పంటలు పండటానికి నాలుగు మంత్రాలు చాలు.. గోవా ప్రభుత్వం కొత్త స్కీం


పంటలు పండటానికి నాలుగు మంత్రాలు చాలు.. గోవా ప్రభుత్వం కొత్త స్కీం

పంటలు

మత పిచ్చి మూర్ఖులు అధికారంలో ఉంటే ఆ దేశం పరిస్థితి ఎలా ఉంటుందో మన దేశాన్ని చూస్తుంటే అర్దమవుతుంది. మత పిచ్చి పీక్స్ కు వెళ్ళిన ఈ మూర్ఖులు వాళ్ళ అఙానాన్ని ఙానంగా ప్రచారం చేస్తూ ప్రజలపై వాళ్ళ పైత్యాన్ని రుద్దుతూ దేశాన్ని మధ్యయుగాల అరాచకంలోకి తీసుకెళ్ళే ప్రయత్నం ముమ్మరం చేశారు. మహా భారతత, రామాయణ కాలంలోనే టెస్ట్ ట్యూబ్ బేబీలున్నారని ఒకరంటే మనం వేల ఏళ్ళ‌ కిందనే విమానాలు తయారు చేశామని మరొకరు అఙాన ప్రదర్శన‌ చేస్తారు. ఇప్పుడు మరో దేశ్ కీ నేత తన మూర్ఖపు నమ్మకాన్ని ఙానంగా దేశానికి పంచేందుకు బయలు దేరాడు. ఈ యన గారి ఙానం ఏం చెబుతున్నదంటే ఇక పంటలు పండించడానికి రైతులు ఏ కష్టంపడనక్కర్లేదట. నాలుగు మంత్రాలు చదివితే పంట ఏపుగా పండి రైతుకు లాభాలే లాభాలట. ఆయనేదో నమ్మి ప్రచారం చేశాడు ఆయనపిచ్చి ఆయనిష్టం అని కొట్టి పడేయడానికి లేకుండా ప్రభుత్వం తరపున‌ ఏకంగా ఓ మంత్రాల స్కీం ప్రకటించేశాడు.

గోవాలోని బీజేపీ ప్రభుత్వంలో వ్యవసాయ మంత్రిగా పనిచేస్తున్న విజయ్‌ సర్దేశాయ్‌ మంగళవారం నాడు అధికారికంగా ఓ స్కీమ్‌నే ప్రారంభించారు. దీనికి ʹశివ్‌ యోగ్‌ కాస్మిక్‌ ఫార్మింగ్‌ʹ అని కూడా నామకరణం చేశారు. రైతులు ప్రతిరోజు పంట పొలాల ముందు ధ్యాన ముద్రలో (మెడిటేషన్‌) కూర్చొని ʹఓం రమ్‌ జమ్‌ సాహ్‌ʹ అంటూ 20 సార్లు ఉచ్ఛరిస్తే చాలట.అలా చేయడం వల్ల రైతుల నోటి నుంచి వెలువడే శబ్దాల వెంట కాస్మిక్‌ కిరణాలు ప్రయాణించి ఎదురుగా ఉన్న పంట పైర్లకు తాకి వాటికి కొత్త శక్తినిస్తాయట. నేల లోపల క్రిమికీటకాదులను చంపేస్తాయట. అలా జవసత్వాలను సంతరించుకున్న పైరు ఏపుగా పెరుగుతందట. ఇందులో పైసా ఖర్చులేదు, ప్రయత్నించి చూడమని ఆయన రైతులకు పిలుపునిచ్చారు. ప్రస్తుతం పంటల కోసం ఉపయోగిస్తున్న నీరు, ఎరువులను ఇక ముందు వాడాల్సిన అవసరం ఉందా, లేదా? అన్న విషయాన్ని మాత్రం ఆయన వివరించలేదు. దుక్కి దున్నీ నారుపోసి నీరుపోసి కష్టపడినా పంట చేతికొస్తదా, లేదా అన్న ఆందోళన పడే రైతుకు ఇవన్నీ లేకుండా పంట చేతి కొస్తదంటే రోజుకు 20 సార్లేం ఖర్మ 200 సార్లయినా వేదోక్తులను ఉచ్ఛరిస్తారు.

ఈ శివ్‌యోగ్‌ కాస్మిక్‌ ఫార్మింగ్‌ విధానాన్ని మాజీ రసాయనిక ఇంజనీరు, ప్రస్తుత ʹశివ్‌ యోగ్‌ ఫౌండేషన్‌ʹ యోగా గురువు అవదూత్‌ శివానంద్‌ కనిపెట్టారట! ఆయన దగ్గర శిష్యరికం చేస్తున్న మంత్రి సర్దేశాయ్‌ భార్య ఉష ఈ వ్యవసాయం గురించి చెప్పడంతో నమ్మిన మన మంత్రి సర్దేశాయ్‌ దాన్ని అమలు చేయడం కోసం ఏకంగా స్కీమ్‌నే ప్రారంభించారు. ఈ అంశంలో సరైన అధ్యయనం లేకుండా ఎలా కాస్మిక్‌ ఫార్మింగ్‌ విధానాన్ని ప్రారంభిస్తారని సదరు మంత్రిని మీడియా ప్రశ్నించగా, మధ్యప్రదేశ్‌లో ఈ విధానం మంచి ఫలితాలు ఇచ్చిందని తెలిసి ప్రారంభించానని చెప్పారు.

మంత్రాలు చదివి పంటలు పండించడం వాటిని మళ్ళీ అమ్ముకోవడం, వాటికి గిట్టుబాటు ధర రాక ఆత్మహత్యలు చేసుకోవడం, వాటిని కొనుక్కోవడానికి డబ్బులు లేనివాళ్ళు ఆకలికి మాడి చనిపోవడం ఇవన్నీ లేకుండా అసలు ఆకలే లేకుండా మంత్రాలేమీ లేవా విజయ్ సర్దేశాయ్ గారూ ?

Keywords : Goa minister, mantras, vedas, vijay sardeshay
(2019-12-14 07:52:06)



No. of visitors : 725

Suggested Posts


0 results

Search Engine

ఏకమవుతున్న విద్యార్థులు.. జామియాకు మద్దతుగా మూడు ఐఐటీల్లో ఆందోళనలు..!
ఏకమవుతున్న విద్యార్థులు.. జామియాకు మద్దతుగా మూడు ఐఐటీల్లో ఆందోళనలు..!
హైదరాబాద్‌ను తాకిన ʹజామియాʹ నిరసన సెగ.. వందలాది మంది విద్యార్థుల ఆందోళన
జామియా విద్యార్థులకు అండగా నిల్చిన వీసీ - పోలీసులపై కేసు నమోదు చేస్తామని ప్రకటన‌
నేను ముస్లింను కాను కానీ పోరాటంలో ముందుభాగాన ఉన్నాను, అందుకే నన్ను టార్గెట్ చేశారు
కామ్రేడ్ రామన్న మరణంపై మావోయిస్టు పార్టీ ప్రకటన‌
అలుపెర‌గ‌ని విప్ల‌వ బాట‌సారి చంద్రన్న
నేను చనిపోయినా వారికి శిక్షపడాలి....ఉన్నావ్ అత్యాచార బాధితురాలి చివరి కోరిక‌
మా పేరు మీద కస్టడీ హత్యలు వద్దు..!
కూలి డబ్బులు అడిగినందుకు దళితుడిని జేసీబీతో తొక్కించి చంపాడు..!
క్షీణించిన వరవరరావు ఆరోగ్యం - ట్రీట్ మెంట్ కోసం పూణే ప్రభుత్వ‌ హాస్పటల్ కు...
రేప్ బాధితురాలు కోర్టుకు వెళ్తుండగా మళ్ళీ దాడి చేసిన రేపిస్టులు... సజీవదహనానికి యత్నం
అది ఎన్కౌంటర్ కాదు.. 17 మందిని ఏకపక్షంగా కాల్చి చంపారు : జుడీషియల్ కమీషన్ వెల్లడి
ఇండియాస్ డాటర్స్.. ఇంకెంత కాలం ఈ దారుణాలు..? ఈ డాక్యుమెంటరీ చూడండి..!
20 వసంతాల నెత్తుటి ఙాపకం... కామ్రేడ్స్ ఆదిరెడ్డి, సంతోష్, నరేష్ అమర్ రహే !
ప్రియాంక హత్య : ఢిల్లీలో పగిలిన చిన్ని గుండె !
100 కి డయల్ చేసి ఉంటే...! విక్టిమ్ బ్లేమింగ్ - సీ.వనజ
దొరతనం గెలుసుడా ఓడుడా? - ఎన్.వేణుగోపాల్
ʹఆకలి, పేదరికంతో చచ్చిపోతున్నాʹ.. కంటతడి పెట్టిస్తున్న ఓ చిన్నారి సూసైడ్ లెటర్
ఈ తెలంగాణ మీదే.. మాది కాదు : కేసీఆర్‌కు ఒక ఆర్టీసీ కండక్టర్ బహిరంగ రాజీనామా లేఖ
మహిళా కార్యకర్తలపై అక్రమకేసులకు వ్యతిరేకంగా పోరాడుదాం !
కిషన్ జీ... పీడితుల యుద్ద గీతి !
ఒక ప్రొఫెసర్ - ఏడు కుట్ర కేసులు
ప్రజల పక్షాన మాట్లాడుతున్నందుకే ఈ అక్రమ కేసులు : విరసం
Withdraw the False Case against Veekshanam Editor!
more..


పంటలు