సోన్ భద్ర నరమేధం వెనక అసలు నిజాలు...కీలక పత్రాలు మాయం చేసిందెవరు ?


సోన్ భద్ర నరమేధం వెనక అసలు నిజాలు...కీలక పత్రాలు మాయం చేసిందెవరు ?

ఉత్త‌ర్‌ప్ర‌దేశ్లోని సోన్‌భద్రలో10 మంది ఆదివాసులను దుర్మార్గంగా కాల్చి చంపిన సంఘటన ఈ దేశ ప్రజలని నివ్వెర పోయేట్టు చేసింది. గ్రామ ప్రధాన్ యజ్ఞదత్ తన అనుచరులు చేసిన ఈ నరమేధం వెనక అనేక సంవత్సరాల కుట్ర దాగి ఉన్నది. ఆదివాసులపై తరతరాలుగా సాగుతున్న దోపిడీ, అణిచివేతల కొనసాగింపుగానే సాగిందీ నరమేధం. ఈ దేశంలో ఆదివాసుల భూములను అటు ప్రభుత్వాలు ఇటు భూస్వాములు ఆక్రమించుకొని వాళ్ళను నిర్వాసితులుగా మార్చి అడవికి దూరంచేసి హత్య చేసే కుట్రల్లో భాగంగానే ఈ నరమేధం జరిగిందన్నది అర్దమవుతోంది.

ఇంత దుర్మార్గం జరిగాక ఇప్పుడు అధికారులు ఈ భూమి డీల్ ఫైలు మాయమయ్యిందని ప్రకటించారు. 200 పైగా ఎకరాల అటవీ భూమి ఒక ఐఏఎస్ అధికారి స్థాపించిన ట్రస్ట్ కు ఎలా వెళ్ళిందన్న డాక్యుమెంట్లు ఇప్పుడు మాయమయిపోయాయి.

1950లో సుమారు 600 బిగాల( దాదాపు 200 ఎకరాల పైన) భూమిని జమీందారీ నిర్మూలన , భూ సంస్కరణల చట్టం కింద‌ బంజరు భూమిగా ప్రకటించింది ప్రభుత్వం. అనంతరం ఆ ప్రాంతంలోని ఆదివాసీలు (గోండ్లు) మూడు తరాలుగా ఆ భూమిని సాగు చేసుకొంటున్నారు. ఈ 600 బిగాల అధికారిక పత్రాలలో గ్రామ సభ భూమిగా నమోదు చేశారు. 1955లో, సుమారు 463 భిగాల భూమిని బీహార్ కేడర్ మాజీ ఐఎఎస్ అధికారి ప్రభాత్‌ కుమార్‌ మిశ్రా కు చెందిన ఆదర్శ్ సహకారి సమితి ట్రస్ట్ కు బదిలీ చేశారు. ఈ ట్రస్ట్ లో ప్రభాత్‌ కుమార్‌ మిశ్రా మామ మహేశ్‌ మిశ్రాను ప్రెసిడెంట్‌గాను, అత‌ని భార్య, కూతురిని ఆఫీసు బేరర్లుగాను నియమించారు. 1989 లో సిన్హా మరణం తరువాత, సుమారు 200 బిగాల భూమిని సిన్హా కుమార్తె, మిశ్రా భార్య అయిన ఆశా మిశ్రా, మనువరాలు వినీత పేరుతో బదిలీ చేశారు. అటవీ భూములు ఆదివాసులు తప్ప ఇతరులు కొనడానికి హక్కులేదన్న చట్టాలుండగా ఇలా ఓ ఐఏఎస్ ఎలా స్వంత చేసుకోగలిగాడు ?

అయితే 2017లో ఈ భూమిని గుజ్జర్ కులానికి చెందిన‌ గ్రామ ప్రధాన్ యజ్ఞదత్‌తో పాటు మరో 10 మందికి రూ.2 కోట్లకు అమ్మారు. ఈ నేపథ్యంలో గత రెండేళ్లుగా దత్ ఈ భూమిని స్వాధీనం చేసుకోవడానికి ప్రయత్నిస్తున్నాడు. ఇక్కడే వివాదం మొదలైంది. ఈ భూమి తమదంటూ దత్‌ చేస్తున్న ప్రయత్నాలను తీవ్రంగా వ్యతిరేంచిన గోండ్లు, 2017 ఒప్పందం చట్టవిరుద్ధమంటూ కేసు నమోదు చేశారు. ఈ క్రమంలో పరస్పరం పలు కేసులు నమోదయ్యాయి.

అయితే జూలై 6 న, 32 ట్రాక్టర్లు, 300 మంది గూండాలను వెంటేసుకొని దత్ భూమికి మీదికి వచ్చి దాన్ని ఆక్రమి‍ంచే ప్రయత్నం చేశాడు. ఆదివాసులు దీని అడ్డుకోవడంతో గూండాలు ఆదివాసులపై దుర్మార్గంగా దాడి చేశారు. కర్రలతో తలలు పగులగొట్టారు. బరిశెలతో పొడిచారు. చివరికి తుపాకులతో పది మంది ఆదివాసులను కాల్చి చంపారు. ఈ సంఘ‌టనలో మరో 25 మంది గాయపడ్డారు. పచ్చటి ఆ నేలంతా ఆ గోండుల నెత్తురుతో ఎర్రబారింది. ఇంత జరుగుతున్నా పోలీసులు అక్కడికి రాలేదు. వాళ్ళకు తెలిసీ రాలేదని బాధితులు ఆరోపిస్తున్నారు.

ఇంత జరిగినా ఏ మీడియా ఈ దుర్మార్గాన్ని చూపలేదు. ఏ పత్రికా రాయలేదు. సోషల్ మీడియాలో ఈ వార్త వైరల్ అయిన తర్వాత మీడియాకూడా రాయడం మొదలుపెట్టింది. మరో వైపు ప్రభుత్వం ఐదు రోజుల దాకా పట్టించుకోలేదు. ఆ గ్రామానికి ఎవరినీ వెళ్ళనివ్వలేదు. చివరకు కాంగ్రెస్ నాయకురాలు ప్రియాంకా గాంధీని కూడా సోన్ భద్ర వెళ్ళకుండా ప్రభుత్వం అడ్డుకుంది. పైగా ఈ మారణ హోమానికి గత కాంగ్రెస్, సమాజ్ వాదీ పార్టీల‌ ప్రభుత్వాలే కారణమని ముఖ్యమంత్రి స్వయంగా ఆరోపణలకు దిగాడు. ప్రభుత్వం పై అన్ని వైపుల నుండి విమర్షలు రావడంతో చివ‌రకు అధికారులతో ఓ కమిటీని వేసి చేతులు దులుపుకున్నాడు ముఖ్యమంత్రి.

ఈ నరమేధానికి కారణమైన ఈ భూమికి సంబంధించి అసలు డాక్యుమెంట్లు మాయమయ్యాయి అని తేల్చి చెప్పిన కమిటీ కూడా చేతులు దులుపుకుంటుంది. అడవుల్లో నుండి ఆదివాసులను వెళ్ళగొట్టి ఆ భూమి కింద ఉన్న ఖనిజ సంపదను కార్పోరేట్లకు దోచి పెట్టాలన్న కేంధ్ర , రాష్ట్ర ప్రభుత్వాల కుట్రకు ఈ సంఘటన కొనసాగింపుగా అనిపించడం లేదా ?

Keywords : son bhadra, uttara pradesh, adivasi, gond, yogi adityanath,
(2019-09-19 01:11:35)



No. of visitors : 428

Suggested Posts


అది రామరాజ్యం... ఆవులకేమో అంబులెన్సులు... పిల్లల‌కేమో చావుకేకలు !

ఆవులకు ఏమైనా అయితే రక్షించడానికి, వాటిని ఆఘమేఘాలమీద ఆస్పత్రికి తరలించడానికి అంబులెన్స్ లు ప్రారంభించారు. ఇంత గొప్పగా జరుగుతున్న యోగీ మహరాజ్ పాలనలో గోరఖ్ పూర్ లోని ప్రభుత్వ ఆస్పత్రిలోఆక్సీజన్ లేక‌ 63మంది చిన్నారుల‌ ప్రాణాలు పోయాయి. ప్రభుత్వం బాకీ పడ్డ 60 లక్షల రూపాయలు ....

అది మనువాదపు కసాయి రాజ్యం ‍‍- ప్రేమంటే నరనరాన ద్వేషం

ఓ యుతి, ఓ యువకుడు జంటగా రోడ్డు మీద వెళ్తున్నారు. నవ్వుతూ తుళ్ళుతూ కబుర్లు చెప్పుకుంటూ వెళ్తున్న వాళ్ళను చూసి యాంటీ రోమియో స్క్వాడ్ ముసుగేసుకున్న మనువులకు మండింది. సంఘ్ పరివార్ పాలనలో మగ ఆడ కలిసి తిరగడ ఎంత పాపం ! ఆ పాపానికి ఒడిగట్టిన ఆ ఇద్దరినీ పట్టుకొని కొట్టారు, పోలీసులతో కలిసి యువకుడికి గుండు గీసి అవమానించారు....

యోగీ రాజ్యం: ఆవును కాపాడటం కోసం మహిళను చంపేసిన పోలీసు

అది ఉత్తర ప్రదేశ్ లోని హర్రియా పట్టణం శనివారం నాడు వేగంగా వెళ్తున్న ఓ పోలీసు జీబు డ్రైవర్ కంట్రోల్ తప్పింది. ఆ జీబుకు ఎదురుగా ఓ ఆవు వస్తోంది. డ్రైవర్ కు ఆ సమయంలో తమ ముఖ్యమంత్రి యోగీ ఆదిత్యానాథ్, ఆయన శిష్యులైన గోరక్షకులు....

అమానుషంగా అమ్మాయిలను కొట్టారు...వాళ్ళ మీదే కేసులు పెట్టారు...బేటీ బచావ్...బేటీ పడావ్..అంటే ఇదేనా ?

విద్యార్థినులపై దాడి చేసి నెత్తురోడేట్టు అమానుషంగా కొట్టిన పోలీసులపై చర్యలు తీసుకోవల్సింది పోయి బాధితులపైనే కేసులు పెట్టారు. ఉత్తర ప్రదేశ్ లోని బెనారస్ హిందూ యూనివర్సిటీకి చెందిన 1000 మంది విద్యార్థులపై ఇవ్వాళ్ళ కేసు నమోదయ్యింది....

యోగీ రాజ్యంలో దారుణం... ఆక్సిజన్ లేక 30 మంది చిన్నారుల మృతి !

ఆక్సిజన్‌ సరఫరా చేస్తున్న కంపెనీకి ప్రభుత్వం కట్టాల్సిన 66లక్షల రూపాయల బాకీ కట్టకపోవడం వల్ల ఆ కంపెనీ ఆక్సిజన్‌ పంపిణీని ఆపేసింది. ఫలితంగా ఇంతమంది చిన్నారుల ప్రాణాలు గాల్లో పోయాయి....

పోలీసుల దుర్మార్గం...బాలిక గ్యాంగ్ రేప్ !

రక్షక భటులు ఓ బాలికను కాటేశారు. కిడ్నాప్ చేసి దారుణంగా రేప్ చేశారు. ఉత్తరప్రదేశ్‌లోని మథుర గోవింద్‌నగర్లో పదవతరగతి చదువుతున్న ఓ బాలికను ఇన్స్‌పెక్టర్ రమాకాంత్ పాండే, మరో పోలీస్ ప్రవీణ్ ఉపాధ్యాయ్‌లు....

అది విషాదంకాదు నరమేధం... 63 కు చేరిన చిన్నారుల మరణాలు

యోగీ ఆదిత్యానాథ్ రాజ్యంలో చిన్నారుల నరమేధం కొనసాగుతోంది. ప్రభుత్వం నిర్లక్ష్యం 63 మంది చిన్నారులను బలితీసుకుంది. గోరఖ్ పూర్ లోని బాబా రాఘవ్‌దాస్‌ ప్రభుత్వ మెడికల్‌ కాలేజీ ఆస్పత్రిలో చికిత్స పొందుతూ ఆక్సిజన్ లేక నిన్న 31 మంది చిన్నారుఅ ఊపిరి ఆగిపోగా ఇవ్వాళ్ళ ఆ సంఖ్య 63 కు...

పరీక్షలు రాసింది 12 వేల మంది... పాసయ్యింది 20 వేల మంది

12,800 మంది విద్యార్థులు పరీక్షలు రాశారు. కానీ పాసయ్యింది మాత్రం 20,089 మంది. చివరి నిమిషంలో ఈ అంకెలు చూసిన అధికారులు షాకయిపోయారు. ఏం చేయాలో అర్దం కాక తలలు పట్టుకొని ఆలోచించి చివరకు పరీక్షా ఫలితాల....

గూండాలను అరెస్టు చేసినందుకు యోగీ సర్కార్ ఆమెను అడవుల్లోకి ట్రాన్స్ఫర్ చేసింది

ఉత్తర ప్రదేశ్‌లో అక్రమాలకు పాల్పడుతున్న బీజేపీ కార్యకర్తలకు ఝలక్‌ ఇచ్చిన‌ పోలీస్‌ అధికారిణీ శ్రేష్ట ఠాకూర్ ను యోగీ సర్కార్ అడవుల్లోకి బదీలీ చేసింది.. ఆమె ప్రస్తుతం విధులు నిర్వహిస్తున్న స్యానా సర్కిల్‌ నుంచి బహ్రైచ్‌కి బదీలీ చేశారు. లోకల్‌ బీజేపీ కార్యకర్తల నుంచి ఒత్తిడే ఆమె బదీలీకి కారణమని ప్రచారం జరుగుతోంది....

నరహంతకుల రాజ్యంలో న్యాయానికి దిక్కేది ?

మురికివాడలో నివసించే పేదలపై బలం ప్రయోగించి, పోష్ కాలనీలోని సంపన్నులకు వత్తాసు పలుకుతున్నారు నేతలు. కేసు ఎలాంటిదయినా, ఒక మంత్రి బెయిలు దొరక్కుండా చేస్తానని బెదిరించడం ప్రజాస్వామ్యం ఏ స్థాయికి పతనమైందో చెప్పే సంఘటన....

Search Engine

తెలుగులో ఇలాంటి సినిమాలు తీయలేరా..?
పోరాడితే పోయేదేమీ లేదు...పోరాడి హక్కులు సాధించుకున్న విద్యార్థినులు
భీం ఆర్మీ ఛీఫ్ ఆజాద్ ను వెంటనే విడుదల చేయాలి... మేధావులు, లాయర్లు, విద్యార్థుల డిమాండ్
పులివెందుల నుండి నల్లమలదాకా...వరలక్ష్మి
ఆర్థిక మాంద్యం అంటే ఏమిటి ? ఆర్థిక మాంద్యాన్ని ఎదుర్కోవడం ఎలా ? - ఎన్.వేణుగోపాల్
కశ్మీర్ లో ఎవ్వరికి లేని ʹనెట్ʹ సేవలు బీజేపీ వాళ్ళకు ఎలా వచ్చాయి ?
విమోచన అంటే చరిత్ర నవ్వదా - ఎన్. వేణుగోపాల్
Savenallamala: యురేనియం తవ్వకూడదన్నవాళ్ళంతా అర్బన్ నక్సలైట్లేనా ?
కశ్మీర్ ప్రజల పోరాటానికి మద్దతుగా నిబడదాం...మావోయిస్టు పార్టీ పిలుపు
భూ గురత్వాకర్షణ శక్తిని కనుగొన్నది ఐనిస్టీనా... న్యూటన్ కాదా ?
Maoist leader Murali recounts his own jail experience to cite rampant rights violation
ప్రభుత్వాన్ని,న్యాయవ్యవస్థను,ఆర్మీని విమర్శించడం దేశద్రోహం కాదు ... సుప్రీం కోర్టు జడ్జ్
దేవరకొండలో యురేనియం సర్వే కోసం వచ్చిన వారిని తరిమిన ప్రజాసంఘాలు
చెప్పులేసుకొని బైక్ నడిపినా.. లుంగీ కట్టి లారీ నడిపినా భారీ జరిమానాలు..!
యురేనియంపై నల్లమల బంద్.. కదం తొక్కిన జనం... నాయకుల అరెస్ట్, ఉద్రిక్తత‌
నల్లమల ప్రజలకు మద్దతుగా నిలబడదాం, యురేనియం తవ్వకాలను అడ్డుకుందాం ... మావోయిస్టు పార్టీ ప్రకటన‌
జేఎన్యూ పై మళ్ళీ ఎర్రజెండా రెపరెపలు... విద్యార్థి సంఘం ఎన్నికల్లో లెఫ్ట్ ఘనవిజయం
దేవుడు లేడని చెప్పే హక్కు రాజ్యాంగం కల్పించింది...మద్రాస్ హైకోర్టు
దేశ పరిస్థితులపై ఆందోళన...మరో ఐఏఎస్ రాజీనామా
జేఎన్యూ విద్యార్థి నాయకురాలు షెహ్లా రషీద్ పై రాజద్రోహం కేసు
యుద్ధం - శాంతి.
యురేనియం దెబ్బకు జీవాలు గడ్డి తినడంలే.. బురుగులు కక్కి సస్తున్నాయి..!
కశ్మీర్ లో 80 మందికి పెల్లెట్ గాయాలు, బాలుడు మృతి... జాతీయ వార్తాసంస్థల వెల్లడి
ఆమె పోరాటమే.. తమిళనాడు ప్రభుత్వాన్ని కదిలించింది..!
స్కూలు పిల్లలకు భోజనంలోకి కూరకు బదులు ఉప్పు...బైట పెట్టిన జర్నలిస్టుపై కేసు
more..


సోన్