పలాస 1978 – కరుణకు అభినందన బిగికౌగిలి


పలాస 1978 – కరుణకు అభినందన బిగికౌగిలి

ఇప్పుడు చర్చంతా పలాస 1978 సినిమా గురించే. ఇంత వరకు తెలుగు తెరపై రాని అరుదైన సబ్జెట్‌తో ఈ సినిమా వచ్చింది. కాగా ఈ సినిమాపై వీక్షణం ఎడిటర్ వేణుగోపాల్ తన అభిప్రాయాన్ని తెలియజేశారు. ఆ ఫేస్‌బుక్ పోస్ట్ యధాతథం..
---------------------------------------------------------------------------------------------

ఇది నన్ను లోలోపలినుంచి కదిలించిన, కంట తడి పెట్టించిన, సామాజిక దుర్మార్గం గురించి అవగాహనను అద్భుతమైన కళా రూపంలో చెప్పిన, చూపిన ఒక సినిమా గురించి.

ముందే చెపుతున్నాను. సినిమా కళ గురించి నాకేమీ తెలియదు. ఒక కళారూపంగా సినిమా అత్యంత ప్రభావశీలమైనదని, అది అత్యద్భుతమైన సృజన అని, అది సకల కళారూపాల సమాహారమని చాల గౌరవం. కానీ ఎందువల్లనో సినిమా నా జీవితంలో పెద్దగా లేదు. వరంగల్, బెజవాడ, హైదరాబాద్ ఫిలిమ్ సొసైటీల్లోనూ, థియేటర్లలోనూ, టీవీలోనూ, లాప్ టాప్ మీదా సినిమాలు చూసి తబ్బిబ్బయిన సందర్భాలు, వాటిమీద రాసిన సందర్భాలు ఉన్నాయి గాని అయినా సినిమా గురించి నాకు తెలియదనే చెప్పాలి. అతి తక్కువ తెలుసనే చెప్పాలి.

అటువంటి సినిమా పామరుడినైన నన్ను కరుణ, బీభత్స, ఆశ్చర్య, అద్భుత, వీర రసాలలో ముంచెత్తి, హృదయాన్నీ మేధనూ కన్నీటి పదనులోనూ, కత్తి వాదర మీది నెత్తుటి పదనులోనూ కరగదీసి, సినిమా ముగిసి బైట అడుగు పెట్టేటప్పటికి మాట రాని స్థితి కలిపించిన ఆ సినిమా పలాస 1978.

ఆ సినిమా దర్శకుడు కరుణ కుమార్ తన కథల ద్వారా నా అభిమాన రచయిత. కూడలి కథా ఉత్సవంలో స్నేహితుడయ్యాడు. ఆ తర్వాతి ఆర్మూరు కథా ఉత్సవానికి వెళ్తున్నప్పుడు కలిసి చేసిన ప్రయాణంలో తన జీవిత కథ విని, తన స్నేహశీలత, సంభాషణా చతురత చూసి ముగ్ధుడినై కరుణను తమ్ముడిగా స్వీకరించాను. తమ్ముడు కరుణ మొన్న జనవరి 31న ఆ సినిమా ప్రివ్యూకు రమ్మని పిలిస్తే తన మీద ప్రేమతో వెళ్లాను.

పలాస 1978 అనేక కారణాల వల్ల ఇవాళ తెలుగు సమాజానికి చాల అవసరమైన సినిమా. స్థూలంగా దాని ఇతివృత్తం కుల వివక్ష కావచ్చు, ఒక కళాకారుడు కాళ్లగజ్జెలు వదిలి కత్తులు పట్టుకుని, వందలాది మందిని ఆకట్టుకునే శ్రావ్యమైన కంఠాన్ని వదిలి డజన్ల కొద్దీ కంఠాల్ని అవలీలగా నరకగల కత్తివీరుడిగా మారిన పరిణామక్రమం కావచ్చు. 1960లలో, 70లలో తెలుగు సమాజంలో చిన్న పట్టణాలలోనూ నగరాల శివార్లలోనూ తలెత్తిన రౌడీయిజం, దాన్ని పెంచి పోషించిన, దానివల్ల ప్రయోజనం పొందిన వర్గాల కథ అనే సామాజిక చరిత్ర శకలం కావచ్చు. లేక ఈ మూడు ప్రధాన ఇతివృత్తాలూ ఒకదానిలో ఒకటి అవిభాజ్యంగా కలిసిపోయి ఒకే ఇతివృత్తంగా మారి ఉండవచ్చు.

ఈ ప్రధాన ఇతివృత్తం లోపల ఎన్నో ఉప ఇతివృత్తాలున్నాయి. అన్నదమ్ముల మధ్య వైరమూ ప్రేమా, కులాల మధ్య అంతరం, చిన్న నాటి నుంచి చివరి వరకూ ప్రత్యక్షం గానూ పరోక్షం గానూ సాగే కుల వివక్ష, కులపరమైన అవమానాలు, ఆధిపత్య వర్గాల కుట్రలు, ప్రతీకార వాంఛ, డబ్బు పాత్ర, రాజకీయ పరిణామాలు, ఆధిపత్య వర్గానికీ అధికార యంత్రాంగానికీ మధ్య సంబంధాలు, సంస్కరణవాదపు పరిమితులు, వైఫల్యం, జీడిపిక్కల పరిశ్రమ, ఉత్తరాంధ్రకే ప్రత్యేకమైన సాంస్కృతిక జీవనం, ఉద్యమం పట్ల అవగాహన లేకుండా ఏదో పగతో అన్నల్లో కలిసిపోయిన వ్యక్తులు తిరిగి వెనక్కి వచ్చి ఎటువంటి సంఘ వ్యతిరేక శక్తులుగా మారుతారో వంటి అనేక సబ్ టెక్స్టులు ప్రధాన టెక్స్టులో ఇమిడి పోయాయి. టెక్స్ట్ మీద దృష్టి పెట్టే సృజనకారులు చాలామంది ఈ సబ్ టెక్స్టులను సాధారణంగా అవసరమైనంత శ్రద్ధతో పట్టించుకోరు. అందువల్ల సమన్వయం కొరవడి అవకతవకలు మిగులుతాయి. పలాస సినిమా గొప్పదనం ఏమంటే అందులో టెక్స్ట్ విషయంలో ఎంత జాగ్రత్త కనబడుతుందో ప్రతి ఒక్క సబ్ టెక్స్ట్ లోనూ అంతే శ్రద్ధ కనబడుతుంది. కనుక సినిమా మొత్తంగా ఒక సమగ్రతనూ, విశ్వసనీయతనూ, ప్రభావశీలతనూ సంతరించుకుంది.

ఉత్తరాంధ్ర, అందులోనూ ప్రత్యేకంగా ఉద్దానం ప్రాంతపు, పలాస ప్రాంతపు భాషా సౌందర్యం ఈ సినిమా విశ్వసనీయతను మరింత పెంచి సినిమాను ఆకట్టుకునేలా చేసిన అదనపు సొగసు.

పియ్యి ఎత్తే మనుషులు, డప్పు కొట్టే మనుషులు, ఊరికి అవతల ఉంచబడే మనుషులు, తోటి మనుషులకు దూరంగా ఉంచబడే మనుషులు, కుక్కలతో పోల్చబడే మనుషులు, అద్భుతమైన కళాకారులై కూడ ఆ కళకు కూడ దూరం చేయబడే మనుషులు, జాతితక్కువ మనుషులుగా గుర్తించబడే మనుషులు లేచి నిలిస్తే నిజంగా ఏమి సాధించగలరో పలాస చూపుతుంది.

ప్రధాన పాత్ర మోహనరావు సాహిత్య విమర్శలో ఒక సూత్రమైన పాత్రోన్మీలనానికి అద్భుతమైన ఉదాహరణ. అవమానపడిన బాల కళాకారుడిగా మొదలై, ప్రేమ కోసం ఎంతకైనా తెగించగల యువకుడిగా, స్త్రీ మీద అవమానాన్ని సహించక తిరగబడి, కత్తివీరుడిగా అరివీర భయంకరుడిగా మారి, అనేక మందిని అవలీలగా తెగనరికి చిట్టచివరికి ఆధిపత్యాన్నీ కులాన్నీ అధిగమించి మనుషులం కాలేమా అని, ఏకలవ్యులనూ శంభూకులనూ కారంచేడులనూ చుండూరులనూ రోహిత్ వేములలనూ ప్రణయ్ లనూ ఆపలేమా అని ప్రశ్నించే దాకా ఆ నాయక పాత్ర పాత్రోన్మీలనం ప్రేక్షకుల అవగాహనలను ఆ విధంగానే ఉన్మీలనం చేయగలిగితే కరుణ ప్రయత్నం ఫలించినట్టే. ఆ అవగాహనలను మార్చడానికి జరుగుతున్న అనేక ప్రయత్నాలలో కరుణది అద్భుతమైన, ఎన్నదగిన ప్రయత్నం.

ఒక గొప్ప కరుణ-వీర-అద్భుత రసాత్మక దృశ్య కావ్యం అందించిన తమ్ముడు కరుణకు గాఢమైన అభినందన పూర్వక బిగి కౌగిలి.

- ఎన్. వేణుగోపాల్, ఎడిటర్, వీక్షణం.

ఫేస్‌బుక్ పోస్ట్ : https://www.facebook.com/story.php?story_fbid=10156711678631700&id=539051699

Keywords : Palasa 1978, Tollywood, Movie, North Andhra, Review, Karuna Kumar
(2021-09-22 19:57:28)



No. of visitors : 1409

Suggested Posts


0 results

Search Engine

న్యూడెమోక్రసీ నాయకుడు కా॥ ముఖ్తార్ పాష అమర్ రహే! -ఇల్లందులో రేపు వర్ధంతి సభ‌
300 రోజులు పూర్తి చేసుకున్న రైతాంగ ఉద్యమం.... 27న దేశవ్యాప్త బంద్
నిర్దోషి 14 ఏళ్ళ జైలు జీవితం... అమీర్ ఖాన్ కన్నీటి, పోరాట‌ గాథ‌
Maoist Party Central Committee Red Homage to Comrade Abimael Guzman
The Maoist party has called for a successful ʹBharat Bandhʹ of farmersʹ unions on the 27th of this month
సెప్టెంబర్ 20 న ఛత్తీస్‌గఢ్ బంద్‌కు ఆదివాసీ సమాజ్ పిలుపు
ఈ నెల 27న రైతు సంఘాల భారత్ బంద్ - విజయవంతం చేయాలని మావోయిస్టు పార్టీ పిలుపు
17th Anniversary of the Maoist Party... Communist Party of the Philippines Revolutionary Greetings
భీమా కోరేగావ్ నిందితులను విడుదల చేయాలంటూ తమిళనాడులో మానవహారం
Custodial Violence in MP:లాకప్ లో ఆదివాసులపై చిత్ర హింసలు, యువకుడి మృతి...భగ్గుమన్న ఆదివాసులు
దేశ రైతాంగపై మరో కుట్ర ... వ్యవసాయాన్నిఅమెరికా, ఇండియా కార్పోరేట్లకు అప్పగించే ప్రణాళిక
న్యాయవాది, CLC నాయకులు గడ్డం సంజీవ్ కుమార్ పై హత్యాయత్నం....CLC ప్రకటన‌
సెప్టెంబర్ 1948,17న సాధించిన విలువలు ఏమిటి - వరవరరావు
విమోచన అంటే చరిత్ర నవ్వదా - ఎన్. వేణుగోపాల్
ʹకమ్యూనిజం అజేయం. కమ్యూనిస్టులు జయిస్తారుʹ అన్న గొంజాలో సందేశాన్ని ఎత్తిపడదాం -విరసం
సీనియర్ మావోయిస్టు నాయకుడు దుబాసి శంకర్ @ మహేందర్ అరెస్ట్
పోలీస్ క్యాంప్ ల‌కు వ్యతిరేకంగా తీవ్రమవుతున్న ఉద్యమం - అనేక చోట్ల‌ రోడ్లను తవ్వేస్తున్న‌ ఆదివాసులు
పిల్లలపై నక్సలైట్లుగా ముద్ర వేసి జైలుకు పంపడాన్ని వ్యతిరేకిస్తూ ప్రజల నిరసన
చైర్మన్ గొంజాలో, గొంజాలో ఆలోచనా విధానం వర్ధిల్లాలి -పెరూ రాజకీయ, యుద్ధ ఖైదీలు
మహేందర్,కిరణ్ లకు ప్రాణహాని తలపెడితే తీవ్ర పరిణామాలు - మావోయిస్టు నేత గణేష్ హెచ్చరిక‌
సీపీఎం పాలనలో ఫ‌రిడవిల్లుతున్న ప్రజాస్వామ్యం ... జైళ్ళు కావవి చిత్ర హింసల శిబిరాలు
ఈ రోజు రాజకీయ ఖైదీల దినోత్సవం... ʹజైలులో మనిషిగా ఉండటానికి జైలు నియమాలను ఉల్లంఘించడం చాలా ముఖ్యంʹ
పెరూ మావోయిస్టు నాయకుడు గుంజాలో అమరత్వం ... భారత మావోయిస్టు పార్టీ ప్రకటన‌
Long Live Chairman Gonzalo and Gonzalo Thought - Political and War Prisoners of Peru
Homage to Peruʹs Communist Revolutionary leader Comrade Gonzalo !
more..


పలాస