూడదని, అందు కోసం ఎంతటి తీవ్రమైన పోరాటానికైనా సిద్దపడాలని మావోయిస్టు పార్టీ భావిస్తోంది. స్థానిక తెలుగు దేశం నాయకులతో సహా అన్ని పార్టీల నేతలు కూడా మావోయిస్టుల బాటలో నడవడానికి సిద్దమవుతున్నట్టు తెలుస్తోంది. ఇప్పటి వరకు సభలు సమావేశాలు వివిధరకాల నిరసన రూపాలతో తమ వ్యతిరేకతను ప్రభుత్వానికి తెలియజేస్తున్న ఆదివాసులు ఇక మిలిటెంట్ పోరాటాలకు సిద్దమయ్యే అవకాశం కనిపిస్తోంది. ప్రభుత్వమేమో బాక్సైట్ తవ్వకాలు సజావుగా జరిగేందుకు ఏ చర్యలకైనా సిదమవుతోంది. అవసరమైతే పోలీసుల సహాయంతో ఉద్యమాలను అణచివేసి, ఆదివాసులను వెళ్ళగొట్టి తవ్వకాలు సాగిస్తామనే ధీమా ప్రభుత్వ పెద్దల్లో కనిపిస్తోంది.

Keywords : bauxite, Maoists, Vishakapatnam, Chandrababu, TDP
(2018-10-14 18:40:05)



No. of visitors : 868

Suggested Posts


ʹఅటవీ సంపద ఆదివాసులదేʹ - మన్యంలో తీవ్రమైన మావోయిస్టుల పోరాటం

అటవీ సంపద పై ఆదివాసులదే అధికారం అంటూ మన్యంలో మావోయిస్టులు పోరాటం ఉదృతం చేశారు. విశాఖపట్నం మన్యంలో ఒక వైపు బాక్సైట్ తవ్వకాలకు వ్యతిరేకంగా పోరాడుతున్న మావోయిస్టులు మరో వైపు కాఫీ తోటలను ఆదివాసుల పరం....

టీడీపీ సైట్ నుండి బాబు బాక్సైట్ లేఖను ఎందుకు మాయం చేశారు ?

విశాఖపట్నం ఏజెన్సీలో బాక్సైట్ తవ్వకాల పై చంద్రబాబు రెండు నాల్కల ధోరణి అవలంభిస్తున్నారా ? ప్రతిపక్షంలో ఉన్నప్పుడు బాక్సైట్ తవ్వకాలు జరప వద్దని, అది రాజ్యాంగ విరుద్దమని డిశంబర్ 24, 2011న గవర్నర్ కు లేఖ రాసిన చంద్రబాబు ఇప్పుడు బాక్సౖట్ తవ్వకాలకు అనుమతులు ఎలా ఇచ్చారు ? నిన్నటిదాకా తెలుగుదేశం వెబ్ సైట్ లో ఉన్న ఆ లేఖ ఇవ్వాళ్ళ ఎందుకు మాయమయ్యింది ?....

బాక్సైట్ తవ్వకాలు ఆపేయండి లేదంటే నక్సల్స్ బతకనివ్వరు - మంత్రి అయ్యన్నవేడుకోలు

ʹప్రతిపక్షాలను ఎదుర్కోవచ్చు నక్సలైట్లను ఎదుర్కోలేంʹ ఇది ఆంధ్రప్రదేశ్ పంచాయతీరాజ్ శాఖ మంత్రి చింతకాయల అయ్యన్న పాత్రుడి ఆందోళన. విశాఖపట్నం జిల్లా మన్యంలో బాక్సైట్ తవ్వకాలకు సంబంధించి....

బాక్సైట్ నిరసన - మన్యం బంద్

విశాఖమన్యంలో బాక్సైట్ తవ్వకాలకు ఆంధ్రప్రదేశ్ ప్రభుత్వం అనుమతి ఇవ్వడాన్ని నిరసిస్తూ శనివారం మన్యం బంద్ జరగనుంది.....

బాక్సైట్ పోరు - మన్యం బంద్ సక్సెస్

విశాఖ మన్యం బంద్ విజయవంతమైంది. రాష్ట్ర ప్రభుత్వం బాక్సైట్ తవ్వకాలకోసం అనుమతినివ్వడాన్ని నిరసిస్తూ అఖిలపక్షం శనివారం బంద్ కు పిలుపునిచ్చింది. ఏజెన్సీ ప్రాంతంలోని తెలుగుదేశం పార్టీకి చెందిన నేతలు, కార్యకర్తలు కూడా ఈ బంద్ లో....

బాక్సైట్ పై వెనక్కి తగ్గిన ప్రభుత్వం

విషాఖ మన్యంలో బాక్సైట్ తవ్వకాలపై ఆంధ్రప్రదేశ్ ప్రభుత్వం తాత్కాలికంగా వెనక్కి తగ్గింది. మావోయిస్టుల నాయకత్వంలో గిరిజనుల పోరాటం, స్వపక్షం విపక్షం నుంచి విమర్శలు వస్తున్న నేపథ్యంలో......

ముందు బాక్సైట్‌ సంగతి చూడండి - పాణి

అరకు ఎమ్మెల్యే, మాజీ ఎమ్మెల్యేల హత్య మీద చాలా మంది అంగలారుస్తున్నారు. ఆదివాసుల నుంచి ఎదిగిన నాయకులను చంపేస్తారా? అంటున్నారు. ఒకవేళ ఆదివాసులు కాకపోయి ఉంటే అప్పుడు ఇంకో రకమైన నిట్లూర్పులు వినిపించేవి. అసలు ఎవర్నీ చంపే దాకా పరిస్థితులు పోకూడదు. దీని మీద ఎవరూ సిద్ధాంతాలు చెప్పనవసరం లేదు. అది చాలా మామూలు మానవతా వైఖరి. వివరాల్లోకి వెళితే ఎంతయినా మాట్లాడుకోవచ్చ

Search Engine

అనారోగ్యంతో ఉన్న మీనాను పట్టుకొని కాల్చి చంపారు - స్పష్టం చేస్తున్న ఆదివాసులు
గ్రేహౌండ్స్ బలగాలను చుట్టుముట్టిన వేలాది ఆదివాసులు - మావోయిస్టు ప్రమీల‌ మృతదేహం కోసం పోరాటం
హిందుత్వ హింసను, రాజ్య హింసను సమర్థిస్తారా - ‍ స్వామి అగ్నివేశ్, సందీప్ పాండే
అక్రమాల యుద్ధ విమానాల రెక్కల చప్పుడు - ఎన్. వేణుగోపాల్
CBI carried out ʹbiasedʹ investigation, says JNU student Najeeb Ahmedʹs mother; claims probeʹs purpose was to shield assaulters
CPI Maoist Announces ʹOperation Ghamasanʹ To Counter Governmentʹs ʹOperation Samadhanʹ
నజీబ్ లేడా.. సీబీఐకి కూడా దొరకలేదు
దండకారణ్యంలో నుల్కతోంగ్ నిజాలు
ఏవోబీలో పోలీసు పదఘట్టనల మధ్య దిగ్విజయంగా మావోయిస్టుల బహిరంగ సభ‌
ముందు బాక్సైట్‌ సంగతి చూడండి - పాణి
70వేల మంది రైతులపై పోలీసుల అరాచకం.. బాష్పవాయు గోళాలు.. వాటర్ క్యానన్‌ల ప్రయోగం.. వందలాది మందికి గాయాలు
భీమా-కోరేగావ్ కేసు : నవ్‌లఖా నిర్బంధాన్ని కొట్టేసిన హైకోర్టు
ʹʹహక్కుల కార్యకర్తల అరెస్టుల‌ను ఖండించిన మావోయిస్టు పార్టీ - దేశవ్యాప్త ఉద్యమానికి పిలుపుʹʹ
హిట్లర్ నిజంగానే తిరిగొచ్చాడు!!
The Maoist party condemned the arrests of rights activists and called for a national agitation to fight against the arrests
Bima Koregaon Case : Delhi High Court frees activist Gautam Navlakha from house arrest
Maharashtra Government withdraws rioting cases against Sambhji Bhide, BJP and Shiv Sena workers
ఖైర్లాంజి నెత్తుటి గాయం
దళితుల్ని, ఆదివాసీలనే చంపుతారా?
Indiaʹs government is arresting lawyers and activists amid accusations of plotting to overthrow Modi
Charges against activist VV Rao echo cases heʹs faced for 45 years – but never been found guilty of
ఏబీవీపీ తిక్క కుదిర్చిన కాలేజీ ప్రొఫెసర్.. కాళ్లు మొక్కి మరీ బుద్ది చెప్పాడు
వివాహేతర సంబంధాలు – IPC సెక్షన్ 497 - అసలు నిజాలు
ఆనాడు జైల్లో కలిసిన కేసీఆర్‌కు లేఖ ఇచ్చిన వీవీ.. ఈనాటికీ పరిస్థితులేం మారలేదు..!
పాఠాలు నేర్చుకోని దళిత ఉద్యమ నాయకులు..!
more..


తుపాకులతో...