బీజేపీకి ఓటెయ్యక పోతే రేప్ చేస్తారా - మోడీకి 170 మహిళా ప్రముఖుల లేఖ‌


బీజేపీకి ఓటెయ్యక పోతే రేప్ చేస్తారా - మోడీకి 170 మహిళా ప్రముఖుల లేఖ‌

బీజేపీకి

ఢిల్లీ అసెంబ్లీ ఎన్నికల ప్రచారంలో బీజేపీ నేతలు రేప్‌ను ఓ ప్రచారాస్త్రంగా, హెచ్చరికగా వాడుకుంటున్నారని, తమకు ఓటేయకుంటే లైంగికదాడులు జరిగిపోతాయంటూ దేశంలో భయానక వాతావరణాన్ని సృష్టిస్తున్నారని 170 మంది మహిళా ప్రముఖులు, పలు మహిళా సంఘాల ప్రతినిధులు ఆందోళన వ్యక్తం చేశారు.

బీజేపీ నేతలు తరుచూ విద్వేషపూరిత ప్రసంగాలు చేస్తున్నారని, మీ మౌనంతో అలాంటివారిని పరోక్షంగా ప్రోత్సహిస్తున్నారని ప్రధానమంత్రి నరేంద్రమోదీని విమర్శించారు. ఈ మేరకు సోమవారం ఆర్థికవేత్త దేవకి జైన్‌, హక్కుల కార్యకర్తలు లైలా తయాబ్జీ, కమలా భాసిన్‌, మాజీ భారత రాయబారి మధు బాధురి తదితర ప్రముఖులు, ఆలిండియా ప్రోగ్రెసివ్‌ ఉమెన్స్‌ అసోసియేషన్‌ (ఏఐపీడబ్ల్యూఏ), నేషనల్‌ ఫెడరేషన్‌ ఆఫ్‌ ఇండియన్‌ ఉమెన్‌ (ఎన్‌ఎఫ్‌ఐడబ్ల్యూ) వంటి సంస్థలు సంయుక్తంగా ప్రధానికి బహిరంగ లేఖ రాశాయి.

ఢిల్లీ ఎన్నికల్లో గెలిచేందుకు బీజేపీ శ్రేణులు సృష్టించిన భయానక వాతావరణాన్ని చూసి కలత చెంది ఈ లేఖ రాస్తున్నామని.. దేశ పౌరులుగా, హిందువులు, ముస్లింలు, సిక్కులు, ఆదివాసీ, దళిత మహిళల పక్షాన స్పందిస్తున్నామని పేర్కొన్నారు.

ʹమహిళలపై లైంగిక దాడులు జరుగుతాయంటూ బీజేపీ నేతలు తరుచూ తమ ప్రచారంలో హెచ్చరిస్తున్నారు. సీఏఏ, ఎన్నార్సీ, ఎన్పీఆర్‌కు వ్యతిరేకంగా శాంతియుతంగా నిరసన తెలుపుతున్న మహిళలపై హింసకు పాల్పడాలంటూ తమ శ్రేణులకు పిలుపునిస్తున్నారు. ప్రభుత్వాధినేతగా మీరు (మోదీ) మౌనంగా ఉండి ఇలాంటి విద్వేష పూరిత వాతావరణాన్ని ప్రోత్సహిస్తున్నారు. తద్వారా సమాజంలోని అన్ని వర్గాల మహిళలు అభద్రతాభావానికి గురవుతున్నారు.

ʹబీజేపీకి ఓటేయండి లేదంటే మీపై లైంగికదాడి జరుగుతుందʹనే సందేశాన్ని ఢిల్లీ మహిళలకు అందించాలని అనుకుంటున్నారా?ʹ అని ప్రధానిని ప్రశ్నించారు. షాహీన్‌బాగ్‌లో లక్షల మంది గుమిగూడుతున్నారని, వారు ఢిల్లీ ప్రజల ఇండ్లల్లోకి చొరబడి మహిళలపై అఘాయిత్యాలు చేసి, హత్యచేసే అవకాశం ఉన్నదంటూ బీజేపీ ఎంపీ పర్వేశ్‌ వర్మ చేసిన వ్యాఖ్యలను ప్రస్తావిస్తూ.. ʹదేశంలోని మహిళలు, చిన్నారులందరికీ ముప్పు పొంచి ఉన్నదని మీరు చెప్పదలుచుకున్నారా?ʹ అని ప్రశ్నించారు.

బీజేపీ చేస్తున్న ఈ విద్వేష ప్రచారాన్ని చరిత్ర మరిచిపోదని, దేశ ప్రజలు మన్నించరని హెచ్చరించారు. ʹమీ పార్టీ సభ్యులు సృష్టించిన భయానక వాతావరణాన్ని దేశం మొత్తం చూస్తున్నది. మీ రెచ్చగొట్టే వ్యాఖ్యలకు ప్రభావితమై.. గత నెల 30న జామియా వర్సిటీ విద్యార్థులపై రామ్‌ భక్త్‌ గోపాల్‌ కాల్పులు జరిపాడు. ఈ నెల 1న మరో ఉగ్రవాది షాహీన్‌బాగ్‌లో మహిళలవైపు తుపాకీ పేల్చాడుʹ అని పేర్కొన్నారు.

కేంద్ర మంత్రి అనురాగ్‌ ఠాకూర్‌ నిర్వహించిన ఓ సభలో ʹదేశద్రోహులను కాల్చిపారేయండిʹ అంటూ నినాదాలు చేయడాన్ని, ʹచెప్తే మాటవినని వారికి బుల్లెట్లతో అర్థమయ్యేలా చెప్పండిʹ అంటూ యూపీ సీఏం యోగి ఆదిత్యనాథ్‌, ʹనిరసనకారులకు షాక్‌ తగిలేలా ఈ నెల 8న ఓటెయ్యాలిʹ అంటూ కేంద్ర హోంమంత్రి అమిత్‌షా చేసిన వ్యాఖ్యలను ఆ లేఖలో ప్రస్తావించారు.

నిరసన తెలుపుతున్న మహిళలను దేశద్రోహులుగా చిత్రీకరిస్తారా? అంటూ మండిపడ్డారు. శాంతియుతంగా నిరసన తెలుపుతున్న విద్యార్థులపైకి కేంద్ర ప్రభుత్వం పోలీసులను ఉసిగొల్పుతున్నదని, ఎంపీలు సాధారణ పౌరులను బెదిరిస్తున్నారని, కొందరు విద్వేష పూరిత ప్రసంగాలతో ప్రభావితులై హింస సృష్టిస్తుంటే పోలీసులు చూస్తూ ఉండిపోతున్నారని ఆ లేఖలో పేర్కొన్నారు. ఈ పరిణామాలతో తాము తీవ్రం గా భయాందోళన చెందుతున్నట్టు చెప్పారు.

ʹసీఏఏ, ఎన్నార్సీ, ఎన్పీఆర్‌కు వ్యతిరేకంగా ఉద్యమించడానికి గల కారణాలను మీ ప్రభుత్వం అంగీకరించకపోవచ్చు. అయితే శాంతియుతంగా నిరసన తెలుపడం రాజ్యాంగం కల్పించిన హక్కు. అదే మేము చేస్తున్నాం. లక్షల మంది ఢిల్లీ మహిళలు ఉద్యమంలో పాల్గొనడంతోపాటు దానికి నేతృత్వం వహిస్తున్నారుʹ అని చెప్పారు.

మహిళలు రాజ్యాంగ పరిరక్షణ కోసం ఉద్యమిస్తుంటే, వారిపై దేశద్రోహులుగా, ఉగ్రవాదులుగా ముద్రవేస్తున్నారని, ఇలాంటివి చూస్తూ ఊరుకోబోమని హెచ్చరించారు. విద్వేషపూరిత ప్రసంగాలు, లక్షిత హింసపై ప్రధాని మోదీ తక్షణం స్పందించాలని, వారిపై వెంటనే చట్టపరమైన చర్యలు తీసుకోవాలని కోరారు. భారత రాజ్యాంగాన్ని గౌరవించేలా, దేశంలోని మహిళల భద్రతకు భరోసా ఇచ్చేలా హుందాగా ఎన్నికల్లో పోరాడాలని కోరారు.

Keywords : delhi elections, bjp, Women Activists, Open Letter
(2020-02-26 23:53:38)



No. of visitors : 614

Suggested Posts


నిరసన తెలుపుతున్న మహిళల ఆహారం, దుప్పట్లు ఎత్తుకొని పారిపోయిన పోలీసులు

ఉత్తర ప్రదేశ్ లక్నోలోని గంటా ఘర్ (క్లాక్ టవర్) ప్రాంతంలో పౌరసత్వ సవరణ చట్టం (సిఎఎ) కు వ్యతిరేకంగా నిరసన తెలిపుతున్న‌ మహిళలు తమకోసం తెచ్చుకున్న ఆహార పదార్థాలు, దుప్పట్లను లక్నో పోలీసులు ఎత్తుకపోయారు.

మోడీ భారత పౌరుడనే రుజువుందా ? ఆర్టీఐ ద్వారా అడిగిన కేరళవాసి

CAA వ్యతిరేక ఆందోళనల నేపథ్యంలో ఓ కేరళ నివాసి ప్రధాని నరేంద్ర మోడీ భారత పౌరుడనడానికి రుజువుందా అంటూ ఆర్టీఐ దరఖాస్తును దాఖలు చేశారు. జనవరి 13 న చాలక్కుడి మునిసిపాలిటీకి చెందిన ఇన్ఫర్మేషన్ ఆఫీసర్ ముందు జోషి కల్లూవెల్టిల్ అనే వ్యక్తి ఈ దరఖాస్తు చేసినట్లు న్యూస్ ఏజెన్సీ పిటిఐ తెలిపింది.

శాంతి ప్రదర్శన‌పై మతోన్మాది కాల్పులు... చోద్యం చూస్తూ నిలబడ్డ పోలీసులు

ఇవ్వాళ్ళ... మహాత్మా గాంధీపై మతోన్మాద గాడ్సే కాల్పులకు తెగబడి ఆయనను హత్య చేసినరోజు... విద్యార్థులపై ఓ మతోన్మాది కాల్పులకు తెగబడ్డాడు. ఢిల్లీ లోని జామియా మిలియా యూనివర్సిటీలో CAA, NRC ల‌కు వ్యతిరేకంగా శాంతియుతంగా ర్యాలీ నిర్వహిస్తున్న విద్యార్థులపై

CAA,NRCలకు వ్యతిరేకంగా మావోయిస్టుల ప్రచారం

పౌరసత్వం సవరణ చట్టం (CAA) మరియు నేషనల్ రిజిస్టర్ ఆఫ్ సిటిజన్స్ (NRC) కు వ్యతిరేకంగా సాయుధ తిరుగుబాటుకు సిద్ధంగా ఉండాలని సీపీఐ మావోయిస్టు పార్టీ ప్రజలకు విఙప్తి చేసింది.

స్కూల్ లో NRC, CAA లకు వ్యతిరేకంగా నాటకం వేశారని స్కూల్ పై దేశద్రోహం కేసు

పౌరసత్వ సవరణ చట్టం (CAA) మరియు పౌరుల జాతీయ రిజిస్టర్‌కు(NRC) వ్యతిరేకంగా నాటకం ప్రదర్శించినందుకు కర్ణాటక బీదర్‌లోని పాఠశాల నిర్వాహకులపై కేసు నమోదు చేయబడింది.

CAA నిరసనలపై హింస - ఢిల్లీలో 8 రౌండ్ల కాల్పులు జరిపిన అగంతకుడు

రెండు నెలలకు పైగా శాంతియుతంగా సాగుతున్న సీఏఏ, ఎన్నార్సీ వ్యతిరేక నిరసనలపై దాడులు తీవ్రమయ్యాయి. ఢిల్లీ జామియా మిలియా యూనివర్సిటీలో , షాహీన్ బాగ్ లో కొద్ది రోజుల క్రితం జరిగిన తుపాకీ కాల్పుల కొనసాగింపుగా ఇప్పుడు పాలక మూకలు దాడిని తీవ్రం చేశాయి. నిరసన ప్రదర్శన‌లు ఆపక పోతే

కన్హయ్యకుమార్ పై మళ్ళీ దాడి...2వారాల్లో ఇది 7వ దాడి

జవహర్ లాల్ నెహ్రూ యూనివర్సిటీ మాజీ అధ్యక్షుడు, సీపీఐ నాయకుడు కన్హయ్య కుమార్ పై మంగళవారం బీహార్లో మళ్లీ దాడి చేశారు. రెండు వారాల్లో కన్హయ్య పై ఇది 7వ దాడి. బీహార్ లో జరుగుతున్న ʹజన్ గణ్ మన్ యాత్రʹ లో భాగంగా ఆయన ర్యాలీలో పాల్గొనేందుకు కాంగ్రెస్ ఎమ్మెల్యే కారులో ఉండగా ఆ కారుపై బైక్ ల మీద వచ్చిన గుర్తు తెలియని దుండగులు రాళ్ళతో దాడి చేశారు.

రాజ్యాంగమే నా బలం,ఆ బలంతోనే పోరాటం కొనసాగిస్తా - ఆజాద్

పౌరసత్వ సవరణ చట్టం, ఏన్నార్సీ రెండూ కలిపి అమలు చేయడంలోనే ప్రమాదముందని భీం ఆర్మీ ఛీఫ్ చంద్రశేఖర్ ఆజాద్ అన్నారు. రాజ్యాంగం ఇచ్చిన హక్కులు కాపాడుకోవడానికి ఎంతటి పోరాటమైనా చేస్తామని ఆయన స్పష్టం చేశారు.

అర్నబ్ బ్యాచ్, ప్రజ్ఞా ఠాకూర్ లు చేస్తే గొప్పపని - కునాల్ కమ్ర చేస్తే మాత్రం నేరం

రిపబ్లిక్ టీవీ ఛీఫ్ అర్నబ్ గోస్వామి ప్ర‌యాణిస్తున్న విమానంలోనే ప్రయాణించిన స్టాండప్ కమెడియన్ కునాల్ కమ్రా గోస్వామి దగ్గరికి వెళ్ళి ఆయనపై పలు ప్రశ్నలు గుప్పించాడు. దేశం నరేంద్ర మోడీ చేతుల్లో చాలా భద్రంగా ఉన్నదని చెప్పారు కదా

మీరు చేస్తే గొప్ప పని ప్రజలు చేస్తే హింసనా జగ్గీ గారు

ప్ర‌భుత్వ ఆస్తులను తగులబెట్టడం భారతీయులు ఆక్రోశం వ్యక్తం చేసే తీరు. అందుకు చాలాకాలంగా దేశ పాలక వ్యవస్తే అనుమతిస్తోంది. ఇదో విచిత్రమైన వివేచన. కానీ ఇది వివేచనేʹʹ అని ప్రముఖ ఆధ్యాత్మిక గురువు సద్గురు

Search Engine

మతోన్మాద మూక ప్రాణాలు తీస్తుంటే - వీళ్ళు కడుపులో పెట్టుకొని రక్షించారు.
ఢిల్లీలో జరిగినవి ఇరు వర్గాల మధ్య అల్లర్లు కావు, బిజెపి,ఆరెస్సెస్ కలిసి చేసిన వ్యూహాత్మక, ప్రణాళికాబద్ధ దాడులు - విరసం
ఢిల్లీలో చెడ్డీ గ్యాంగ్ దాడులు: ఈ తల్లిని సజీవదహనం చేశారు
ఢిల్లీ : బీజేపీ నేతలపై కేసులకు ఆదేశాలిచ్చిన న్యాయమూర్తి అర్దరాత్రి బదిలీ
ఢిల్లీ అల్లర్లు: ఆ బీజేపీ నేతల‌పై కేసులు నమోదు చేయండి - పోలీసులకు హైకోర్టు ఆదేశం
నువ్వు హిందువా ముస్లింవా అంటూ జర్నలిస్టు ప్యాంట్ విప్పి చూశారు...ఢిల్లీలో కొన సాగుతున్న అరాచకం
మసీదును మేమే కాల్చాం... మా దేశంలో నిరసన తెలపడానికి వాళ్ళకు ఎంత ధైర్యం ? కెమెరా ముందు హిందుత్వ సభ్యులు
ఎన్డీటీవీ జర్నలిస్టులపై మతోన్మాద మూక దాడి - ఆపై హిందువులని తెలిసి వదిలేసిన దుండగులు
వీళ్ళు ప్రేమతో గులాబీలివ్వాలని చూశారు ... వాళ్ళు ద్వేషంతో దాడులు చేసి నెత్తుర్లు పారించారు
CAA నిరసనలపై హింస - ఢిల్లీలో 8 రౌండ్ల కాల్పులు జరిపిన అగంతకుడు
CAA,NRC: ఢిల్లీ శాంతి యుత నిరసనలపై చెడ్డీ గ్యాంగ్ దాడులు - పోలీసుల పాత్రపై అనుమానాలు
నిరసనపై నిరసన: వందలమంది హిందుత్వ వాదుల మధ్య ఆజాది అంటూ నినదించిన‌ యువతి
సీఏఏకు వ్యతిరేకంగా కవిత్వం చదివిన కవి, సోషల్ మీడియాలో పోస్ట్ చేసిన జర్నలిస్టు అరెస్టు
జాదవ్ పూర్ యూనివర్సిటీ ఎన్నికల్లో ఎగిరిన ఎర్రజెండా
దళిత యువకుల‌పై దుర్మార్గ దాడి - స్క్రూడ్రైవర్‌ను వెనక నుంచి జొప్పించి హింసలు
CAA పౌరసత్వానికి మత పరీక్ష... అమెరికన్ ఫెడరల్ ప్యానెల్
ట్రంప్ వస్తున్నాడు 24 గంటల్లో ఇండ్లు ఖాళీ చేయండి ... పేదలకు నోటీసులు
వైనాడు కొండల్లో కురిసిన నక్సల్బరీ తొలి వసంత మేఘం... !
మీడియా ప్రచారంలో నిజముందా ? ఆ విద్యార్థుల చేతుల్లో రాళ్ళున్నాయా ?
ʹకరోనా వైరస్ కాదు దేవుడి అవతారం ... విగ్రహాలు ప్రతిష్టించి పూజించండిʹ
భీమా కోరేగావ్ కేసు సమాంతర విచారణకు మహారాష్ట్ర‌ సర్కార్ నిర్ణయం
ట్రంప్ కు భారత్ లో పేదలు కనబడొద్దట - 7అడుగుల ఎత్తు గోడను కడుతున్న బీజేపీ ప్రభుత్వం
కన్హయ్యకుమార్ పై మళ్ళీ దాడి...2వారాల్లో ఇది 7వ దాడి
CAA,NRCలకు వ్యతిరేకంగా మావోయిస్టుల ప్రచారం
ఆప్ గెలుపుతో ఢిల్లీలో పెరిగిన బిర్యానీ సేల్స్... బీజేపీ అభిమానుల అసహనం
more..


బీజేపీకి