పేదవాడి నిజమైన సమస్యను చర్చించిన ʹకాలాʹ..!
నేడు సినిమా అతి పెద్ద వ్యాపారం. ప్రజలకేదో సందేశం ఇస్తున్నాం అని చెబుతారు కాని అంతిమంగా వారు ఆశించేది గల్లాపెట్టెలు నిండటమే. మూడు ఫైట్లు ఆరు పాటలు అనే రొటీన్ ఫార్ములాతో సినిమాలు తీసి జనాల మీదకు వదలడమే కాని దేశంలోని ప్రజలు ఎదుర్కునే సమస్యలను చర్చించే సినిమాలు రావడం కష్టమే. దేశ జనాభాలో 60 శాతం ప్రజలు సొంత ఇల్లు, భూమి అనేదే లేకుండా బతుకుతున్నారు. రాజకీయ నాయకులు ఓట్ల కోసం దళితులకు భూములిస్తాం, పేదలకు పట్టాలిస్తాం అని చెప్పడమే కాని ఆచరణలో ఏనాడూ జరగలేదు. అసలు పేదవాడికి కాస్తంత భూమి ఎంత అవసరమో చక్కగా వివరించిన సినిమా ʹకాలాʹ. అసలు ఆ సినిమా గురించి గుర్రం సీతారాములు అనే పీహెచ్‌డీ విద్యార్థి రాసుకున్న ఫేస్‌బుక్ పోస్టు చూస్తే.. కాలా సినిమా చర్చించిన విషయం ఎంత ముఖ్యమైనదో అర్థమవుతుంది. ఆ వాల్ పోస్ట్ యధాతథంగా..
---------------------------------------------------------------------------
కళ కేవలం కల కాదనీ ఒక స్వతంత్ర భావన అని అది సర్వ స్వతంత్రంగా ఉంటేనే దానికి సార్ధకత,స్వచ్ఛత అని నమ్మే బుద్ధిజీవులు ఉన్నారు ఈ లోకంలో. అది సంగీతానికి, సాహిత్యానికి, సినిమాకూ పూసారు. సకల కళలూ స్వతంత్రంగా ఉండాలి అని ఉద్యమాలు చేసిన కవులు ఉన్నారు. వాళ్ళు కోరుకున్నది సాహిత్యం స్వతంత్రంగా ఉండడం కన్నా ఒక లక్ష్యం కోసం సమాజ హితం కోరే క్రమం లో ప్రాణ త్యాగానికి సిద్దపడ్డ వ్యక్తుల శక్తుల మీదనే వాళ్ళ దాడి. పాపం వాళ్ళ అజ్ఞానానికి తెలుగు సమాజం ఎప్పుడో నివాళి ఇచ్చింది. ఈ ప్రపంచంలో ఏ కళకయినా స్థలం, కాలం, కులం, వర్గం ఉంటాయి అని చరిత్ర నిరూపించింది. సినిమా దానికి అతీతం కాదు. సినిమా ఎంత ʹసినాలిదిʹ అంటే ఇద్దరు ప్రజాదారణ పొందిన నటీమణుల జీవితాలు ఒకటి డర్టీ గా మరొకటి ʹమహానటిʹ గా మార్చగలవు విలువలను తలకిందులు చేయగల సినాలిది సినిమా. ఇది రాజకీయం అంటే ఎవరూ వొప్పుకోరు. ʹమహానటిʹ కావాల అన్నా ʹడర్టీ పిక్చర్ʹ కావాలి అన్నా దానెనక కులం ప్రాంతం వర్గం ఉంటాయి. ఉండి తీరాలి కూడా.
అసలు వందేళ్ళ సినిమా తన ప్రాంతాన్ని, కులాన్ని, మతాన్ని, శీలాన్ని పెట్టుబడి పెట్టకుండా, రాజకీయం చేయకుండా ఎప్పుడు ఉంది? సినిమా పేరుతో వేలాది ఎకరాలు పచ్చని పొలాలు, కుంటలు, చెరువులు ఆక్రమించుకోవచ్చు. సినిమా పేరుచెప్పి వందేళ్ళు ఎకరానికి రూపాయ పెట్టి ఆక్రమించుకొని మాల్స్ కట్టుకోవచ్చు. తెరమీద రాజకీయాల్లోనూ హీరోలు కావచ్చు. ఇవేవీ రాజకీయాలు కావు కేవలం కళ ద్వారా మాత్రమె ప్రాప్తించిన వరం అని అనొచ్చు అందరూ చేసారా అది కేవలం అవతార పురుషులకు మాత్రమె లభించే ప్రాప్తం.అని కూడా అనొచ్చు. ఇంత అజ్ఞాన పూరిత విషాద కాలంలో పా.రంజిత్ ʹకాలాʹ సినిమా తీసాడు. త్రిబిల్ యెక్ష్ XXX అంత సంస్కారమైన సబ్బు నురగ అంత స్వచ్చమైన సినిమా తెర మీద రంగుల హోళీ చేసాడు. కొందరికి ఇంత అసహ్యమైన కంపు నచ్చక పోవచ్చు. జూబ్లి, బంజారా హిల్స్ ఎంత అందమైనవో ఆ పక్కనే ఉన్న అద్దం లాంటి మురికి వాడల్లో, కృష్ణా నగర్ ఐశ్వర్యం లో చూడొచ్చు. పాపం పెద్ద మనిషి పడితే లేస్తే హిమాలయాల చుట్టూ తిరిగే వాణ్ని ʹడర్టీʹ నీలి రంగులో ముంచి వెండితెరను బద్నాం చేసాడు రంజిత్.అది ముమ్మాటికీ తప్పే. అదనా బస్ లో టిక్కెట్లు అమ్ముకునే వాడు తలైవా అవుతాడా ఎంత ఘోరం ?
రజనీ కాషాయం వదిలి నలుపు నీలి రంగుల్లో మునగడం ఆయన ఎంచుకున్న రాజకీయాలు తెర ముందు తెరవెనక ఒకటే అని చెప్పకనే చెప్పినట్టు. ఆ పని రంజిత్ చేసాడు. ఇంత కాలం హిమాలయాల ʹస్వచ్ఛమైనʹ తెలుపును మాత్రమె చూసిన ఆయన ఆకాశం నీలం వర్ణంలో కూడా ఉంది అని తెలుసుకున్నాడు. కాలా లేదా కరికాలుడు ముంబై మురికివాడల్లో పెరిగిన ఒక నిరసన.దారవి లోస్తిరపడిన వలసజీవుల మీద ఆధిపత్యం చేయాలను కున్న హరి దాదా మీద సూటిగా చెప్పాలి అంటే ముంబై శివసేన హిందుత్వ రాజకీయాల మీద ఒక పొలిటికల్ సటైర్.
మద్రాస్ నుండి రెండు తరాల కింద వలస వచ్చిన ఈరయ్య కొడుకే కాల. నలుగురిని బ్రతికించదానికి సమాజం అంటున్న ʹతప్పుʹ చేసినా తప్పు కాదు అన్నాడు ఇరవై ఎనిమిది ఏళ్ళ కింద ఈరయ్య అలియాస్ ఈరినాయుడు. నాటి బొంబాయి నగరాన్ని ఉచ్చ పోయించినవాడు ఈరినాయుడు. ముంబై నగరాన్ని నవనిర్మాన సేన పేరుతో ఉన్మాదపు అడ్డాగా మార్చింది రాజకీయం. ఇప్పుడు ముంబై నగరంలో ఈరినాయుడు కరికాలునిగా మారాడు. ముంబై చీకటి విక్రుతాన్ని దాదాగిరిని శాసించిన ఉదంతాలు కొత్త కాకున్నా ఈరినాయుడి తర్వాతి తరం తాము చేసే ఏపనిలో అయినా రాజాకీయాలు ఉంటాయి అని చూపించారు. కరికాలుడు ఆయన కుటుంభం తండ్రి పెరియార్ వారసుడు కొడుకు లెనిన్ వారసుడు. నలుపు నీలం రంగుమధ్య వైరుధ్యం ముఖ్యంగా భూమి ఇరుసుగా జరిగిన అనేక పోరాటాలకు ఒక ఆకృతి ఇస్తే అది ʹకాలʹ సినిమా అవుతాది. తన కాళ్ళకింద కదులుతున్న నేల కాపాడుకోవడం కోసం ఒక మట్టి మనుషుల ఆక్రందన. ఉమ్మడి కుటుంబాల మధ్య సంపద తెస్తోన్న వికృతం, వ్యవస్థీకృత మైన ఆహార హింస, తిండీ బట్ట,ఆహార్యం మీద పెత్తనం చెలాయించే సంక్షుభిత కాలం లో దాని విరుగుడు ప్రత్యామ్నాయ రాజకీయాలలో ఉన్నాయి అని చెప్పగల దమ్మున్న పా.రంజిత్ కు మాత్రమె ఇది సాధ్యం.
నేటి ముంబై నగరాన్ని ʹనేల నీకు అధికారం నేల నాకు జీవితంʹ ʹడబ్బూ అధికారం వచ్చాక ప్రతి రౌడీ దాతేʹ అన్న మాట అనడానికి నీకు ధైర్యం కావాలి, చావు నిన్ను తరుముకొని వచ్చినా ఈ కట్టే ఇక్కడే కాలి ఈ మట్టిలో నే కలిసిపోవాలి అని ఈ భూమి పుత్రుడు మాత్రమె అనగలడు. వీరినాయుడు వారసుడు ʹకాలʹ వాడికేమి కావాలో స్పష్టత ఉంది దానెనక ద్రావిడ రాజకీయాలు తెచ్చిన స్ఫూర్తి ఉంది. పెరియార్ ప్రోది చేసిన ఒక పరంపర, ఒక కొనసాగింపు ఉంది. ఇది దుష్ట శిక్షణ శిష్ట పరిరక్షణ పేరుతో జరిగిన హింస మీద జరిగిన తిరుగుబాటు. రామ - రావణ రాజకీయాల మధ్య జరిగిన వైరుధ్యాల ప్రతిఫలన. ఇది శుచి శుభ్రత పేరుతో వచ్చిన అసమ విలువల మీద తిరుగుబాటు. ఈ కాలానికి ఏది అవసరమో అదే తెరమీద చూపించిన ʹకాలʹ అలియాస్ కరికాలుడు ఈ కాలపు రాబిన్ హుడ్. సినిమా ఎలా తీయాలో ఎందుకు చూడాలో చెప్పగలిగిన ఈ కాలపు నిజమైన హీరో పా.రంజిత్
Keywords : pa ranjith, kaala, rajnikanth, review, land,poor, పా రంజిత్, భూమి, పేదలు, రజనీకాంత్, కాలా
(2021-01-15 11:05:11)
No. of visitors : 1583
Suggested Posts
0 results
| ఈ 60 గ్రామాల్లో బీజేపీపై నిషేధం - ఆ పార్టీ నాయకులెవ్వరూ రావొద్దని తీర్మానం
|
| అవును, మా గెలుపుకు MIM సహకరిస్తోంది - బీజేపీ ఎంపీ సంచలన వ్యాఖ్యలు |
| ʹమాన్ʹ లాగే మిగతా ముగ్గురు కూడా కమిటీనుండి బైటికి రావాలని రైతుల పిలుపు |
| వ్యవసాయ చట్టాలపై ʹసుప్రీంʹ నియమించిన కమిటీ నుండి ఒకరు ఔట్ |
| సంజీవ్ పాటతో మళ్ళీ మన ముందుకొస్తున్న జననాట్యమండలి
|
| పౌరహక్కుల సంఘం పాదయాత్రను ప్రభుత్వం ఎందుకు భగ్నం చేసింది ?
|
| సుప్రీం కమిటీని తిరస్కరిస్తున్నాం - పోరాటం ఆపబోం
|
| తెలంగాణలో రైతులకు మద్దతు పలకడం నేరమా ? |
| యూపీలో మరో ఘోరం... తలకు తుపాకీ పెట్టి 19 ఏళ్ళ అమ్మాయిపై అత్యాచారం... ఆపై బిల్డింగుపై నుండి కిందికి తోసేసిన దుర్మార్గుడు. |
| రైతు చట్టాల రద్దుకై పౌరహక్కుల సంఘం పాద యాత్ర |
| ఆమె బైటికి వెళ్ళకుండా ఉంటే రేప్ జరిగేది కాదు - మహిళా కమిషన్ సభ్యురాలి దుర్మార్గపు వ్యాఖ్యలు
|
| ఎముకలు విరిచారు...రాడ్లను దూర్చారు..గుడికి వెళ్ళిన మహిళపై పూజారి, అతని అనుచరుల గ్యాంగ్ రేప్
|
| ఏపీలో కొనసాగుతున్న అక్రమ అరెస్టులు - దుడ్డు ప్రభాకర్ అరెస్ట్
|
| మహిళా శక్తి ఇప్పుడు యుద్ధభూమిలో చేరింది, మమ్మల్ని తేలికగా తీసుకోకండి - మహిళా రైతుల హెచ్చరిక |
| రైతాంగ పోరాటానికి మావోయిస్టు పార్టీ మద్దతు - విప్లవ ప్రభుత్వాన్నినిర్మించుకోవాలని రైతులకు పిలుపు
|
| రిపబ్లిక్ డేనాడు ఢిల్లీలోకి ట్రాక్టర్ ర్యాలీ - ఉద్యమం మరింత ఉదృతం చేస్తామన్న రైతు సంఘాలు
|
| రైతులకు మద్దతుగా సింగు సరిహద్దులకు చేరుకున్న ఏపీ, తెలంగాణ స్ట్రీట్ వెండర్స్ |
| హర్యాణా, రాజస్తాన్ బార్డర్ లో రైతులపై వాటర్ కెనాన్లు, టియర్ గ్యాస్ ప్రయోగించిన పోలీసులు |
| రైతుల ఆందోళనల ఎఫెక్ట్.. హరియాణా మున్సిపల్ ఎన్నికల్లో బీజేపీ కూటమికి షాక్ |
| విశాఖ జైల్లో 50 మంది మహిళా రాజకీయ ఖైదీల నిరశన దీక్ష
|
| అగ్రి చట్టాలకు వ్యతిరేకంగా కేరళ అసెంబ్లీ ఏకగ్రీవ తీర్మానం... కొద్ది సేపట్లోనే బీజేపీ ఎమ్మెల్యే యూ టర్న్
|
| షహీన్ భాగ్ లో కాల్పులకు పాల్పడ్డ వ్యక్తి బీజేపీలో చేరిక - విమర్షలు రావడంతో బహిష్క‌రణ
|
| దొర మాటలు, చేతలు – అబ్బ ఎంత ఉల్టా పల్టా? -ఎన్ వేణు గోపాల్ |
| బీహార్ లో వేలాది మంది రైతుల ర్యాలీ - పోలీసుల దాడి |
| తండ్రి పోరాటంలో... 11 ఏళ్ళ ఈ రైతు బిడ్డ పొలంపనుల్లో... |
more..