కాలంగడుస్తూంటే గాయాలు మరింతగా బాధ పెడుతున్నాయి : సుధా భరద్వాజ్ కుమార్తె మాయెషా
ఈ రోజు భీమా కోరేగావ్ కేసులో జైలులో వున్న కార్యకర్త, న్యాయవాది సుధా భరద్వాజ్ పుట్టినరోజు. అమెరికా పౌరసత్వాన్ని తిరస్కరించి, జీవితంలో అన్ని సౌకర్యాలను త్యజింఛి, ఛత్తీస్‌గఢ్ లోని ఆదివాసీ ప్రాంతాల్లోని కార్మికులు, ఆదివాసీల మధ్య పనిచేయాలని సుధ నిర్ణయించుకుంది.
కానీ బహుశా రాజ్యానికి ఈ పని కూడా నచ్చలేదు. నీరు-అటవీ-భూమి సమస్యపై ఆమె తీసుకున్న చొరవ కారణంగా కార్పొరేట్ కి కంటగింపైంది. దాని ఫలితంగా ఎటువంటి ఆధారాలు లేదా సాక్ష్యంకానీ లేకుండా, ఉగ్రవాదులకు వ్యతిరేకంగా ఉపయోగించే సెక్షన్ల క్రింద జైలు పాలయ్యింది.
సుధాకు బెయిల్ మంజూరు చేయకపోవడం లేదా ఆమె కేసులను క్రమం తప్పకుండా విచారించకపోవడాన్ని చూస్తే ప్రభుత్వం ఈ మేరకు కక్ష తీర్చుకుంటోందో అంచనా వేయవచ్చు. అటువంటి పరిస్థితిలో, బెయిల్, విచారణలు లేకుండా మూడేళ్ళకు పైగా జైలులో ఉన్నది.
మాయ్ షా మెహ్రా, సుధా భరద్వాజ్ కూతురు
ఈ రోజు మా అమ్మ 60వ పుట్టినరోజు, మేము కలిసి లేకపోవడం ఇది మూడవసారి. ఇంతకు ముందు 2 పుట్టినరోజులు, 2 దీపావళి పండగలు, 2 నూతన సంవత్సర దినోత్సవాలు గడిచిపోయాయి.. 2017 లో మేమిద్దరం కలిసి ఉన్న రోజు నాకు గుర్తోస్తోంది. తనతో కలిసి ఉండటం ఎంత బాగుండింది. లేకపోవడం ఎంత వెలితిగా వుంది? ఇప్పుడు ఏ విషయమూ సంతోషంగా అనిపించదు. కాలం గడుస్తున్న కొద్దీ గాయాలు మరింతగా బాధపెడుతున్నాయి.
ఈ రోజు, అమ్మకు ఎంతమంది శుభాకాంక్షలు తెలిపారు! ఇది చూసి నేను చాలా భావోద్వేగానికి లోనయ్యాను. ఆ వ్యక్తి మీతో లేనప్పుడు జ్ఞాపకాలు మరింత విషపూరితం అవుతాయి. అయితే వారు లేనప్పటికీ, వాళ్ళు వున్నారనే భావన మనస్సులో ఉండిపోతుంది… .. కార్మిక, రైతాంగం కోసం ఇంత చేసిన అమ్మ ఇలాంటి శిక్షకు గురి కావడం అనేది ఏ మాత్రం మంచిగా అన్పించడం లేదు.
అమ్మ లేకపోవడం అనే గాయం ప్రత్యేకమైనది. ఆ ఆటుపోట్లు కూడా పూర్తిగా భిన్నంగా ఉంటాయి. ఆమె లేకుండా ఒక రోజూ గడవడం కూడా ఒక పోరాటమే… ఆమె ఉన్నప్పుడు విషయాలు వేరుగా ఉండేవి. ఆ ఆనందాన్ని మాటల్లో వ్యక్తం చేయడం కష్టం. ఇంతకు ముందు నేను పూణేలో ఆమెను కలవడానికి వెళ్ళాను, ఆ భావన భిన్నంగా ఉండింది, ఒకసారి కష్టంగా అనిపించింది. ముంబైలో కలవడానికి అనుమతి లేదు. పుట్టిన రోజు శుభాకాంక్షలు అమ్మా, బోలెడంత ప్రేమతో.....
ఇంతవరకు దొరకలేదు కాబట్టి ,న్యాయం దొరుకుతుందనే ఆశ యిప్పుడైతే నాకు అంతగా లేదు,. ఇలా మనం యింకా ఎన్ని సంవత్సరాలు బతకాల్సి వుంటుందో నాకు తెలియదు…అమ్మ ఆరోగ్యాన్ని, ఆమెకు వ్యతిరేకంగా ఎలాంటి ఆధారాలు లేవనే విషయాన్నీ కూడా దృష్టిలో పెట్టుకొని వీలైనంత త్వరగా అమ్మను విడుదల చేయండి అని ప్రభుత్వానికి విజ్ఞప్తి చేస్తున్నాను. ……
కళాదాస్ దహ్రియా, కార్యకర్త, ఛత్తీస్‌గఢ్ ముక్తి మోర్చా
సుధా భరద్వాజ్ చదువు పూర్తి చేశాక 1982-83లో ఢిల్లి నుంచి రాజ్ హరాకు వచ్చి నియోగి నేతృత్వంలోని ఉద్యమంలో చేరారు. ఛత్తీస్‌గఢ్ ముక్తిమోర్చా నడుపుతున్న పాఠశాలలో ఉపాధ్యాయురాలిగా చేరింది.
దాంతోపాటు మహిళా ముక్తి మోర్చా కార్యకలాపాలలో చొరవగా పాల్గోనేది. నియోగితో సైద్ధాంతిక చర్చ కూడా చేసేది. గనుల కార్మిక సంఘ పోరాటాలలో కూడా పాల్గొనేది. 1990లో నియోగి నాయకత్వంలో భిలాయ్ ఉద్యమం ప్రారంభమైంది. ఆ ఉద్యమంలో, మహిళలను సంఘటితపరచడం, కార్మిక ఉద్యమానికి కరపత్రాలు రాయడంలో ప్రముఖ పాత్ర పోషించింది. 1991లో నియోగి హత్య తరువాత, భిలాయ్ ఉద్యమంలో పెరిగిన బాధ్యతలను చాలా చక్కగా నిర్వహించింది.
1992లో, భిలాయ్ ఉద్యమ కార్మికులపై పోలీసులు జరిపిన కాల్పుల్లో 16 మంది కార్మికులు అమరులయ్యారు. ఆ సమయంలో సుధా భరద్వాజ్ తన శాయశక్తులా కార్మికులతో కలిసి పనిచేయడంతో పాటు సంఘానికి వున్న న్యాయవాదుల అవసరాన్ని చూసి, దుర్గ్ లో న్యాయశాస్త్ర అధ్యయనం చేసి న్యాయవాదిగా మారింది. కార్మికుల న్యాయం కోసం వీధుల్లో, న్యాయస్థానాల్లో కూడా పోరాడింది. ప్రతి పనిని నిజాయితీతో, పూర్తి బాధ్యతతో చేసేది కాబట్టి చూస్తుండగానే పని పరిధి విస్తృతమైపోయింది.
రైతుల భూమిని కాపాడడానికి బిలాస్‌పూర్‌ హైకోర్టులో న్యాయ పోరాటం చేసింది. ఆదివాసీల నీరు, అటవీ, భూమిని లాక్కోవడానికి వ్యతిరేకంగా, విస్థాపన సమస్యలకు వ్యతిరేకంగా గొంతెత్తింది. ఈ కారణంగా కార్పొరేట్ సంస్థలు, పాలక ప్రభుత్వాల కంటిలో నలకగా మారింది. అందుకనే కుట్ర చేసి భీమా కోరేగావ్ కేసులో ఇరికించారు, యుఎపిఎ కింద జైలులో పెట్టారు. ఈ నాటి వరకు ముంబై జైలులో ఉంచారు. బెయిల్ కూడా ఇవ్వడం లేదు. ఛత్తీస్‌గఢ్ ముక్తి మోర్చా కార్మికులు ఆమె విడుదల కోసం నిరంతరం పోరాడుతున్నారు.
ప్రియాంక శుక్లా, న్యాయవాది, సుధా సహచర కార్యకర్త
నేను సుధాజితో గడిపిన సమయం, కలిసి పని చేసిన అనుభవంతో ఆమె ఒక చీమను కూడా చంపాలని అనుకుంటుందని నేను నమ్మను, నేను ఈరోజు ఏ పని చేయగలిగినా అందుకు సుధాజినే కారణం. ఆమె మా స్ఫూర్తి, మా సంరక్షకురాలు, ఆమె లేకపోవడం పిల్లలు తల్లి నుండి విడిపోయినట్లుగా ఉంది.మాలాంటి వారు యింకా చాలా మంది ఉన్నారు, వారందరికీ ఆమె తల్లి లాంటిది.
(janchowk.com సౌజన్యంతో)
(తెలుగు అనువాదం పద్మ కొండిపర్తి)
Keywords : sudha bharadvaj, mayesha, bhima koregaon, bk16,
(2024-11-25 19:33:00)
No. of visitors : 1255
Suggested Posts
| bhima koregaon:ʹనా కొడుకు ప్రజల కోసం పాటలు పాడాడు.. అది దేశద్రోహమెట్లయ్యింది?ʹ
భీమా కోరేగావ్ కేసులో అరెస్టయ్యి జైల్లో ఉన్న కబీర్ కళా మంచ్ కళాకారుడు సాగర్ గోర్కే తల్లి సురేఖా గోర్కే తాను మాట్లాడిన ఓ వీడియో విడుదల చేశారు. తన కుమారుడితో పాటు ఆ కేసులో ఉన్న ఎవ్వరూ ఎలాంటి నేరం చేయలేదని |
| భీమా కోరేగావ్ కేసులో మరో ముగ్గురు నిందితులకు కరోనా పాజిటీవ్భీమా కోరేగావ్ కేసులో మరో ముగ్గురు నిందితులు - మహేష్ రౌత్, సాగర్ గోర్ఖే , రమేష్ గైచోర్ లకు కరోనావైరస్ పాజిటివ్ వచ్చినట్టు గురువారం నాడు ʹహిందూʹ నివేదించింది. |
| రాజకీయ ఖైదీలను విడుదల చేయాలంటూ.... జూన్ 13న ఢిల్లీ సరిహద్దుల్లో రైతుల ప్రదర్శన
కేంద్రం అక్రమ కేసులు మోపిఅరెస్టు చేసిన మేధావులు మరియు ప్రజాస్వామ్య హక్కుల కార్యకర్తలను వెంటనే విడుదల చేయాలని డిమాండ్ చేస్తూ భారతీయ కిసాన్ యూనియన్ జూన్ 13న ర్యాలీ నిర్వహించనుంది. |
| UAPA దుర్వినియోగంపై జస్టిస్ చంద్రచూడ్ ఆగ్రహం - స్టాన్ స్వామి మరణంపై దిగ్భ్రాంతి భిన్నాభిప్రాయాలను అరికట్టడానికి లేదా పౌరులను వేధించడానికి UAPA చట్టాలను దుర్వినియోగం చేయరాదని సుప్రీంకోర్టు న్యాయమూర్తి జస్టిస్ డివై చంద్రచూడ్ సోమవారం అన్నారు. భారతదేశం మరియు అమెరికా మధ్య చట్టపరమైన సంబంధాలపై జరిగిన |
| భీమా కోరేగావ్ కేసులో అందరికన్నా చిన్నవాడైన ఈ మహేష్ ఎవరు ?
భీమా కోరేగావ్ కేసులో జైలులో ఉన్న16 మందిలో అందరికంటే చిన్నవాడు మహేష్ రౌత్. దయా హృదయుడు, స్నేహశీలి, మానవీయ సున్నితత్వ స్వభావం కలిగిన అతను తన స్నేహితులు, సహోద్యోగులలో మంచి పేరుపొందాడు, ఆదివాసీ భూముల్లో జరిగే గనితవ్వకాలకు వ్యతిరేకంగా పోరాడారు. |
| స్టాన్ స్వామిని హోలీ ఫ్యామిలీ హాస్పటల్ కు తరలించండి - బోంబే హైకోర్టు ఆదేశాలుభీమా కోరేగావ్(ఎల్గర్ పరిషత్) కేసులో ప్రస్తుతం తలోజా జైలులో అనారోగ్యంతో ఉన్న ఫాదర్ స్టాన్ స్వామిని హోలీ ఫ్యామిలీ హాస్పటల్ లో చేర్పించాలని బొంబాయి హైకోర్టు శుక్రవారం రాష్ట్ర జైలు అధికారులను ఆదేశించింది. |
| Bhima-Koregaon:భీమా కోరేగావ్ అక్రమ కేసు ఎత్తి వేయాలి.... పంజాబ్ లో భారీ ప్రదర్శన
భీమా కోరేగావ్ కేసులో అక్రమంగా అరెస్టు చేసిన 16 మందిని వెంటనే విడుదల చేయాలని డిమాండ్ చేస్తూ పంజాబ్ లో భారీ ప్రదర్శన జరిగింది. |
| హనీ బాబును జూన్1 వరకు ఆస్పత్రి నుండి డిశ్చార్జ్ చేయొద్దు - ముంబై హైకోర్టు ఆదేశాలు
భీమా కోరేగావ్(ఎల్గార్ పరిషత్) కేసులో అరెస్టయ్యి ప్రస్తుతం ఆస్పత్రిలో చికిత్స పొందుతున్న ఢిల్లీ యూనివర్శిటీ అసోసియేట్ ప్రొఫెసర్ హనీ బాబును జూన్ 1 వరకు డిశ్చార్జ్ చేయవద్దని దక్షిణ ముంబైలోని బ్రీచ్ కాండీ ఆసుపత్రిని బొంబాయి హైకోర్టు గురువారం కోరింది. |
| Bhima Koregaon: హక్కుల నేతలపై మరో కుట్ర బీమా కోరేగాం ఎల్గార్ ప‌రిష‌ద్ కేసులో అరెస్ట‌యి జైలు నిర్భంధంలో ఉన్న హక్కుల సంఘాల నేత‌లు, మేధావులు మరో ప్ర‌మాద‌క‌ర‌మైన స‌వాలును ఎదుర్కోబోతున్నారు. వారిని తలోజా జైలునుంచి మ‌హారాష్ట్ర‌లోని వివిధ జైళ్ల‌కు త‌ర‌లించేందుకు ప్ర‌య‌త్నాలు జ‌రుగుతున్నాయి. |
| Bhima Koregaon case:గౌతమ్ నవ్‌లఖా జీవన సహచరి హృదయ విదారకమైన ప్రకటన
నా వయస్సు 70 ఏళ్లు పైన ఉంటుంది. నేను ఢిల్లీలో నివసిస్తున్నాను. నవ్‌లఖాతో కలవడానికి జైలు అధికారులు అనుమతిచ్చే పది నిమిషాల వ్యవధిలో అతడిని కలవడానికి నవీ ముంబైలోని తలోజా జైలుకు ప్రయాణించడం నాకు చాలా కష్టం. |