ప్రజల కోసం సముద్రం వలె గర్జించిన తారకం - విరసం


ప్రజల కోసం సముద్రం వలె గర్జించిన తారకం - విరసం

ప్రజల

ప్రజల మనిషి, హక్కుల యోధుడు, దళిత గొంతు, అమరుడు బొజ్జా తారకం పై విప్లవ రచయితల సంఘం
పత్రికా ప్రకటన పూర్తి పాఠం
తేదీ: 17/09/2016

ప్రజల మనిషి బొజ్జా తారకం గారికి అరుణారుణ జోహార్లు
ఆయన విప్లవ రచయితల సంఘం తొలితరం నాయకుల్లో ఒకరు. పౌరహక్కుల సంఘంలో
క్రియాశీలకంగా పనిచేశారు. విద్యార్థి దశలోనే దళిత విద్యార్థి ఉద్యమానికి
నాయకత్వం వహించిన వారు. రిపబ్లికన్ పార్టీ ఆఫ్ ఇండియా నాయకుడు. దళిత
మహాసభ వ్యవస్థాపకుడు. రాజకీయ ఖైదీల విడుదల కోసం ఏర్పడిన కమిటీ ఫర్ రిలీజ్
ఆఫ్ పోలిటికల్ ప్రిజనర్స్ అధ్యక్షులు. తెలంగాణ ప్రజాస్వామిక వేదిక
కన్వీనర్. పదేళ్ళ ఐక్య విప్లవోద్యమం సందర్భంగా వర్గపోరాట రాజకీయాలను
చర్చించడానికి ఏర్పడిన ప్రత్యామ్నాయ రాజకీయ వేదికలో కూడా సభ్యులు. ఇంతటి
విస్తారమైన సామాజిక రాజకీయ జీవితం బొజ్జా తారకం గారిది. అన్ని ప్రగతిశీల
శిబిరాలు ఎంతగానో ప్రేమించే తారకం గారు ఇక లేరంటే ఎంతో కష్టంగా ఉంటుంది.
తండ్రి దళిత ఉద్యమ వారసత్వాన్ని చిన్న వయసు నుండే స్వీకరించిన తారకం
గారు సాంస్కృతిక కార్యకర్తగా, విద్యార్థి ఉద్యమకారుడిగా తన సొంతవూరిలో
దళిత యువకుల్ని సంఘటితం చేశారు. వర్గపోరాట రాజకీయాలతో ప్రభావితమై విరసం
వ్యవస్థాపక సభ్యుల్లో ఒకరైనారు. ఆయన రాసిన ʹకులం-వర్గంʹ భారతదేశంలో
జమిలిగా జరగవలసిన కుల వర్గ పోరాటాలను నొక్కి చెబుతుంది. తారకం గారు
ఎమర్జెన్సీ దాకా విరసం కార్యవర్గ సభ్యుడిగా పనిచేశారు. కవిత్వం, నవల,
సామాజిక, సైద్ధాంతిక అంశాలపై రచనలు చేశారు. సామాజిక సమస్యల్ని సాధారణ
కార్యకర్తలకు అర్థం అయ్యే రీతిలో విశ్లేషించి చెప్పారు. ఎమర్జెన్సీలో
జైల్లో ఉన్నప్పుడు ఆయన రాసిన ʹపోలీసులు అరెస్టు చేస్తేʹ పుస్తకం నిత్యం
రాజ్యహింసను అనుభవించే ప్రజాసంఘాల కార్యకర్తలకు దిక్సూచి వంటిది.
అంబేడ్కర్ నూ, కార్ల్ మార్క్స్ నూ ప్రేమించినట్లే దళిత ఉద్యమాన్ని,
విప్లవోద్యమాన్ని ప్రేమించారు. దళితులు, ఉద్యమ కార్యకర్తలు,
నిర్వాసితులు..ఇలా హక్కులు నిరాకరించబడిన సమూహాలన్నిటి పక్షాన కోర్టుల్లో
న్యాయపోరాటం చేశాడు. కారంచేడు, చుండూరు, లక్షింపేట నిండి రోహిత్ వేముల
దాకా, ప్రజాసంఘాల కార్యకర్తల నుండి విప్లవోద్యమ నాయకుల దాకా కేసులు
వాదించాడు. బూటకపు ఎంకౌంటర్లకు వ్యతిరేకంగా కోర్టుల్లో కేసులు నడిపాడు.
ఎన్నో ప్రజాసంఘాల వేదికలపై ఆయన గళం సముద్రం వలె గర్జించింది. వేలాది
ఉపన్యాసాలు, చర్చలు, వీధి పోరాటాలతో, నిత్య నదీ ప్రవాహం ఆయన జీవితం.
వ్యవస్థపై రాజీ లేని పోరాటం చేసిన బొజ్జా తారకం బ్రైన్ ట్యూమర్ తోనూ
పోరాడాడు. అనారోగ్యం నుండి కోలుకుని మళ్ళీ ప్రజాజీవితంలో అడుగుపెట్టారు.
డెబ్భై ఎళ్ళు ప్రజల కోసం ఆలోచనలు పోయిన మెదడు అలసిపోయి మళ్ళీ వ్యాధినబడి
శాశ్వతంగా విశ్రమించింది. ఆయన ఆలోచనలు, ఆచరణ ప్రజాపోరాటాల్లో మిగిలే
ఉంటాయి. విరసం ఆయనకు వినమ్రంగా జోహార్లర్పిస్తున్నది.

-వరలక్ష్మి
కార్యదర్శి, విరసం

Keywords : bojja tharakam, death, virasam, police, dalit, human rights, telangana, andhrapradesh, writer
(2019-04-18 04:17:27)



No. of visitors : 1489

Suggested Posts


మహాశ్వేతా దేవి - మన తెలంగాణ సాగర హారంః వరవర రావు

మన మహా సాగరహారం ʹచలో హైదరాబాద్ అంటూ తెలంగాణ మార్చ్ చేసిన సెప్టెంబర్ 30, 2012 మహత్తర మధ్యాహ్నం మహాశ్వేతాదేవి కూడా మన ఊర్లో ఉన్నారు. ఆ రోజు ఆమెను మన మధ్యకు తెచ్చుకొని ఉంటే....

సెప్టెంబర్ 17 - ఇండియన్ యూనియన్ సైనిక దురాక్రమణ దినం - వరవరరావు

1947 ఆగస్ట్ 15న విలీనానికి అంగీకరించకుండా షరతులు విధిస్తూ వచ్చిన నిజాంను నెహ్రూ - పటేల్ ప్రభుత్వం సగౌరవంగా, సాదరంగా చర్చలకు ఆహ్వానించింది. అప్పటికే నిజాంను వ్యతిరేకిస్తూ వీరోచిత పోరాటం నడుపుతున్న కమ్యూనిస్టులను మాత్రమే కాదు, కనీసం కాంగ్రెస్ ను కూడా ఈ చర్చల్లో భాగం చేయలేదు....

ʹఅరుణోదయʹ పై పోలీసుల దాడిని ఖండించిన విరసం

తెలంగాణ ఉద్యమంలో ఆట పాటతో ఆరుణోదయ కళాకారులు గ్రామ గ్రామాన తిరిగి ప్రజల్లో ప్రత్యేక తెలంగాణ ఉద్యమ స్ఫూర్తిని రగిలించారు. తెలంగాణ రాష్ట్ర ఏర్పాటుకు తమ వంతు కృషి చేశారు. ఆ సంస్థ కార్యాలయాన్ని దౌర్జన్యంగా మూసేయడం అత్యంత నిరంకుశమైన......

ఎస్సీ రిజర్వేషన్ వర్గీకరణ పోరాటానికి విరసం మద్దతు

అట్టడుగున ఉన్న మనిషికి ఫలితాలు అందినప్పుడే సామాజిక న్యాయం జరిగినట్టు లెక్క. మాదిగ, డక్కలి, చిందు, మాష్టి, బుడగజంగం, దాసరి, బేగరి కులాలకు ఈ నాటికీ ఎస్సీ రిజర్వేషన్ ఫలాలు అందడం లేదు....

ఆ నిండైన సాహిత్య సామాజిక జీవితం రచయితలందరికీ ఆదర్శం - విరసం

ʹరచయితలందరూ తమ తరానికి జవాబుదారులు; తమకు తాము జవాబు చెప్పుకోవాల్సిన వాళ్ళు... అంతస్సాక్షి ఉన్న రచయిత పీడిత ప్రజల పక్షాన దృఢంగా నిలవాలి. అలా కాకపోతే ఆ రచయితల్ని నిర్దోషులుగా నిర్ణయించే ప్రశ్నే లేదు.ʹ....

ఆదివాసి.. లంబాడా వివాదం ‍- ఎం.రత్నమాల

మహారాష్ట్ర ప్రభుత్వం లంబాడాలను ఆదివాసి తెగగా గుర్తించడం లేదు కనుక ఆంధ్రప్రదేశ్‌ ప్రభుత్వం లంబాడాలను ఆదివాసి షెడ్యూల్డు తెగగా ప్రకటించడంతో దీన్ని అవకాశంగా తీసుకుని మహారాష్ట్ర నుంచి ఆదిలాబాద్‌ (పాత) జిల్లాకు లంబాడాల వలసలు పెద్ద ఎత్తున వెల్లువలా సాగాయి.....

ʹఆయన జైల్లోనే చనిపోతారేమోʹ

90 శాతం అంగవైకల్యం కలిగిన సాయిబాబాను అన్యాయంగా జైల్లో పెట్టారని.. ఆయనేమైనా యుద్ద ఖైదీనా..? ప్రభుత్వ అనాలోచిత చర్యతో యుద్ధఖైదీ మాదిరి ఆయన జైల్లోనే తుది శ్వాస విడిచే పరిస్ధితి వచ్చిందని ...

అమరుడు బొజ్జా తారకం — ʹనది పుట్టిన గొంతుకʹ - వరవరరావు

గోదావరి తెలంగాణలో ప్రవేశించిన నిజామాబాద్ కు 1968లో వచ్చిన తారకం గారు ఇక్కడి మట్టిలోని ఎరుపులోనూ, ఇక్కడి నీళ్లలోని ప్రవాహ గుణంలోనూ కలగలిసిపోయారు. 1968 నుంచి 78 దాకా ఒక దశాబ్దం పాటు విప్లవోద్యమాలకు, విప్లవ సాహిత్యానికి నిజామాబాద్ చిరునామా బొజ్ఞాతారకం....

చలసాని స్మృతిలో... - కే.కుమార్ వర్మ

బొడ్డపాడు నడిబొడ్డులో అమరవీరులను స్మరిస్తూ ఎర్ర జెండా చేతబట్టి తామాడ గణపతి ఇంటిముందునుండి దండుగా కదులుతున్నట్లుంది...

ఉన్మాదుల ఇష్టారాజ్యానికి సమాజాన్ని వదిలేస్తారా?

ప్రొఫెసర్ సూరేపల్లి సుజాత పై హిందుత్వ మతోన్మాదుల దాడిని ఖండిస్తూ ఈ దాడికి ప్రభుత్వం సమాధానం చెప్పాలని విప్లవ రచయితల సంఘండిమాండ్ చేసింది.

Search Engine

ʹఆ తొమ్మిది మందిʹ అద్భుత మానవుల కరచాలనం
మోడీ విధానాలే తన వైఖరి అని తేల్చి చెప్పిన కెసిఆర్
వికీలీక్స్‌ ఫౌండర్‌ జూలియన్ అసాంజే అరెస్ట్‌
బీజేపీకి ఓటు వేయకండంటూ లేఖ రాసి ఆత్మహత్య చేసుకున్న‌ రైతు !
ʹప్రొఫెసర్ సాయిబాబాను తక్షణమే విడుదల చేయాలిʹ
Condemn the denial of bail to human rights defender Dr. GN Saibaba
Open Letter to KCR from Varavara Raoʹs wife
కేసీఆర్‌కు వరవరరావు సహచరి బహిరంగ లేఖ
ఓట్లడిగే నైతిక హక్కు.. ఈ పార్టీలకు లేదు...!!
లేబర్ ఆఫ్ లవ్... ఇది మన కథే..!
ఈ దేశం మరోసారి మోసపోకూడదు.
బీమా కోరేగావ్ కేసులో మరో మంగళవారం.. పూణే కోర్టులో ఆ రోజు ఏం జరిగింది..?
సాయిబాబా,వరవరరావులని విడుదల చేయాలి - వివిధ పార్టీలకు 100మంది మేధావుల లేఖ
After 12 Years In Jail For 157 Charges, Nirmalakka Is Set Free
విద్వేష‌ రాజకీయాలను ఓడించండి - 200 పైగా రచయితల విఙప్తి
ఫాసిజమై మారుతోంది ప్రజాస్వామ్య నాటకం
బీజేపీ వ్యతిరేక ప్రచారానికి డైరెక్టర్ ʹపా రంజిత్ʹ మద్దతు
మోడీ, బీజేపీ సర్కారును కూలదోయండి : దేశానికి ఫిల్మ్ మేకర్స్ అభ్యర్థన
Solidarity Statement from the US Coalition to Free Professor G.N. Saibaba
పోలీసుల ప్రయత్నం విఫలం... నక్కా వెంకట్రావుకు బెయిల్ మంజూరు
వరవరరావు సహచరి హేమలత‌ ఛీఫ్ జస్టిస్‌కు రాసిన బహిరంగ లేఖ
Release of Hemalataʹs Open Letter to Chief Justice of India
The worse health deterioration of Prof G.N. Saibaba
ముస్లిం కుటుంబంపై మూక దాడి.... పాకిస్తాన్ వెళ్ళిపోండి అని బెదిరింపు
అన్నీ దోపిడీ దొంగ పార్టీలే - బూటకపు ఎన్నికలను బహిష్కరించండి : మావోయిస్టు పార్టీ
more..


ప్రజల