మా నాయకత్వానికి కరోనా సోకి, లొంగిపోతున్నారన్న ప్రచారం ఓ కట్టుకథ -మావోయిస్టు పార్టీ కేంద్ర కమిటీ ప్రకటన‌


మా నాయకత్వానికి కరోనా సోకి, లొంగిపోతున్నారన్న ప్రచారం ఓ కట్టుకథ -మావోయిస్టు పార్టీ కేంద్ర కమిటీ ప్రకటన‌

మా

18-06-2021

అనేక మంది మావోయిస్టులకు కరోనా సోకిందని, అందువల్ల అనేక మంది మావోయిస్టులు లొంగిపోనున్నారని పోలీసులు చేస్తున్న ప్రచారాన్ని మావోయిస్టు పార్టీ తీవ్రంగా ఖండించింది. ఇలాంటి కథలు సృష్టించడంలో ఉభయ తెలుగు రాష్ట్రాల పోలీసు బాస్ లు మహా నేర్పరులని ఆ పార్టీ కేంద్ర కమిటీ అధికార ప్రతినిధి అభయ్ ఓ ప్రకటనలో పేర్కొన్నారు. కరోనా సోకిందంటూ పోలీసులు ప్రకటించిన జాబితాలోని వారితో సహా మా పార్టీలో ఏ ఒక్కరికీ కొరోనా ఇప్పటి వరకు సోకలేదనీ మా కార్యకర్తలందరూ చురుగ్గా విప్లవ కార్యక్రమాలలో పాల్గొంటున్నారనీ ముఖ్యంగా వారి బంధు మితృలు ఎంతమాత్రం అందోళన పడాల్సిన అవసరం లేదనీ అభయ్ ఈ సందర్భంగా కోరారు.

అభయ్ విడుదల చేసిన ప్రకటన పూర్తి పాఠం....

కొరోనాతో మావోయిస్టుల మరణం ఒక బూటకం, అది కేవలం పోలీసుల సృష్టి

మన దేశంలో కోవిడ్ - 19 మహమ్మారీ రెండవ అల విజృంభణను అరికట్టడంలో ఘోరంగా విఫలమైన భారత పాలక వర్గాలు, కోట్లాది దేశ ప్రజలకు జవాబుదారీ వహించడం పోయి వీలైన అన్ని పద్ధతులలో ప్రజలను దారి మళ్లించే చర్యలకు, ప్రచారాలకు పూనుకుంటున్నారు. అందులో భాగంగానే పోలీసులు రెండవ అల ప్రారంభం నుండి కొరోనాతో మావోయిస్టుల మరణం అంటూ పెద్దఎత్తున ప్రచారం చేస్తున్నారు. దీనిని మా పార్టీ కేంద్ర కమిటీ నిర్ద్వందంగా ఖండిస్తున్నది. ఈ వార్తలన్నీ కేవలం పోలీసుల కల్పిత కథనాలేననీ ప్రజలకు స్పష్టం చేస్తున్నది. కొరోనా సాకుతో మావోయిస్టులను ఉద్యమ బాట వదలి లొంగిపోవాలని కోరడం పోలీసుల దివాళాకోరుతనాన్ని ప్రదర్శించడమే తప్ప మరేం కాదు.

దేశంలో రెండవ విడుత కొరోనా ప్రబలడానికి కేవలం కేంద్ర, రాష్ట్ర ప్రభుత్వాల విధానాలే కారణం తప్ప మరెవరూ కారు. ప్రధానంగా కేంద్రం కొరోనా ప్రమాద తీవ్రతను పక్కన పెట్టి 5 రాష్ట్రాలలో 8 విడుతలలో జరిగే సుదీర్ఘ ఎన్నికల రణరంగాన్ని సిద్ధం చేసింది. ఎన్నికల ప్రచారానికి జరిపిన భారీ ర్యాలీలు, రోడ్ షోలు, విశాల ప్రజా సభలు తెలిసినవే! దేశంలో మొదటి విడుత కొరోనా వ్యాప్తికి ముస్లిం సంస్థ ʹతబ్లిగ్ ఏ జమాతీʹ కారణమంటూ నిరాధారమైన ఆరోపణలు చేసి, నిందించి, ఆ సంస్థ విదేశీ కార్యకర్తలు మన దేశం రావడాన్ని నిషేధించింది. ఈసారి రెండవ విడుత కొరోనా మహమ్మారీ వ్యాప్తి ప్రమాద తీవ్రత ఎక్కువ ఉన్న సమయంలో తమ హిందూ దురభిమానంతో కుంభమేళాలు నిర్వహించారు. తత్ఫలితంగా కొరోనా అతి వేగంగా గంగా మైదానాలలోకి విస్తరించింది. గంగా నదిలో వందలాది గ్రామీణుల శవాలు తేలే దుస్థితిని కల్పించారు. మరోవైపు కోట్ల రూపాయల వ్యాపారంగా మారిన క్రికెట్ క్రీడను అనుమతించారు. అనేక చోట్ల పంచాయతీ ఎన్నికలను నిర్వహించారు. పాలకులు తమ రాజకీయ, ఆర్థిక లాభాల కోసం అనేక రకాలుగా పీడిత ప్రజల ప్రాణాలతో చెలగాటమాడుతున్నారు. దీనిని మా పార్టీ తీవ్రంగా ఖండిస్తున్నది.

కొరోనా వ్యాక్సిన్ తయారీలో ʹఆత్మనిర్బర్ʹ అంటూ మోదీ ప్రభుత్వం స్వోత్క‌ర్షతో ప్రగల్బాలు పలుకుతూ ఏ వయసు గ్రూపు వారికి కూడ దేశంలో పూర్తి కొరోనా డోసులు అందకుండా వారిని బ్లాక్ ఫంగస్ లాంటి మరిన్ని కొత్త రోగాల పాలు చేస్తున్నది. విదేశాల నుండి వ్యాక్సిన్ దిగుమతి చేసుకోవడంలో అనవసర తాత్సారం చేసి దేశంలో వేలాది మరణాలకు కారకులయ్యారు. కొరోనా మహమ్మారి వ్యాప్తితో ప్రజలు నానారకాలుగా ఇబ్బందులు పడుతూ, నష్టాల పాలవుతుంటే కొరోనా వ్యాక్సిన్ అమ్మకాలతో పాలకులు కార్పొరేటు సంస్థలకు లాభాలు పండించారు. ఇక వ్యాక్సిన్ దౌత్యం గురించి వెలువడుతున్న వార్తలు వింటునే ఉన్నాం. ఇలా అన్ని రకాలుగా కొరోనా మహమ్మారిని ఒక ఆర్థిక, రాజకీయ అస్త్రంగా మలుచుకొని ప్రజల ప్రాణాలు తోడేస్తున్న పాలకులు కనీసం శ్మశాన వాటికలలో శవదహనాలకు కర్రలైనా సమకూర్చని నీతిమాలిన రాజకీయాలను అతి నీచ స్థితికి దిగజార్చారు. వీటన్నిటిని మా పార్టీ నిర్ద్వందంగా ఖండిస్తూ పాలకుల దోపిడీ విధానాలకు వ్యతిరేకంగా దృఢంగా, సమరశీలంగా పోరాడాల్సిందిగా పిలుపునిస్తోంది. కొరోనా సృష్టికర్తలైన దోపిడీ సామ్రాజ్యవాదులు వారి తాబేదార్ల ఉనికే లేకుండా పోయినపుడే ప్రజల ఆరోగ్యాలకు గట్టి హామీ ఉంటుంది.

పై పరిస్థితులలో ప్రజలకు జవాబుదారీ వహించాల్సిన పాలకులు వారి వైఫల్యాలను కప్పిపుచ్చుకుంటూ ప్రజలకు వాటిని నగ్నంగా బహిర్గతం చేస్తూ ప్రజల ఆరోగ్యాల పరిరక్షణ కోసం పాటుపడుతున్న మా పార్టీపై వారు దుష్ప్రచారం చేయడం కొత్త కాదు. గతంలో మా పార్టీ నాయకత్వం రోగాల పాలై మంచాన పడిందంటూ అనేక కల్పిత కథనాలను ప్రచారం చేశారు. ఇటీవలే మా పార్టీ ప్రధాన నాయకత్వం లొంగుబాటుకు సిద్ధమైందంటూ సంచలనాత్మక వార్తలను విడుదల చేశారు. ఇపుడు మాకు కొరోనా సోకిందంటున్నారు. ఇలాంటి కథలు సృష్టించడంలో ఉభయ తెలుగు రాష్ట్రాల పోలీసు బాస్ లు మహా నేర్పరులు. దేశ పీడిత ప్రజలలో మా పార్టీ పట్ల పెరుగుతున్న ప్రేమాభిమానాలను, విశ్వాస నమ్మకాలను, ప్రతిష్టను వమ్ము చేయడానికి వారు అనేక రకాలుగా కుట్రలు పన్నుతున్నారు. వాటిలో భాగమే ప్రస్తుతం కొరోనా వ్యాధితో మావోయిస్టుల మరణాలు, కేడర్లను చికిత్సకు అనమతించడం లేదంటూ పోలీసులు జరుపుతున్న ప్రచారమంతా బూటకమే తప్ప అందులో రవ్వంత కూడ వాస్తవం లేదు. అలా మరణాలే జరిగి ఉంటే మా పార్టీ ఎలాంటి దాపరికం లేకుండా నిరభ్యంతరంగా ప్రకటిస్తుంది.
అవాకులు చవాకులతో విప్లవోద్యమం పై తప్పుడు వార్తలను ప్రచారం చేయడం పాలకులకు అవసరం. అందుకు తమ చేతులలోని మీడియాను అది తప్పక వినియోగించుకుంటుంది. కానీ, తమ వృత్తి ధర్మానికి తిలోదకాలిచ్చి తానా అంటే తందానా అన్న చందంగా కొంత మంది పాత్రికేయులు పోలీసు వార్తలను ప్రచారం చేయడాన్ని కూడ మాపార్టీ తీవ్రంగా ఖండిస్తున్నది. విప్లవ రాజకీయాల నుండి హీనాతి హీనంగా దిగజారి పోయిన జ‍పన్నకు విప్లవరాజకీయాలపై, మా పార్టీపై మాట్లాడటానికి కనీస నైతిక అర్హత కూడా లేదని మా పార్టీ ఈ సందర్భంగా మరో సారి స్పష్టం చేస్తోంది. మాజీ మావోయిస్టుగా అవతారమెత్తిన జంపన్న చీటికి మాటికీ పోలీసుల కథనాలకు వంత పాడుతూ మీడియా ముందు ప్రత్యక్షం కావడం ఆయనకు మంచిది కాదని కూడా హెచ్చరిస్తున్నాం.

మావోయిస్టులు మానవాతీతులు ఏమీ కారు. ప్రపంచాన్ని కుదిపివేస్తున్న కొరోనా మహమ్మారి ప్రజల మధ్య పనిచేస్తున్న మావోయిస్టులకు సోకదనే గ్యారంటీ ఏమి లేదు. కాకపోతే, ఈనాటి వరకు మా ఉద్యమ ప్రాంతాల ప్రజలకు, మాకు ఆ మహమ్మారి సోకలేదనే వాస్తవాన్ని మేం ఈ పత్రికా ప్రకటన ద్వార విప్లవ ప్రజలకు, విప్లవ సానుభూతిపరులకు, భారత ప్రజల ప్రజాస్వామిక విప్లవోద్యమ విజయాన్ని ఆకాంక్షించే సమస్త మిత్ర శక్తులకు తెలియచేస్తున్నాం. పోలీసులు ప్రకటించిన జాబితాలోని వారితో సహ మా పార్టీలో ఏ ఒక్కరికీ కొరోనా ఇప్పటి వరకు సోకలేదనీ మా కార్యకర్తలందరూ చురుగ్గా విప్లవ కార్యక్రమాలలో పాల్గొంటున్నారనీ ముఖ్యంగా వారి బంధు మితృలు ఎంతమాత్రం అందోళన పడాల్సిన అవసరం లేదనీ కోరుతున్నాం.

కొరోనా సాకుతో మావోయిస్టుల లొంగుబాటుకు ఉవ్విళ్లూరుతున్న తెలంగాణ పోలీసులు అనారోగ్యంతో ఉన్న మా ప్రియమైన కామేడ్స్ గంగాలు, శోబ్రాయిలను ఇటీవలే అరెస్టు చేసి వారికి కొరోనా పాజిటివ్ తేలిందనే అబద్దాలను తెగ ప్రచారం చేసి వారిని నాటకీయంగా అసుపత్రులలో చేర్చినట్టు చూపి మాననీయ విలువలను మంటగలుపుతూ నిర్దాక్షిణ్యంగా హత్య చేశారు. మావోయిస్టులు లొంగిపోతే మెరుగైన వైద్య సౌకర్యాలు కల్పిస్తామనీ, వారు ప్రధాన స్రవంతిలో జీవించవచ్చని నమ్మ బలుకుతున్నారు. కానీ, సమాజాన్ని పట్టిపీడిస్తున్న దోపిడీ పీడన, అణచివేత సహా అన్ని రకాల రుగ్మతలకు వ్యతిరేకంగా ఒక ఆరోగ్యకరమైన, దోపిడీ రహిత నూతన సమాజ నిర్మాణం కోసం అత్యంత అంకిత భావంతో అహర్నిశలు కృషి చేస్తున్న ఏ విప్లవకారులు సామ్రాజ్యవాదులు సృష్టించే వ్యాధులకు వెరసి సామ్రాజ్యవాద అంతానికై పోరాడుతున్న విప్లవోద్యమాన్ని వదలుకోరని స్పష్టం చేస్తోంది. ఇలాంటి దుష్ప్రచారాన్ని ఎంతమాత్రం నమ్మకూడదనీ, ఎలాంటి అందోళనకు గురికాకూడదనీ యావత్ విప్లవ క్యాంపును కోరుతున్నాం.

పోలీసులకు విజ్ఞప్తి: మీరు మాకు ఇంకా సోకని కొరోనాకు మెరుగైన వైద్యం అందించాల్సిన అవసరం ఏమీ లేదు కానీ, వివిధ ప్రాంతాలలో మా కార్యకర్తలు ప్రజల మధ్యకు వెళుతూ కొరోనా జాగరూకత కార్యక్రమాలు చేపడుతుంటే వారిపై కాల్పులకు పాల్పడడం మీ పాశవిక మనస్తత్వాన్ని చాటుతుంది. మహమ్మారీ కాలంలో అలాంటి శాడిస్టు చర్యలకు పాల్పడవద్దని విజ్ఞప్తి.

అభయ్,
అధికార ప్రతినిధి, కేంద్ర కమిటీ,
భారత కమ్యూనిస్టు పార్టీ (మావోయిస్టు).


Keywords : maoists, telangana, andhrapradesh, corona, covid 19, CPI MAOIST Statement on Corona
(2022-12-05 13:23:20)



No. of visitors : 1803

Suggested Posts


జంపన్నలేఖ‌కు మావోయిస్టు అభయ్ జవాబు - లేఖ విడుదల చేసిన మావోయిస్టు పార్టీ

జూన్‌ 18న సీ.పీ.ఐ (మావోయిస్టు) అధికార ప్రతినిధిగా నేను ʹకొరోనాతో మావోయిస్టుల మరణం ఒక బూటకం, అది కేవలం పోలీసుల సృష్టిʹ అనే పత్రికా ప్రకటనను ఇచ్చాను. ఇందులో జంపన్నపై ʹవిప్లవ రాజకీయాల నుండి హీనాతిహీనంగా దిగజారిపోయిన

PLGA సావనీర్ విడుదల చేసిన మావోయిస్టు పార్టీ - అభయ్ ఆడియో ప్రకటన‌

పీపుల్స్ లిబరేషన్ గెరిల్లా ఆర్మీ PLGA ఏర్పడి 20 ఏళ్ళు పూర్తయిన సందర్భంగా సీపీఐ మావోయిస్టు ఓ సావనీర్ విడుదల చేసింది. 20 ఏళ్ళ వేడుకల సందర్భంగా ఈ సావనీర్ విడుదల చేసినట్టు

పోలీసు చిత్రహింసల వల్ల రెండేళ్ళు కోమాలో ఉండి అంతిమ శ్వాస విడిచిన చింతన్ దా కు విప్లవ జోహార్లు -మావోయిస్టు పార్టీ

సీపీఐ (మావోయిస్టు) కేంద్రకమిటీ సభ్యులు కామ్రేడ్ నరేంద్ర సింగ్ (అశోదా, చింతన్ దా) ఒక పట్టణంలోని ఆసుపత్రిలో 2020 జనవరి 6న అంతిమశ్వాస విడిచారు. ఆయన దీర్ఘకాలికంగా అనారోగ్యంతో బాధపడుతున్నారు. 2018 నుంచి కోమాలో ఉన్నారు. ఆయన వయసు 74 సంవత్సరాలు.

Chhattisgarh:ఆయుధాలు వదిలి చర్చలకు రావాలన్న సీఎం పిలుపుకు మావోయిస్టుల జవాబు

మావోయిస్టులు ఆయుధాలు వదిలేసి చర్చలకు రావాలని చత్తీస్ గడ్ ముఖ్యమంత్రి భూపేష్ భగేల్ మాట్లాడిన నేపథ్యంలో ఆ పార్టీ ఓ ప్రకటన విడుదల చేసింది. తాము కూడా చర్చలకు సిద్దమే అని

మావోయిస్టు పార్టీ కేంద్ర కమిటీ సభ్యుడు పూర్ణేందు శేఖర్ ముఖర్జీ మృతి - అభయ్ ప్రకటన‌

14 ఆగస్టు, 2021 మనం కొద్ది రోజులలో జరుపుకోబోతున్న మన పార్టీ అవిర్భావ వారోత్సవాల ఉత్సాహభరిత రాజకీయ వాతావరణంలో అత్యంత విషాదకర వార్తను వినాల్సి వస్తోంది. ఇటీవలే మా యువ సీసీ మెంబర్ తెలంగాణ రాష్ట్ర కమిటీ కార్యదర్శి కామ్రేడ్ యాప నారాయణ అమరత్వ వార్త నుండి మనమింకా పూర్తిగా తేరుకోక ముందే మేం వెటరన్ కామ్రేడ్ అంబర్ ను కోల్పోయాం.

భారతదేశాన్ని ఫాసిస్టు నాజీకరణ చేసే ప్రయత్నంలో భాగమే ʹఅగ్నిపథ్ʹ -మావోయిస్ట్ పార్టీ

భారత సైన్య త్రివిధ బలగాలలోకి యువతను కాంట్రాక్టు పద్దతిలో భర్తీ చేసుకోవాలన్న కేంద్ర ప్రభుత్వ నూతన ʹఅగ్నిపథ్ʹ పథకాన్ని, అందుకు వ్యతిరేకంగా పది రాష్ట్రాలకు వ్యాపించిన, బిహార్ రాష్ట్రంలో రైల్వేల ధ్వంసం మొదలయిన సంఘటనలతో జరుగుతున్న ప్రజల అందోళనలపై తెలంగాణా రాష్ట్రం సికిందరాబాద్ ప్రాంతంలో కాల్పులలో వరంగల్ కు చెందిన రాకేష్ అనే వ్యక్తి మరణానికి,

11 మంది రేపిస్టుల విడుదలపై మావోయిస్టు పార్టీ ప్రకటన‌

2002 గుజరాత్ అల్లర్లలో బిల్కిస్ బానో ను అత్యాచారం చేసి 14 మందిని హత్య చేసిన దోషులను గుజరాత్ ప్రభుత్వం విడుదల చేయడాన్ని CPI (మావోయిస్ట్) కేంద్ర కమిటీ ఖండిస్తోంది.

ప్రపంచ విప్లవ‌ పరిస్థితులపై మావోయిస్టు పార్టీ అంతర్జాతీయ వ్యవ‌హారాల కమిటీ ప్రకటన‌

అంతర్జాతీయ స్థాయిలో అభివృద్ధి చెందుతున్న విప్లవకర పరిస్థితిని ఉపయోగించుకోవడం, విధ్వంసక సామ్రాజ్యవాదాన్ని నాశనం చేయడం, యుద్ధాలకు తావు లేని సోషలిజాన్ని స్థాపించడం ప్రపంచ శ్రామికవర్గం, మార్క్సిస్ట్-లెనినిస్ట్-మావోయిస్ట్ శక్తుల తక్షణ కర్తవ్యం

పార్టీ 17వ ఆవిర్భావ వారోత్సవాలు నిర్వహించండి - మావోయిస్టుల‌ పిలుపు

భారత కమ్యూనిస్టు పార్టీ (మావోయిస్టు) 17 వ పార్టీ ఆవిర్భావ వారోత్సవాలను జరుపుకోబోతున్నది. మా పార్టీ కేంద్రకమిటీ దాదాపు నెల రోజుల క్రితమే సవివరమైన విప్లవ సందేశాన్ని అందజేసింది. ఈ సందర్భంగా కేంద్ర కమిటీ తరపున యావత్ పార్టీ శ్రేణులకు; పీఎల్‌జీఏ కమాండర్లకు, యోధులకు; విప్లవ ప్రజా నిర్మాణాల నాయకులకు, కార్యకర్తలకు; విప్లవ ప్రజా కమిటీల నాయకులకు, కార్యకర్తలకు; దేశం

Celebrate grandly the 17th Anniversary of CPI (Maoist) in revolutionary atmosphere!

CPI (Maoist) is about to celebrate its 17th Anniversary. The CC of our party gave a detailed revolutionary message almost one month back. On the occasion the CC conveys revolutionary

Search Engine

అమ్మా! నను మన్నించు.. తల్లి మరణంపై మావోయిస్టు నాయకుడు వేణుగోపాల్ లేఖ!
సెప్టెంబర్ 17వ తేదీ చీకటి రోజు -మావోయిస్టు పార్టీ ప్రకటన‌
పాండు నొరోటి హత్యకు వ్యతిరేకంగా,రాజకీయ ఖైదీల విడుదలకు దేశవ్యాప్త ఆందోళనలు - మావోయిస్టు పార్టీ పిలుపు
పోలీసులు అరెస్ట్ చేసిన LOC కమాండర్ రజిత ,దళ సభ్యురాలును కోర్టులో హాజరు పరచాలి....CLC
పోలీసుల తూటాలకు బలైన 11 మంది గ్రామస్తులకు న్యాయం జరగాలని డిమాండ్
దుర్మార్గమైన బుల్డోజర్ సంస్కృతిని అమెరికాలో ప్రదర్శిస్తున్న హిందుత్వ మూక‌
విడుదల అవుతామనే యూఏపీయే ఖైదీల నమ్మకాన్ని వమ్ము చేస్తున్నకేరళ ప్రభుత్వం
11 మంది రేపిస్టుల విడుదలపై మావోయిస్టు పార్టీ ప్రకటన‌
ʹజీవితం మాకు పోరాటాన్నినేర్పింది...మేం పోరాడుతాం...మేం గెలుస్తాంʹ
బస్తర్ లో వేలాదిమందితో భారీ బహిరంగ సభ... రామకృష్ణ స్తూపావిష్కరణ‌
ఆదివాసీల‌ అణచివేతకు బుర్కపాల్ ఒక ఉదాహరణ
ఈ ఆదీవాసీ శ్రేయోభిలాషులను కాపాడుకుందాం...మావోయిస్టు పార్టీ పిలుపు
ʹజులై 28 నుండి ఆగస్టు 3 వరకు అమరుల సంస్మరణ వారాన్ని పాటించండిʹ
ధుఃఖమే ధిక్కారం... స్మృతులే అమరుల ఆశయ పతాకాలు
మార్గ‌ద‌ర్శి - అల్లం రాజ‌య్య‌...Part 2
మార్గ‌ద‌ర్శి - అల్లం రాజ‌య్య‌...Part 1
భారతదేశాన్ని ఫాసిస్టు నాజీకరణ చేసే ప్రయత్నంలో భాగమే ʹఅగ్నిపథ్ʹ -మావోయిస్ట్ పార్టీ
వరవరరావుకు మళ్లీ కోవిడ్, ఆస్పత్రిలో చేరిక
ఆ తల్లిముందు దోసిళ్లతో.....ʹ - వరవరరావు
సిలంగేర్, హస్‌దేవ్, తికాయత్: దాడుల అంతర్ సంబంధం
చెర సాహిత్య స‌ర్వస్వం పున‌ర్ముద్ర‌ణ‌... మీ కాపీని ముంద‌స్తుగా బుక్ చేసుకోండి..
బ్రహ్మదేవ్ సింగ్ ను హత్య చేసిన భద్రతా దళాలపై ఏడాది తర్వాత ఎఫ్ఐఆర్ నమోదు
పూంబాడ్ లో జరిగిన రాకెట్‌ దాడిపై ఆదివాసీల ఆగ్రహం
జైలులో ఆమరణ నిరాహార దీక్ష చేపట్టిన కబీర్ కళా మంచ్ కార్యకర్త సాగర్ గోర్ఖే
మావోయిస్టు అగ్రనేత సందీప్ యాదవ్ @ రూపేష్ జీ అంతిమ యాత్రకు హాజరైన వేలాది ప్రజలు
more..


మా