మావోయిజాన్ని చూసి వణికి పోతున్న చైనా - అనేక మంది మావోయిస్టుల అరెస్టు
02-07-2021
పాలక చైనీస్ కమ్యూనిస్ట్ పార్టీ (సిసిపి) శతాబ్ది ఉత్సవాలకు ముందుగా తూర్పు ప్రావిన్స్ షాన్‌డాంగ్ లో పోలీసులు అనేక మంది మావోయిస్టు కార్యకర్తలను అరెస్టు చేశారని తైవానీస్ మీడియా తెలిపింది.
తమకు వ్యతిరేకంగా మావోయిజాన్ని ప్రచారం చేస్తూ తమకే సవాల్ విసురుతున్న మావోయిస్టులను ఏరివేయడం అనే ప్రక్రియ చైనా అధ్యక్షుడు జిన్ పింగ్ చాలా కాలం క్రితమే ప్రారంబించాడు. ఇప్పుడు చైనా కమ్యూనిస్టు పార్టీ వార్షికోత్సవానికి ముందే తమ ʹస్థిరత్వాన్ని కాపాడుకునేʹ ప్రయత్నంలో భాగంగా షాన్‌డాంగ్‌లోని జైనింగ్ నగరంలోని పోలీసులు మావోయిస్టులను లక్ష్యంగా చేసుకొని దేశవ్యాప్తంగా ఆపరేషన్ నిర్వహిస్తున్నట్లు తైవాన్ సెంట్రల్ న్యూస్ ఏజెన్సీ తెలిపింది. మే 12 న ప్రారంభమైన ఈ ఆపరేషన్ చాలావరకు రహస్యంగా జరిగింది. అరెస్టు చేసినవారి సమాచారాన్ని కనీసం వారి కుటుంబ సభ్యులకు కూడా ఇవ్వలేదు.
అరెస్టయిన వారిలో 77 ఏళ్ల మావోయిస్టు కార్యకర్త ప్రొఫెసర్ మా హౌజి కూడా ఉన్నారు. నార్మల్ యూనివర్సిటీలో ప్రొఫెసర్ గా పని చేసి రిటైర్డ్ అయిన ఇతను గతంలో చైనీస్ మావోయిస్ట్ కమ్యూనిస్ట్ పార్టీని స్థాపించినందుకు పదేళ్ళు జైలు శిక్ష అనుభవించి 2019 లో విడుదలయ్యారు.ఇతనితో పాటు లియు కింగ్‌ఫెంగ్, ఫు మింగ్‌సియాంగ్, హు జియాహాంగ్, నీ జుబావో, వురోన్‌ఘువాతో సహా ఇతర ప్రముఖ మావోయిస్టులను అరెస్టు చేశారు. వీరిలో ఎక్కువ మంది 30 ఏళ్లలోపు వారేనని సిఎన్ఎ (న్యూస్ ఏజెన్సీ)తెలిపింది.
ఛైర్మన్ మావో ఆలోచనలను సమర్ధిస్తున్నందుకు ఈ అరెస్టులు జరిగాయన్న వాదనలను జైనింగ్ పోలీసులు ఖండించారు. అయితే పాలక పార్టీ శతాబ్ది ఉత్సవాల కోసమే వీళ్ళందరి అరెస్టులు జరిగినట్టు ఇండిపెండెంట్ స్కాలర్ వూ జువోలాయ్ అన్నారు.
మావో జెడాంగ్‌కు ఇప్పటికీ మద్దతు ఇచ్చే ప్రజలు సిసిపి పాలనకు సవాలును విసురుతున్నారని ఆయన అన్నారు.
"వారు సిసిపి పాలనకు అస్థిరతను సృష్టించే అవకాశం ఉంది, కాబట్టి మావోయిస్టులతో పాటు హక్కుల కార్యకర్తలు మరియు ప్రజాస్వామ్య కార్యకర్తలపై సిసిపి విరుచుకుపడుతోంది" అని ఆయన అన్నారు.
"వారు ఏ విధమైన సామాజిక ఉద్యమాన్నైనా వాళ్ళు తమకు ఆటంకంగా భావిస్తారు. ఈ సామాజిక ఉద్యమాలు, ప్రభుత్వేతర సమూహాలు చివరకు తమకు వ్యతిరేకంగా వ్యవస్థీక్రుతమవుతాయని సిసిపి భయపడుతుందని వూ అన్నారు.
"1989లో వచ్చిన ప్రజాస్వామ్య అనుకూల ఉద్యమం వంటి వాటిని ప్రేరేపించవచ్చని వారు ఆందోళన చెందుతున్నారు. ప్రజల్లో పెరుగుతున్న అసంతృప్తి, ధనిక మరియు పేదల మధ్య విస్తృత అంతరం గురించి వారికి బాగా తెలుసు, అలాగే భవిష్యత్తు లేని యువత పెద్ద సంఖ్యలో ఉన్నారు."
"వాస్తవానికి వారు సంపద అంతరంపై పెద్ద మొత్తంలో డేటాను కలిగి ఉన్నారు, మరియు సామాజిక అశాంతిని కలిగించే ఏదో ఒక సంఘటన జరుగుతుందని వారికి తెలుసు అందుకే సీసీపీ కఠినంగా ప్రవర్తిస్తున్నది" అని వు చెప్పారు.
సాంస్కృతిక విప్లవం (1966-1976) ప్రారంభమైన వార్షికోత్సవం మే 16 న జరగాల్సి ఉన్న, మావోయిస్ట్ భావజాలవేత్తల సమావేశాన్ని సిసిపి రద్దు చేసింది. మావోయిస్టు వామపక్షవాదులు ప్రధాన స్రవంతి సిసిపి కంటే సామాన్య ప్రజలను ఆకర్షించే అవకాశం ఉంది. ఎందుకంటే ఏదైతే అనుకుంటున్నారో దాన్ని బహిరంగంగానే చెబుతున్నారు. ఆ దేశ అధ్యక్షుడు జిన్ పింగ్ లాగా ఏ కార్యక్రమమూ రహస్యంగా చేయడం లేదు.
చైనాలో మావోయిస్టులను అరెస్టు చేయడం కొత్త కాదు గతంలోనూ 2018 లో షెన్‌జెన్‌లోని జాసిక్ టెక్నాలజీ కర్మాగారంలో స్వతంత్ర కార్మిక సంఘాన్ని ఏర్పాటు చేయడానికి ప్రయత్నించిన డజన్ల కొద్దీ యువ కార్మిక కార్యకర్తలతో సహా అనేక మంది మావోయిస్టులను అరెస్టు చేశారు.
చైనాలో ఒకవైపు కమ్యూనిస్టు పార్టీ పేరుతో సోషలిస్టు వ్యతిరేక పెట్టుబడిదారీ పాలన సాగిస్తూ నియంత్రుత్వం కొనసాగిస్తున్నప్పటికీ, ఆ దేశానికి విముక్తం కలిగించిన మావో ఆలోచన వెలుగులో ఇప్పటికీ నడుస్తున్న వాళ్ళు, రివిజనిస్టులను వ్యతిరేకిస్తున్నవాళ్ళ సంఖ్య కూడా తక్కువగా ఏమీ లేదు. పైగా రోజురోజుకూ ఆ సంఖ్యపెరుగుటునే ఉంది.
(rfa.org సౌజన్యంతో)
Keywords : china, maoists, arrest, Chinese Police Detain Maoist Leftists Ahead of Ruling Party Centenary
(2024-04-24 23:40:29)
No. of visitors : 2054
Suggested Posts
| చైనా ఒక నూతన సోషల్ సామ్రాజ్యవాద శక్తి - మావోయిస్టు పార్టీ వెనుకబడిన దేశాల ప్రజలను సోషలిజం పేరుతో మోసగిసూ, తన సోషల్-సామ్రాజ్యవాద ప్రయోజనాలను చైనా నెరవేర్చుకుంటున్నది. చైనాలో ఉన్న ప్రభుత్వరంగ సంస్థలను (ఎస్ఓఈలు) చూపించి పెట్టుబడిదారీ విధానాన్ని "సోషలిజంగా గందరగోళపెట్టడం రివిజనిస్టులకు మామూలే.... |
| ఆ వాహనాలు సడెన్ గా గాల్లోకి ఎందుకు లేచాయి ?అది బిజీ రోడ్డు వాహనాలు స్పీడ్ గా వెళ్తున్నాయి. సడెన్ గా ఓ మూడు వాహనాలు గాల్లోకి లేచాయి. ఏమైందో ఎవ్వరికీ అర్దం కాలేదు. ఆ దృశ్యాలు సీసీటీవీలో రికార్డయ్యాయి.... |
| చైనాలో భారీ ప్రేలుడు... ధ్వంసమైన 5800 కార్లుచైనాలోని బీజింగ్ ప్రాంతం టియాంజిన్ లో ఓ భారీ ప్రేలుడు సంభవించింది. ఈ ప్రమాదంలో దాదాపు 5800 జాగోవర్ ల్యాండ్ రోవర్ కార్లు ధ్వంసం అయినట్లు భారత మాతృ సంస్థ, టాటా మోటార్ కంపెనీ, బాంబే స్టాక్ ఎక్సేంజ్ సమాచారం.... |
| declaration by the ʹStruggle Associationʹ, an underground Maoist organization in ChinaThe truck driversʹ strike took place on June 8, two days prior to the planned date. As of now, this spontaneous strike wave has rapidly spread to Jiangxi, Shandong, Sichuan, Chongqing, Shanghai, Anhui, Hubei, Zhejiang, and other provinces, elevating the strike to a national level. Truck drivers from all over the country have blocked major road |
| మావో జయంతి వేడుకలపై చైనా ఉక్కుపాదం -పెకింగ్‌ విశ్వవిద్యాలయం విద్యార్థి నేత అరెస్ట్స్వతంత్ర చైనా తొలి చైర్మన్‌ మావో జెండాంగ్‌ 125వ జయంతి వేడుకలపై షీ జిన్‌పింగ్‌ ప్రభుత్వం ఉక్కుపాదం మోపింది. మావో జయంతి వేడుకలు జరిపేందుకు సిద్ధమైన పెకింగ్‌ విశ్వవిద్యాలయం విద్యార్థి, వర్సిటీ మార్క్సిస్ట్‌ సొసైటీ చీఫ్‌ క్వీ హంక్సువాన్‌ను అరెస్ట్ చేసింది. |
| Underground Maoist group in China on the Pandemic and the CrisisIn April 2020, although the epidemic in most countries has still not been effectively controlled, the epidemic in China has gradually stabilized. So in the recent period of time, the so-called ʹChina achievementsʹ, ʹChina roadʹ, ʹChina modelʹ and other terms began to clamor by the drummer |