పూణే పోలీసులు చూపించినవి కల్పిత లేఖలు : సుధా భరద్వాజ్


పూణే పోలీసులు చూపించినవి కల్పిత లేఖలు : సుధా భరద్వాజ్

పూణే

మోడీ హత్యకు కుట్ర చేశారని ఆరోపిస్తు పూణే పోలీసులు హక్కుల కార్యకర్తలు వెర్నన్ గొన్జాల్వెస్, అరుణ్ ఫెరీరా, సుధా భరద్వాజ్, గౌతమ్ నావాల్కర్, విరసం నేత వరవరరావుల ఇళ్లలో సోదాలు చేసి అరెస్టులు చేసి పెద్ద కుట్రకు తెరతీశారు. ఎల్గార్ పరిషత్ కేసుకు సంబంధించిన విచారణలో రోనా విల్సన్ వద్ద లేఖలు లభించాయని.. వాటి ఆధారంగానే కేసులు నమోదు చేశామని పూణే పోలీసులు చెబుతున్నారు. అయితే అసలు ఆ లేఖలే నకిలీవని.. కల్పిత లేఖలతో అరెస్టులు ఎలా చేస్తారంటూ సుధా భరద్వాజ్ తమ లాయర్ వృందా గ్రోవర్ ద్వారా ఒక లేఖ విడుదల చేశారు.

హక్కుల కార్యకర్తగా పని చేస్తున్న పని చేస్తున్న న్యాయవాది సుధా భరద్వాజ్ డైరీలోని పేజీలు ఉపయోగించి సొంత దస్తూరీతో ఈ లేఖ రాసినట్లు తెలుస్తోంది. ఆ లేఖలో ఆమె పోలీసుల ఆరోపణలను ఖండిస్తూ 9 పాయిట్లు రాశారు. అవి ఏంటంటే..

1. నా (సుధా భరద్వాజ్) తోపాటు, మానవ హక్కుల సంఘాల లాయర్లు, ఇతర ఉద్యమకారులు, సంస్థలను నేరాల్లో ఇరికించేందుకు పోలీసులు పూర్తిగా కల్పిత లేఖను సృష్టించారు.

2. బహిరంగంగా అందుబాటులో ఉన్న వాస్తవాలు, నిరాధార ఆరోపణలతో పోలీసులు ఈ లేఖలు సృష్టించారు.

3. చట్టబద్ధంగా, ప్రజాస్వామ్యబద్ధంగా జరిగిన సమావేశాలు, సెమినార్లు లాంటి వాటిని పోలీసులు మావోయిస్టులకు నిధులు సమకూర్చేందుకు నిర్వహించామని చెబుతున్నారు.

4. హ్యూమన్ రైట్స్ లాయర్లు, ఆ సంస్థల కార్యకలాపాలు అడ్డుకోడానికి, వారిపై ద్వేషం కలిగించేందుకు ఉద్దేశపూర్వకంగా వారికి మచ్చతెస్తున్నారు.

5. లాయర్స్ అసోసియేషన్ అయిన ఐఏపీఎల్‌ అధ్యక్షుడు జె.హోస్పేట్ సురేష్ లాయర్లపై దాడులకు వ్యతిరేకంగా మాట్లాడారని ఆ సంఘం చట్టబద్ధతనే రద్దు చేసే ప్రయత్నం చేస్తున్నారు.

6. నేను మోగాలో జరిగిన ఏ కార్యక్రమానికీ, ఎప్పుడూ 50 వేల రూపాయలు ఇవ్వలేదని స్పష్టంగా చెప్పాను. మహారాష్ట్రకు చెందిన అంకిత్, లేదా కాశ్మీరీ వేర్పాటు వాదులతో సంబంధాలున్న కామ్రేడ్ అంకిత్ గురించి కూడా నాకు తెలీదు.

7. నాకు గౌతమ్ నవ్‌లాఖా, లాయర్ ప్రసాద్ చౌహాన్ గురించి కూడా తెలుసు. నన్ను నేరాల్లో ఇరికించడానికే వారి పేర్లు చెబుతున్నారు. వారిపై చేసిన ఆరోపణలు కూడా నిరాధారమైనవే.

8. జగదల్‌పూర్ లీగల్ ఎయిడ్ గ్రూప్‌కు కూడా ఎలాంటి నిషేధిత సంస్థ నుంచి ఏ నిధులూ కేటాయించలేదు. వారు చట్టబద్ధంగా, న్యాయంగా తమ కార్యకలాపాలు నిర్వహిస్తున్నారు.

9. బస్తర్, చత్తీస్‌గఢ్‌లో మానవ హక్కుల ఉల్లంఘనను బయటపెట్టిన న్యాయవాదులు, ఉద్యమకారులు, సంస్థలపై ద్వేషం కలిగించడానికి, వారిని నేరాల్లో ఇరికించడానికి పోలీసులు ప్రయత్నిస్తున్నారు.

ఇలా 9 పాయింట్లు రాసి పోలీసుల ఆరోపణలను ప్రవ్నించారు. చివరిలో "ఈ లేఖలు కల్పితమని మరోసారి స్పష్టం చేస్తున్నా. వీటిని జులై 4న రిపబ్లిక్ టీవీలో చూపించినపుడే నేను వాటిని ఖండించాను. నన్ను పుణెకు దూరంగా ఉంచాలని వారు కోరిన సమయంలో కనీసం పుణె కోర్టుకు గానీ, ఫరీదాబాద్‌ సీజేఎం ఎదుటగానీ ఈ లేఖలు సమర్పించలేదు" అని చెప్పారు.

Keywords : వరవరరావు, హక్కుల కార్యకర్తలు, సుధా భరద్వాజ్, పూణే పోలీసులు, కల్పిత లేఖలు, varavararao, rights activists, arrests, fake letters, pune police, sudha bharadwaja
(2019-03-24 11:07:39)



No. of visitors : 813

Suggested Posts


0 results

Search Engine

The worse health deterioration of Prof G.N. Saibaba
ముస్లిం కుటుంబంపై మూక దాడి.... పాకిస్తాన్ వెళ్ళిపోండి అని బెదిరింపు
అన్నీ దోపిడీ దొంగ పార్టీలే - బూటకపు ఎన్నికలను బహిష్కరించండి : మావోయిస్టు పార్టీ
ఒక సంఘీభావ ప్రదర్శన – ఒక విచారం – ఒక ఉత్తేజం
జమ్మూ కాశ్మీర్ - ʹపండితులుʹ
పుణె తాజా నివేదిక – ఆశాభంగాలూ విద్యుల్లతలూ..!
ఈ డెడ్ బాడీలు ఉగ్రవాదులవే...ఫేక్ ఫోటోలతో అబద్దపు ప్రచారం...
యూపీలో కాశ్మీరీలపై దాడులకు తెగబడ్డ కాషాయ మూక‌
నిరుద్యోగం గురించి మాట్లాడినందుకు విద్యార్థిని చితకబాదిన ʹదేశభక్తʹ మూక‌ !
Why is the operation ʹgreen huntʹ a genocidal operation?
ఉన్మాదుల దృష్టిలో గంగూలీ కూడా దేశ ద్రోహేనా..?
లైన్ ఆఫ్ నో కంట్రోల్ - భారత మీడియా
వెనుజులా సంక్షోభానికి అమెరికా ఆజ్యం - ఎ.నర్సింహ్మారెడ్డి
భగ్న సభోత్తేజం ‍- పాణి
చత్తిస్ గడ్ ఎన్కౌంటర్ లో చనిపోయింది మావోయిస్టులు కాదు గ్రామస్తులే
మోడీ కాళ్ళు కడుగుతాడు..యోగీ దేశద్రోహం కేసు పెడతానని బెదిరిస్తాడు
కనకాభిషిక్తులు ఇనాక్‌గారు | పాణి |
సామూహిక గాయానికి 29 ఏండ్లు...
సంఘ్ పరివార్ ఆగడాలను ఖండించినందుకు విద్యార్థులపై దేశద్రోహం కేసు పెట్టిన సీపీఎం ప్రభుత్వం
బ్రెహ్ట్ అంబేద్కర్ లాగా మాట్లాడితే... గోపాల కృష్ణ గాంధీ
రాజ్యహింసను ప్రశ్నిస్తే రాజద్రోహమేనా..?
బీమా కోరేగావ్ కేసు దురుద్దేశాలతో, సాహసిక పరిశోధన లాగ జరుగుతోంది : వీవీ
కవి రూపొందిన ఒంటరి జైలు గది || పాణి ||
కలత నిద్దురలోనూ దండకారణ్యమే
బీమా కోరేగావ్ కేసు.. అంతర్జాతీయ మేధావుల బహిరంగ లేఖ
more..


పూణే